“ບົດຮຽນທີ 10: ກິດຈະວັດປະຈຳວັນ,” EnglishConnect 1 ສຳລັບຜູ້ຮຽນ (2022)

“ບົດຮຽນທີ 10,” EnglishConnect 1 ສຳລັບຜູ້ຮຽນ

Lesson 10

Daily Routines

ຈຸດປະສົງ: ຂ້ອຍຈະຮຽນເວົ້າກ່ຽວກັບກິດຈະວັດປະຈຳວັນຂອງຄົນໃດຄົນໜຶ່ງ.

Personal Study

ກຽມຕົວສຳລັບກຸ່ມສົນທະນາຂອງທ່ານ ໂດຍການເຮັດກິດຈະກຳ A ເຖິງ E.

Study the Principle of Learning: You Are a Child of God

ທ່ານເປັນລູກຂອງພຣະເຈົ້າ

I am a child of God with eternal potential and purpose.

ເຮົາເປັນລູກຂອງພຣະເຈົ້າ ພ້ອມດ້ວຍສັກກະຍະພາບ ແລະ ຈຸດປະສົງນິລັນດອນ.

ທ່ານເປັນທິດາ ຫລື ບຸດຂອງ ພຣະເຈົ້າ. ພຣະອົງມີຢ່າງຫລວງຫລາຍທີ່ພຣະອົງຢາກຊ່ວຍໃຫ້ທ່ານຮຽນຮູ້. ພຣະອົງຢາກຊ່ວຍໃຫ້ທ່ານເອື້ອມເຖິງສັກກະຍະພາບນິລັນດອນຂອງທ່ານ. ບາງຄັ້ງສິ່ງນີ້ອາດເບິ່ງຄືວ່າເປັນໄປບໍ່ໄດ້. ໃນ ພຣະຄຣິສຕະທຳຄຳພີ, ເຮົາອ່ານກ່ຽວກັບຍິງໜຸ່ມຄົນໜຶ່ງຊື່ ມາຣີ. ທູດໄດ້ມາປະກົດຕົວຕໍ່ນາງ ແລະ ໄດ້ບອກນາງວ່າ ນາງຈະເປັນມານດາຂອງ ພຣະເຢຊູ, ພຣະຜູ້ຊ່ວຍໃຫ້ລອດ ຂອງທຸກຄົນ. ນາງຈະລ້ຽງດູພຣະບຸດຂອງພຣະເຈົ້າຢູ່ເທິງໂລກ ໃຫ້ເປັນບຸດຂອງນາງເອງ. ບາງທີນາງມາຣີອາດຮູ້ສຶກໜັກໃຈກັບສິ່ງທີ່ ພຣະບິດາເທິງສະຫວັນ ປະສົງໃຫ້ນາງເຮັດ ແລະ ກາຍເປັນ, ແຕ່ທູດໄດ້ບອກນາງວ່າ:

“ດ້ວຍວ່າ, ບໍ່ມີສິ່ງໃດທີ່ພຣະເຈົ້າເຮັດບໍ່ໄດ້” (ລູກາ 1:37).

ສຳລັບພຣະເຈົ້າ, ສິ່ງທີ່ເປັນໄປບໍ່ໄດ້ກໍເປັນໄປໄດ້. ນາງມາຣີໄດ້ກາຍເປັນມານດາຂອງພຣະບຸດຂອງພຣະເຈົ້າ. ເຊັ່ນດຽວກັບນາງມາຣີ, ພຣະເຈົ້າຢາກຊ່ວຍໃຫ້ທ່ານເອື້ອມເຖິງສັກກະຍະພາບຂອງທ່ານ ແລະ ບັນລຸຈຸດປະສົງໃນຊີວິດຂອງທ່ານ. ອະທິຖານ ຫາພຣະອົງ ແລະ ທູນຖາມພຣະອົງວ່າ ພຣະອົງປະສົງໃຫ້ທ່ານເຮັດຫຍັງ. ເຮັດຕາມຄວາມຄິດ ແລະ ຄວາມຮູ້ສຶກທີ່ທ່ານໄດ້ຮັບຈາກ ພຣະວິນຍານ ຂອງພຣະອົງ. ພຣະອົງຈະນຳພາທ່ານ. ບາງທີທ່ານອາດຕ້ອງຮຽນພາສາອັງກິດ ເພື່ອໃຫ້ສາມາດໄດ້ຮັບການສຶກສາ ຫລື ຫາລ້ຽງຄອບຄົວຂອງທ່ານ. ຈື່ຈຳໄວ້ວ່າ “ບໍ່ມີສິ່ງໃດທີ່ພຣະເຈົ້າເຮັດບໍ່ໄດ້.” ສຳລັບພຣະເຈົ້າ, ທ່ານສາມາດຮຽນພາສາອັງກິດ. ສຳລັບພຣະເຈົ້າ, ທ່ານສາມາດເອື້ອມເຖິງສັກກະຍະພາບນິລັນດອນຂອງທ່ານໄດ້.

Ponder

ທ່ານຮູ້ສຶກວ່າພຣະເຈົ້າຕ້ອງການໃຫ້ທ່ານເຮັດຫຍັງ?
ເມື່ອພຣະເຈົ້າເຊື້ອເຊີນໃຫ້ທ່ານເຮັດສິ່ງທີ່ທ່ານຄິດວ່າເປັນໄປບໍ່ໄດ້, ທ່ານຈະສາມາດເລືອກກະທຳດ້ວຍສັດທາໄດ້ແນວໃດ?

Memorize Vocabulary

ຮຽນຮູ້ຄວາມໝາຍ ແລະ ການອອກສຽງຂອງແຕ່ລະຄຳສັບ ກ່ອນກຸ່ມສົນທະນາຂອງທ່ານ. ພະຍາຍາມໃຊ້ຄຳສັບຈາກພາກ “Memorize Vocabulary” ໃນການຝຶກປະຈຳວັນຂອງທ່ານ.

daily routine

ກິດຈະວັດປະຈຳວັນ

Nouns

morning	ຕອນເຊົ້າ
afternoon	ຕອນສວຍ
evening	ຕອນແລງ

Verbs

brush my teeth/brushes his teeth	ຖູແຂ້ວ ຂອງຂ້ອຍ/ຖູແຂ້ວ ຂອງລາວ
clean the house/cleans the house	ທຳຄວາມສະອາດ ບ້ານ
do my hair/does her hair	ທຳຜົມ ຂອງຂ້ອຍ/ທຳຜົມ ຂອງລາວ
exercise/exercises	ອອກກຳລັງກາຍ
get dressed/gets dressed	ແຕ່ງຕົວ
get ready/gets ready	ກຽມພ້ອມ
go to bed/goes to bed	ໄປນອນ
go to school/goes to school	ໄປໂຮງຮຽນ
go to the store/goes to the store	ໄປ ຮ້ານຄ້າ
go to work/goes to work	ໄປເຮັດວຽກ
make breakfast/makes breakfast	ເຮັດ ອາຫານເຊົ້າ
make the bed/makes the bed	ມ້ຽນບ່ອນນອນ
shave/shaves	ແຖໜວດ
take a shower/takes a shower	ອາບນ້ຳ
wake up/wakes up	ຕື່ນນອນ

Practice Pattern 1

ຝຶກໃຊ້ແບບແຜນຈົນກວ່າທ່ານຈະສາມາດຖາມ ແລະ ຕອບຄຳຖາມໄດ້ຢ່າງໝັ້ນໃຈ. ທ່ານສາມາດແທນຄຳສັບທີ່ຂີດກ້ອງ ດ້ວຍຄຳສັບຢູ່ໃນພາກ “Memorize Vocabulary”.

Q: Do you (verb) in the (noun)?A: Yes, I (verb) in the (noun).

ຄຳຖາມຂອງແບບແຜນທີ 1 ເຈົ້າ ຄຳກິລິຍາ ໃນ ຄຳນາມ ບໍ

ຄຳຕອບຂອງແບບແຜນທີ 1 ແມ່ນ, ຂ້ອຍ ຄຳກິລິຍາ ໃນ ຄຳນາມ

Examples

Q: Do you exercise in the morning?A: Yes, I exercise in the morning.

Q: Does he make breakfast in the morning?A: No, he makes the bed in the morning.

Q: Does she brush her teeth in the evening?A: Yes, she brushes her teeth in the evening.

Q: Do you go to the store in the morning?A: No, I go to the store in the afternoon.

Practice Pattern 2

ຝຶກໃຊ້ແບບແຜນຈົນກວ່າທ່ານຈະສາມາດຖາມ ແລະ ຕອບຄຳຖາມໄດ້ຢ່າງໝັ້ນໃຈ. ພະຍາຍາມສັງເກດແບບແຜນເຫລົ່ານີ້ໃນລະຫວ່າງການຝຶກປະຈຳວັນຂອງທ່ານ.

Q: What do you do before you (verb)?A: Before I (verb), I (verb).

ຄຳຖາມຂອງແບບແຜນທີ 2 ເຈົ້າເຮັດຫຍັງກ່ອນເຈົ້າ ຄຳກິລິຍາ

ຄຳຕອບຂອງແບບແຜນທີ 2 ກ່ອນຂ້ອຍ ຄຳກິລິຍາ, ຂ້ອຍ ຄຳກິລິຍາ

Examples

Q: What do you do before you make breakfast?A: Before I make breakfast, I exercise.

Q: What does he do after he gets ready?A: After he gets ready, he goes to the store.

Q: What does she do after she makes breakfast?A: She goes to work.

Use the Patterns

ຂຽນຄຳຖາມສີ່ຂໍ້ທີ່ທ່ານສາມາດຖາມຄົນໃດຄົນໜຶ່ງ. ຂຽນຄຳຕອບສຳລັບຄຳຖາມແຕ່ລະຂໍ້. ອ່ານມັນອອກສຽງ.

Additional Activities

ເຮັດກິດຈະກຳບົດຮຽນ ແລະ ການປະເມີນທາງອອນລາຍໃຫ້ສຳເລັດທີ່ englishconnect.org/learner/resources ຫລື ໃນ ປຶ້ມບົດຝຶກຫັດ EnglishConnect 1.

Act in Faith to Practice English Daily

ສືບຕໍ່ຝຶກພາສາອັງກິດທຸກວັນ. ໃຊ້ “ລະບົບການຕິດຕາມການສຶກສາສ່ວນຕົວ” ຂອງທ່ານ. ທົບທວນເປົ້າໝາຍການສຶກສາຂອງທ່ານ ແລະ ປະເມີນຄວາມພະຍາຍາມຂອງທ່ານ.

Conversation Group

Activity 1: Practice the Patterns

(10–15 minutes)

ທົບທວນລາຍການຄຳສັບກັບຄູ່.

ຝຶກແບບແຜນທີ 1 ກັບຄູ່:

ຝຶກຖາມຄຳຖາມ.
ຝຶກຕອບຄຳຖາມ.
ຝຶກການສົນທະນາໂດຍໃຊ້ແບບແຜນ.

ເຮັດຊ້ຳຄືນສຳລັບແບບແຜນທີ 2.

Activity 2: Create Your Own Sentences

(10–15 minutes)

ເບິ່ງຮູບພາບ. ຖາມ ແລະ ຕອບຄຳຖາມກ່ຽວກັບກິດຈະກຳຢູ່ໃນແຕ່ລະຮູບພາບ. ປ່ຽນຜຽນກັນ.

Example

A: Do you brush your teeth in the morning?
B: Yes, I brush my teeth in the morning.
A: What do you do after you brush your teeth?
B: After I brush my teeth, I get dressed.

Activity 3: Create Your Own Conversations

(15–20 minutes)

Part 1

ຄູ່ ກ ເປັນຄົນດັງ. ຄູ່ ຂ ກຳລັງສຳພາດຄົນດັງກ່ຽວກັບກິດຈະວັດປະຈຳວັນຂອງເພິ່ນ. ເວົ້າໃຫ້ຫລາຍທີ່ສຸດເທົ່າທີ່ທ່ານຈະສາມາດເຮັດໄດ້. ປ່ຽນບົດບາດ.

Example

A: Do you make your bed in the morning?
B: No, I don’t make my bed in the morning.

Part 2

ເລືອກສະມາຊິກໃນຄອບຄົວສາມຄົນ. ຖາມ ແລະ ຕອບຄຳຖາມກ່ຽວກັບສິ່ງຂອງຢູ່ໃນແຕ່ລະຮູບພາບ. ເວົ້າໃຫ້ຫລາຍທີ່ສຸດເທົ່າທີ່ທ່ານຈະສາມາດເຮັດໄດ້. ປ່ຽນຜຽນກັນ. ປ່ຽນຄູ່ ແລະ ຝຶກອີກຄັ້ງ.

Example

A: What does your sister do before she goes to work?
B: Before she goes to work, she does her hair.

Act in Faith to Practice English Daily

“ຮຽນຮູ້ດ້ວຍຕົນເອງວ່າພວກເຈົ້າເປັນໃຜແທ້ໆ. ໃຫ້ທູນຖາມພຣະບິດາເທິງສະຫວັນຂອງພວກເຈົ້າ, ໃນພຣະນາມຂອງພຣະເຢຊູຄຣິດ, ວ່າພຣະອົງຮູ້ສຶກຈັ່ງໃດກ່ຽວກັບພວກເຈົ້າ ແລະ ກ່ຽວກັບພາລະກິດຂອງພວກເຈົ້າຢູ່ໃນໂລກນີ້. ຖ້າຫາກພວກເຈົ້າທູນຖາມດ້ວຍເຈດຕະນາອັນແທ້ຈິງ, ເມື່ອເວລາຜ່ານໄປ ພຣະວິນຍານຈະບອກຄວາມຈິງທີ່ປ່ຽນແປງຊີວິດແກ່ພວກເຈົ້າ. ບັນທຶກຄວາມປະທັບໃຈເຫລົ່ານັ້ນ ແລະ ທົບທວນມັນເລື້ອຍໆ, ແລະ ປະຕິບັດຕາມຢ່າງແມ້ນຍຳ.

“ຂ້າພະເຈົ້າສັນຍາວ່າ ເມື່ອພວກເຈົ້າເລີ່ມຕົ້ນເຫັນແວບໜຶ່ງ ວ່າພຣະບິດາເທິງສະຫວັນເຫັນພວກເຈົ້າວ່າເປັນແນວໃດ ແລະ ເຖິງສິ່ງທີ່ພຣະອົງຄາດໝາຍໃຫ້ພວກເຈົ້າເຮັດເພື່ອພຣະອົງ, ແລ້ວຊີວິດຂອງພວກເຈົ້າຈະບໍ່ຄືເກົ່າອີກ!” (Russell M. Nelson, Facebook, Sept. 10, 2019, facebook.com/russell.m.nelson).