Lesson 1

Introductory Lesson

Welcome sa EnglishConnect! Malipayon kaayo kami nga anaa kamo. Kita usa ka komunidad sa katawhan nga nagtinguha sa pagpalapad sa atong mga oportunidad pinaagi sa pagkat-on og Iningles. Mahimong naggikan kita sa nagkalain-laing kaagi, nag-istorya og nagkalain-laing pinulongan, ug adunay nagkalain-laing ang-ang sa abilidad sa Iningles, apan kon magkauban kita makakab-ot sa atong mga tumong.

Ang EnglishConnect lahi kay sa kasagaran nga mga programa sa pagkat-on og Iningles. Ang EnglishConnect gidisenyo aron sa pagtabang nimo nga mapalambo ang mga kahanas sa Iningles sa kahimtang nga adunay hugot nga pagtuo, pakigdait, ug paglambo. Kana nagpasabot nga dili nimo kini buhaton nga mag-inusara. Ang matag tawo sa imong EnglishConect nga grupo mosuporta ug modasig sa usa. Kini usab nagpasabot nga imong gamiton ang espirituhanong mga baroganan sa pagkat-on samtang ikaw magtuon ug magkat-on.

Niini nga leksiyon, among ipailaila ang proseso nga imong gamiton alang sa matag leksiyon sa personal nga pagtuon ug sa imong panag-istoryahanay nga grupo.

Sugdan nato!

Conversation Group

Katuyoan: Ako magkat-on sa pagpaila sa akong kaugalingon ug ang uban.

Discuss the Principle of Learning: You Are a Child of God

(10–20 minutes)

Ang matag leksiyon niini nga manwal magsugod sa usa ka baroganan sa pagkat-on. Kini espirituhanong mga baroganan nga makatabang nimo nga mapalambo ang imong pagkat-on pinaagi sa pagtuon ug hugot nga pagtuo. Sa matag leksiyon, kita:

• Magbasa og kusog sa baroganan sa pagkat-on.

• Hisgoti ang mga pangutana.

Ikaw Anak sa Dios

Nakahibalo ka ba nga usa sa labing importante nga mga butang nga imong mahimo aron makab-ot ang usa ka tumong mao ang pagtutok sa imong mga gituohan mahitungod sa imong kaugalingon? Ang imong mga gituohan mahitungod sa imong abilidad maadunay dako kaayo nga epekto sa imong paningkamot ug mga sangpotanan. Mahimong magduhaduha ka sa imong mga abilidad tungod sa kapakyasan kaniadto. Ang maayong balita mao nga ikaw makausab sa imong mga gituohan! Kon imong usbon ang imong mga gituohan mahitungod sa imong kaugalingon, mahimong mausab nimo ang imong mga resulta. Ang gahom sa pag-usab sa imong mga gituohan mahitungod sa imong kaugalingon nagagikan sa pagkasabot sa imong tinuod nga kinaiyahan.

Ikaw anak sa Dios. Siya nahigugma kanimo. Isip Iyang anak, ikaw adunay mahangtoron nga potensiyal ug katuyoan. Ikaw adunay abilidad sa pagkat-on ug pag-usab. Ikaw adunay abilidad sa pagtubo ug paglambo. Gusto sa Dios nga motabang nimo nga mouswag. Siya gusto nga makigpares nimo aron matabangan ka nga makab-ot ang imong potensiyal. Ang pagpakigpares sa Dios sa pagkat-on og Iningles makatabang nimo nga mas makaila Kaniya. Motabang usab Siya nimo nga mas makaila sa imong kaugalingon.

Ikaw mahimong mag-ampo ngadto sa Dios. Siya makadungog nimo. Ikaw makahangyo Kaniya sa pagtabang nimo nga makat-on og Iningles. Ikaw makapasalamat Kaniya sa imong mga panalangin. Samtang ikaw mag-ampo, hatagi og pagtagad ang imong mga hunahuna ug mga pagbati. Ikaw makahibalo nga ang Dios anaa, Siya nahigugma kanimo, ug Siya gusto nga motabang nimo. Ikaw makapili sa pagtuo nga ikaw anak sa Dios nga adunay mahangtoron nga potensiyal, ug ikaw makatinguha sa Iyang tabang nga makat-on og Iningles.

Ponder

• Sa unsang paagi nga ang pagkasayod nga ikaw anak sa Dios makaimpluwensya sa imong mga gituohan mahitungod sa imong kaugalingon?

• Sa unsang paagi nga ang pagkasayod nga ikaw anak sa Dios makatabang nimo sa pagkat-on og Iningles?

Activity 1: Practice the Pattern

(10–15 minutes)

Part 1: Rebyoha ang listahan sa bokabularyo uban sa usa ka kapares.

Kon ikaw magkat-on og bokabularyo, tutoki ang kahulogan ug ang paglitok sa matag pulong.

I/my	ako/akoa
you/your	ikaw/imoha
he/his	siya/iyaha
she/her	siya/iyaha

no	dili
yes	oo

name	ngalan
please	palihog
thank you/thanks	salamat/salamat

What is … ?	Unsa ang … ?
Nice to meet you.	Nindot nga nagkaila ta.

Part 2: Pagpraktis sa sundanan 1 uban sa usa ka kapares.

Pagpraktis sa mga sundanan uban sa usa ka kapares. Ang imong tumong mao ang pagpangutana ug pagtubag sa mga pangutana nga masaligon ug makasabot kon unsa ang gisulti.

Pagpraktis sa pagpangutana.

Pagmugna og daghang pangutana kutob sa imong mahimo.

Example 1

What is your name?

Example 2

What’s his name?

Pagpraktis og tubag sa mga pangutana.

Pagmugna og daghang tubag kutob sa imong mahimo. Mahimo nimo nga ilisan ang gilinyahan nga mga pulong sa imong kaugalingon nga mga pulong.

Example 1

My name is Rosa.

Example 2

His name is Niko.

Pagpraktis og panag-istoryahanay gamit ang mga sundanan.

Pangutana ug tubaga ang mga pangutana gamit ang mga sundanan.

Questions

Answers

Example

• A: Hi! What is your name?

• B: Hello! My name is .

• A: Nice to meet you.

• B: What’s your name?

• A: My name is .

• B: Nice to meet you.

• A: What’s her name?

• B: Her name is Rosa.

Activity 2: Create Your Own Sentences

(5–10 minutes)

Ang katuyoan niini nga kalihokan mao nga ikaw mogamit sa mga sundanan ug bokabularyo aron sa paghimo og imong kaugalingon nga mga kapahayag.

Tan-awa ang mga hulagway. Pangutana ug tubaga ang mga pangutana mahitungod sa ngalan sa matag tawo. Pagpuli-puli.

Example: Talia

• A: What’s her name?

• B: Her name is Talia.

Marco

Nat

Mari

Jean

Sam

Activity 3: Create Your Own Conversations

(10–15 minutes)

Ang katuyoan niini nga kalihokan mao ang pag-istoryahanay sa Iningles.

Part 1

Pakigkita sa imong grupo. Pangutana sa ngalan sa matag tigkat-on sa imong grupo. Pagmamugnaon. Paggamit og daghang pulong kutob sa imong nahibaloan.

Example

• A: Hi, what’s your name?

• B: My name is Mei. What is your name?

• A: My name is Sione. Nice to meet you.

• B: Nice to meet you. Goodbye.

• A: Bye!

Part 2

Pangita og usa ka kapares ug ipailaila ang imong kapares ngadto sa imong grupo.

Example

• A: Hi, what’s her name?

• B: Her name is Luna. What is his name?

• A: His name is Seth.

Evaluate

(5–10 minutes)

Ikaw anak sa Dios ug adunay walay kinutoban nga potensiyal sa pagkat-on ug paglambo. Ikaw mahimong magkat-on sa pag-uswag pinaagi sa mainampoong pagsukod sa imong nahimo ug paningkamot. Human sa matag leksiyon, sukda ang imong paglambo sa paghuman sa matag katuyoan. Dayon, sukda ang imong paningkamot pinaagi sa paggamit sa imong “Tigsubay sa Personal nga Pagtuon” ug pagpili og usa ka paagi nga mouswag sa wala pa ang sunod nga leksiyon.

Sukda ang imong paglambo sa mga katuyoan ug ang imong mga paningkamot sa pagpraktis og Iningles matag adlaw.

Evaluate Your Progress

I can:

• Say my name and others’ names.

  Isulti ang akong ngalan ug ang ngalan sa uban.

  

• Say hello and goodbye.

  Sulti og kumusta ug babay.

  

• Understand how EnglishConnect can help me learn English.

  Sabta kon sa unsang paagi nga ang EnglishConnect makatabang nako sa pagkat-on og Iningles.

  

Evaluate Your Efforts

Sukda ang imong mga paningkamot sa:

1. Pagtuon sa baroganan sa pagkat-on.

2. Pagmemorya sa bokabularyo.

3. Pagpraktis sa mga sundanan.

4. Pagpraktis kada adlaw.

Paghimo og tumong. Ikonsiderar ang mga sugyot sa pagtuon diha sa “Tigsubay sa Personal nga Pagtuon.”

Ipakigbahin ang imong tumong ngadto sa usa ka kapares.

Pagpangandam alang sa Sunod nga Leksiyon

(5 minutes)

Ang Dios anaa kanunay aron sa pagsuporta kanato. Siya usab naglaom kanato sa pagbuhat sa atong labing maayo. Ikaw makabenepisyo gikan sa matag paningkamot sa pagpangandam alang sa leksiyon. Ania ang tulo ka butang nga buhaton alang sa matag leksiyon sa dili pa motambong sa imong panag-istoryahanay nga grupo:

• Pagtuon sa baroganan sa pagkat-on.

• Pagmemorya sa bokabularyo.

• Pagpraktis sa mga sundanan.

Makita nimo kini nga tulo ka butang diha sa “Personal nga Pagtuon” nga seksiyon sa sinugdanan sa matag leksiyon. Hinumdomi ang pagtuon ug pagpraktis kada adlaw.

Act in Faith to Practice English Daily

Sa kataposan sa matag leksiyon, adunay usa ka “Lihok uban sa Hugot nga Pagtuo sa Pagpraktis og Iningles Kada Adlaw” nga seksiyon. Paggahin og usa ka minuto sa pagbasa og kusog sa kinutlo kauban sa imong grupo.

“Ang matag usa kanato adunay balaanong potensiyal tungod kay ang matag usa anak sa Dios. Ang matag usa managsama diha sa Iyang panan-aw. Ang mga implikasyon niini nga kamatuoran lawom kaayo” (Russell M. Nelson, “Ipatigbabaw ang Dios Labaw sa Tanan,” Liahona, Nob. 2020, 94).