Unsaon Nako sa Pagsugod?

Kompletoha ang “Mga Lakang alang sa Kalamposan” diha sa missionary.englishconnect.org/missionary. Kini nga mga lakang makatabang nimo sa pagtakda og mga tumong, pagpili sa imong lebel, ug pagkat-on kon unsaon sa paggamit sa mga kapanguhaan sa pagtuon.

Pagpili sa Imong Lebel

Basaha ang mahitungod sa mga lebel sa EnglishConnect ug desisyoni kon asa ka magsugod.

• EnglishConnect alang sa mga Nagsugod pa: Ako nahibalo og pipila o walay nahibaloan nga mga pulong sa Iningles.

• EnglishConnect 1: Pamilyar ko sa alpabeto sa Iningles ug makasulti og sayon nga mga pulong o sinag-ulo nga mga hugpong sa mga pulong.

• EnglishConnect 2: Makaporma ko og sayon nga mga kapahayag apan usahay maglisod sa paglahutay og yano nga panagsultihanay.

• EnglishConnect 3: Makahimo ko og natural nga mga panagsultihanay ug makabasa ug makasulat og sayon nga mga kapahayag.

Sunda ang Plano sa Pagtuon alang sa Imong Lebel

• Plano sa Pagtuon sa EnglishConnect alang sa mga Nagsugod pa

• Plano sa Pagtuon sa EnglishConnect 1 ug 2

• Plano sa Pagtuon sa EnglishConnect 3

Gamita ang mga baroganan sa pagkat-on sa pinulongan diha sa Isangyaw ang Akong Ebanghelyo, kapitulo 7, samtang magpraktis ka ug magtinguha sa gasa sa mga pinulongan.

“Kabahin sa pagtinguha sa gasa sa mga pinulongan mao ang pagpaningkamot ug pagbuhat sa tanan nimong mahimo aron makakat-on sa pinulongan. Magmapailobon samtang ikaw mainampoon nga magtuon ug magpraktis sa pinulongan. Salig nga ang Espiritu motabang kanimo samtang ikaw mohimo og usa ka makugihon nga paningkamot” (Isangyaw ang Akong Ebanghelyo, 164).