27.

Ol Temple Odinens bilong ol lain Husat I Stap Laip

27.0

Tok I Go Pas

Dispela temple em i haus bilong Bikpela. Em i soim yumi i go long Seivia, Jisas Krais. Insait long ol temple, yumi teik pat long ol sakred odinens na mekim ol kavanen wantaim Papa long Heven olsem i pasim yumi wantaim Em na long Seivia. Dispela ol kavanen na odinens bai redim yumi long go bek long Papa long Heven long stap bilong em na kamap sil wantaim ol famili bilong yumi long laip ino gat pinis bilong en.

Insait long ol temple kavanen na ol odinens,“dispela pawa bilong kamap olsem God bai stap ples klia” (Doktrin na Ol Kavanen 84:20).

Ol Temple kavanen na ol odinens i sakred. Dispela ol sain i go wantaim ol temple kavanen i mas noken toktok long ol dispela ausait long temple. Na yumi i mas noken toktok long ol dispela holi inpomesen yumi promis insait long temple long soim aut. Tasol, yumi ken toktok long as pepos na doktrin bilong ol temple kavanen na ol odinens na dispela ol spiritol pili yumi gat insait long temple.

Ol Wod na stek lida toktok long ol inpomesen insait long dispela sapta wantaim ol memba husat i redi stap long kisim dsipela endaumen o ol silin odinens.

27.1

Kisim Ol Temple Odinens

27.1.1

Redi Long Kisim Ol Temple Odinens

Ol Memba i mas redim ol yet long spirit long kisim ol temple odinens na long mekim na honim ol temple kavanen.

Ol papa mama i gat dispela praimeri wok long halivim ol pikinini bilong ol long redi long kisim ol temple kavanen. Ol Stek na wod lida, ol ministerin brata na susa, na sampela ol famili memba i mas sapotim ol papa mama long dispela rol.

Ol Risos long halivim ol memab long redi long kisim ol temple odinens em i stap long temples.ChurchofJesusChrist.org.

Ol Memba husat i redi long kisim endaumen bilong ol yet o long sil i go long man o meri bilong ol i kisim gutpela toktok long teik pat long wanpela temple preparesen cos (lukim 25.2.8).

27.1.3

Ol Memba Husat I Gat Bagarap long Bodi

Ol Woti memba husat i gat bagarp long bodi i ken kisim olgeta ol temple odinens. Dispela ol memba i kisim gutpela toktok long atenim temple wantaim ol wantok bilong em husat i kisim endaunmen pinis o ol poro olsem ol man ol yet o meri ol yet husat ken halivim ol. Sapos ol memba i no inap long atendim wantaim wanpela famili memba o poro, ol i ken kolim temple pastaim long lukim wanem kain ol arangman i ken kamap.

27.1.4

Halivim bilong Tanim Tok o Intapritesen

Sapos ol memba i nidim halivim long tanim tok, ol i mas toksave long temple pastaim long lukim sapos ol i ken redim.

27.1.5

Kolos long werim i go long wanpela Temple

Taim long go long wanpela temple, ol memba i mas werim dispela ol kolos ol i save werim olgeta taim long sakramen miting.

Lukim 27.3.2.6 bilong kisim moa toksave long ol kolos long werim long wanpela temple marit o siling.

lukim 38.5 bilong ol inpomesen long:

• Ol Kolos long werim long taim bilong wanpela endaumen na ol siling odinens.

• Long kisim, werim, na long lukaut bilong ol seremoniol temple kolos na ol gamen.

27.1.6

Long Lukautim Ol Pikinini

Ol pikinini i mas gat ol bikpela lain long putim was sapos ol i stap long temple garun. Ol Temple wok man meri i ken stap long was long ol pikinini tasol long ol dispela ol situesen:

• Sapos ol i bai sil i go long papa mama bilong ol

• Sapos ol i lukluk long siling bilong ol brata o susa bilong ol husat i stap laip, ol step brata o susa, o hap brata o susa i go long ol papa mama bilong ol.

27.1.7

Miting wantaim Ol Memba bihain long ol i Kisim Ol Temple odinens bilong ol.

Ol Memba planti taim gat ol kwesten bihain long ol i kisim ol temple rekomen bilong ol. Ol famili memba husat i kisim endaumen pinis, dispela bisop, ol narapela wod lida, na ministerin brata na susa i ken mit wantaim ol memba long toktok long temple ekspiriens bilong ol.

Ol Risos long halivim long ansa long ol kwesten i stap long temples.ChurchofJesusChrist.org.

27.2

Dispela Endaumen

Dispela wod endaumen minim olsem “wanpela presen.” Dispela temple endaumen em i trutru wanpela presen i kam long God dispela we Em i blesim ol pikinini bilog Em. Sampela bilong ol dispela presen ol memba i kisim thru long teple endaumen inkludim:

• Long kisim moa save long pepos bilong Bikpela na ol tisin.

• Pawa long wokim olgeta samting Papa long Heven laikim ol pikinini bilong Em long wokim.

• Holi daireksen taim wanpela i servim Bikpela , ol famili bilong ol, na ol narapela.

• Inkrisim hop, gutpela sindaun, na gat bel isi.

Dispela ol blesin bai karim kaikai dipen long bilip bilong yu long Jisas Krais.

Dispela endaumen yu inap kisim long tupela hap. Long nambawan hap, wanpela man o meri bai kisim bilong bipo wanpela odinens ol i kolim dispela inisitori. Dispela inisitori ol i save tu olsem long wasim na anointim (lukim Eksodas 29:4-9). Em i inkludim ol spesol blesin wanpela i kisim long God na save.

Long taim bilong dispela inisitori, dispela memba i kisim tokorait long werim dispela ol temple gamen. Dispela gamen i makim dispela man o meri long poroman bilong em wantaim God na dispela komitmen long bihainim ol kavanen i bin mekim insait long temple. Taim ol memba i feitful long ol kavanen bilong ol na werim dispela gamen long stretpela wei thruaut long laip bilong ol, em i tu serv olsem wanpela banis. Bilong kisim moa tok klia long werim na long lukautim bilong ol dispela gamen, lukim 38.5.5.

Long namba tu hap bilong dispela endaumen, dispela plan bilong salvesen bai yu lainim, inkludim dispela kamap bilong ples garun, dispela pudaun bilong Adam na Iv, Atonmen bilong Jisas Krais, Apostasi, na ristoresen. Ol Memba tu i kisim oda long olsem wanem long go bek long stap bilong Bikpela.

Insait long endaumen, ol memba i kisim invatesen long mekim ol sakred kavanen i olsem:

• Stap wantaim dispela lo bilong bihainim tok na traim long holimpas ol komanmen bilong Papa long Heven.

• Bihainim dispela lo bilong sakripais, dispela em minim olsem long sakripasim long givim sapot long wok bilong bikpela na tanim bel wantam bel hevi na bikpela sori tru.

• Bihainim dispela lo bilong gospel bilong Jisas Krais, dispela we em i haia lo olsem em i bn tisim taim em i stap long dis[pela ples graun.

• Holimpas dispela lo bilong klinpla pasin, dispela em minim olsem wanpela memba mas silip tasol wantaim dispela man o meri husat em i maritim aninit long lo bilong gavman na long lo bilong God.

• Holimpas dispela lo bilong givim samting wantaim wanbel, dispela em minim olsem memba bai dediketim taim bilong ol, ol talen, na olgeta samting wantaim dispela we Bikpela i blesim ol long bildim i go antap Sios bilong Jisas Krais long ples graun.

Long givim bek, Papa long Heven givim promis olsem ol lain husat i stap feitful long ol tempel kavanen bilong ol na endau “wantaim pawa bilong anatp” (Doktrina na Ol Kavanen 38:32,38; lukim tu Luk 24:49; Doktrin na Ol Kavanen 43:16).

27.2.1

Husat I Ken Kisim dispela Endaumen

Olgeta bikpela man meri ol memba bilong Sios i kisim invatesen long redi long na kisim endaumen bilong ol yet. Olgeta ol odinens wanpela bai kisim pastaim long endaumen i mas kamap na gat rikod pastaim long ol memba ken kisim dispela endaumen (lukim 26.3.1).

27.2.1.1

Ol Nupela Baptais Memba

Ol bikpela man meri husat i nupela ol memba i ken kisim endaunmen bilong ol yet aninit long wanpela ful yia blong dispela de ol kisim konfemesen.

27.2.1.2

Ol Memba Husat Man o Meri bilong em i no kism Endaumen Yet

Wanpela woti memba husat man o meri bilong em i no kisim endaumen yet i ken kisim endaumen bilong em taim em i mitim dispela ol kondisen:

• Dispela man o meri husat man o meri bilong em i no kisim endaunmen yet i givim tokorait.

• Dispela memba, bisop, na stek presiden i gat strongpela pilin olsem dispela wok you kisim long yu yet wantaim ol temple kavanen i bai no nap long bagarapim marit bilong yu.

Dispela ol kondisen i bai stap olsem tasol sapos dispela man o meri i wanpela memba bilong dispela Sios o nogat.

27.2.1.3

Ol Memba Husat I Slou Liklik Long Tingting

Ol memba husat i slo long lainim ol samting i ken kisim endaumen bilong ol yetsapos:

• Ol i kisim olgeta ol odinens wanpela bai kisim pastaim long endaumen (lukim 26.3.1).

• Ol i gat dispela limit long save, mekim, na holimpas ol samting i go wantaim ol kavanen.

Bisop bai kaunsel wantaim dispela memba na, sapos em i orait, papa mama bilong dispela man o meri. Em i tu bai painim dispela daireksen bilong Spirit. Em i ken kaunsel wantaim stek presiden.

27.2.2

Mekim Disisen Wanem Taim Long Kisim dispela Endaumen

Dispela disissen long kisim dispela endaumen em i bilong em yet na i mas mekim thru long pre. Dispela endaumen em wanpela blesin bilong pawa na revelesen long olgeta husat i redi long kisim. Ol memba i ken susim long kisim endaumen bilong ol yet taim ol i mitim olgeta ol dispela kondisen:

• Ol i mas olsem long 18pela krismas.

• Ol i pinisim o i no atenim hai skul, sekondari skul, o wankain.

• Wanpela yia i lus pinis long taim ol i kisim konfemesen.

• Ol i pilim bikpela laik long kisim na onaim ol temple kavanen thru aut long laip bilong ol.

Ol Memba husat i kisim wanpela singaut long misin o wok long redi long sil insait long temple i mas kisim dispela endaumen.

Pastaim long givimaut wanpela temple rekoman bilong wanpela memba long kisim dispela endaumen, bisop na stek presiden i mas pilim olsem dispela man o meri i redi long save na holimpas ol dispela sakred kavanen. Long kwalifai long dispela em i dipen long wanwan man o meri.

27.2.3

Long Mekim Plen na Makim De bilong dispela Endaumen

27.2.3.1

Long Kisim wanpela Rekomen bilong ol odinens bilong Ol Lain Husat I Stap Laip.

Wanpela memba i mas kisim wanpela rekoman bilong ol odinens bilong ol lain husat i stap laip long go insait long wanpela temple na kisim dispela endaumen. Long kisim moa tok klia long ol dispela rekoman, lukim 26.5.1.

27.2.3.2

Long Kontekim dispela Temple

Ol memba husa i plan lon kisim endaumen i mas kontekim dispela temple pastaim long makim de bilong dispela odinens.

27.2.3.3

Ol Eskot bilong Ol Memba Kisim dispela Endaumen.

Ol Memba husat bai kisim endaumen bilong em yet i ken invaitim wanpela memba husat i kisim endaumen pinis olsem ol meri ol yet o ol man ol yet long kamap olsem wanpela eskot na halivim em long taim bilong dispela endaumen sesen. Wanpela eskot i mas gat wanpela karen temple rekoman. Temple i ken provaidim wanpela eskot sapos i gat nid.

27.3

Siling bilong Man bilong Man na Meri

Wanpela temple siling i bai joinim wanpela man bilong em na meri bilong em long taim na olgeta laip i nogat pinis bilong en. Ol bai kisim dispela ol blesin sapos ol i feitful long dispela ol kavanen ol i mekim insait long temple. Thru long dispela ol odinens, ol pikinini bilong ol i ken tu kamap pat bilong dispela famili oltaim oltaim.

Ol Sios lida givim gutpela toktok long ol memba long redi long marit na sil insait long temple. We ol hap we gavman i no luksave long marit long temple, Ol Sios lida o ol narapela ken karimaut long marit aninit long lo bilong gavman bihain long dispela bai wanpela temple siling (lukim 38.3). Dispela paten i ken kamap tu taim wanpela marit long temple i ken mekim ol papa mama o ol famili memba long pilim olsem ol eksklud bikos ol i no inap long atenim dispela seremoni.

27.3.1

Husat I Ken kisim Siling insait long wanpela Temple

Olgeta ol memba bilong Sios husat i no marit yet tasol save long wanem samting i rait na ron i kisim invatesen long redi long wanpela temple siling. Ol lain husat i marit pinis aninit long lo bilong gavman i kisim gutpela toktok long kisim silling long taim na laip i nogat pinis bilong en insait long temple. Ol memba i mas kisim endaumen pastaim long ol i ken kisim siling (lukim 27.2).

Ol tupela marit i kisim siling insait long temple i mas kamap wanpela bilong tupela (1) marit aninit long lo bilong gavman pastaim long kisim siling o (2) marit na sil long wankain olsem dispela temple seremoni. lukim 27.3.2.

27.3.1.2

Ol Memba Husat I Slo Liklik Long Lainim ol Samting

Ol memba husat i slo liklik long lainim ol samting i ken kisim siling long man bilong em o meri bilong em, man ol i makim long marit, o meri ol i makim long marit sapos:

• Ol i kisim olgeta ol odinens wanpela bai kisim pastaim long endaumen, inkludim dispela endaumen (lukim 27.2.1.3).

• Ol i gat dispela limit long save, mekim, na holimpas ol samting i go wantaim ol kavanen.

Bisop bai kaunsel wantaim dispela memba na man bilong em o meri bilong em, man ol i makim long marit, o meri ol i makim long marit. Em i tu bai painim dispela daireksen bilong Spirit. Em i ken kaunsel wantaim stek presiden.

27.3.2

Plenim na skeduolim wanpela Temple Marit o Siling

27.3.2.1

Long Kisim wanpela Rekomen bilong Odinens bilong Stap Laip.

Wanpela memba i mas kisim wanpela rekoman bilong ol odinens bilong ol lain husat i stap laip long sil i go long man bilong em o meri bilong em. Long kisim moa tok klia long dispela ol rekoman, lukim 26.3.

27.3.2.2

Long Kontekim dispela Temple

Ol memba husa i plan long marit o sil i go long wanpela man bilong em o meri bilong em i mas kontekim dispela temple pastaim long makim de bilong dispela odinens.

27.3.2.3

Long Kisim wanpela Laisen bilong Marit

Pastaim long marit, tupela marit i mas kisi wanpela pepa bilong lo long laisen bilong marit i orait long wanem hap dispela marit bai kamap. Sapos dispela tupela marit i tingting long marit na sil long taim bilong dispela same seremoni, ol i mas karim wanpela laisen bilong marit long temple.

Ol tupela marit i kisim siling bihain long marit aninit long lo bilong gavman i no nid long bringim wanpela laisen bilong marit long temple. Tasol, ol bai provaidim dispela de na long wanem hap ol i bin marit aninit long lo bilong gavman olsem em i pat bilong rikod verifikesen proses.

27.3.2.4

Ol Eskot bilong Merit man na Marit Meri

Wanpela susa husat i kisim endaumen pinis i ken go wantaim dispela meri husat i bai marit long halivim em insait long dresin rum. Wanpela brata husat i kisim endaumen pinis i ken wokim wankain olsem bilong dispela man husat i bai marit. Wanpela eskot i mas gat wanpela karen temple rekoman. Temple i ken provaidim wanpela eskot sapos i gat nid.

27.3.2.5

Husat bai Karimaut wanpela Temple Marit o Siling

Wanpela marit long temple o siling planti taim wanpela Sila save karimaut husait ol i makim long dispela temple we dispela tupela marit bai marit o sil wantaim. Sapos wanpela famili memba o wanpela yu save long en husat i holim dispela tokorait long givim siling husat ol i makim long dispela temple we dispela tupela marit bai marit o sil, ol i ken invaitim em long karimaut dispela marit o siling wantaim.

27.3.2.6

Stretpela Kolos bilong wanpela Temple Marit o Siling

Dres bilong meri husat i bai marit. Dres long werim bilong meri husat i bai marit insait long temple i mas waitpela, stail na laplap i mas karamapim gut bodi na soim daunpasin, na fri long ol kainkian dekoresen. Dispela tu i mas karamapim ol temple gaman. Laplap yu ken lukim klia tru mas gat narapela laplap insait long karamapim long stap ples klia.

Long go wantaim narapela ol dres ol werim insait long temple, dres bilong wanpela meri husat i bai marit i mas gat longpela sliv o tri-kwata sliv Ol dres i mas noken longpela long baksait olsem yu pulim wanpela train sapos em olsem wanpela i ken pinim go anatp o noken werim long dispela siling seremoni.

Temple i ken provaidim wanpela dres sapos i gat nid.

Ol Kolos bilong Man Husat i Bai Marit. Dispela man husat i bai marit bai werim ol nomol temple kolos long taim bilong marit o siling seremoni (lukim 38.5.1 na 38.5.2).

Ol Kolos bilong ol man o meri husat i laik kam lukim temple. Ol lain husat i bai atendim wanpela marit o siling seremoni i mas werim ol kolos wankain long wanem samting ol i ken werim long wanpela sakramen miting. Ol memba husat i kam long wanpela siling stret long wanpela endaumen sesen i ken werim ol temple seremoni kolos.

Ol Flawa. Tupela marit na ol lain husat i atendim dispela seremoni i mas noken werim ol flawa long taim bilong marit o siling seremoni.

27.3.2.7

Long Senisim Ol Rin Bihain long wanpela Temple Marit o Siling

Long senisim ol rin em i no pat bilong dispela temple siling seremoni. Tasol, ol tupela marit i ken senisim ol ring bihain long dispela seremoni insait long siling rum. Tupela marit i mas noken senisim ol ring long narapela taim o hap ples insait long wanpela temple o long temple graun.

Ol tupela husat i marit na sil insait long temple seremoni i ken sensim ol rin long narapela taim long laik bilong ol famili memba husat i no atenim marit long temple. Long senisim ol rin i mas noken kamap wankain olsem dispela marit long temple o seremoni. Tupela marit i mas noken senisim ol tok promis bihain long ol i marit o sil insait long temple

Ol tupela husat i marit long strepela wei aninit long lo bilong gavman pastaim long sil long temple i ken senisim ol rin bilong ol long dispela seremoni, long temple siling bilong, o long ol dispela tupela seremoni.

27.3.4

Husait I Ken Atenim wanpela Temple Marit o Siling

Ol tupela marit i mas invaitim ol haus lain na ol pren long wanpela marit long temple o siling. Ol memba husat i save long wanem samting i rait na ron i mas kisim endaumen na gat wanpela karen temple rekoman lo aten.

Dispela stek presideni i ken givim tokorait long wanpela man o meri husat i no baptais o kisim endaumen bikos em i slo liklik long tingting long lukluk long dispela marit long temple o siling bilong brata o susa bilong em husat i stap laip. Dispela man o meri i mas:

• Ol i mas olsem long 18 Krismas.

• I mas stap esi long taim bilong dispela seremoni.

Stek presiden bai raitim wanpela leta long putim klia olsem dispela man o meri i kisim tokorait long lukluk long taim bilong dispela siling. Dispela leta bai ol i presentim long temple.

27.4

Long Silim ol Pikinini Husat I Stap Laip I Go Long Ol Papa Mama Bilong Ol.

Ol pikinini husat i bon bihain mama bilong ol i sil i go long man bilong em insait long temple ol i bon insait long dispela kavanen bilong dispela siling. Ol i no nid long kisim dispela odinens bilong siling i go long papa mama bilong ol.

Ol pikinini husat i no bin bon insait long kavanen ken kamap pat bilong wanpela famili oltaim oltaim taim ol i sil i go long papa mama husat i karim ol o ol papa mama husat i lukautim ol. Dispela ol pikinin bai gat dispela wankain rait long ol blesin olsem ol pikinini husat i bon insiat long kavanen.

27.4.2

Long Kontekim dispela Temple

Ol tupela marit husat i laik long silim ol pikinini bilong ol i go long ol yet, o ol pikinini husat i laik long sil i go long papap mama bilong ol husat i dai pinis, i mas kontektim temple pastaim long makim de bilong ol odinens.