Faaopoopoga

Punaoa o le Uepisaite a le Ola Tutoatasi

Alu i le srs.lds.org e saili ai nisi faamatalaga ma vitio aoga e uiga i le fesiliteitaina o se vaega.

O Mea E te Faia Ao Lei Oo i se Fonotaga o le Vaega

Alu i le srs.lds.org e sii mai ai vitio mo le mataupu faavae O Lo’u Faavae ma le lesona.
Mo la outou fonotaga muamua, fai atu i le tagata faapitoa o le siteki mo le ola tutoatasi e avatu ia lava ni tusi lesona ia te oe mo tagata uma o e na saini [mo le kosi] ma nisi kopi faaopoopo se lua.
Iloilo anomea e saunia ai e fesiliteita, ae aua le saunia e aoao atu e pei o se lesona.
A maea lau fonotaga muamua, galulue faatasi ma tagata faapitoa e lesitala lau vaega (tagai srs.lds.org/report).
Valaau pe tesi i tagata o le vaega e faamanatu i ai le aso, taimi, ma le nofoaga mo le fonotaga o le vaega.
Ia uunaia soa galue e faafesootai ma fesoasoani i le tasi ma le isi i le aluga o le vaiaso.
Ia saunia faaleagaga ma ia galue i uunaiga e te maua.
Ia e vave taunuu e faatulaga lelei nofoa, laulau, ma vitio, pe a talafeagai ai. Seti au laulau faapenei (e faailoa atu e fetu le mea e saofai ai le fesiliteita).

Ata

faatulagaga o laulau ma nofoa

O Mea E te Faia I Le Taimi o se Fonotaga o le Vaega

Faafeiloai ia tagata o le vaega ao latou taunuu mai, ma ia faamasani ia i latou.
Ia iloa ma patipatia mea latou te ausia ma le alualu i luma.
Tofi se tagata e mataituina le taimi e pulea taimi fautuaina.
Ia uunaia talanoaga a tagata o le vaega.
Ia faamamafa atu le galulue i tautinoga i le va o fonotaga.
Faamanatu i tagata o le vaega ia faaaloalo i faamatalaga e le faalauaiteleina.

O Se Vaega o Lau Fonotaga Mulimuli o le Vaega

E faatumu e tagata o le vaega se faavasegaga a le tagata lava ia.
E te aoina mai faavasegaga, faatumu le lipoti faaiu a le vaega, ma talosaga ni tusipasi (tagai srs.lds.org/report).
Faamanatu faatasi!

Faavasegaga e le Fesiliteita o Ia Lava

A uma fonotaga taitasi a le vaega, toe faamanatu faamatalaga nei. O le a se lelei o loo e faia ai le [faagaoioiga o le vaega]?

Ata

faavasegaga e le fesiliteita o ia lava

Faavasegaga o le Vaega

Atonu e aoga le faaaoga o lenei faavasegaga a le vaega lava ia e avea o se vaega o nisi o a outou fonotaga faalevaega o le ola tutoatasi e siaki ai la outou vaega ma vaai pe o faapefea ona latou taulimaina le kosi. E mafai ona e valaaulia tagata taitoatasi o le vaega e faatumu le fomu ona talanoa lea e uiga i ai o se vaega. E mafai ona e faia lenei mea i le amataga o se fonotaga a le vaega po o le faaiuga o le vaega “Aoao”. O lenei lesona e tusa ma le 10 minute e alu ai.

Ata

faavasega o le vaega

Filifiliga Eseese o Fonotaga mo le Sailia o se Galuega Sili Atu

Afai e te fesiliteitaina le vaega o le Sailia o se Galuega Sili Atu, atonu o le a i ai ni tagata o la outou vaega o e manaomia se galuega i le taimi lava lenei ma e le mafai ona faatali i le 12 vaiaso e faamaea ai anomea uma o le kosi. Afai e te tagai i nai itulau muamua o le tusi lesona, o le a mauaina nisi filifiliga o fonotaga e ono sili atu ona ausia ai manaoga o tagata o le vaega. E mafai foi ona e talanoa i la outou tagata faapitoa o le ola tutoatasi e aoao atili ai.

Tagata o le Vaega mai Faatuatuaga Eseese

O tagata taitoatasi uma, e tusa lava po o le a le talaaga o le faatuatuaga, e talisapaiaina e auai i kosi o le ola tutoatasi. O nisi nei o nai fautuaga faigofie e mafai ona fesoasoani e fausia se aafiaga lelei ma talisapaia mo tagata uma o le vaega.

Ia mataala ma open i fesili.
Atonu e fesoasoani le faamatalaina o mau po o upusii lea e faapitoa lava i Le Ekalesia a Iesu Keriso o le Au Paia o Aso e Gata Ai.
Atonu e talafeagai le fetuunaia o nisi o tautinoga.
E mafai ona fesoasoani la outou tagata faapitoa o le ola tutoatasi i soo se fesili e uiga i le lesitalaga e mautinoa ai ua maua e tagata auai uma o le vaega se tusipasi o le kosi.

Fesoasoani Faaopoopo

Afai e te lagonaina ni faafitauli po o ni popolega po o le manaomia o se fesoasoani i le toe faafesootaia o tagata o le vaega i o latou iunite o le uarota po o paranesi, galulue faatasi ma la outou tagata faapitoa mo le taitaiga ma le fesoasoani.