38.

Ol Sios Polisis na ol Gaidlains

38.1

Tek Pat long ol Sios samting

Papa bilong Yumi long Heven lavim ol pikinini bilong em. “Olgeta em wankain olsem long God,” na Em i invaitim olgeta “long kam long em na pat tek long gutpela bilong em” (2 Nephi 26:33).

38.1.1.

Atendens long ol Sios Mitings

Olgeta i welkam long kam long sakramen miting, ol narapela Sande mitings, na ol bung bilong hamamas bilong Sios bilong Jisas Krais bilong ol Seint long Las-De Het man em wok bilong em long lukluk gut long olgeta husait i go long miting ol mas rispek long ol holi samting

Ol dispela husait i go long miting mas abrusim na noken meikim samting ino stret o samting we bai pulim tingting bilong yu go long narapela hap na tingting stret long lotu na olo narapela pepos bilong miting. Olgeta krismas bilong ol lain na pasin bilong ol narapela Sios bung na bung bilong hamamas em yumi mas rispektim. Dispela pasin bilong man na meri paspas tumas long ai bilong olgeta man noken mekim na noken tu long dres ap na stailim long pulim tingting bilong ol lain go long narapela hap. Na tru tumas, noken mekim ol toktok bilong Politiks o toktok long ol pasin nogut o ol narapela mak bilong ol lain em i ken pulim tingting long miting em i fokas long Seivia

Sapos igat ol pasin ino orait, Bisop o Stek Presidensi bai givim kaunsel long dispela man o meri long hait ples na wantaim spirit long lav. Em i strongim tingting long ol dispela husait pasin bilong ol ino stret long taim long bung long tingting stret na kipim hap holi long olgeta husait i stap nau long wosipim Papa long Heven na Sevia.

Ol Sios miting haus i stap olsem properti bilong Sios na igat ol lo i stap. Ol lain husait ino bihainim dispela ol gaidlains em ol bai askim em long gutpela wei long noken kam long ol Sios miting na ol hamamas ol bung.

38.2

Ol Polisi bilong ol Odinens na ol Blesing

Jeneral infomesen long ol odinens and blesing em i stap insait long sapta 18. Infomesen long ol temple odinens em i stap insait long sapta 27 na 28. Ol Bisop bai toktok wantaim Stek Presiden sapos oli igat sumpla askim. Stek Presidensi bai toktok wantaim Eria Presidensi sapos oli igat sumpla askim

38.3

Sivil Marit

Ol Sios lida bai strongim bel long ol membas long kisim temple marit na bai sil insait long temple Sapos orait long Lo bilong Ples, Sios Lida bai, ken, karimaut

Ol sivil marit i mas mekim i stret wantaim lo bilong ples long wanem hap marit bai kamap

38.3.1.

Husait bai ken mekim wanpela Sivil Marit

Taim i orait wantaim lo bilong ples, ol dispela nau i sev olsem Sios Ofis man bai ken wok long koling bilong em long mekim ol sivil marit seremoni

• Misin Presiden

• Stek Presiden

• Distrik Presiden

• Bisop

• Brans Presiden

Dispela ol ofis lain bai ken mekim ol sivil marit namel long man na meri. Olgeta ol dispela ol kondisen bai mas stap:

• Dispela meri husait bai mart o man husait bai marit em i mas wanpela memba bilong Sios o igat baptisim dei.

• Mo yet dispela meri husait bai marit o dispela man husait bai marit membasip rekods bilong em, o bai bihain long baptisim, em mas stap insait long Sios Yunit long wanem hap dispela ofisa igo pas long dispela miting.

• Dispela Sios ofis man em i kisim tok orait long mekim marit ananit long lo bilong gavman insait long strong bilong kot long hap we marit bai kamap.

38.3.4.

Sivil Marit ol wokim insait lo haus lotu

Ol marit seremoni ken bai mekim insait long Haus Lotu sapos i nonap baragarpim nomol taim bilong Sios wok. Marit mas noken mekim long Sabat o long Mondei long apinun. Marit i kamap insait long Sios haus lotu i mas isi na i gat rispek. Singsing i mas holi, sowim rispek, na hamamas.

Marit ken kamap insait long haus lotu, kalsarel hol, o narapela gutpela rum. Marit mas bihainim ol gaidlain long rait yus bilong ol mitinghaus.

38.3.6.

Seremoni bilong Sivil Marit

Long mekim sivil marit , Sios ofisa bai tokim ol marit olsem, “Plis yu tupela holim han sut bilong yutupela .” Bihain em bai tok, “[Ful nem bilong man husait bai marit] na [ful nem bilong meri husait bai marit], Yu tupela i holim han sut bilong yutupela na i sowim olsem yutupela i meikim promis na nau bai yutupela go insait long presens bilong God na ol dispela witneses.” (Ol tupela marit i mas toksave long taim long ol lain husait bai witnes long dispela marit.)

Ofisa i mekim marit i bai askim man husait bai marit na tok, “[Ful nem bilong man husait bai marit], yu kisim [ful nem bilong meri husait bai marit] ananit long lo olsem em meri bilong yu, na wantaim tingting na laik bilong yu yet, yu promis trutru olsem yu bai kamap olsem kompanian bilong em na ananit long lo olsem man bilong em na bai yu stap wantaim em na em tasol na ino narapela nambaut; yu bai bihainim lo, olgeta rait, na meikim wok go long dispela marit; na yu bai lavim, honarim na holim klostu long lewa oltaim taim yu tupela i stap?”

Man husait i marit bai ansa na tok, “Yes” o “Bai mi mekim.”

Ofisa i mekim marit i bai askim meri husait bai marit na tok, “[Ful nem bilong meri husait bai marit], yu kisim [ful nem bilong man husait bai marit] ananit long lo olsem em man bilong yu, na wantaim tingting na laik bilong yu yet, yu promis trutru olsem yu bai kamap olsem kompanian bilong em na ananit long lo olsem meri bilong em na bai yu stap wantaim em na em tasol na ino narapela nambaut; yu bai bihainim lo, olgeta rait, na meikim wok go long dispela maret; na yu bai lavim, honarim na holim klostu long lewa oltaim taim yu tupela i stap?”

Meri husait i marit bai ansa na tok, “Yes” o “Bai mi mekim.”

Ofisa i mekim marit bai toktok long maret man na maret meri, “Long pawa na atoriti oli givim long mi olsem elda bilong Sios bilong Jisas Krais bilong ol Seint long Las-de, Mi tok long yu [nem bilong maret man] na [nem bilong maret meri], maret man na meri, ananit long lo bilong maret long taim yupela stap long dispela graun.”

(Narapela wei bilong tokok bilong kaplain ino serv olsem presidin ofisa bai olsem: “Long dispela pawa na atoriti i givim long mi olsem kaplain insait [brans bilong militari o sivilian orgenasesen, Mi tok long yu, [nem bilong marit man] na [nem bilong marit meri], marit man na meri, ananit long lo bilong marit long taim yupela stap long dispela graun.”)

“God bai blesim yu tupela long stap waitaim hamamas insait long gudpela sindaun na longpela laif bilong hamamas wantaim, na Em bai blesim yu taim yu kipim ol holi promis yu bin mekim. Dispela ol blesin mi lusim antap long yu insait long nem bilong Lord Jisas Krais, amen.”

Invitesen long kis olsem marit man na meri em laik bilong wanwan, bihainim kalsa bilong wanwan.

38.4

Polisi bilong Siling

Ol temple siling odinenses em i bringim famili oltaim oltaim taim ol membas i stap turu long ol kavanen ol wokim taim ol kisim ol odinens. Siling odinenses i gat:

• Siling bilong Marit Man na Meri bilong em.

• Siling bilong ol pikinini go long ol mama na papa bilong ol.

Ol husait i kipim kavanen bilong ol bai kisim ol wanwan blesing i kam wantaim siling. Dispela em i turu sapos dispela man o meri bilong em i burukim kavanen o burukim marit.

Ol feitpul pikinini husait ol sil go lo mama papa o bon insait long kavanen bai kisim ol blesing bilong oltaim oltaim long kamap gutpela man na meri. Dispela em i tru maski mama papa i rausim marit siling, rausim membasip long Sios, o askim long rausim membasip.

Membas mas kaunsel wantaim bisop bilong ol sapos ol gat askim long polisi bilong siling. Bisop bai mekim kontek wantaim stek presiden sapos em i gat askim. Ol stek residen i gat askim em bai ken toktok wantaim temple presidensi insait long temple distrik bilong em, Eria Presidensi, o Ofis bilong Nambawan Presidensi.

38.5

Temple Kolos na Gamens

38.5.1.

Ol Temple Kolos

Long taim bilong endaumen na siling odinenses insait long temple, membas bilong Sios bai werim waitpela kolos. Ol meri bai werim dispela ol waitpela kols: longpela-han or tripela-kwata han kolos (o sket or tripela-kwata-han kolos (o sket na longpela-han or tripela-kwata han blaus), sok o ol samting bilong putim su, na su o slipas.

Men bai werim dispela ol waitpela kols: longpela han-siot, nektai o bou tai, trausis, soks, na su or slipas.

Long taim bilong endaumen na silin odinenses, membas bai putim sampela moa seremoni klos antap long ol waitpela klos bilong ol.

38.5.2.

Kisim ol Temple Kolos na Gamens

Wod na stek lidas bai strongim bel bilong endau membas long kisim temple klos bilong ol yet. Yu ken baim ol Temple kolos na gamens lo Distribusen stoa bilong Sios o long store.ChurchofJesusChrist.org. Stek na wod klak bai ken halivim ol membas odarim ol klos.

38.5.5.

Werim na Lukautim gud ol Gamens

Membas husait kisim endaumen mekim kavanen lo werim temple gamen olgeta taim lo laif bilong ol.

Em i wanpela holi blesing long werim temple gamen. Long mekim dispela pasin em long soim insait komitmen lo bihainim Seivia Jisas Krais.

Dispela gamens em long halivim yumi tingim ol kavanen yumi mekim insait long temple. Taim ol i werim gud long olgeta taim long laif bilong ol, em bai ken lukautim em.

Gamen mas i werim ananit long ol autsaid klos. Em i laik bilong wanwan sapos ol laik werim ol narapela andagarmens long werim antap o ananit long ol temple gamen.

Noken rausim ol gamens lo ol activitis we dispela activiti ken wokim wantaim ol gamens em i stap yet. Em mas noken senis long stap gut bilong ol kain kain pasin bilong klos.

Ol gamens em i holi na mas lukautim wantaim rispek. Ol Endau membas mas painim kaunsel bilong Holi Spirit long kisim ol ansa bilong wanwan askim long werim gamen.

38.5.7.

Rausim igo ol Gamens na Seremoni Temple Kolos

Lo toromai ol bagarap temple gamens, ol membas mas katim na brukim ol mak. Membas bai katim olgeta kolos i stap yet so bai nonap luksave olsem em i gamen. Ol kolos i stap yet bai ken toromai i go.

Membas bai ken givim ol gamens na temple kolos i stap long gutpela lukluk long ol narapela endau membas.

38.5.8.

Ol Temple Kolos bilong ol idai

Sapos em i orait, ol endau membas husait i dai mas planim o ol i kukim bodi insait long temple kolos. Sapos pasin tumbuna o pasin bilong planim bodi em i no orait o i hat, ol kolos bai ken foldim na putim long sait bilong bodi idai.

Bodi bilong dai man bai bilas long ol temple gamens na ol dispela ol waitpela kolos: longpela han-siot, nektai o bou tai, trausis, soks, na su o slipas. Bodi bilong dai meri bai bilas long ol temple gamens na ol dispela waitpela kolos: longpela-han o tripela-kwata-han kolos (o sket na longpela-han or tripela-kwata-han blaus), soks o ol samting bilong putim su, na su o slipas.

Seremoni temple kolos bai bilas long bodi bihainim ol instrakson insait long endaumen. Rob bai putim long han sut sait solda na bai pasim wantaim rop long han kais sait long mak bilong weis. Epron bai i stap gut raunim long mak bilong weis. Hap bilong laplap bai putim raunim weis na pasim long bou antap long han kais hip. Na kep bilong man em bai putim arere long bodi bilong em i go inap taim bilong pasim kasket o kontena. Kep bai mas putim wantaim bou antap lo han kais iau. Vel bilong meri bai mas i karamapim pilo long baksait long het bilong em. Veil bilong pasim pes bilong meri pastaim long planim bodi o long kukim em laik bilong wanwan, long laikim bilong ol famili.

38.6

Polisi bilong ol save bilong Gutpela na Nogut pasin

38.6.1.

Rausim pikinini insait long bel

Bikpela i tok strong olsem, “Yu mas noken … kilim, na tu wokim samting klostu olsem ol dispela” (Doctrine and Covenants 59:6). Na Sios i save agensim pasin long rausim pikinini insait long bel long gutpela sindaun bilong wanwan. Membas mas noken tok lo givim, mekim, stretim, baim, tok orait, o strongim bel long bagarapim pikinini insait long bel. I gat sampela ol samting we ol bai givim tok orait em:

• Karim bel em i kamap long reip o silip wantaim pikinini meri bilong em.

• Wanpela gutpela dokta bai skelim olsem laip na helt bilong mama karim bel em stap long bikpela hevi.

• Wanpela gutpela dokta bai skelim olsem pikinini em i gat bikpela hevi na bai nonap larim pikinini stap i go long taim long karim.

Tasol dispela ol samting i no givim tok orait long rausim pikinini insait long bel. Rausim pikinini em wanpela bikpela samting. Em ken kamap bihain long ol lain i go pas i gat dispela strongpela tingting ol i kisim thru long prea. Ol memba bai kaunsel wantaim bisop bilong ol long dispela.

38.6.2.

Bagarapim narapela

Bagarapim narapela long mekim nogut pasin o lusim tingting long wei bai bodi pilim pen, bagarapim bodi, bel hevi, o hevi long moni. Sios posisen em i sanap long em i olsem em bai no inap long sapotim o larim ol lain husait save bagapim narapela long kainkain ol nogut pasin nambaut. Husait dispela save bagarapim man o meri bilong em, pikinini, narapela ol famili lain, o ol narapela ol lain em i sowim olsem em brukim lo bilong God na man.

Olgeta ol membas, mo yet long ol papa na mama o ol lidas, em ol i mas stap alet na lukluk gut na mekim olgeta samting ol i ken mekim long putim ai na was long pikinini na ol narapela long dispela pasin bilong ol lain save bagarapim tru ol lain. Sapos ol membas i save long dispela pasin bilong bagarapim tru ol lain i kamap, ol i bai ripotim go long raitpela ol lo atoriti na kaunsel wantaim bisop. Ol lidas bilong sios ol i mas siries long ol kain ripot long ol lain save bagarapim tru narapela na noken tru lus tingting na larem go ol dispela kain ol ripot.

Ol bikpela ol man na meri husait save wok wantaim ol liklik pikinini na ol yut em ol i mas pinisim pikinini na yut trenin insait long wanpela mun long dispela taim ol i bin sastenim ol (lukim ProtectingChildren.ChurchofJesusChrist.org). Bihain long tripela krismas ol i mas mekim dispela trenin ken.

Taim dispela pasin bilong bagarapim tru narapela i kamap, namba wan samting na wok stret bilong ol Sios lidas em long halivim ol lain husait i kisim bagarap tru long ol narapela na putim ai na was long ol lain husait nogat strong na sapot long stopim dispela pasin bilong kisim bagarap tru long narapela long bihain taim. Ol lidas i noken enkarijim wanpela man o meri long stap long haus tasol o long situesen we em bai kisim bagarap tru o em pilim ino seif.

38.6.2.1

Telefone Namba bilong ol lain husait save Halivim ol lain Kisim bagarap tru long narapela

Long sampela ol kantri, Sios em i meikim wanpela konfidensel halivim Telefone long halivim ol presidens na ol bisops long halivim ol lain husait i kisim bagarap tru long narapela. Dispela ol lidas sapos long kwiktaim kolim halivim lain long wanem situesen dispela man o meri husait save kisim bagarap tru long narapela—o em i klostu long kisim tru bagarap. Ol i mas kolim tu sapos ol i luksave olsem wanpela memba i lukluk long em, baim, o em wok long givim go long ol liklik pikinini ol dispela ol piksa nogut.

Insait long kantri we nogat halivim lain, bisop husait luksave long man o meri husait i kisim bagarap tru long narapela em mas toksave long stek presiden. Stek presiden i mas bihainim gaidens bilong eria ligol kaunsil long area ofis.

38.6.2.2

Kaunselim Sapos wanpela em Kisim Bagarap tru long narapela

Ol lain husait i kisim bagarap tru long narapela em ol save kisim bikpela bagarap long skin o het . Stek presidens na bisop i mas kam wantaim sore trutru long lewa na pilim stret wanem narapela i pilim. Ol i givim spirisol kaunselin na sapot long halivim ol lain husait i kisim bagarap long ol bai ken winim ol kainkain ol sik bilong ol lain save kisim bagarap tru long narapela.

Sampela taim ol lain husait i kisim bagarap save pilim sem o ol no save pilim nogut long ai bilong ol lain. Ol lain husait i kisim tru bagarap long narapela em ol ino stap long sin Ol lidas halivim ol na ol femli bilong ol yet i andasten olsem lav bilong God bai ken hilim na em kam thru long Jisas Krais na Atonmen bilong Em (lukim Alma 15:8; 3 Nifai 17:9).

Ol stek presidens na bisop i mas halivim man o meri bagarapim tru narapela long tanim bel na stopim pasin bilong bagarapim narapela. Sapos wanpela bikpela man o meri i bagarapim na mekim pasin nogut long liklik pikinini, dispela pasin bai ino isi long senisim Taim long tanim bel bai go longpela. Lukim 38.6.2.3.

Antap long dispela halivim kisim long ol lidas bilong Sios, ol lain husait kisim bagarap tru, ol lain husait save bagarapim tru narapela, na ol femli bilong ol na ol mas i go long profesenol kaunselin. Long ol infomesen, lukim 31.3.6.

38.6.2.3

Liklik pikinini o Yut kisim tru bagarap long narapela

Bagarapim tru liklik pikinini o yut em wanpela siries sin (lukim Luk 17:2). Olsem yusim long hia, liklik pikinini o yut kisim tru bagarap long narapela em i olsem:

• Narapela i bagarapim tru skin Wanpela i bagarapim na paitim bodi bilong narapela. Sampela i kisim bagarap long narapela em bai yu hat tru long lukim long ai.

• Pasin bilong silip wantaim narapela na bagarapim ol o salim ol long mekim pamuk pasin na yu kisim moni o present Gat dispela pasin bilong silip wantaim na bagarapim liklik pikinini o yut o yu save tasol yu larim tasol o halivim ol narapela long mekim dispela kain ol pasin. Olsem yusim long hia, pasin bilong silip wantaim narapela na bagarapim em i no wankain olsem tupela youngepla agree long silip wantaim na krismas bilong ol i klostu long narapela.

• Narapela I bagarapim tru Tingting: Yusim pasin na toktok long givim bikpela bagarap long liklik pikinini o yut long pasin bilong rispektim ol yet o gat gutpela tingting. Planti taim ol save mekim olgeta taim long toktok nogut long narapela, giamanim tingting, na toktok bagarap olsem semim na mekim ol pilim liklik long ol yet. Em ken olsem no save lukautim.

• Piksa nogut bilong ol Pikinini: Lukim 38.6.6

Sapos bisop o stek presiden save o luk save long liklik pikinini o yut kisim tru bagarap long narapela, em bai bihainim gut tru ol instraksens insait long 38.6.2.1 Em bai ken painim wei long kisim halivim long banisim ol long kisim bagarap long narapela.

Sios membasip kaunsil na rekod anoteisen bai ken makim sapos wanpela bikpela man o meri i bagarapim liklik pikinini o yut long narapela olsem em i tok long dispela seksen. Lukim tu 38.6.2.5.

Sapos wanpela pikinini em i bagarapim wanpela liklik pikinini, stek presiden bai toksave igo long Ofis bilong Nambawan Presiden long kisim toktok long wanem samting long mekim.

38.6.2.4

Bagarapim Meri bilong yu o Man bilong yu o Narapela Man o Meri.

Planti taim ino nogat wanpela toktok long bagarapim narapela long putim insait long olgeta samting. Tasol, igat planti bikpela toktok long pasin bilong bagarapim narapela. Dispela ol bikpela toktok save kamap long wanwan taim yuim ol toktok igat bikpela havi long bagarapim tru narapela.

Sapos bisop o stek presiden save o luk save long bagarapim tru meri bilong yu o man bilong yu o narapela man o meri, em bai bihainim gut tru ol instraksens insait long 38.6.2.1 Em bai ken painim wei long kisim halivim long banisim ol long kisim bagarap long narapela.

Ol lidas save painim daireksen long holi Spirit long luksave sapos dispela bai wanwan kounselin o bai membasip kounsil em bai orait stret long toktok long pasin bilong bagarapim narapela. Ol i mas kounsel wantaim prishud lida stret long hao long sidaun na stretim toktok. Tasol, kainkain ol pasin bilong bagarapim tru meri bilong yu o man bilong yu o narapela man o meri i save go antap tru long levol we i bai nidim long holim membasip kaunsil.

• Narapela i bagarapim tru skin Wanpela i bagarapim na paitim bodi bilong narapela. Sampela i kisim bagarap long narapela em bai yu hat tru long lukim long ai.

• Pasin bilong silip wantaim narapela na bagarapim ol: Lukim ol toktok moa long dispela ol situesen we em i stap long 38.6.18.3.

• Narapela i bagarapim tru tinting: Yusim pasin na toktok long givim bikpela bagarap long man o meri long pasin bilong rispekim ol yet o gat gutpela tingting. Planti taim ol save mekim olgeta taim long toktok nogut long narapela, giamanim tingting, na toktok bagarap olsem semim na mekim ol pilim liklik long ol yet.

• Bagarapim tru narapela long kisim Moni: Kisim sans long ol narapela long kisim moni. Dispela em bai olsem wokim rong o nogat tok orait long yusim ol samting bilong ol lain, moni, o ol narapela gutpela samting. Dispela em i olsem faul moni long kisim strong long moni long kontrolim wanpela. Dispela em i olsem yusim strong long moni long pasin bilong fosim narapela man or meri.

38.6.2.5

Sios Kolings, Temple Rekomens, na Membasip Rekod Anotaisens

Ol Membas husait i save mekim pasin bilong bagarapim narapela i mas noken kisim ol Sios kolins na mas noken kisim temple rekomen i go inap ol i tanim bel na ol i bai rausim tambu long Sios membasip.

Sapos wanpela man o meri i bagarapim tru wanpela liklik pikinini o yut long pasin pamuk o bikpela bagarap long liklik pikinini o yut lo paitim bodi o bagarapim tingting na sidaun, membasip rekod bilong dispela man o meri bai ol putim mak long em. Dispela meri or men mas noken kisim ol kolim o wok long mekim we ol liklik pikiniini o yut i stap. Dispela inkludim long noken givim wanpela wok long minista long wanpela famili we i gat yut o pikinini i stap long haus. Na tu inkludim long noken givim wanpela yut olsem ministarin kompanion. Dispela ol tambu mas stap insait i go inap ol Nambawan Presidenses givim tok orait long rausim long anotatisen.

38.6.2.6

Stek na Wod Kaunsils

Insait long stek na wod kaunsil mitings, stek presidensi na ol bisop na ol wok lain bilong em bai olgeta taim lukluk long ol Sios polisis na ol gaidlains long stopim na luksave long wanpela i bagarapim narapela. Ol Lida na kaunsil membas bai bihanim rot we spirit i sowim taim ol tis na toktok long ol samting i gat hevi long narapela.

Kaunsil membas tu bai makim na pinisim ol trainin bilong banisim ol pikinini na yut. (lukim 38.6.2).

38.6.2.7

Hevi bilong Lo long wanem wanpela i bagarapim narapela

Sapos pasin long wanpela memba i burukim lo, bisop o stek presiden mas toktok strong long memba long repotim dispela ol samting long ol wok man bilong lo o ol narapela raitpela gavaman wok lain.

Sios lidas na membas mas mekim olgeta samting bihanim lo long repotim pasin bilong bagarapim narapela go long ol gavaman wok lain.

38.6.4.

Spesim long karim pikinini

Dispela em i gutpela bilong ol maret lain husait i ken karim pikinin long dispela bodi bilong ol spirit pikinini bilong God, ol i gat wok long mekim long sapotim na lukautim gut (lukim 2.1.3). Long disisen long gat hamaspela pikinini na wanem taim long karim ol stap long laik bilong wanwan na stap privet. Em i mas stap wantaim tupela maret ol yet na Bikpela .

38.6.5.

Klinpela pasin na stap tru

Lo bilong klinpela pasin bilong Bikpela em:

• Banisim yu yet long pasin bilong silip wantaim narapela autsaid long gavaman maret namel long wanpela man na meri.

• Stap tru insait long maret.

Paspas wantaim bodi namel long maret man na maret meri em is mas gutpela tru na holi. Em i bin odain long God bilong mekim pikinini na long sowim lav namel long maret man na maret meri.

38.6.6.

Nogut piksa long ol pikinini

Sios i save agensim kainkain ol piksa nogut long ol pikinini. Sapos bisop o stek presiden save olsem wanpela memba em putim em yet na bihainim piksa nogut bilong pikinini, em bai bihainim gut tru ol instraksens insait long 38.6.2.1.

38.6.8.

Samting bilong Meri ol oparate long em

Sios em i no save sapotim oparate long samting bilong ol meri.

38.6.10.

Pasin Nogut bilong Slip wantaim wanpela Famili memba

Sios em i no save sapotim ol pasin nogut bilong slip wantaim ol famili memba. Olsem em i tok long hia, Long gat seksol releisionsip insait long wanpela Femli em seksol releisionsip namel long:

• Wanpela Papa o mama na wanpela pikinini.

• Bubu man o bubu meri na wanpela bubu bilong ol.

• Namel long ol brata na susa.

• Wanpela unkol o anti na wanpela pikinini meri or man bilong brata o susa.

Olsem em tok long hia, pikinini, ol bubu, brata na susa, pikinini meri bilong brata o susa, na pikinini man bilong brata o susa em tok long ol blut trutru, ol pikinini ol kisim na lukautim, pikinini long narapela maret, o pikinini we ol i lukautim gut releisionsips.

Taim wanpela liklik pikinini em kisim hevi bilong dispela pasin nogut bilong man o meri i slip wantaim wanpela famili memba , bisop o stek presiden bai toktok wantaim ol Sios bagarapim halivim lain insait long kantri sapos i stap (lukim 38.6.2.1). Long narapela kantries, stek presiden i mas bihainim gaidens bilong eria ligol kaunsil long area ofis. Em i bai kisim strongpela toktok long kaunsel wantim ol Femil Servis wok lain o welfare na self-reliance bos man long eria ofis.

Sios membasip kounsil na rekod anoteisen bai kamap sapos wanpela memba em i mekim pasin bilong gat seksol releisionsip insait long wanpela femli. Long gat seksol releisionsip insait long wanpela femli em bai olgeta taim bai nidim Sios long rausim membasip bilong dispela memba.

Sapos wanpela liklik pikinini em i mekim pasin bilong gat seksol releisionsip insait long wanpela femli, stek presiden bai toksave igo long Ofis bilong Nambawan Presiden long kisim toktok long wanem samting long makim.

Ol lain kisim bagarap long gat seksol releisionsip insait long wanpela femli save kisim bikpela bagarap long dispela pasin. Lidas mas kambak wantaim sore trutru long lewa na pilim stret wanem narapela i pilim. Ol i givim spirisol sapot na kounselin long halivim ol lain husait i kisim bagarap long pasin bilong gat seksol releisionsip insait long wanpela femli.

Sampela taim ol lain husait i kisim bagarap save pilim sem o ol no save pilim gut long ai bilong ol lain. Ol lain husait i kisim tru bagarap long narapela em ol ino stap long sin Ol lidas halivim ol na ol femli bilong ol yet i andasten olsem lav bilong God bai ken hilim na em kam thru long Jisas Krais na Atonmen bilong Em (lukim Alma 15:8; 3 Nephi 17:9).

Antap long dispela halivim kisim long ol lidas bilong Sios, ol lain husait kisim bagarap na ol famli bilong ol na ol mas i mas go long profesenol kaunseling. Long ol infomesen, lukim 38.6.18.2.

38.6.12.

Sanguma Wok

Sanguma wok i save fokas long tutak na em i save giaman. Em i save bagarapim bilip long Jisas Krais.

Sanguma wok em ol save beten long Satan. Dispela em i tok tu long kainkain ol ektiviti we em ino go wantaim gospel bilong Jisas Krais. Dispela pasin em i tok tu long (ino dispela tasol igat planti moa) glas-man, kesim ol lain, na mekim sampela ol ples pasin long hilim ol lain we em i traim long giaman bihainim prishud pawa bilong God (lukim Moroni 7:11–17).

Ol sios membas mas noken tru meikim samting we i sowim olsem em i lotu long Satan o mekim pasin sanguma o glas man o ol kain samting olsem. Ol i mas noken fokasim toktok bilong ol long kain ol samting olsem o insait long ol sios mitings.

38.6.13.

Piksa nogut

Sios em i agensim piksa nogut long kainkain wei em save kamap. Kainkain ol piksa nogut wanpela i yusim em bai bagarapim em yet, famili na sosaiti. Em save ronim Spirit bilong Bikpela go longwe. Ol sios membas mas noken tru bihainim ol piksa nogut samting na noken tru sapotim kain samting olsem, na yusim.

Kaunselin long wanwan na membasip tambuim we em bai nonap stap insait long sistem tasol ol lidas yet bai halivim na em bai tanim bel na lusim pasin bilong yusim piksa nogut. Membasip kaunsil em ol i no save holim miting bilong em. Tasol, wanpela kaunsil bai orait sapos wanpela i save lukluk olgeta taim na em i hat tru long lusim pasin bilong yusim piksa nogut we em i bagarapim maret bilong em o famili (lukim 38.6.5). Kaunsil em i ken kamap sapos memba mekim, serim, igat long skin bilong em, o em i mekim ken long lukluk long piksa nogut we pikinini i stap insait (lukim 38.6.6).

38.6.14.

Nogut Pasin

Olgeta lain em pikinini bilong God. Olgeta em brata na susa husat i pat bilong famili bilong Em (lukim “Famili: Tokaut i go long Wol”). God “mekim olgeta wanpela blut tasol” (Acts 17:26). “Olgeta em wankain” olsem Em (2 Nephi 26:33). Wanwan ol lain “em i bikpela tru long Ai bilong Em” (Jacob 2:21).

Nogut pasin em ino kamap klostu klostu wantaim tok bilong God we em save kam. Em bai laikim o ino laikim em i stap long han bilong God na pasin bilong honarim Em na bihainim komanmen bilong Em, na ino long skin color o pasin bilong ol.

Sios i singaut go long olgeta lain long lusim pasin bilong mekim nogut pasin long ol grup o wanwan ol lain. Ol membas bilong sios mas go pas na sowim rispektim olgeta pikinini bilong God. Ol membas i mas bihainim komanman bilong Sevia long lavim ol narapela (lukim Matthew 22: 35–39). Ol i traim bes long mekim gut long ol narapela, lusim dispela.nogut pasin. Dispela em ol i toktok long Nogut Pasin we em i toktok long skin kala, ples bilong em, kantri, traib

38.6.15.

Pasin bilong Man laikim Man na Meri laikim Meri

Sios save toktok strong long ol famili na membas long havilim wantaim bel sore, lav, na rispek long lain we i gat laik long man laikim man na meri laikim meri. Sios em strongim na sapotim dispela tingting long sosaiti olsem tisim ol lain long ol kamap gutpela ol lain, stap wantaim, lavim ol narapela, rispektim olgeta man, meri, na pikinini. Sios em no save sapotim o go agenstim taim em kam long pasin bilong man laikim man na meri laikim meri yet.

God i givim komanmen na em i stopim pasin we ino klin, na em i toktok tu long meri o man ino mekim gavaman maret em ol mas noken silip wantaim o pasin bilong man laikim man o meri laikim meri yet em mas noken kamap. Sios lidas save kaunselim ol memba husait i burukim lo bilong sastiti. Ol lidas save halivim ol long gat klia tingting long gat bilip long Jisas Krais na Atonmen bilong em, wei bilong tanim bel, na pepos bilong laif long dispela graun.

Sapos ol man membas i pilim olsem ol laikim man yet na ol meri membas i pilim olsem ol laikim meri yet tasol ol save wok strong long bihainim lo bilong sastiti, lidas save sapotim na strongim bel bilong ol na long dispela em ol bai ken stretim dispela. Dispela ol membas em ol i ken kisim Sios kolin, ol bai ken gat temple rekomends, na kisim temple odinens sapos ol i weti. Ol man Sios membas bai i ken kisim na yusim dispela prishud.

Olgeta ol membas husait save holim pas na bihainim ol kavanens bilong ol em ol bai kisim dispela ol promis blesings insait long taim bilong stap oltaim oltaim maski stap kirap bilong ol we ol ino kisim dispela blesin bilong maret oltaim oltaim na kamap mama na papa long dispela graun. (lukim Mosaia 2:41).

38.6.16.

Man i Maritim Man na Meri Maritim Meri

Em wanpela tok tru doktrin, em i stap long ol skripsa, Sios i tok aut olsem maret namel long man na meri em i impoten long plan bilong Bikpela long stap oltaim oltaim na dispela em i bilong ol pikinini bilong Em. Sios em i tu tok aut olsem lo bilong God em i olsem man na meri ol i mas maret aninit long lo bilong gavaman.

38.6.17.

Kisim skul long Pasin bilong Man na Meri Slip Wantaim

Ol mama na papa gat nambawan wok long lainim pikinini long wanem samting em ol lain save silip wantaim narapela na raitpela wei long meikim dispela pasin. Mama na papa mas gat honest, klia, na toktok wantaim ol pikinini bilong ol longl samting long stap helti, pikinini mas kisim gutpela save long jenda bilong em.

38.6.18.

Bagarapim, Reipim na ol narapela kainkain Pasin Nogud

Sios em i no save sapotim wanpela we save silip wantaim na bagarapim narapela tru. Olsem long hia, seksual abius em i olsem wanpela i fos na silip wantaim narapela tasol em ino long laik na tingting bilong dispela meri o man. Silip na mekim pasin nogut wantaim wanpela tasol em ino givim tok orait o wanpela i hat tru long givim tok orait em i makim olsem dispela em seksual abius. Seksual abius bai ken kamap namel long maret lain o man na meri we ol i raun wantaim tasol ol ino maret. Long informasen long seksual abius long likik pikinini o yut, lukim 38.6.2.3.

Seksual abius i karamapim planti ol pasin, long mekim nogut long narapela go inap long reipim na ol narapela pasin blilong bagarapim narapela nogut tru. Em i ken kamap long bodi, toktok na ol narapela ol wei. Long gaidens long kaunselim ol membas husait dispela hevi seksual abius, reipim, o narapela ol nogut pasin, lukim 38.6.18.2.

Sapos ol membas i save long dispela pasin bilong seksual abius, ol i mas mekim wanpela gutpela pasin long banisim dispela man o meri husait i kisim bagarap na ol narapela tu husait i kisim bagarap. Em i tok olsem ripotim go long ol raitpela atoriti na tosave long bisop o stek presiden. Sapos liklik pikinini o yut kisim tru bagarap long narapela, ol membas i mas bihainim ol instraksens insait long 38.6. 2.

38.6.18.2

Kaunselin bilong ol lain husait kisim bagarap long Seksual Abius, Reipim, na ol narapela kainkain Pasin Nogut

Ol lain husait i kisim bagarap tru long narapela em ol save kisim bagarap long skin o het . Taim ol i tokaut long bisop o stek presidens, em i mas kam wantaim sore trutru long lewa na pilim stret wanem ol i pilim. Em i givim spirisol kaunselin na sapot long halivim ol lain husait i kisim bagarap long ol bai ken winim ol kainkain ol sik bilong ol lain save kisim bagarap tru long narapela. Em tu i ringim ol Sios lain husait save halivim ol lain kisim bagarap tru long narapela long gaidens.

Sampela taim ol lain husait i kisim bagarap save pilim sem o ol no save pilim gut long ai bilong ol lain. Ol lain husait i kisim tru bagarap long narapela em ol ino stap long sin Ol lidas i noken blemim ol lain husait i kisim bagarap tru long narapela. Ol i halivim ol na ol femli bilong ol i long andasten olsem lav bilong God bai ken hilim na em kam thru long Jisas Krais na Atonmen bilong Em (lukim Alma 15:8; 3 Nephi 17:9).

Ol membas i givim infomesen long abius o mekim nogut pasin long narapela, ol lidas i mas noken fokas long olgeta liklik stori ol i tok. Dispela i ken bagarapim ol lain husait i kisim bagarap long narapela.

Antap long dispela halivim kisim long ol lidas bilong Sios, ol lain husait kisim bagarap tru na ol femli bilong ol em ol i mas go long profesenol kounselim. Long ol infomesen, lukim 31.3.6.

38.6.18.3

Ol Membasip Kaunsil

Wanpela membasip kaunsil i mas kamap sapos wanpela husait i mekim pasin nogut o bagarapim narapela. Wanpela membasip kaunsil i mas kamap sapos wanpela memba i reipim o em i mekim rong pinis taim em i mekim kainkain nogut pasin long bagarapim ol lain.

38.6.20.

Laik long kilim em yet

Dispela laip em i gutpela presen bilong God—dispela presen we em i bikpela tru na ol i mas lukautim gut. Sios i sapotim tru long stopim ol lain husait laik long kilim ol yet.

Planti ol lain husait i tingting long kilim ol yet ol save laik lo long pilim dispela gutpela filin taim ol i bagarapim bodi, tingting, bel hevi, o spirisol pen. Dispela kain ol lain em ol i nidim lav, halivim, na sapot long famili, ol Sios lidas, na ol profesenol stret.

Bisop i bai givim sapot sapos memba i tingting long kilim em yet o laik kilim em yet. Em i tu hariap tru long kisim ol profesenol long halivim dispela memba.

Maski ol gutpela pasin ol lav wans, ol lidas, na ol profesenol, i mekim tasol igat sampela taim man o meri bai go yet na kisim laip bilong em yet. Em i mekim lewa i buruk, hevi long bel, na ol askim bilong ol lav wans na ol narapela we husait bai ansarim. Ol lidas sapos long kaunselim na halivim ol famili long pinisim sore bilong ol. Ol i putim ai long lukautim na sapotim.

Em ino orait long wanpela man o meri kisim laip bilong em yet. Tasol, God yet em bai jasim tingting bilong wanpela, ol eksen, na levol bilong wok em i mekim long dispela graun (lukim 1 Samuel 16:7; Doctrine and Covenants 137:9).

Ol lain husait lusim wanpela man o meri ol laikim tumas em kilim em yet bai ken painim bel isi na orait insait long Jisas Krais na atonmen long em.

38.6.23.

Man sanisim long kamap meri na meri sanisim long kamap man

Man sanisim long kamap meri na meri sanisim long kamap man bai kisim plenti ol salens. Ol Membas na nonmembas husait i tok olsem ol i Man sanisim long kamap meri na meri sanisim long kamap man —na ol famili na friens— mas luksave wantaim gutpela pasin, mekim gutpela pasin, bel sore, na wantaim plenti tru Christlike lav. Olgeta i welkam long kam long sakramen miting, ol narapela Sande mitings, na ol bung bilong hamamas bilong Sios (lukim 38.1.1).

Man na meri em wanpela bikpela luksave long amamas plen bilong Papa long Heven. Dispela em minim olsem man o meri in long famili tokaut i go long wol em i bun wantaim bodi olsem man o meri. Sampela ol manmeri save expirienseim ol faul filin long au ol bun na pasin na luksave ol gat long ol yet. Tasol long dispela, ol bai luksave long ol olsem Man sanisim long kamap meri na meri sanisim long kamap man. Sios em no save sapotim o go agenstim taim em kam long pasin bilong man luksave long em yet olsem meri na meri lukim em yet olsem man.

Ol Sios wok na sompela ol prishud ordinans em genda neutrol. Man sanisim long kamap meri na meri sanisim long kamap man lain ken baptais na konfirm olsem insait long 38.2.8.10. Ol bai ken kisim sakramen na kisim prishud blesins. Tasol, prishud ordinanse na temple ordinanse bai ol kisim long wanem genda ol bin bon wantaim.

Sios lidas toktok strong long noken makim electivi medikol o surgicol senis bilong pepos long senis i go long narapela genda long wanem mama bin karim long em (“senisim wanem mama i karim long em”). Lidas save toksave olsem long mekim dispela pasin bai ken makim tambu long Sios membasip.

Lida save kounsil long noken makim amamas bung bilong transition. Amamas bung bilong transition em olsem sanisim bilas o bilas long pas na bodi, o sanisim nem o au long tok nem, long au wanpela bai luk diferent long tru luksave bilong em yet. Lidas em toksave olsem husait ol lain mekim bung bilong amamas long transition bai kisim sompela tambu long Sios membasip long taim ol stap olsem long transition.

Tambu em tok long kisim o exersim prishud, kisim o yusim temple rekomen, na kisim sompela Sios kalin. Tasol sompela tok orait long Sios membasip i tambu, narapela tek pat long Sios em orait.

Sapos memba i laik long senisim nem ol i givim long em o au ol bai save tok nem bilong em, dispela nem ol laik bai stap long rekod insait long nem laik hap insait long membasip rekods. Dispela man o meri bai ol luksave long em long dispela nem em laikim insait long wod.

Dispela sekumstansen bai senis long yunit tu yunit na wanwan man. Membas na lidas kaunsel wantaim na wantaim Bikpela. Eria Presidensi bai halivim ol lokol lidas long adresim ol wanwan situesen wantaim pasin bilong bel isi. Bisop bai toktok wantaim stek presiden. Stek presiden na misin presiden mas askim long kaunsel long ol Eria Presidensi (lukim 32.6.3).

38.7

Medikol na Helt polisi

38.7.2.

Planim na Tanim dai man igo long Das bilong Paia

Famili bilong dai man bai mekim disisen sapos bodi bilong dai man o meri bai ol planim o tanim i go long das bilong paia. Ol mas rispek long laik bilong wanwan.

Long sampela ol kantri, lo em tok long kukim dai man i go long das bilong paia. Long narapela taim, planim dai man em i no orait o isi long baim na mekim long ol famili. Insait long olgeta samting, bodi bilong dai man mas wokim wantaim rispek na reverens. Membas mas kisim bel isi long pawa long Kirap bek mas olgeta taim stap (lukim Alma 11:42–45).

Sapos em orait, bodi bilong dai man o meri husait i memba kisim endow mas bilas insait long seremoni temple kolos long taim long planim bodi o long tainim dai man i go long das bilong paia (lukim 38.5.8).

38.7.3.

Pikinini i Dai bipo long Mama Karim ol (Pikinini Dai long Bel na Pikinini Bagarap long bel)

Wanwan laik bilong mama papa bai ol ken mekim memorol o mamat servi.

Temple ordinas em no nid o long mekim bilong ol pikinini husait dai bipo long mama em karim. Dispela em no haitim olsem dispela ol pikinini em i no pat bilong famili insait long oltaim oltaim. Mama papa em ol toktok strong long trus long Bikpela na askim long kisim strong long em.

38.7.4.

Pinisim Laip bilong Man o Meri bihain long em Stap long Bikpela Pen

Dispela laip em i gutpela presen bilong God. Pinisim laip bilong man o meri bihain long em stap long bikpela pen long wanpela nogut sik o ol narapela nogut kondition. Wanpela man o meri husait mekim dispela pasim bilong pinisim laip bilong man o meri bihain long em stap long bikpela pen, olsem halivim wanpela man o meri long dai long kilim em yet, no bihanim komendmen bilong God an ol lo bilong graun.

Stopim o rausim liap sapot long wanpela man o meri long pinisim liap em ol no luksave olsem pinisim laip bilong man o meri (lukim 38.7.11).

38.7.5.

HIV binatang na AIDS

Membas husait i sik long HIV (human immunodeficiency virus) o husait i gat AIDS (acquired immunodeficiency syndrome) i welkam long Sios mitin na activitis. Ol kam long lotu em i no helt risk long ol narapela lain.

38.7.8.

Medikol na Helt Ke

Painim gutpela medkol halivim, yusim bilip, na kisim prishud blesin bai wok wantaim long hilim, long laik bilong Bikpela.

Membas mas noken yus o promot medkol o helt praktis long bihanim stretpela pasin, spirital, o pasin bihanim lo we bai gat askim. Husait i gat havi long helt mas toktok na lukim wanpela gutpela stret dokta husait i gat lisens insait long eria we ol i mekim wok.

38.7.9.

Medikol Mariwana

Sios i save agensim long yusim mariwana sapos ino bilong medikol. Lukim 38.7.14.

38.7.11.

Kisim marasin bilong stap longpela taim (kisim sapot long masin)

Membas mas noken filim olsem em i wok bilong ol long mekim laip long graun longpela . Dispela disisen em ol bihanim laik bilong man o meri, sapos orait, o long famili membas. Ol mas painim gutpela medikol toktok na gutpela gaidanse thru long beten.

38.7.13.

Banisim long sik nogut

Banisim long sik nogut sut em mekim long gutpela stret medikol man long banis helt na lukautim gut laif. Membas bilong Sios save toktok strong long lukautim gut stret lo yet, ol pikinini bilong ol, na komuniti bilong ol long banisim long sik nogut.

Olsem wanem, wanwan man o meri em risponsibol long mekim oun disesen long kisim sut long banisim long sik nogut . Sapos ol membas i gat hevi tingting, ol mas kounsil wantaim gutpela medikol man na mas painim gaidansen bilong Holi Spirit.

38.7.14.

Lo bilong Helt na gupela Helt Pasin

Lo bilong Helt em i komanmen bilong God. Ol Profets bin mekim klia long ol lainim insait Doctrine and Covenants 89 long stap long wei long sumuk, strongpela drin (alkahol), na hot drin (ti na kofi)

I gat ol narapela nogut samting na pasin em no toktok long em insait long Lo bilong Helt o ol Sios lidas. Membas mas yusim gutpela save na beten long stretim na makim rot long promotim bodi, spirit, na helt bilong tingting.

38.8

Edministrativ Polisis

38.8.1.

Kisim pikinini na Lukautim gut

Kisim pikinini na givim gutpela ke bai blesim pikinini na ol familis. Lav, na oltaim oltaim famili bai ken kamap long kisim pikinini. Sapos pikinini kam long famil long adopsen o karim, ol tu em wankain blesin.

Membas husait painim long kisim pikinini o givim gutpela ke long pikinini mas bihanim olgeta lo bilong kantri na gavaman em i stap.

38.8.4.

Sain na Foto bilong ol Jenerol Atoritis, Jenerol Ofis man, na Eria Seventi

Sios membas mas noken askim long sain bilong ol Jenerol Atoritis, Jenerol Ofis man, na Eria Seventi. Ol mekim dispela bai rausim ol long holi kolin na lo spirt mitins. Em i ken stopim ol tu long toktok na mitim ol narapela membas.

Sios membas mas noken kisim long foto bilong ol Jenerol Atoritis, Jenerol Ofis man, o Eria Seventi insait long haus lotu.

38.8.7.

Sios Magesin

Ol Sios megazin em i:

• Dispela Friend bilong ol liklik pikinini.

• Strong bilong ol Yut bilong ol yut.

• Ol Liahona bilong ol bikpela man meri.

Nambawan Presidensi em toktok strong long ol olgeta membas long ridim ol Sios megazin. Ol megazin bai ken halivim membas lainim gospel bilong Jisas Krais, studim ol tising bilong laif bilong ol profets, filim klostu long olgeta Sios famil, fasim hevi wantaim bilip, na go klostu long God.

38.8.8.

Sios Nem, Wodmak na Mak

Sios nem, wodmak na mak em ki bilong luksave long Sios.

Wodmak na mak. Sios wod mak na mak (lukim ol illustration antap) em long yusim taim ol tok orait i kam long Nambawan Presidensi na Koram bilong ol Twelv Aposel. Ol bai nonap yusim olsem samting bilong bilasples. O nonap bai yusim long laik bilong wanwan, komersol, o long kisim luksave.

38.8.10.

Komputa

Komputa na softwe yus insait long Sios haus bung em ol givim na lukautim long ol Sios hetkota o eria ofis. Ol Lidas na membas yusim dispela ol samting long sapotim popes bilong Sios, na wok bilong histori bilong famili.

Olgeta ol softwe long dispela komputa mas gat rait lisense i go long Sios.

38.8.12.

Karikulam Matiriel

Sios save givim ol materiol long halivim membas lainim na bihainim gospel bilong Jisas Krais. Dispela em i tok long ol skripsa, jenerol konferns toktok, megazin, lesen buk, na ol narapela resouses. Lidas mas strongim membas long yusim skripsa na ol narapela resouses taim ol nidi long stadim gospel long haus.

38.8.14.

Bilas na Lukluk bilong yu

Membas bilong Sios save toktok strong long sowim rispek long bodi bilong ol taim ol laik kisim raitpela kolos na long lukluk bilong ol yet. Wanem em raitpela bilas long olgeta kulture na bilong ol kainkain occasen.

38.8.16.

Fast Dei

Ol Membas i ken fast long laik taim bilong ol. Tasol, ol mas luk save long nambawan Sabat long wanwan mun olsem fast dei.

Fast dei em olgeta taim wantiaim beten, stap wantaim nogat kaikain na wara long wanpela 24-aua taim (sapos bodi em orait stret), na givim fast ofaring wantaim marimari. Fast oferin em wanpela doneisen long halivim ol lain i stap long nid (lukim 22.2.2).

Sampela taim Sios long olgeta hap or locol mitin save makim nambawan Sabat long ol mun. Taim dispela em kamap, stek presidensi save makim narapela Sabat bilong fast dei.

38.8.17.

Gambol na Loto

Sios no save laikim na givim tok orait long gambol long any kain. Dispela em i toktok long putim bet long spots na gavamen-sponsor loto.

38.8.19.

Suruk igo lo narapela peles long stap

Membas husait i stap bak long narapela ples i no mama graun save kisim opotuniti long sanapim na strongim Sios long hap. Tasol, imigratsen long narapela kantri em long wanwan laiik bilong ol.

Membas husait go long narapela kantri mas bihanim olgeta lo (lukim Doctrine and Covenants 58:21).

Misinari mas noken ofa long sponsorim imigrasen bilong narapela.

38.8.22.

Lo bilong Graun

Membas mas bihainim, ona, sasteinim lo insait long kantri we ol i stap o i go long em (lukim Doctrine and Covenants 58:21-22; Ol Bilip 1:12). Dispela em i tok long lo em i pasim proselitin.

38.8.25.

Membas Komunikat wantaim ol Sios Hatquatas

Sios membas em i no orait long rinim, eimailim, o raitim leta long Jenerol Atoritis long ol askim bilong doktrin, na wanwan salens, o ol askim. Ol Membas mas go long ol lokol lidas, inkludim ol Rilif Sosaiti o eldas kwarum presiden, long kisim spirtual gaidians (lukim 31.3).

38.8.27.

Membas i disable

Ol Lidas na membas i kisim gutpela toktok long adresim dispela ol nid bilong olgeta lain husat i stap insait long yunit bilong ol. Membas i gat disable i gat velu na ken kontribut long ol gutpela wei. Ol Disable i ken gat gutpela save ,olsem long said long sosol, imosenol, , o long bodi.

38.8.29.

Narapela Bilip

Plenti em i givim gutpela tingting, i gat biknem, na i gutpela bilong bikpela rispek i painim insait long plenti narapela bilip. Ol Misinari na ol narapela membas mas sowim rispek i go long ol narapela bilip na tradision bilong ol narapela lain.

38.8.30.

Ol Samting i Kamap long Politiks na Gavman

Sios membas toktok strong long tek pat insait long politiks na gavaman afas. Insait long plenti kantri, dispela em i:

• Votim.

• Bung wantaim o sev insait long politiks pati.

• Givim fainens sapot.

• Toktok wantaim ol narapela pati ofis lain na kendidet.

• Sev insait long ofis long lokol o nasinol gavman.

Membas em ol strongim ol long tek pat insait long gutpela samting long mekim komuniti wanpela ples long stap na kamap famili.

Lokol Sios lidas mas noken stretim membas long tek pat insait long politiks samtings. Na ol lidas mas noken tanim tingting long hau ol membas bai tek pat.

Lidas na membas mas stap long wei long statemen o pasin we bai mekim olsem Sios em luksave long ol politik parti, na platfom, polisi, o kanidat.

38.8.31.

Praivesi bilong ol Membas

Sios lidas em gat obligaisen long banisim privesi bilong ol membas. Sios rekods, fone nambas, na ol narapela wankain materols mas noken yusim long wanwan laik, long kisim luksave, o pepos bilong politiks.

38.8.35.

Man na Meri painim gutpela sindaun

Ap wok bilong ol long lukautim ol lain i gat nid (lukim Mosiah 4:26), Sios membas bai givim taim bilong ol, talent, na friensip long welkamoim ol man na meri painim gutpela sidanu olsem memba bilong komuniti.

38.8.36.

Askim lo kisim Sios Fainens Asistens

Membas husait gat nid em ol strongim ol long toktok wantaim bisop bilong ol na mas noken go long Sios hetkota o askim long moni long ol narapela Sios lidas o membas.