Introduction

Faatomuaga

Welcome to EnglishConnect!

Afio mai i le EnglishConnect!

O le EnglishConnect e aumaia faatasi ai tagata o loo saili e faalautele o latou avanoa e ala i le aoaoina o le Igilisi. Tatou te o mai uma lava mai talaaga eseese ma tautatala i gagana eseese. Atonu e eseese tulaga o lo tatou tomai faa-Peretania, ae e mafai ona tatou ausia faatasi a tatou sini.

Why Are You Learning English?

Aisea Ua E Aoaoina Ai Le Igilisi?

O le i ai o se faamoemoega manino e mafai ona fesoasoani ia te oe e tumau ai le taulai ma le faaosofia. Sei o tatou mafaufau pe aisea ua e aoaoina ai le Igilisi. Pe o e faamoemoe ia maua se galuega e lelei atu? E manaomia ona e aoaoina le Igilisi e faalautele ai au aoaoga? Faaalu sina taimi e tusi ai i lalo au mafuaaga mo le aoaoina o le Igilisi.

Ou te fia aoaoa le Igilisi aua:

O le aoaoina o le Igilisi e mafai ona faalautele ai ou avanoa mo galuega, aʻoga, auaunaga, ma faauoga. E mafai ona fesoasoani le EnglishConnect ia te oe e ausia au sini.

What Is EnglishConnect?

O le a le EnglishConnect?

O le EnglishConnect o se polokalama tulaga ese e aoaoina ai le Igilisi ua saunia e Le Ekalesia a Iesu Keriso o le Au Paia o Aso e Gata Ai. Ua mamanuina le EnglishConnect ina ia fesoasoani ia te oe e atiina ae tomai i le Igilisi i se siosiomaga o le faatuatua, faaaumeaina ma le tuputupu ae. O lona uiga o le a e le faia na o oe lenei mea. O le a outou aoao faatasi ma isi ma lagolago ma faamalosiau le tasi i le isi. O le a mafai foi ona e faatupulaia lou faatuatua e mafai e le Atua ona fesoasoani ia te oe e aoao.

O le EnglishConnect e aofia ai le tele o tulaga. O le EnglishConnect 1 ma le 2 e fesoasoani i tagata a’oa’o e atiina ae ni tomai faavae i le Igilisi. O le EnglishConnect 3 e saunia ai tagata a’oa’o mo avanoa faaleaoaoga—aemaise lava i le BYU–Pathway Worldwide. E mafai ona e aoao atili e uiga i le BYU–Pathway Worldwide i le byupathway.org. Aoao atili e uiga i le EnglishConnect i le englishconnect.org.

What Makes EnglishConnect Unique?

O Le A Se Mea e Tulaga Ese Ai le EnglishConnect?

I le EnglishConnect, tatou te atiina ae faatasi ni tomai i le Igilisi i se siosiomaga o le faatuatua, faaaumea, ma le tuputupu ae.

Faith

Faatuatua

I le EnglishConnect, tatou te aoao e ala i le suesue ma le faatuatua. E amata lesona taitasi i se mataupu faavae o le aoaoina. O mataupu faavae faaleagaga nei e fesoasoani ia i tatou e faalagolago ai i le Alii e faateleina ai lo tatou gafatia e aoao. O talitonuga o loo ia te oe e uiga i lou tomai e aoao ai o le a i ai se aafiaga taua i au taumafaiga ma taunuuga. O mataupu faavae o le aoaoina e mafai ona fesoasoani ia te oe e malamalama ai i lou gafatia moni ma le mafaia e le Atua ona fesoasoani ia te oe. O mataupu faavae nei o le a e suesueina:

O Oe o se Atalii/Afafine o le Atua

“O au o se atalii/afafine o le Atua e i ai gafatia ma faamoemoega e faavavau.”

(tagai i le Roma 8:16–17; O Le Aiga: O Se Folafolaga i le Lalolagi)

Faatino le Faatuatua ia Iesu Keriso

E mafai e Iesu Keriso ona fesoasoani ia te au e faia mea uma pe a ou faatino le faatuatua ia te Ia.”“

(tagai i le Filipi 4:13; Eteru 12:27; Moronae 7:33 )

Fai le Tiutetauave

“Ua ia te a’u le mana e filifili ai, ma o a’u e nafa ma lo’u lava aoaoina.”

(tagai i le 2 Nifae 2:14, 16; Mataupu Faavae ma Feagaiga 58:27--28)

Alofa ma Aoao e le Tasi le Isi

“E mafai ona ou aoao mai le Agaga Paia ao ou alofa, aoao atu, ma aoao faatasi ma isi.”

(tagai i le Ioane 13:34–35; Ioane 14:26–27; Mataupu Faavae ma Feagaiga 88:77, 88:122–123)

Fetaomi Atu i Luma

“Faatasi ai ma le fesoasoani a le Atua, e mafai ai ona ou fetaomi atu i luma e tusa lava pe ou te feagai ma faafitauli.”

(tagai i le 2 Nifae 31:20; 2 Nifae 32:9; Mataupu Faavae ma Feagaiga 50:41–42)

Filifili ma le Alii

“Ou te faaleleia lo’u aoaoina e ala i le fefautuaai ma le Atua i aso taitasi e uiga i a’u taumafaiga.”

(tagai i le Faataoto 3:5–6; Mataio 7:7–8; Alema 37:37)

O mataupu faavae o le aoaoina o faamatalaga o le upumoni. E mafai ona e fai atu nei faamatalaga ia te oe lava pe a e manaomia se faaosofiaga po o se faamalosiauga. A o e faaaogaina nei mataupu faavae, o le a faateleina lou tomai e aoao ai. O le a e iloa, faatasi ai ma le fesoasoani a le Atua, e mafai ona e ausia au sini.

Fellowship

Faaaumea

O se vaega taua o le aafiaga o le EnglishConnect o le aoao faatasi ma isi. O vaega o le EnglishConnect e fiafia, fesoasoani, ma lagolago le tasi i le isi. O a outou fonotaga faalevaega o se nofoaga saogalemu lea e faataitai ai le tautala ma faia ni mea sese. O le auai i se vaega o le EnglishConnect e mafai ona fesoasoani ia te oe e tumau ai le faaosofia ma fausia ni faauoga.

Growth

Tuputupu Ae

O le EnglishConnect e sili atu nai lo na o se polokalama mo le aoaoina o le Igilisi. E tusa lava po o fea o e amata ai, o aafiaga ua e maua o le a fesoasoani ia te oe e avea ai o se tagata aoao lelei atu. O le a e maua avanoa e:

• Faataitai ai le Igilisi i aso uma.

• Siaki lou alualu i luma.

• Aoao ai ma isi.

• Tatalo i le Atua mo se fesoasoani ia ausia au sini.

What Will I Do in EnglishConnect?

O Le a Le Mea o le a Ou Faia i le EnglishConnect?

I le EnglishConnect, o le a e faia ai suesuega patino, faataitai talanoaga faalevaega, ma faataitai i aso taitasi. O lesona taitasi i le tusi lesona a le tagata aoao o le EnglishConnect ua vaevaeina i ni vaega se lua—“Suesuega Faaletagata Lava Ia” ma le “Vaega o Talanoaga.”

Personal Study

Suesuega Faaletagata Lava Ia

O le vaega o le “Suesuega Faaletagata Lava Ia” e saunia ai oe mo lau vaega o talanoaga. I le “Suesuega Faaletagata Lava Ia,” e te faamaeaina ai gaoioiga nei:

Study the Principle of Learning

Suesue le Mataupu Faavae o le Aoaoina

O lesona taitasi e aofia ai se mataupu faavae o le aoaoina. O mataupu faavae faaleagaga nei e fesoasoani ia te oe e faipaaga ai ma le Atua i le aoaoina o le Igilisi. A o lei faia lau vaega o talanoaga, faitau le mataupu faavae o le aoaoina, mafaufau loloto i fesili, ma tusi i lalo ou manatu.

Memorize Vocabulary

Tauloto le Vaogagana

Aoao le uiga ma le faaleoina o upu taitasi. Faaaoga le vaogagana e faataitai ai mamanu. E mafai foi ona e sueina upu faaopoopo o le vaogagana ia e mafai ona faaaoga i le mamanu.

Practice the Patterns

Faataitai Mamanu

Amata i le taulotoina o mamanu o fuaiupu. Ona faaaoga lea o mamanu e fatu ai au lava fesili ma tali. E mafai ona e suia upu ua vaseina i isi upu mai le lisi o vaogagana. Faaauau pea ona faataitai leotele seia mafai ona e faaaogaina ma le mautinoa ia mamanu e fai atu ai ma tali fesili.

Conversation Group

Vaega o le Talanoaga

O le vaega “Vaega o Talanoaga” o loo aofia ai gaoioiga o le a e faaaogaina e aoao ai ma isi. I le “Vaega o Talanoaga,” e te faamaeaina ai gaoioiga nei:

Discuss the Principle of Learning (20–30 minutes)

Talanoaina le Mataupu Faavae o le Aoaoina (20–30 minute)

I lau vaega, faitau ma talanoaina le mataupu faavae o le aoaoina. O se avanoa lenei e faasoa atu ai ma aoao mai isi.

Activities

Gaoioiga

I gaoioiga 1, 2, ma le 3, faaaoga le vaogagana ma mamanu o fuaiupu e auai ai i talanoaga anoa. O gaoioiga e fesoasoani i tagata aoao e alualu ai i luma mai le faataitai soo i le fatuina o au lava talanoaga. O gaoioiga taitasi e saunia ai oe mo le isi gaoioiga.

Activity 1: Practice the Patterns (10–15 minutes)

Gaoioiga 1: Faataitai Mamanu (10–15 minute)

I le gaoioiga 1, toe faamanatu le vaogagana ma mamanu na e aoaoina i lau suesuega faaletagata lava ia. O lau sini o le faaaogaina o mamanu e fai atu ai ma malamalama ai i fesili ma tali faigofie.

Activity 2: Create Your Own Sentences (10–15 minutes)

Gaoioiga 2: Fatu Au Lava Fuaiupu (10–15 minute)

I le gaoioiga 2, taulai atu i le faaaogaina o mamanu e fatu ai au lava fuaiupu. Ia fatufatua’i. O lau sini o le faaaogaina lea o mamanu e fatu ai le tele o fesili ma tali e te mafaia.

Activity 3: Create Your Own Conversations (15–20 minutes)

Gaoioiga 3: Fatu Au Lava Talanoaga (15–20 minute)

I le gaoioiga 3, faataitai ia talanoaga atoa i tulaga moni o le olaga. O lau sini o le faia lea o ni talanoaga anoa e faaaoga ai le Igilisi ua e aoaoina.

Evaluate (5–10 minutes)

Iloilo (5–10 minute)

I le faaiuga o talanoaga taitasi i vaega, iloilo lou alualu i luma i faamoemoega o le lesona. Faaaoga le “Faamaumauga e Siaki ai Suesuega Faaletagata Lava Ia” e iloilo ai au taumafaiga i suesuega patino, ma faatulaga ni sini e faaleleia atili ai. Faaalu se taimi e patipatia ai i lou alualu i luma ma au taumafaiga.

Daily Practice

Faataitaiga i Aso Taitasi

Ina ia aoao le Igilisi, e manaomia ona e atiina ae se mausa o le faataitai i aso taitasi. E faaopoopo atu i taimi tuuto o suesuega, saili ni auala e suia ai au gaoioiga i aso taitasi i le Igilisi. Mo se faataitaiga, a e faalogologo i musika, faalogologo i le Igilisi. Pe a e matamata i se tifaga, matamata i le Igilisi pe ki upu Igilisi i le ata. Soo se taimi lava e te faatalitali ai i se nofoaga, ia faataitai talanoaga i le Igilisi i lou mafaufau. Pe a e tatalo, ia fai atu le tele e te mafaia i le Igilisi. O le ki i faataitaiga i aso taitasi o le faaaogaina lea o le Igilisi i au faiga masani.

E mafai foi ona e faamaeaina gaoioiga o lesona ma faavasegaga i le initoneti i le englishconnect.org/learner/resources ma i le EnglishConnect 1 Workbook.

A o e faamaeaina gaoioiga o suesuega patino mo lesona taitasi ma faataitai i aso taitasi, o le a vave ona e aoao ma saunia lelei mo lau vaega o talanoaga. Faaaoga le “Faamaumauga e Siaki ai Suesuega Faaletagata Lava Ia” o loo aofia atu i le faaiuga o lenei folasaga e siaki ai au taumafaiga ma au sini.

Remember This

Manatua le Mea Lenei

A o e faamaeaina gaoioiga o suesuega patino, faataitai le Igilisi i aso taitasi, ma auai malosi i lau vaega o talanoaga, o le a e atiina ae tomai o talanoaga i le Igilisi. Ae o le mea e sili ona taua, a o e faaaogaina mataupu faavae o le aoaoina ma tatalo mo le fesoasoani a le Atua, e mafai ona Ia fesoasoani ia te oe e ausia au sini i le taimi nei ma le lumanai.