Na Vosa ni Vuku

Nona Lawa ni Tikobulabula na Turaga

Dua na soqoni ni Koronivuli ni Parofita.

A sureta o Josefa Simici e vica na turaga ena Lotu me ra sota vata kei koya ena itabavale e cake ni sitoa nei Newel kei Ann Whitney. E kea era vulica kina na kosipeli kei na so tale na ulutaga, ka ra masu vakailawalawa. Era vakatoka na soqoni oqo me Koronivuli ni Parofita.

Vunau kei na Veiyalayalati 88:117–137; Yalododonu, 1:166

Sasamaki tiko o Emma Smith ni oti na soqoni.

E levu vei ira na tagane era dau vakatavako ka mama tavako ena gauna ni lesoni. Na kubou e vakaleqa na cagi, kei na tavako e vakaduka na vuloa. Ni oti na soqoni, a lako cake o Emma Smith me samaka na rumu. Sa dua na ka na kena duka.

Yalododonu, 1:167

A barasitaka kabaci barasitaka tale na vuloa o Emma, ia na duka ni tavako e sega ni takali tani mai. A vosa vei Josefa me baleta na leqa.

Yalododonu, 1:167

A vakarorogo o Josefa vei Emma. Ni rogoci koya a vakataroga se cava na nona nanuma na Turaga me baleta na tavako.

Yalododonu, 1:167

Sa qai taroga na Turaga o Josefa me baleta na tavako. A kaya vei Josefa na Turaga ni tiko vua e dua na Vosa ni Vuku me baleti ira na Yalododonu.

Vunau kei na Veiyalayalati 89:1–9, Yalododonu, 1:167

Rau veivosakitaka tiko o Josefa kei Emma na ivakatakila sa ciqoma.

E kaya na Turaga ni sega ni dodonu mera vakatavako na Yalododonu, vakayagataka na tavako, se gunuva na alakaolo se “gunu katakata,” ka kena ibalebale na kofi kei na ti.

Vunau kei na Veiyalayalati 89:1–9, Yalododonu, 1:167

Rau a kana vata kei ira eso tale o Josefa kei Emma.

A vakavulici ira talega na Yalododonu na Turaga ni sorenikau kei na vuanikau e vinaka mera kania. E kaya tale ga ni rawa nira kania na lewe ni manumanu ena so na gauna.

Vunau kei na Veiyalayalati 89:10–17; Yalododonu, 1:168

A wasea o Josefa na Vosa ni Vuku ki na Koronivuli ni Parofita.

A kaya na Turaga vei Josefa nio ira na Yalododonu era digitaka mera talairawarawa kina Nona Vosa ni Vuku era na taqomaki. Sa yalataka na Turaga ni na vakalougatataki ira mera bulabula, kila ka, ka kaukauwa. A tukuna o Josefa vei ira na turaga ena Koronivuli ni Parofita me baleta na Vosa ni Vuku ni Turaga.

Vunau kei na Veiyalayalati 89:18–21; Yalododonu, 1:168

Era viritaka na kedra tavako kei na paipo ni vakatavako na tagane kina bukawaqa.

Era a viritaka na tagane ena rumu na kedra tavako kei na nodra paipo kina bukawaqa me vakaraitaka nira vinakata mera talairawarawa kina Vosa ni Vuku ni Turaga.

Yalododonu; 1:86