Personal Study Tracker

Faamaumauga e Siaki ai Suesuega Faaletagata Lava Ia

Tusi lou faamoemoega mo le aoaoina o le Igilisi.

Faamoemoega: Ou te fia aoaoina le Igilisi auā:

E mafai ona e faaleleia lou tomai e aoao ai e ala i le siakiina o au taumafaiga ma le faatutuina o sini e faaleleia atili ai. Faaaoga le “Faamaumauga e Siaki ai Suesuega Faaletagata Lava Ia” e siaki ai au taumafaiga. A maea lesona taitasi, faatu se sini faigofie. Patipatia lou alualu i luma; o taumafaiga uma lava e te latalata atili ai i lau sini.

Taumafaiga Itiiti

Taumafaiga Feoloolo

Taumafaiga Iloga

“Faamaumauga e Siaki ai Suesuega Faaletagata Lava Ia” e mafai ona lolomi.

Example

Faataitaiga

Lesson Lesona	Study the Principle of Learning Suesue le Mataupu Faavae o le Aoaoina	Memorize Vocabulary Tauloto le Vaogagana	Practice the Patterns Faataitai Mamanu	Practice Daily Faataitai i Aso Taitasi	My Goal O La’u sini
Lesson Lesona 1	Study the Principle of Learning Suesue le Mataupu Faavae o le Aoaoina	Memorize Vocabulary Tauloto le Vaogagana	Practice the Patterns Faataitai Mamanu	Practice Daily Faataitai i Aso Taitasi	My Goal O La’u sini Faitau le Faatomuaga. Faatumu le vaega “Suesuega Faaletagata Lava Ia” mo le lesona 2.
Lesson Lesona 2	Study the Principle of Learning Suesue le Mataupu Faavae o le Aoaoina	Memorize Vocabulary Tauloto le Vaogagana	Practice the Patterns Faataitai Mamanu	Practice Daily Faataitai i Aso Taitasi	My Goal O La’u sini Suesue i le mataupu faavae o le aoaoina a o lei faia le lesona.
Lesson Lesona 3	Study the Principle of Learning Suesue le Mataupu Faavae o le Aoaoina	Memorize Vocabulary Tauloto le Vaogagana	Practice the Patterns Faataitai Mamanu	Practice Daily Faataitai i Aso Taitasi	My Goal O La’u sini Pe a ou tatalo, o le a ou faaaogaina vaogagana fou o le Igilisi.

Study Suggestions

Fautuaga mo Suesuega

Mafaufau e faaaoga fautuaga o loo i lalo e faaleleia ai lau suesuega.

Study the Principle of Learning

Suesue le Mataupu Faavae o le Aoaoina

1. Tatalo. Amata ma faaiu au suesuega i se tatalo. Ole atu i le Atua e fesoasoani ia te oe ia malamalama ma faaaoga le mataupu faavae.

2. Faalogo i le Agaga. Faalogo i ou mafaufauga ma lagona, tusa lava pe le fesootai ma mea o loo e faitauina. Tusifaamaumau ou manatu ma lagona. Fai le mea e valaalulia oe e le Agaga e fai.

3. Tusi i lalo ni upu ma fasifuaitau musuia. Atonu e te mauaina ni upu ma ni fasifuaitau faapitoa e talafeagai patino ma musuia ma faaosofia ai oe. Tusi i se mea o le a e vaai ai i ai. Tuu i luga o lau faaata po o lau telefoni.

4. Faaaoga le mataupu faavae o le aoaoina. Mafaufau pe faapefea ona e faaaogaina le mataupu faavae o le aoaoina, o upusii, ma mau i lou olaga. Tusi faamaumau mea ua e aoaoina a o e faaaogaina le mataupu faavae o le aoaoina.

5. Faitau atili. Faitau mau po o lauga o le konafesi e faatatau i le mataupu faavae o le aoaoina.

6. Aoao ni upu fou. Filifili ni upu mai le mataupu faavae o le aoaoina e te manao e aoao i le Igilisi. Sue ia upu. Talanoa i isi tagata aoao e faatatau i le uiga o upu ma fasifuaitau ia i latou.

Memorize Vocabulary

Tauloto Upu

1. Taulai atu i le uiga ma le faaleoina. Faataitai le toe ta’uga leotele o le upu ma mafaufau i le uiga o le upu. Aoao le faaleoina o upu taitasi ma faataitai seia oo ina e faaleoina sao. Faaauau seia mafai ona e fai atu ma le mautinoa le upu ma iloa lona uiga.

2. Faataitai e faaaogaina ai kata. Faaaoga kata o faamatalaga (po o se polokalama) e fatu ai ni kata e faaaoga. Tusi le upu i le tasi itu ma se faauigaga, faaliliuga, po o se ata i le isi itu. O le faifai soo o le ki lea i le taulotoina o upu.

3. Faataitai upu i fuaiupu. Faataitai le fai atu o le upu o loo e aoaoina i se fuaiupu. E mafai ona e faaaogaina mamanu o fuaiupu e faataitai ai upu o loo e aoaoina.

4. Faaaoga le upu. Mafaufau i tulaga e te faaaogaina ai le upu i lou olaga i aso taitasi. Faataitai le tulaga seia oo ina lagona le masani i le faaaogaina o le upu. A o e alu i le galuega, aoga, faleoloa, po o isi nofoaga, faaaoga upu i lou mafaufau e faamatala ai mea.

5. Matau upu. Vaavaai ma faalogo mo upu fou ao faagasolo lou aso. E mafai ona e aoao mai ata tifaga, ata TV, tusi, faasalalauga, po o pese. Tusi i lalo upu fou.

6. Aoao atili. Faaaoga se lomifefiloi e aoao atili ai e uiga i upu fou. Aoao faauigaga, vaega o le tautala, vaega o upu, faaleoina, ma fuaiupu faataitai.

7. Toefaamanatu. Faaalu se taimi e toe faamanatu ai mai lea taimi i lea taimi upu na e aoaoina i le taimi ua tuanai. O le a fesoasoani lenei mea ia te oe e iloa ai le tele o mea ua e aoaoina ma lē galo ai upu.

Practice the Patterns

Faataitai Mamanu

1. Taulai atu i le uiga ma le lelei o le tautala. Faataitai le toe faia leotele o se fuaiupu mai le mamanu ma mafaufau i le uiga o le fuaiupu. Faaauau seia mafai ona e faia lelei le fuaiupu, ma le mautinoa, ma iloa lona uiga.

2. Pue lou lava [leo]. Pue lou lava [leo] ao e faia ma tali fesili i lau telefoni. Faalogologo i lou leo na pue ma gauai atu i lau tautala ma faaleoga.

3. Faataitai ma se paga. Faataitai le faaaogaina o mamanu e fai atu ai ma tali fesili ma se uo. E mafai ona e faataitai faafesagai ma le tagata po o le telefoni. Faataitai le faaaogaina o mamanu a o e tusia feau tusitusia i se uo.

4. Mafaufau ma talanoa e uiga i mamanu. O le a se mea ua e matauina e uiga i le auala e faaaoga ai le Igilisi? E faapefea ona tutusa le Igilisi ma lau gagana? E faapefea ona ese le Igilisi mai lau gagana? E mafai faapefea ona e faaaogaina le mamanu mai se lesona i se isi tulaga?

5. Faaaoga isi punaoa. O tusi o le kalama, polokalama, uepisaite, ma isi tagata aoao e mafai ona fesoasoani ia te oe e aoao atili ai e uiga i mamanu o le kalama Igilisi.

6. Matau mamanu. Vaai ma faalogo mo mamanu o loo e aoaoina pe a e faitau pe faalogologo i le Igilisi.

Practice Daily

Faataitai i Aso Taitasi

1. Faatulaga se taimi masani. Fuafua po o afea ma po o fea o le a e suesue ai i aso taitasi ma faia loa. Ina ia fesoasoani ia te oe e manatua, tusi lau sini i se faamatalaga “pe a”. Mo se faataitaiga, “Pe a ou , ou te .” O nisi nei o faataitaiga: “Pe a ou tietie i le pasi, ou te faamanatuina upu.; “Pe a ou kukaina le taumafataga o le afiafi, ou te faamatalaina le mea o loo ou faia i le Igilisi.””; ma le “”Pe a ou tatalo, ou te fai atu le tele o mea ou te mafaia i le Igilisi.

2. Fai gaoioiga i aso taitasi i le Igilisi. Saili ni auala e suia ai lau gagana moni i le Igilisi i au gaoioiga i aso taitasi. Mo se faataitaiga, a e faalogologo i musika, faalogologo i le Igilisi. Isi manatu: matamata i ata tifaga i le Igilisi po o faaupuga Igilisi, sui le faatulagaga o lau telefoni i le Igilisi, ma faitau mau i le Igilisi.

3. Faitau. Faitau le tele e te mafaia i le Igilisi. Faitau tusitusiga paia, lauga o le konafesi aoao, mekasini, faasalalauga, talafou, ma isi faamatalaga i le Igilisi.

4. Faalogo. Faalogologo lelei i le tele e te mafaia. Faalogologo i faasalalauga, tusitusiga paia, lauga, aoaoga, vitio, ata i le TV, po o ata tifaga.

5. Tautala. Saili ni uo, aiga, ma tagata faigaluega ma faataitai le talanoa ma i latou. Faasoa atu mea sa e aoaoina ma faia e faataitai ai le Igilisi. Fatu se talanoaga faalevaega ma auina atu ni faamatalaga i le leo.

6. Tusitusi. Saili ni avanoa e tusitusi ai i le Igilisi. Amata ona tusi se api talaaga o aso taitasi pe fatu se talanoaga faalevaega. Faaaoga fuaiupu ma le vaogagana o loo e aoaoina.

7. Faauma gaoioiga o le lesona. Fai gaoioiga ma iloiloga o le lesona i luga o le initoneti i le englishconnect.org po o le EnglishConnect Workbook.