Eb’ laj especialista re tenq’ank-ib’ ut eb’ li ch’uut

EnglishConnect naxtenq’aheb’ li kristiaan chixtenq’ankileb’ rib’ sa’ musiq’ej ut sa’ tib’elej rik’in xnimob’resinkil xseeb’aleb’ rik’in li Ingles sa’ jun na’ajej re paab’ank, k’ulub’ank, ut k’iik. Rik’in tijok, k’oxlahomaq ani tenq’anb’ilaq rik’in li tz’aqonk jo’ aj especialista, aj k’utunel, malaj aj tzolonel.

Naru nekeroksi EnglishConnect a’ yaal li rajomeb’ ru li kristiaan nekexk’anjelak wi’. Rik’in tijok, k’oxlahomaq li rajomeb’ ru li ani nekexk’anjelak wi’ naq nekeb’aanu li na’leb’ a’in.

Xk’uub’ankileb’ li ch’uut re EnglishConnect 1 ut 2

Naru neke’k’uub’aman ut neke’k’anjelaman li ch’uut re EnglishConnect jo’ chanru xkomoneb’ chik li k’anjeleb’aal re tenq’ank-ib’. A’in naraj naxye naq taajek’manq lix k’anjelankil EnglishConnect 1 ut 2 re jun li ch’uut re tenq’ank-ib’ malaj jalan chik li ch’uut k’eeb’il xtaqlankil.

Xch’olob’ankil sa’ junpaat

Maajo’ nimal xtz’aq li tz’aqonk sa’ EnglishConnect 1 ut 2 ut sa’eb’ a’an wan:

• Li aatinak sa’ ch’uut rajlal xamaan chi b’eresinb’il xb’aaneb’ li komon malaj misioneer.

• Jun tzolok li nab’ay 90 k’asal.

• 25 chi raqal li k’uub’anb’ileb’ sa’ junjunqeb’ li tasal.

• Li na’leb’ re tzolok “rik’in li tzolok ut rik’in ajwi’ li paab’aal” (Tzol’leb’ ut Sumwank 88:118).

• Eb’ li eetalil naru neke’oksiman wulaj wulaj.

• Li liceens re roksinkil li audio ut li na’leb’ jaltesinb’il ru sa’ li Biblioteca del Evangelio.

Jarub’ k’asal neke’b’ay ut lix k’uub’ankileb’ li tzolok naru neke’jalman a’ yaal li na’ajman ru sa’ lee na’aj (chi’ilmanq “Eb’ li eetalil”).

Rub’elaj xk’uub’ankil jun ch’uut

• Aatinak rik’ineb’ laj jolominel re li tijonelil chirix li taa’ajmanq (xkomon chik).

• Xb’oqb’aleb’ ut xkawresinkileb’ laj k’utunel (xkomon chik).

• Xk’eeb’aleb’ li k’anjeleb’aal (xkomon chik).

• Xsik’b’al ru b’ar ut jo’q’e taa’uxq (xkomon chik).

• Xtz’iib’ankil li ch’uut sa’ QuickReg (xkomon chik).

• Xb’oqb’aleb’ ut xk’eeb’al xchaab’il k’ulunikeb’ li te’tz’aqonq (xkomon chik).

Naq ak wan jun ch’uut

• Xwaklesinkil jun na’ajej re paab’ank, k’ulub’ank, ut k’iik (xkomon chik).

• Xtenq’ankileb’ chi k’iik laj k’utunel (xkomon chik).

• Xtenq’ankileb’ laj tzolonel chixkawresinkil rib’ choq’ re li tasal jun chik re EnglishConnect (xkomon chik).

• Roksinkileb’ xkomoneb’ chik li k’anjeleb’aal re li Iglees (xkomon chik).

• Xk’anjelankil li na’ajman ru choq’ re li ch’uut sa’ QuickReg (xkomon chik).

Re xraqb’al jun ch’uut

• Risinkileb’ chi hu ut xjek’inkileb’ li certificado sa’ xraqik li ch’uut (xkomon chik).

• Xtenq’ankileb’ laj tzolonel chi xik sa’ li tasal jun chik re EnglishConnect malaj sa’ BYU–Pathway Worldwide (xkomon chik).

• Xk’eeb’al reetaleb’ laj tzolonel li naru neke’b’oqe’ choq’ aj k’utunel (xkomon chik).

• Xb’oqb’aleb’ laj tzolonel chi tz’aqonk sa’ jalaneb’ chik k’anjeleb’aal re li Iglees (xkomon chik).

• Xraqb’al li ch’uut sa’ QuickReg (xkomon chik).

• Xq’axtesinkil li esil reheb’ laj jolominel re li tijonelil (xkomon chik).

Xtenq’ankileb’ laj tzolonel chixtawb’aleb’ li ch’uut re EnglishConnect 3

EnglishConnect 3 naxtenq’aheb’ li kristiaan chixtawb’al xkomon chik xseeb’aleb’ rik’in li Ingles re te’xtaw xtrab’aaj malaj b’ar te’tzoloq—ut tz’aqal wi’chik sa’ BYU–Pathway Worldwide. Eb’ li misioneer aj tenq’anel re li Iglees neke’xk’eheb’ li ch’uut re EnglishConnect 3.

Wan wiib’ li na’leb’ naru neke’b’aanuman re xtenq’ankileb’ laj tzolonel chi tz’aqonk sa’ EnglishConnect 3:

1. Xtenq’ankilb’ li kristiaan chi tz’aqonk sa’ jun ch’uut ak wan. Wankeb’ li ch’uut re EnglishConnect 3 sa’ lix k’ihaleb’ li na’ajej sa’ li ruchich’och’. Naru neketenq’aheb’ li kristiaan chixtz’iib’ankil rib’ sa’ jun ch’uut re EnglishConnect 3 rik’in xk’amb’aleb’ xb’e sa’ li tento te’xb’aanu re xtz’iib’ankileb’ rib’ sa’ englishconnect.org/join. Yehomaq reheb’ li kristiaan li wankeb’ chik xpatz’om malaj xch’a’ajkilal rik’in li tz’iib’ank-ib’ naq te’xik sa’ byupathway.org/help/contact-us.

2. Xk’uub’ankil jun ch’uut re EnglishConnect 3. Wi teeraj xk’uub’ankil jun ch’uut re EnglishConnect 3, taqlahomaq jun correo electronico sa’ [e-mail]. Jun misioneer aj tenq’anel re li Iglees texraatina.