Li k’a’ru rajlal napatz’man

K’a’ru naru ninjal sa’eb’ li k’anjeleb’aal re tzolok ut puktesink esil?

B’ar wankeb’ li k’anjeleb’aal choq’ reheb’ laj tzolonel ut laj k’utunel re EnglishConnect?

Chan ru tinnaw ma us yookeb’ chi elk li ch’uut?

Chan ru tinnaw b’ar wan reheb’ EnglishConnect 1 malaj 2 li tento taa’ok wi’ jun aj tzolonel?

K’a’ru naru ninjal sa’eb’ li k’anjeleb’aal re tzolok ut puktesink esil?

Eb’ li k’anjeleb’aal re EnglishConnect xxaqab’ankileb’ xb’aaneb’ li chaq’rab’ re derechos de autor ut ink’a’ naru najalman chi maak’a’ liceens. Chi’ilmanq li raqal “Xtiqb’al li aatin A: Lix chaq’rab’il li tenamit” re xtawb’al li na’leb’ chirix xpatz’b’al liceens re xjalb’aleb’ li k’anjeleb’aal.

Jarub’eb’ laj k’utunel neke’ajman ru?

Tz’aamanb’il naq te’wanq wiib’ chi aj k’utunel choq’ re li junjunq chi ch’uut. Chi jo’kan jun reheb’ a’an naru chi k’utuk wi jun reheb’ moko wan ta malaj yaj.

K’e reetal: Eb’ li ch’uut re EnglishConnect tento te’xtaaqe lix chaq’rab’il li Iglees naq junelik wanqeb’ wiib’ li kristiaan ninq naq neke’ch’utla li ch’uut. Wi jun ajwi’ laj k’utunel wan, patz’ re jun chik li kristiaan ak nim naq taatz’aqonq sa’ li junjunq chi ch’utam. Ink’a’ naru nach’utla li ch’uut wi moko wankeb’ ta wiib’ li kristiaan ninq.

B’ar wankeb’ li k’anjeleb’aal choq’ reheb’ laj tzolonel ut laj k’utunel re EnglishConnect?

Eb’ li k’anjeleb’aal choq’ reheb’ laj tzolonel

Eb’ laj tzolonel tento te’roksi EnglishConnect 1 choq’ reheb’ laj tzolonel malaj EnglishConnect 2 choq’ reheb’ laj tzolonel . Wankeb’ xkomoneb’ chik li k’anjeleb’aal re xtenq’ankileb’ chi tzolok. Chi’ilmanq li tusulal rub’el a’in re xtawb’al xch’olob’ankil chixjunileb’ li k’anjeleb’aal naru neke’roksi laj tzolonel:

EnglishConnect 1 choq’ reheb’ laj tzolonel ut EnglishConnect 2 choq’ reheb’ laj tzolonel: Eb’ laj tzolonel neke’roksi li k’anjenel hu a’in re xkawresinkil rib’ ut re tz’aqonk sa’ li aatinak sa’ ch’uut. Eb’ li k’anjenel hu choq’ reheb’ laj tzolonel jachb’ileb’ sa’ waqib’ chi raqal rik’in kaahib’ malaj oob’ chi tzolok sa’ li junjunq chi raqal. Sa’ li junjunq chi tzolok wankeb’ li raqal “Personal Study” ut “Conversation Group.” Waklesinb’il xch’ooleb’ laj tzolonel chixb’aanunkileb’ li kok’ k’anjel sa’ “Personal Study” rub’elaj naq te’chalq re aatinak sa’ ch’uut. Naru neke’tawman li k’anjenel hu choq’ reheb’ laj tzolonel ut li audio li naxk’am rib’ rik’in a’an sa’ li Biblioteca del Evangelio malaj naru neke’loq’man sa’ store.ChurchofJesusChrist.org (ajl 18489 & 19563).
Hu re tzolok re EnglishConnect 1 ut Hu re tzolok re EnglishConnect 2: Jalan jalanq li hu re tzolok choq’ re EnglishConnect 1 ut 2. Eb’ laj tzolonel neke’roksiheb’ li kok’ k’anjel sa’eb’ li hu a’in sa’ junesal malaj rik’in junaq ochb’een re xyalb’al roksinkil li Ingles naq ink’a’ yookeb’ chi aatinak sa’ ch’uut. Naru neke’tawman li hu re tzolok sa’ li Biblioteca del Evangelio malaj naru neke’loq’man sa’ store.ChurchofJesusChrist.org (ajl 17140 & 17323).
EnglishConnect.org: Sa’ li perel web re EnglishConnect wankeb’ li kok’ k’anjel choq’ re li junjunq chi tzolok.
Li aplicacion Biblioteca del Evangelio: Eb’ laj tzolonel naru neke’ril malaj nekerab’iheb’ li aatin re li jolomil ch’utub’aj-ib’, lix Hu laj Mormon, ut eb’ li b’ich.
Xkomoneb’ chik li hu ut li aplicacion: Wankeb’ naab’al chik li k’anjeleb’aal li kawresinb’ileb’ re xtenq’ankileb’ li kristiaan chixtzolb’al li Ingles. Eb’ laj tzolonel tento “te’sik’oq … saʼebʼ li hu qʼaxal chaabʼil li aatin re chaabʼil naʼlebʼ; che’xsikʼ xkʼulbʼal xnawomeb’, rikʼin li tzolok ut rikʼin ajwiʼ li paabʼaal” (Tzol’leb’ ut Sumwank 88:118).

Eb’ laj k’utunel tento te’xwaklesi xch’ooleb’ laj tzolonel chiroksinkileb’ li k’anjeleb’aal ut chixk’eeb’al reetal b’ar wan reheb’ neke’xtenq’aheb’.

Eb’ li ajl sa’ li k’ayib’aal re li Iglees

EnglishConnect 1 choq’ reheb’ laj tzolonel	18489
EnglishConnect 2 choq’ reheb’ laj tzolonel	19563
Hu re tzolok re EnglishConnect 1	17140
Hu re tzolok re EnglishConnect 2	17323

Eb’ li k’anjeleb’aal choq’ reheb’ laj k’utunel

Eb’ laj k’utunel tento te’xtz’il rix EnglishConnect choq’ reheb’ laj k’utunel sa’ li Biblioteca del Evangelio jo’eb’ ajwi’ xkomoneb’ chik li k’anjeleb’aal aj kawresinel sa’ englishconnect.org/teacher/training. Eb’ laj k’utunel naru ajwi’ neke’roksiheb’ li k’anjeleb’aal re xk’utb’al EnglishConnect re xb’eresinkileb’ li aatinak sa’ ch’uut sa’ internet. Eb’ li tzolok naru neke’tawman sa’ englishconnect.org/resources/teaching-materials.

Chan ru tinnaw ma us yookeb’ chi elk li ch’uut?

Li rajom EnglishConnect, a’an xtenq’ankileb’ laj tzolonel chixtenq’ankil rib’ sa’ musiq’ej ut sa’ tib’elej naq neke’xsik’ xtenq’ li Qaawa’ re xtzolb’al li Ingles. Xtzolb’al li Ingles naru ajwi’ naxtenq’aheb’ rik’in xtawb’al b’ar te’tzoloq ut te’xtaw xtrab’aaj. Li tzolok sa’ EnglishConnect k’uub’anb’il re xtenq’ankileb’ laj tzolonel chixk’anjelankileb’ li na’leb’ re li evangelio naq neke’k’anjelak sa’ komonil re xtz’aqob’resinkil ru li rajomeb’ re tzolok.

Taanaw naq yookeb’ chi elk chi uub’ej laj k’utunel naq:

Neke’xb’oq li Musiq’ej rik’in xnawom ch’oolej, tijok, ut xk’utb’al li rahok ut li waklesink ch’oolej.
Neke’roksi 20 toj 30 k’asal re aatinak sa’ komonil chirix li na’leb’ re tzolok li xe’ril.
Neke’roksi lix k’ihal li hoonal sa’ li ch’uut re xtenq’ankileb’ laj tzolonel chi aatinak sa’eb’ li kok’ k’anjel.

Taanaw naq yookeb’ chi elk chi uub’elj laj tzolonel naq:

Neke’wulak chi kok’ aj xsa’ ut neke’tz’aqon sa’eb’ li ch’utam chiru li xamaan.
Neke’xtzol rib’ chirib’ileb’ rib’, neke’xk’ut li paab’aal, ut neke’xwotz xnawomeb’ xch’ool.
Neke’xk’anjela lix paab’aaleb’ re xtzolb’al ut roksinkil li Ingles wulaj wulaj naq moko wankeb’ ta sa’ li ch’uut.

Chan ru tinnaw b’ar wan reheb’ EnglishConnect 1 malaj 2 li tento taa’ok wi’ jun aj tzolonel?

Naru na’oksiman li ch’ina tz’ilok-ix sa “Xtiqb’al li aatin B: Li tz’ilok-ix chirix li seeb’al chi aatinak re xtawb’al b’ar wan li ch’uut re EnglishConnect taa’ok wi’” re xnawb’al ma taatz’aqonq li kristiaan sa’ EnglishConnect 1 malaj EnglishConnect 2. Wi jun ajwi’ li ch’uut nak’uub’aman, eb’ laj tzolonel reheb’ li wiib’ chi ch’uut neke’ru chi k’anjelak sa’ komonil re xtenq’ankileb’ rib’ chirib’ileb’ rib’.