Appendix

Conversation Group Games

Pawg Sib Tham tej Kev Ua Si

Nyob hauv phau no los muaj tej kev ua si kom xyaum hais lus Askiv. Koj ua si tej no thaum koj pawg muaj kev sib ntsib twg los tau. Siv tej txheej txheem thiab tej lus los ntawm zaj lus qhia uas koj kawm tam sim no los sis ib zaj lus qhia tas los. Tej kev ua si no feem ntau los yuav tsum nrog ib tug khub ua los sis nrog ib pawg me me ua.

Questions (10–15 minutes)

Tej Lus Nug (10–15 feeb)

Steps

Kev Ua

1. Xaiv ib lo lus los ntawm daim ntawv. Nco ntsoov tias koj muab tej lo lus pauv cov lus uas muaj ib txoj kab hauv qab los tau.

2. Qhia koj teb li cas rau koj pawg.

3. Cia ib tug nug thiab hais lus teb zuj zus. Nej tham tau txog tej lus nug ntau npaum li nej xav.

Questions to Review Patterns:

Tej Lus Nug Kom Rov Qab Kawm tej Txheej Txheem:

• What do you like to do?

• Why do you like to study English?

• Can you tell me about your family?

• What are you wearing?

• What do you do before you come to the conversation group?

• What do you do in the morning?

• When do you work?

• What’s the weather in New York?

• Where do you work?

• What do you do for work?

• Do you like to teach people?

• What do you eat for dinner?

• What foods do you like?

• What do you want for lunch?

• What is your favorite food? How do you make it?

• How much do groceries cost?

• Where do you live?

• Tell me about your house.

• Where is your favorite place to eat?

More Questions:

Tej Lus Nug Ntxiv:

• Tell me about your friends.

• Tell me about your job.

• Tell me about your city.

• Tell me about your favorite place.

• Tell me about your daily routine. What do you do every day?

• What do you like to wear?

• What do you do when you are sick?

• What do you do when you are hurt?

• What is expensive in your city?

• What is cheap in your city?

Notes

Lus Cim

• Koj ua si qhov no nrog tag nrho ib pawg los sis faib ua tej pawg me me uas muaj peb mus txog tsib tug neeg los tau.

• Koj tsis tas siv tej lus nug uas tau sau tseg no xwb. Koj tsim tau tej lus nug tshiab. Koj kuj hloov tau tej lus uas muaj txoj kab hauv qab kom tsim tej lus nug tshiab.

• Yog koj xav ua kom nyuaj me ntsis, cia li qhia tias koj nco qab txhua tus hauv koj pawg tau teb li cas zuj zus.

• Koj siv tau tej lus nug thaum ua lwm yam kev ua si xws li “Tsheb Kauj Vab” los sis “Pov Pov.”

Hot Seat (10–20 minutes)

Rooj Zaum Kub (10–20 feeb)

Steps

Kev Ua

1. Faib ua ob pawg.

2. Xaiv ob tug neeg kawm (nyias pawg xaiv nyias ib tug). Ob tug neeg kawm zaum saib tag nrho ob pawg (nyob hauv “rooj zaum kub”) es thiaj li tsis pom daim txiag.

3. Koj tus xib hwb sau ib lo lus los sis kab lus rau ntawm daim txiag. Ob tug neeg kawm uas zaum hauv “rooj zaum kub” pom tsis taus lo lus ntawd.

4. Ces ob pawg no muaj ob feeb kom pab tus uas zaum hauv “rooj zaum kub” twv lo lus ntawd tiam sis hais tsis taus lo lus ntawd hlo li.

5. Tus neeg uas zaum ntawm “rooj zaum kub” thiab yog thawj tug uas hais lo lus ntawd tau ib lub cim rau nws pawg. Yog ib pawg hais lo lus uas tau sau rau ntawm daim txiag thaum lawv pab tus neeg twv lo lus ntawd, ces lawv tsis tau ib lub cim.

6. Rov qab ua thaum siv tej lus tshiab.

Notes

Lus Cim

• Tsim ib mus txog peb pawg nyob ntawm seb koj pawg loj li cas.

• Yog sib ntsib online, cia li ua si ua ke tsis txhob faib ua pab ua pawg. Ib tug neeg zaum ntawm “rooj zaum kub.” Tus neeg no tsis paub lo lus uas tau xaiv. Ib tug neeg yog tus uas “qhia tej yam kom pab twv.” Tus “qhia tej yam kom pab twv” xaiv ib lo lus thiab hais tej yam kom tus neeg uas zaum ntawm “rooj zaum kub” twv tau lo lus ntawd.

Ball Toss (10–15 minutes)

Pov Pob (10–15 feeb)

Steps

Kev Ua

1. Nrhiav ib lub pob, ib yam muag, los sis ib daim ntawv uas tau muab tsuam ua ib pob.

2. Xaiv ib lo lus nug. (Siv ib lo lus nug los ntawm ib zaj lus qhia los sis saib “Tej Lus Nug” hauv ntaub ntawv ntxiv tom kawg no.)

3. Nug tej lus ntawd thiab pov pob rau ib tug neeg kawm.

4. Tus neeg kawm txais lub pob thiab teb lo lus nug ntawd.

5. Ces tus neeg kawm rov qab nug lo lus ntawd thiab pov pob mus rau lwm tus neeg kawm.

6. Rov qab ua li no mus txog thaum txhua tus neeg hauv koj pawg tau teb lo lus nug ntawd. Ces rov qab ua dua thaum nug ib yam tshiab.

Notes

Lus Cim

• Yog tias xav kom txoj kev ua si no nyuaj me ntsis, hloov lo lus nug txhua zaus ib tug neeg pov pob.

• Yog sib ntsib nyob online, cia li hu ib tug neeg lub npe tsis txhob pov pob.

Dice Game (10–15 minutes)

Mom Khauv Lauv (10–15 feeb)

Steps

Kev Ua

1. Koj xav tau ib lub mom khauv lauv (los sis tej daim ntawv uas sau najnpawb 1 txog 6).

2. Xaiv rau lo lus piav tias ua tej yam twg thiab sau tej lus ntawd rau daim txiag thiab sau 1 txog 6.

3. Nrog ib tug khub los sis ib pawg me me tham. Dov mom khauv lauv. Hais ib kab lus uas siv lo lus raws tus najnpawb uas koj tau. Cia ib leeg hais zuj zus.

Example

Yam Ntxwv

Xib hwb sau li no rau daim txiag:

1. cook

2. stir

3. bake

4. boil

5. cut

6. add

Tus neeg kawm 1 dov mom khauv lauv thiab tau najnpawb 6. Nws hais ib kab lus uas siv lo lus add.

• “I add sugar to my oatmeal.”

Tus neeg kawm 2 dov mom khauv lauv thiab tau najnpawb 4. Nws hais ib kab lus uas siv lo lus boil.

• “I boil eggs for lunch.”

Tus neeg kawm 3 dov mom khauv lauv thiab tau najnpawb 3. Nws hais ib kab lus uas siv lo lus bake.

• “I like to bake cookies.”

Notes

Lus Cim

• Siv tau lwm lo lus uas tsis yog tej lus hais txog tej yam yus ua.

• Yog sib ntsib nyob online, nrog tag nrho koj pawg ua li no. Siv tej mom khauv lauv nyob online thiab cia li tsim tej kab lus tshiab ib tug zuj zus.

Give One, Get One (10–20 minutes)

Muab Ib Qho, Tau Ib Qho (10–20 feeb)

Steps

Kev Ua

1. Xaiv ib lub ntsiab rau koj pawg (piv txwv hais tias: tsev neeg, ntaus pob, los sis zaub mov).

2. Siv ib los sis ob feeb kom sau tej lo lus ntau npaum li koj paub rau lub ntsiab no.

3. Sawv thiab ncig mus hauv chav ntawd. Nrhiav ib tug khub.

4. Qhia ib lo lus uas koj tau sau rau koj tus khub. Koj tus khub hais ib lo lus rau koj. Yog tias yog ib lo lus tshiab, cia li sau lo lus ntawd rau koj daim ntawv.

5. Rov qab ncig mus hauv chav ntawd. Nrhiav ib tug tshiab. Rov qab ua ntxiv.

Example

Yam Ntxwv

Lub ntsiab: tsev neeg

Tus khub A sau:

• mom

• dad

• sister

• brother

Tus khub B sau:

• grandfather

• grandmother

• mother

• father

• aunt

• uncle

• A: What’s one word from your list?

• B: Grandmother.

• A: I don’t have that word. I’ll add it to my list.

• B: What’s a word from your list?

• A: Mom.

• B: I have mother. I will write mom next to mother.

Ob tug neeg kawm nyias sau tej lus tshiab rau nyias daim ntawv.

Tus khub A daim ntawv:

• mom

• dad

• sister

• brother

• grandmother

Tus khub B daim ntawv:

• grandfather

• grandmother

• mother, mom

• father

• aunt

• uncle

Notes

Lus Cim

• Nov yog ib txoj kev zoo kawg kom kawm los sis xyaum hais tej lus tshiab uas tsis nyob hauv zaj lus qhia.

• Yog sib ntsib nyob online, hais kom txhua tus neeg hais ib lo lus los ntawm lawv daim ntawv hais rau txhua tus tsis txhob faib ua khub.

Speculation (15–20 minutes)

Twv Seb (15–20 feeb)

Steps

Kev Ua

1. Xav txog ib lo lus uas tib neeg ua.

2. Hais lo lus ntawd nrov.

3. Siv lo lus ntawd kom hais ib kab lus tseeb txog lwm tus neeg kawm. Hais tias “I think that you …” kom pib koj kab lus.

4. Lwm tus neeg kawm yuav hais tias qhov koj hais puas muaj tseeb.

5. Yog tias muaj tseeb, ces koj tau ib lub cim. Yog tias tsis muaj tseeb, koj tsis tau li.

6. Thawj tus neeg uas tau tsib lub cim yeej!

7. Ua 10 mus txog 20 zaus. Hloov lo lus uas siv txhua zaus.

Example

Yam Ntxwv

Tus neeg kawm A (rau neeg kawm B): The verb is like. I think that you like chocolate.

Neeg kawm B: That’s true! (Neeg kawm A tau ib lub cim.)

Neeg kawm B (rau neeg kawm C): I think that you like to play basketball.

Neeg kawm C: That’s not true! (Neeg kawm B tsis tau ib lub cim.)

Notes

Lus Cim

• Faib ua tej pawg uas muaj peb txog tsib tug neeg.

• Kev ua si no los yuav ua 10 mus txog 20 zaus. Koj yuav xav siv ib lo lus tshiab rau txhua zaus. Cia li hais lo lus tshiab txhua zaus koj pib.

Two Truths and One Lie (10–15 minutes)

Hais Ob Yam Tseeb thiab Hais Ib qho Dag (10–15 feeb)

Steps

Kev Ua

1. Cia li xav txog ob yam uas muaj tseeb txog koj tus kheej. Cia li xav txog ib yam uas tsis muaj tseeb. Sim seb puas siv tau tej lus los ntawm ib zaj lus qhia.

2. Nyeem koj tej lus nrov rau koj pawg.

3. Koj pawg yuav nug koj tej yam kom twv seb qhov twg yog qhov uas tsis muaj tseeb. Teb lawv tej lus nug.

Example

Yam Ntxwv

Tus thib 1: “I like pizza. I like French fries. I like chocolate. Which is not true?”

Lwm tus hauv koj pawg nug li no:

• Q: What is your favorite kind of pizza?A: I like cheese pizza.Q: What is your favorite candy bar?A: I like chocolate and caramel.Q: Where do you like to get French fries?A: I don’t have a favorite place.

Lwm tus hauv koj pawg twv seb: “I think you don’t like French fries.”

Tus thib 1: “That’s right! I don’t like French fries.”

Vocabulary Cards (10–15 minutes)

Tej Daim Sau cov Lus (10–15 feeb)

Steps

Kev Ua

1. Sau 5 mus txog 10 lo lus hauv tej daim me me (cov ntawv uas muaj kua nplaum yeej zoo). Tso tej daim no ua ke ua ib pawg.

2. Nrhiav ib tug khub.

3. Muab tej lus no ntxeev kom thiaj li pom tsis taus tej lus ntawd. Nrog koj tus khub sib pauv neb tej lus.

4. Xaiv ib daim. Tsis txhob saib lo lus ntawd. Muab daim ntawv tso rau koj lub hauv pliaj. Koj tus khub yuav piav txog lo lus ntawd (los yog txhais lus), kom koj thiaj li twv tau lo lus ntawd. Yog koj twv yog lawm, ces koj tau ib lub cim.

5. Cia ib leeg hais zuj zus. Rov qab ua rau txhua daim ntawv hauv koj pawg.

Notes

Lus Cim

• Yog sib ntsib online, cia li ua si ua ke tsis txhob faib ua pab ua pawg. Txhua tus neeg sau ib co lus. Tsis txhob muab rau koj pawg saib. Cia ib tug zuj zus xaiv ib lo lus los ntawm koj tej daim ntawv. Piav txog lo lus ntawd rau txhua tus tiam sis tsis txhob hais lo lus ntawd. Cov neeg hauv koj pawg twv seb yog lo lus twg.

Bicycle Chain (in person) (10–20 minutes)

Tsheb Kauj Vab (tab meeg) (10–20 feeb)

Kev ua si no los yeej zoo rau cov neeg uas sib ntsib tab meeg sawv daws.

Steps

Kev Ua

1. Xaiv ib lo lus nug. (Siv ib lo lus nug los ntawm ib zaj lus qhia los sis saib “Tej Lus Nug” hauv ntaub ntawv ntxiv tom kawg no.)

2. Sawv ua ob sab uas ib sab ntsia tau ib sab.

   

3. Ob tug neeg uas nyob ntawm ob sab yog ob tug khub.

4. Ob tug khub nug thiab teb lo lus nug.

   

5. Txav mus ua ib voj voog kom txhua tus muaj ib tug khub tshiab.

   

6. Ob tug khub nug thiab teb lo lus nug.

7. Rov qab ua 5 thiab 6.

Notes

Lus Cim

• Yog tshuav ib tug neeg, ces cia li tsim ib pawg uas muaj peb leeg.

Mingle and Share (in person) (10–15 minutes)

Sib Xyaws Sib Hais (tab meeg) (10–15 feeb)

Kev ua si no los yeej zoo rau cov neeg uas sib ntsib tab meeg sawv daws.

Steps

Kev Ua

1. Xaiv ib lo lus nug. (Siv ib lo lus nug los ntawm ib zaj lus qhia los sis saib “Tej Lus Nug” hauv ntaub ntawv ntxiv tom kawg no.)

2. Sawv thiab nrhiav ib tug khub.

3. Nug koj tus khub lo lus nug ntawd. Nco ntsoov tej lus uas koj tus khub teb. Nug koj tus khub lo lus nug ntawd.

4. Ncig hauv chav kawm thiab nrhiav ib tug khub tshiab. Nug thiab teb tej lus nug. Rov qab ua ob peb zaug nrog cov khub tshiab. Nco ntsoov tej lus uas koj txhua tus khub teb.

5. Rov qab mus rau koj lub rooj zaum. Qhia koj pawg tias koj kawm dab tsi.

Example

Yam Ntxwv

Question: How many people are in your family?

Cov neeg kawm mus ncig nug thiab teb tej lus nug nrog cov khub tshiab.

• Maria: How many people are in your family?

  Luna: There are four people in my family. How many people are in your family?

  Maria: Three.

Cov neeg kawm qhia tias lawv tau kawm dab tsi.

• Teacher: How many people are in Maria’s family?

  Luna: There are three people in Maria’s family.