Eb’ li eetalil

Arin wankeb’ li eetalil re chan ru xk’uub’ankileb’ li ch’uut a’ yaal li na’ajman ru sa’ lee na’aj.

Eb’ li ch’uut re wiib’ chi teep malaj oqech

Eb’ li ch’uut b’eresinb’ileb’ xb’aaneb’ li misioneer

Eb’ li ch’uut ink’a’ neke’raqe’

Jun ch’uut re oqech naraj xk’eeb’aleb’ li ch’uut re EnglishConnect li naru neke’xch’utub’ wi’ rib’ li komon re li oqech ut xkomoneb’ chik li kristiaan yalaq jo’q’e te’raj. Neke’royb’eni naq sa’eb’ li ch’uut re EnglishConnect eb’ li komon re li Iglees te’ruuq chi k’anjelak chiru ras riitz’ineb’. Neke’royb’eni ajwi’ naq eb’ li ch’uut a’in te’xtenq’aheb’ li kristiaan sa’ li tenamit chixtzolb’al xkomon chik li na’leb’ chirix li Jesukristo ut te’reek’a xrahomeb’ li komon re li Iglees.

Neke’xsik’ ru jun kab’l li nach’ wan rik’in lix k’ihaleb’ li kristiaan li te’tz’aqonq. Neke’xsik’ ru naq taach’utlaaq li ch’uut sa’eb’ li martes ewu chalen 7:00 toj 8:30. Neke’xb’oqeb’ kaahib’ chi aj k’utunel, wiib’ choq’ re EnglishConnect 1, ut wiib’ chik choq’ re EnglishConnect 2. Neke’xpatz’ re jun reheb’ laj k’utunel naq tixjolomi li k’anjeleb’aal ut neke’xb’oq choq’ aj especialista re bienestar ut tenq’ank-ib’ sa’ Fuentes de recursos para líderes y secretarios. Rik’in li b’oqok a’in, laj especialista naru naxtz’iib’aheb’ li ch’uut sa’ QuickReg.

Li ch’uut re oqech naxpuktesi resileb’ li ch’uut rik’in xjek’inkileb’ li hu sa’ li iglees, xyeeb’al resil sa’eb’ li redes sociales, ut xpatz’b’al reheb’ li misioneer naq te’xb’oqeb’ li kristiaan neke’xnaw ru. Sa’ xtiklajik, li oqech naxye reheb’ li kristiaan naq te’tz’aqonq sa’ jun ch’uut re EnglishConnect 3 sa’ internet choq’ re li na’ajej wankeb’ wi’ chirix naq ak kawresinb’ileb’ re elk chaq sa’ EnglishConnect 2. Rik’in xnumik li hoonal, wankeb’ tz’aqal xk’ihaleb’ li ani naru te’tz’aqonq sa’ EnglishConnect 3, jo’kan naq li oqech naxk’uub’ li ch’uut a’an sa’ li kab’l re li Iglees ak neke’ch’utla wi’ li ch’uut re EnglishConnect 1 ut 2. Neke’k’anjelak rik’in jun kristiaan sa’ BYU–Pathway Worldwide re xb’oqb’aleb’ li misioneer re PathwayConnect re naq te’xjolomi li ch’uut re EnglishConnect 3.

Eb’ li ch’uut re wiib’ chi teep malaj oqech

Jun ch’uut re teep naraj xk’eeb’al xhoonaleb’ li komon re li teep ut li tenamit re te’xtzol li Ingles. Ak ke’xyal xk’eeb’al jun ch’uut re EnglishConnect, a’b’an lix k’ihaleb’ li ke’tz’aqon ink’a’ ke’ru chixteneb’ankil rib’ chi tzolok chiru 25 chi xamaan. Neke’xsik’ ru xk’eeb’aleb’ li ch’uut li ka’ajwi’ te’xk’ut wiib’ chi raqal.

Eb’ laj jolominel neke’raj naq li ch’uut te’ch’utlaaq sa’ martes ut viernes ewu chalen 7:30 toj 9:00. Neke’xb’oqeb’ kaahib’ chi aj k’utunel, wiib’ choq’ re EnglishConnect 1, ut wiib’ chik choq’ re EnglishConnect 2. Neke’xtz’iib’aheb’ li ch’uut sa’ QuickReg ut neke’xpuktesi resileb’ li ch’uut rik’in jun hu li t’uyub’anb’il chirix li Iglees. Neke’xk’uub’eb’ ajwi’ li hu naru neke’xjek’i li komon reheb’ li ramiiw malaj sa’eb’ li redes sociales.

Sa’ xraqik li po, eb’ laj jolominel neke’xraqeb’ li ch’uut sa’ QuickReg ut neke’xk’uub’ chan ru te’xb’aanu wiib’ chik li raqal sa’eb’ li kutan chalel.

Eb’ li ch’uut reheb’ li saaj

Jun ch’uut re oqech naraj xtenq’ankileb’ li saaj chixtawb’al b’ar te’tzoloq ut te’xtaw xtrab’aaj chirix naq neke’el chaq sa’ xk’anjeleb’ li saaj ut neke’sutq’i sa’ rochocheb’ chirix li k’anjelak sa’ mision. Eb’ laj jolominel neke’royb’eni ajwi’ naq li xtzolb’al li Ingles sa’ EnglishConnect tixtenq’aheb’ li saaj chixtzolb’al chan ru sumk’anjelak rik’in li Dios re xb’aanunkil li us. Neke’xsik’ ru xk’uub’ankileb’ li ch’uut re EnglishConnect choq’ reheb’ li saaj sa’ li oqech wankeb’ wi’.

Eb’ li saaj najt wankeb’ rik’in li rochocheb’ li jun siir chik, jo’kan naq eb’ laj jolominel neke’xsik’ ru naq te’ch’utlaaq li ch’uut sa’ internet sa’ li martes ewu chalen 8:00 toj 9:00. Neke’xb’oq jun komon li ak xsutq’i chaq sa’ xmision ut jun li saaj li naxnaw b’ayaq li Ingles re te’k’utuq sa’ li ch’uut. Eb’ laj jolominel neke’xk’e reetal naq neke’xtaaqe lix chaq’rab’il li Iglees re xkolb’aleb’ rix li saaj. Neke’xk’e reetal naq wankeb’ wiib’ li ninq li ak xe’xb’aanu li tzolok re xkolb’aleb’ rix li kok’al ut li saaj sa’ li junjunq chi ch’utam ut naq chixjunileb’ li saaj wanq jun xjuch’b’il hu k’eeb’il wi’ xliceens xb’aan xna’ xyuwa’.

Eb’ laj jolominel neke’xk’uub’ ajwi’ jun ch’uut re WhatsApp li ilb’il xb’aan jun aj k’utunel malaj aj jolominel b’ar wi’ li saaj neke’ru chiroksinkil li Ingles wulaj wulaj. Li ch’uut re WhatsApp naxtenq’aheb’ chi tz’aqonk li saaj li ink’a’ neke’ru chi tz’aqonk sa’eb’ li ch’utam sa’ li martes.

Eb’ laj jolominel neke’k’anjelak rik’in li gerente de bienestar y autosuficiencia re xk’uub’ankil jun li ch’uut re EnglishConnect 3 sa’ xna’ajeb’ choq’ reheb’ li saaj li ak chaab’il neke’aatinak sa’ Ingles chiru li nak’utman sa’ EnglishConnect 2.

Eb’ li ch’uut b’eresinb’ileb’ xb’aaneb’ li misioneer

Eb’ laj jolominel re mision neke’raj roksinkil EnglishConnect re xwotzb’al lix evangelio li Jesukristo. Neke’xnaw naq chaab’il neke’k’anjelak li ch’uut re EnglishConnect wi b’eresinb’ileb’ xb’aan li komon ut tenq’anb’ileb’ xb’aaneb’ li misioneer. Rik’ineb’ li awa’b’ej re oqech sa’ li mision, neke’xsik’ ru naq li mision tixk’uub’eb’ li ch’uut re EnglishConnect toja’ naq te’xteneb’ sa’ xb’eeneb’ li oqech chixk’anjelankileb’.

Eb’ li misioneer neke’xsik’ ru jo’q’e te’ch’utlaaq li ch’uut a’ yaal jun hoonal li chaab’il nak’anjelak choq’ reheb’ a’an ut li naxk’e xhoonaleb’ naab’aleb’ li kristiaan chi wulak. Naq eb’ li misioneer neke’ok sa’ xtiklajik jo’ aj k’utunel re EnglishConnect, neke’k’anjelak ajwi’ rik’ineb’ laj jolominel re li tijonelil re xtawb’aleb’ li komon li te’xk’ul xna’ajeb’, ut naru naq ke’wan jo’ aj tzolonel sa’ EnglishConnect 1 ut 2. Rik’in xnumik li hoonal, eb’ li misioneer ka’ajwi’ neke’tz’aqon jo’ aj tenq’anel. Eb’ li misioneer toj neke’wulak chi kok’ aj xsa’ sa’eb’ li ch’uut, neke’xtaweb’ ak’ aj tzolonel, ut neke’xwaklesi xch’ooleb’ laj tzolonel chixsik’b’al xtenq’ li Dios re xtzolb’al li Ingles.