Appendix

Principles of Learning Glossary

Glossary sa mga Baroganan sa Pagkat-on

Agency

Kabubut-on: Ingon nga mga anak sa Dios, kita adunay kabubut-on, o gahom, nga mohimo og atong kaugalingon nga mga desisyon. Kita makapili kon unsay atong tuohan, unsay atong buhaton, ug kinsa kita nga mamahimo.

“Ang kabubut-on usa ka abilidad ug pribilehiyo nga gihatag kanato sa Dios aron sa pagpili ug paglihok para sa atong kaugalingon” (Mga Hilisgotan sa Ebanghelyo, “Kabubut-on ug Pagkamay Tulubagon,” ChurchofJesusChrist.org).

“Tungod kay Siya nahigugma kanimo, ang Dios mihatag kanimo og kabubut-on, o ang kagawasan sa paghimo og mga desisyon. Ang imong kabubut-on makapahimo nimo sa pagpili og maayong mga pagpili nga modala ngadto sa kalipay; kini makapahimo usab kanimo nga may tulubagon sa dili maayo nga mga pagpili, nga modala ngadto sa diha-diha o lagmit nga kasubo. Ang Dios dili mopataliwala sa imong mga pagpili; Siya motugot kanimo nga modesisyon alang sa imong kaugalingon ug mokat-on gikan sa mga sangpotanan. Apan Siya motanyag sa kataposang tabang sa pagbuntog sa mga kasaypanan ug mga sala—ang makagagahom nga pagluwas ni Jesukristo. Dili igsapayan unsa ka dili maayo ang imong mga kahimtang o pila ka mga sayop nga pagpili ang imong nahimo, ikaw kanunay nga makapili nga magbag-o ug makakita og kalinaw pinaagi ni Jesukristo” (“Ang Dios Anaa Alang Kanimo,” ComeuntoChrist.org).

Agent

Tinugyanan: Ang tinugyanan usa ka tawo nga may abilidad o gahom nga molihok alang sa ilang kaugalingon. Isip mga anak sa Dios, kita mga tinugyanan; aduna kitay kabubut-on, o gahom, nga mohimo sa atong kaugalingon nga mga desisyon. Kita makapili kon unsay atong tuohan, unsay atong buhaton, ug kinsa kita nga mamahimo.

Bible

Biblia: “Ang Biblia usa ka sagrado nga libro nga naglangkob sa pulong sa Dios. Sa tibook niini nga mga pahina, ang Balaan nga Biblia nagtudlo nga ang Dios wala miundang sa paghigugma sa Iyang mga anak. …Ang pagsunod sa mga pagtulon-an nga makita diha sa Biblia makatabang kanato nga mailhan ang Dios … ug mas makasabot sa unsang paagi Siya gusto nga kita magpuyo. …”

“Si Jesukristo mao ang Anak sa Dios kinsa mianhi sa kalibotan aron sa pagluwas kanato gikan sa sala, kasubo, kamingaw, kasakit, ug uban pa. Si Jesus mitudlo og nindot nga mga leksiyon bahin sa pagserbisyo ug paghigugma ug mihimo og daghan nga mga milagro sa dihang anaa pa Siya sa kalibotan. Diha sa Biblia, atong mabasa kini nga mga istorya ug magsugod sa pagkahibalo unsaon nato pagbuntog sa lisod nga mga butang uban sa tabang ni Jesus” (“Unsa ang Balaan nga Biblia?,” ComeuntoChrist.org).

Book of Mormon

Basahon ni Mormon: “Ang Basahon ni Mormon naglangkob og sagrado nga mga sinulat gikan sa mga sumusunod ni Jesus. Sama nga ang Dios misulti ngadto kang Moises ug Noe diha sa Biblia, Siya misulti usab sa mga katawhan sa Amerika. Kini nga mga tawo, gitawag nga mga propeta, misulat sa pulong sa Dios. Ang ilang mga sinulat kadugayan gihugpong ngadto sa usa ka libro pinaagi sa usa ka propeta nga ginganlan og Mormon.…

“Ang Basahon ni Mormon usa ka ebidensiya nga ang Dios nahigugma sa tanan Niyang mga anak ug nalakip sa ilang mga kinabuhi. Kini nagsilbi nga saksi sa mga kamatuoran diha sa Biblia ug sa kabalaan ug mga pagtulon-an ni Jesukristo” (“Unsa ang Basahon ni Mormon?,” ComeuntoChrist.org).

Doctrine and Covenants

Doktrina ug mga Pakigsaad: “Ang Doktrina ug mga Pakigsaad usa ka libro sa kasulatan nga naglangkob sa mga pagpadayag gikan sa Ginoo ngadto kang Propeta Joseph Smith ug ngadto sa pipila ka lain nga mga propeta sa ulahing mga adlaw. Kini usa ka talagsaon nga kasulatan tungod kay dili kini hubad sa karaan nga mga sinulat.

“Ang Doktrina ug mga Pakigsaad usa sa upat ka mga libro sa kasulatan nga gigamit sa Ang Simbahan ni Jesukristo sa mga Santos sa Ulahing mga Adlaw (ang ubang tulo mao ang Biblia, ang Basahon ni Mormon, ug ang Perlas nga Labing Bilihon)” (Mga Hilisgotan sa Ebanghelyo, “Doktrina ug mga Pakigsaad,” ChurchofJesusChrist.org).

Faith

Hugot nga Pagtuo: “Ang hugot nga pagtuo usa ka baroganan sa paglihok ug gahom. Sa panahon nga kita molihok alang sa usa ka takos nga tumong, kita nagpakita og hugot nga pagtuo. Kita nagpakita sa atong paglaom alang sa usa ka butang nga wala pa nato makita. …”

“Ang pagbaton og hugot nga pagtuo diha ni Jesukristo nagpasabot og hingpit nga pagsalig Kaniya—nagsalig sa Iyang walay kinutoban nga gahom, kaalam, ug gugma. Naglakip kini og pagtuo sa Iyang mga pagtulon-an. Nangahulogan kini og pagtuo nga bisan og kita wala makasabot sa tanang butang, Siya nakasabot. Tungod kay Iyang nasinati ang tanan natong mga kasakit, mga pagsulay, ug mga kahuyang, Siya nahibalo kon unsaon sa pagtabang kanato sa pagbarog labaw sa atong inadlaw nga mga kalisdanan. … (tan-awa sa Alma 7:11–12; Doktrina ug mga Pakigsaad 122:8).”

“Ang hugot nga pagtuo mas labaw pa kay sa tinuohan nga walay gibuhat. Ipakita nato ang atong hugot nga pagtuo pinaagi sa buhat—sa atong pagpuyo niini. …”

“Ang hugot nga pagtuo mao ang usa ka gasa gikan sa Dios, apan kinahanglan gayod natong amumahan ang atong hugot nga pagtuo aron magpabilin kini nga lig-on. Ang hugot nga pagtuo sama sa kaunoran. Kon gamiton, mahimo kining lig-on. Kon dili gamiton, mahimo kining mahuyang” (Mga Hilisgotan sa Ebanghelyo, “Hugot nga Pagtuo diha kang Jesukristo,” ChurchofJesusChrist.org).

God/Heavenly Father

Dios/Langitnong Amahan: “Ang Dios nga Amahan mao ang Labing Gamhanang Binuhat nga atong gituohan, atong gisimba, ug atong giampo. Siya ang kataposang Tiglalang, Tigmando, ug Tigpatunhay sa tanang butang. Siya hingpit, aduna sa tanang gahom, ug nakahibalo sa tanang butang” (Mga Hilisgotan sa Ebanghelyo, “Dios nga Amahan,” ChurchofJesusChrist.org).

“Ang Dios mao ang atong mahigugmaong Amahan sa Langit. … Siya ang Amahan sa [atong] [mga] espiritu. … [Ang Langitnong Amahan] nahigugma sa tanan Niyang mga anak sa hingpit nga paagi, lakip nimo. … Gusto Niya nga adunay relasyon kanimo” (“Ang Gugma sa Dios,” ComeuntoChrist.org).

Diha sa mga kasulatan, ang pulong nga Dios kasagaran gigamit sa pagpasabot sa Langitnong Amahan, o ni Jesukristo tungod kay usa lang ilang katuyoan. Kita moampo ngadto sa atong Langitnong Amahan.

Holy Spirit

Balaang Espiritu: “Ang Balaang Espiritu, o Espiritu Santo, usa ka saksi sa Dios ug ni Jesukristo. … Ang Espiritu Santo mohatag kanato og kahupayan, motabang kanato sa pag-ila sa kamatuoran, ug mopamatuod ni Jesus. … Usa sa mga paagi nga ang Dios makigsulti kanato mao ang pinaagi sa Espiritu Santo. Ang Espiritu Santo mosulti sa atong hunahuna ug sa atong mga kasingkasing pinaagi sa atong mga hunahuna ug mga pagbati” (“Ang Balaang Espiritu,” ComeuntoChrist.org).

Jesus Christ

Jesukristo: “Si Jesus mao ang Manluluwas sa kalibotan ug atong hingpit nga ehemplo. Samtang mosunod kita Kaniya, kita makakita og mas dako nga kalinaw ug kalipay sa kinabuhi. …”

“Si Jesus mao ang Anak sa Dios. Ang atong Langitnong Amahan mipadala sa Iyang Anak, si Jesukristo, aron angkonon diha Kaniya ang mga sa tanan nga mopuyo sa yuta aron kita mapasaylo. …”

“Si Jesus mipuyo og hingpit nga kinabuhi aron ipakita kanato ang dalan balik ngadto sa atong Langitnong Amahan. …”

“Si Jesus miantus ug namatay alang sa atong mga sala. Ang misyon ni Jesus sa pag-anhi dinhi sa yuta mao ang pagluwas kanato gikan sa atong mga sala. Andam Siya nga moantos ug mosakripisyo sa Iyang kaugalingon aron pagbayad sa bili sa atong mga kasaypanan aron kita makahinulsol ug mapasaylo. …”

“Si Jesus nabanhaw aron mabuhi kita pag-usab. Tulo ka adlaw human sa Iyang kamatayon, si Jesus mibangon gikan sa lubnganan ug mipakita ngadto sa kadaghanan sa Iyang mga higala ug mga sumusunod. Siya ang una nga nabanhaw, nagpasabot nga ang Iyang espiritu mibalik sa Iyang hingpit nga pisikal nga lawas human sa kamatayon. Tungod kay nabuntog ni Jesus ang kamatayon, kitang tanan mahimong mabanhaw sa umaabot” (“Pagsunod ni Jesukristo, Atong Hingpit nga Ehemplo,” ComeuntoChrist.org).

Prayer

Pag-ampo: Ang pag-ampo usa ka “matinahuron nga pakigsulti sa Dios kon diin ang tawo magpasalamt ug mangayo og mga panalangin. Ang mga pag-ampo gitumong ngadto sa Langitnong Amahan diha sa ngalan ni Jesukristo” (Giya ngadto sa mga Kasulatan, “Pag-ampo,” ChurchofJesusChrist.org).

“Ang Dios mao ang imong mahigugmaong Amahan sa Langit, ug Siya gusto nga makadungog gikan kanimo” (“Unsaon Pag-ampo,” ComeuntoChrist.org).

Prophet

Propeta: “Ang propeta mao ang usa ka tawo kinsa gitawag sa Dios aron sa paghatag og giya ngadto sa tibuok kalibotan. Gikan ni Abraham ug ni Moises ngadto sa mga buhi nga propeta karon, ang Dios gasunod og sundanan sa pag-giya sa Iyang mga anak pinaagi sa mga propeta” (“Ang Dios Mosulti Kanato pinaagi sa mga Propeta,” ComeuntoChrist.org).

Savior

Manluluwas: “Usa ka tawo mga moluwas. … Ang ‘Manluluwas’ usa ka ngalan ug titulo ni Jesukristo” (Giya ngadto sa mga Kasulatan, “Manluluwas,” ChurchofJesusChrist.org).

Si Jesukristo mao ang atong Manluluwas tungod kay Iyang gihatag ang Iyang kinabuhi ug nabanhaw aron kita makabuntog sa mga sangpotanan sa sala ug kamatayon ug makapuyo uban sa Dios pag-usab.

“Si Jesus miantus ug namatay alang sa atong mga sala. Ang misyon ni Jesus sa pag-anhi dinhi sa yuta mao ang pagluwas kanato gikan sa atong mga sala. Andam Siya nga moantos ug mosakripisyo sa Iyang kaugalingon aron pagbayad sa bili sa atong mga kasaypanan aron kita makahinulsol ug mapasaylo. …”

“Si Jesus nabanhaw aron mabuhi kita pag-usab. Tulo ka adlaw human sa Iyang kamatayon, si Jesus mibangon gikan sa lubnganan ug mipakita ngadto sa kadaghanan sa Iyang mga higala ug mga sumusunod. Siya ang una nga nabanhaw, nagpasabot nga ang Iyang espiritu mibalik sa Iyang hingpit nga pisikal nga lawas human sa kamatayon. Tungod kay nabuntog ni Jesus ang kamatayon, kitang tanan mahimong mabanhaw sa umaabot” (“Pagsunod ni Jesukristo, Atong Hingpit nga Ehemplo,” ComeuntoChrist.org).

Scripture

Kasulatan: “Kon ang balaan nga mga tawo sa Dios mosulat o mosulti pinaagi sa gahom sa Espiritu Santo, ang ilang ipamulong ‘mahimo nga kasulatan, mahimo nga kabubut-on sa Ginoo, mahimo nga hunahuna sa Ginoo, mahimo nga pulong sa Ginoo, mahimo nga tingog sa Ginoo, ug ang gahum sa Dios ngadto sa kaluwasan’ (Doktrina ug mga Pakigsaad 68:4). …

“Ang pangunang katuyoan sa mga kasulatan mao ang pagpamatuod ni Kristo ug ang paggiya sa mga anak sa Dios aron sila makaduol ngadto Kaniya ug makadawat og kinabuhi nga dayon (tan-awa sa Juan 5:39; 20:31; 1 Nephi 6:4; Mosiah 13:33–35)” (Mga Hilisgotan sa Ebanghelyo, “Mga Kasulatan,” ChurchofJesusChrist.org).