K’a’ru aj-e

EnglishConnect a’an jun k’anjeleb’aal re xtzolb’al li Ingles li k’uub’anb’il xb’aan Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Li rajom EnglishConnect, a’an xtenq’ankileb’ li kristiaan chixtenq’ankil rib’ sa’ musiq’ej ut sa’ tib’elej rik’in xnimob’resinkil xseeb’aleb’ rik’in li Ingles sa’ jun na’ajej re paab’ank, k’ulub’ank, ut k’iik.

EnglishConnect natenq’an chixwaklesinkil lix k’anjel li Dios re li kolb’a-ib’ ut li taqenaqil loq’al

EnglishConnect naru naxtenq’aheb’ li ralaj xk’ajol li Dios rik’in:

• Xyu’aminkil lix evangelio li Jesukristo. Sa’ EnglishConnect, eb’ li neke’tz’aqon neke’roksiheb’ li na’leb’ re tzolok “rik’in li tzolok ut rik’in ajwi’ li paab’aal” (Tzol’leb’ ut Sumwank 88:118). Eb’ laj k’utunel neke’xtenq’aheb’ li kristiaan chixkawob’resinkil lix paab’aaleb’ naq yookeb’ chixsik’b’al ut chixk’ulb’al lix tenq’ li Qaawa’. (Eb’ li eetalil)

• Rilb’aleb’ li wankeb’ sa’ rajom ru. Li seeb’al re roksinkil li Ingles naru naxtenq’aheb’ li kristiaan chixtenq’ankil rib’ ut chixtenq’ankileb’ li ras riitz’in. EnglishConnect naxkawresiheb’ li neke’tz’aqon chixkawresinkil rib’ re tenq’ank, trab’ajik, ut tzolok sa’ tzoleb’aal. Jo’kan ajwi’, eb’ li neke’tz’aqon neke’xtenq’a rib’ ut neke’xra rib’ chirib’ileb’ rib’ naq neke’k’utuk ut neke’tzolok sa’ komonil. (Eb’ li eetalil)

• Xb’oqb’aleb’ chixjunil chixk’ulb’al li evangelio. Sa’eb’ li ch’uut re EnglishConnect, li kristiaan neke’xtzol ut neke’xyu’amiheb’ li na’leb’ re li evangelio ut neke’xkawob’resi lix wanjikeb’ jo’ amiiw. Rik’in EnglishConnect, li kristiaan naru neke’xtaaqe li Musiq’ej naq neke’rahok, neke’wotzok, ut neke’xb’oqeb’ li ras riitz’in chi osob’tesiik xb’aan li evangelio. (Eb’ li eetalil)