« សារលិខិតមកពីគណៈប្រធានទីមួយ » ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ( ឆ្នាំ ២០២២ )
« សារលិខិតមកពីគណៈប្រធានទីមួយ » ដើម្បីកម្លាំងនៃយុវជន
សារលិខិតមកពីគណៈប្រធានទីមួយ
ក្មួយៗប្រុសស្រីជាទីស្រឡាញ់របស់យើងអើយ
យើងស្រឡាញ់ក្មួយៗ ហើយមានទំនុកចិត្តលើក្មួយៗ ។ ក្មួយៗពិតជាស្ថិតក្នុងចំណោមវិញ្ញាណជម្រើសរបស់ព្រះវរបិតាសួគ៌ ដែលបានបញ្ជូនមកផែនដីនៅពេលនេះ ដើម្បីធ្វើកិច្ចការសំខាន់ៗ ។
ប្រហែលជាមានពេលខ្លះក្មួយៗមិនមានអារម្មណ៍រឹងមាំ ឬមានសមត្ថភាពឡើយ ។ នោះជារឿងធម្មតាទេ ។ ជាពិសេសនៅក្នុងគ្រាទាំងនោះ សូមងាកទៅរកព្រះអង្គសង្រ្គោះ ។ ទ្រង់គឺជា « កម្លាំងនៃយុវជន » ។
សេចក្តីណែនាំនេះនឹងជួយក្មួយៗស្ថាបនាគ្រឹះដ៏រឹងមាំសម្រាប់ការធ្វើការជ្រើសរើសដើម្បីបន្តនៅលើផ្លូវនៃសេចក្តីសញ្ញា ។ វានឹងជួយក្មួយៗឲ្យរៀបចំខ្លួនចុះសេចក្តីសញ្ញាពិសិដ្ឋនៅក្នុងព្រះវិហារបរិសុទ្ធ រៀបចំខ្លួនដើម្បីបម្រើបេសកកម្ម និងស្វែងរកអំណរក្នុងការធ្វើតាមព្រះយេស៊ូវគ្រីស្ទពេញមួយជីវិតរបស់ក្មួយៗ ។ យើងសង្ឃឹមថាក្មួយៗដឹងថាក្មួយៗជាសមាជិកក្នុងសាសនាចក្ររបស់ព្រះអង្គសង្គ្រោះ ហើយមានអំណាចពីទ្រង់ដើម្បីបំពេញគោលបំណងរបស់ទ្រង់សម្រាប់ក្មួយៗ ។
យើងដឹងថាព្រះនៅមានព្រះជន្មរស់ ។ វាជាការអធិស្ឋានរបស់យើងថា សូមឲ្យក្មួយៗបន្តរឹងមាំនៅលើផ្លូវនៃសេចក្តីសញ្ញា ដែលដឹកនាំក្មួយៗឲ្យត្រឡប់ទៅកាន់ព្រះវរបិតាសួគ៌របស់ក្មួយៗវិញ ។ នៅពេលដែលក្មួយៗធ្វើដូច្នោះ ក្មួយៗនឹងក្លាយជាឥទ្ធិពលសម្រាប់សេចក្តីល្អនៅក្នុងការចែកចាយដំណឹងល្អដោយរីករាយ និងរៀបចំពិភពលោកសម្រាប់ការយាងមកជាលើកទីពីររបស់ព្រះអង្គសង្គ្រោះ ។
គណៈប្រធានទីមួយ