Դաս 173․ Սուրբ գրությունների ուսումնասիրության հմտություններ

Հասկանալ սուրբ գրությունների համատեքստը

Սուրբ գրությունների համատեքստի հասկացողությունն օգնում է մեզ ճանաչել ոգեշնչված հեղինակների մտադրությունը։ Սա կարող է խորացնել նրանց խոսքերի բովանդակության մասին մեր հասկացողությունը և օգնել մեզ լսել Տիրոջ խոսքը մեր կյանքում: Այս դասի նպատակն է օգնել ուսանողներին հասկանալ, թե սուրբ գրությունների համատեքստն ինչպես կարող է ավելի իմաստալից դարձնել սուրբ գրությունների ուսումնասիրությունը:

Հնարավոր ուսումնական վարժություններ

Ամբողջական պատկերը

Դասի սկզբում մեկ առ մեկ ցուցադրեք հետևյալ նկարները և դրան հաջորդող հարցեր տվեք: Որպես այլընտրանք, ձեր ցուցադրության ընթացքում ուսանողները կարող են ամեն մի ցուցադրվող նկարի համար ենթագրեր գրել: Այնուհետև նրանք կարող են քննարկել, թե ինչպես է փոխվել իրենց ենթագիրը՝ նկարի ամբողջական պատկերը տեսնելուց հետո:

Ստորև բերված նկարներն օգտագործելու փոխարեն ուսանողները կարող են ընտրել իրենց հեռախոսի տեսախցիկով արված լուսանկարը, մեծացնել նկարի միայն մի հատվածը և առաջարկել գործընկերոջը գուշակել, թե ինչ է կատարվում նկարում: Այնուհետև նրանք կարող են փոքրացնել այն և հարցնել, թե ինչպես փոխվեց ուրիշ ուսանողների հասկացողությունը:

• Ի՞նչ է կատարվում նկարում:

• Ինչպե՞ս է փոխվում մեր հասկացողությունը, երբ մենք ունենք նկարի ամբողջական պատկերը:

  Կարող եք առաջարկել ուսանողներին կիսվել իրենց կյանքի օրինակներով, երբ նկարի ավելի մեծ մասը տեսնելը փոփոխություն է կատարել իրենց հասկացողության մեջ: Որոշ հնարավոր օրինակներ կարող են ներառել հաղորդագրություն ուղարկելը կամ ինչ-որ բան հրապարակելը ցանցերում՝ նախքան բոլոր մանրամասներին ծանոթանալը, որևէ մեկին դատելն առանց նրա պատմությունն իմանալու կամ նկարի առանձին հատվածից սխալ եզրակացություն անելը:

• Ինչպե՞ս կարող է դա կապված լինել սուրբ գրությունների մեր ուսումնասիրության հետ:

Երբ ուսանողները պատասխանեն այս հարցին, գնահատեք համատեքստի նրանց հասկացողությունը, որը վերաբերում է սուրբ գրությունների ուսումնասիրությանը: Կարող եք օգտագործել հետևյալ բաժինը կամ դրա մասերը՝ ելնելով նրանց հասկացողության վերաբերյալ ձեր գնահատականից:

Սահմանում. հասկանալ համատեքստը

Կարող եք գրատախտակին գրել համատեքստ բառը։

Մենք կարող ենք կարևոր մանրամասներ բաց թողնել և թերի պատկերացում ունենալ այն մասին, թե ինչ է տեղի ունենում, երբ չենք հասկանում համատեքստը:

• Ինչպե՞ս կսահմանեիք համատեքստ բառը։

Կարող եք ուսանողների պատասխանները գրել գրատախտակին: Անհրաժեշտության դեպքում կիսվեք համատեքստի հետևյալ սահմանմամբ.

Համատեքստն այն նախապատմությունն է, պայմանները և իրավիճակը, որտեղ տեղի են ունենում իրադարձություններ, որոնք մեզ հնարավորություն են տալիս ավելի լավ հասկանալ, թե ինչ է կատարվում:

Կարդացեք Երեց Դեյվիդ Ա Բեդնարի հետևյալ արտահայտությունը Մարգարե Ջոզեֆ Սմիթի (1805–1844) խոսքերի վերաբերյալ.

«Ես ունեմ մի բանալի, որի օգնությամբ հասկանում եմ սուրբ գրությունները: Ես հարցնում եմ՝ ո՞րն էր այն հարցը, որը ստիպեց Հիսուսին պատասխանել առակով։ [Եկեղեցու պատմություն, 5․261]։ Այսպիսով, ձգտելով հասկանալ որևէ հայտնությանը, առակին կամ դրվագին նախորդող հարցը, մենք կարող ենք սուրբ գրությունների ավելի խորը հասկացողություն ձեռք բերել: (Դեյվիդ Ա. Բեդնար, «Մարգարե Ջոզեֆ Սմիթի վկաները», Ensign, հունվար 2009 թ․, 15)

• Ինչպե՞ս կարող է սուրբ գրությունների համատեքստի ուսումնասիրությունն օգնել ձեզ հասկանալ այն դասերը, որոնք նրանք ուսուցանում են:

Առաջարկեք ուսանողներին խորհել, թե որքան հաճախ են նրանք ձգտում իմանալ նախապատմությունը և իրավիճակը: Կարող եք ուսանողներին տրամադրել մեկ-երկու րոպե՝ խորհելու համար, թե ինչպես է սուրբ գրությունների համատեքստի ուսումնասիրությունն օրհնել, կամ կարող է օրհնել նրանց սուրբ գրությունների ուսումնասիրության ժամանակ: Դուք կարող եք հրավիրել մի քանի ուսանողների կիսվել իրենց մտքերով կամ անձնական փորձառություններով:

Մոդել․ Վարդապետություն և Ուխտեր 121

Հետևյալ մոդելը ցույց է տալիս, թե ինչպես կարող է համատեքստի հասկացողությունը սուրբ գրությունների ուսումնասիրությունն ավելի իմաստալից դարձնել: Եթե ցանկանում եք, կարող եք ձեզ համար ընտրել տարբեր հատվածներ՝ որպես մոդել օգտագործելու համար:

Կարդացեք Վարդապետություն և Ուխտեր 121.7–8 հատվածները, տեսնելով,թե ինչ է Տերն ուսուցանել Ջոզեֆ Սմիթին:

• Ի՞նչն էր ձեզ համար իմաստալից այս հատվածներում:

  Կարող եք ուսանողներին փոքր խմբերի բաժանել՝ քննարկելու հետևյալ հարցի պատասխանները: Առաջարկեք նրանց կազմել աղբյուրների ցանկ, որոնք օգնում են մեզ ուսումնասիրել համատեքստը:

• Որո՞նք են այն գործիքները կամ աղբյուրները, որոնք կարող են օգնել մեզ ուսումնասիրել այս և այլ սուրբ գրությունների համատեքստը:

Ուսանողները կարող են թվարկել հետևյալ աղբյուրներից մի քանիսը. բաժինների կամ գլուխների վերնագրեր, հարակից հատվածներ, սուրբ գրությունների մեկնաբանություններ, ձեռնարկներ, Եկեղեցու ղեկավարների կողմից ունեցած ելույթներ և սուրբ գրությունների պատմություններ երեխաների համար։

Դուք կարող եք նշել, որ Վարդապետություն և Ուխտեր գիրքը և Եկեղեցու պատմությունը ներառում են հասանելի հատուկ աղբյուրներ, օրինակ՝ Սրբեր, հատոր 1 և Հայտնություններ համատեքստում։ Եթե ուսանողները կցանկանան ավելին իմանալ, կարող եք ցույց տալ, թե նրանք ինչպես կարող են օգտվել այս նյութերից Gospel Library հավելվածում: Վստահեցրեք ուսանողներին, որ թեև տարբեր աղբյուրների ուսումնասիրությունը կարող է օգտակար լինել, սակայն ուսումնասիրելուց առաջ բաժնի վերնագիրը կարդալու պարզ սովորությունը կարող է սուրբ գրությունների ուսումնասիրությունն ավելի իմաստալից դարձնել: Հենց դրան է նվիրված լինելու այս դասը:

Կարդացեք բաժին 121-ի վերնագիրը՝ փնտրելով տեղեկություններ, որոնք կօգնեն մեզ ավելի լավ հասկանալ այս հատվածները: Լրացուցիչ գաղափարների համար կարող եք նաև կարդալ Վարդապետություն և Ուխտեր 121.1–6 հատվածները։

Վերընթերցեք Վարդապետություն և Ուխտեր 121.7–8 հատվածները՝ հիշելով համատեքստի մասին:

• Ինչպե՞ս է այս համատեքստն օգնում խորացնել ձեր ընկալումն այն ուղերձի մասին, որը Տերը տվել է Ջոզեֆին այս հատվածներում:

• Ինչպե՞ս է այս նոր ընկալումն ավելի իմաստալից դարձնում այս հատվածները ձեզ համար:

Երբ ուսանողները պատասխանեն, եղանակներ փնտրեք՝ շեշտելու կամ հարցնելու այն մասին, թե այս համատեքստն ինչ է ուսուցանում մեզ Տիրոջ մասին: Օրինակ՝ Տերը Մարգարե Ջոզեֆ Սմիթին դժվար պահերին սիրով տվել է խաղաղություն, հեռանկար և ապագա օրհնությունների խոստում։ Այս համատեքստի հասկացողությունն օգնում է մեզ իմանալ, որ Տերը կարող է խաղաղություն և ուղղություն տալ մեզ նաև մեր կյանքում:

Գործնականում կիրառեք սուրբ գրությունների համատեքստի հասկացողությունը

Որպեսզի օգնեք ուսանողներին գործնականում հասկանալ համատեքստը, կարող եք գրատախտակին ցուցադրել սուրբգրային հետևյալ հղումներն ու հարցերը: Կարող եք ուսանողներին առաջարկել զույգերով կարդալ սուրբգրային հղումներից մեկը կամ մի քանիսը և թղթի կենտրոնում գրել, թե ինչ սովորեցին դրանից: Այնուհետև նրանք կարող են կարդալ տվյալ բաժնի վերնագիրը՝ հարակից հատվածների հետ միասին: Իրենց գրածի վերաբերյալ նրանք կարող են նկարել կամ գրել որևէ բան, որն իր մեջ կընդգրկի համատեքստը (ավելի ամբողջական պատկերը):

Վարդապետություն և Ուխտեր 3․6–9

Վարդապետություն և Ուխտեր 8․2–3

Վարդապետություն և Ուխտեր 27․1–2

Վարդապետություն և Ուխտեր 28․2, 7

Վարդապետություն և Ուխտեր 46․3–5

Վարդապետություն և Ուխտեր 49․15–17

Վարդապետություն և Ուխտեր 98․1–3

Վարդապետություն և Ուխտեր 109․22–23

Ուսանողներին առաջարկեք կիսվել իրենց գտածով: Եթե օգտակար կլինի, կարող եք հաշվի առնել հետևյալը.

• Այս բաժնի համատեքստն ինչպե՞ս է խորացնում հատվածներից սովորածի ձեր ընկալումը:

• Համատեքստն ինչպե՞ս է օգնում ձեզ ավելին իմանալ Փրկչի, Նրա սիրո, Նրա ողորմածության կամ Նրա զորության մասին մեր կյանքում:

Եթե ժամանակը թույլ է տալիս, ուսանողները կարող են կիրառել այս հմտությունը՝ օգտագործելով սուրբ գրությունների ընթացիկ բաժինը կամ գլուխն իրենց անձնական կամ ընտանեկան ուսումնասիրության ընթացքում։

Ուսանողներին առաջարկեք մտածել, թե ինչպես կարող է համատեքստի ուսումնասիրությունը փոխել իրենց անձնական ուսումնասիրությունը և ինչպես նրանք կարող են բարելավել իրենց սուրբգրային ուսումնասիրությունը՝ կիրառելով այս հմտությունը:

Երբ առաջիկա շաբաթների ընթացքում ուսանողները կիրառեն սուրբ գրությունների ուսումնասիրության այս հմտությունը, մտածեք այնպիսի եղանակներ գտնելու մասին, որոնք կօգնեն նրանց կիսվել դասարանի հետ իրենց գաղափարներով՝ որպես առաջիկա հոգևոր հավաքի մաս:

Օժանդակ նյութեր

Ինչպե՞ս կարող եմ ավելի լավ հասկանալ սուրբ գրությունները:

Կարդացեք նախագահ Թոմաս Ս. Մոնսոնի (1927–2018) այս խոսքերը՝ փնտրելով, թե ինչ է նա խրախուսում մեզ անել սուրբ գրությունների մեր ուսումնասիրության ժամանակ.

Ծանոթացեք այն դասերին, որոնք ուսուցանում են սուրբ գրությունները: Դուք պետք է ծանոթ լինեք Վարդապետի առակների և մարգարեների հորդորների պատմությանը և միջավայրին: Ուսումնասիրեք դրանք այնպես, կարծես նրանք ձեզ հետ են խոսում, քանզի դա է ճշմարտությունը: (Թոմաս Ս. Մոնսոն, «Լավագույնս դրսևորեք ձեզ», Լիահոնա, մայիս 2009 թ․, 68)

Ինչպե՞ս է համատեքստն ինձ օգնում հոգևոր գիտելիքներ ձեռք բերել։

Վարդապետական հասկացությունները, հարցերը և հասարակական խնդիրները հավերժության տեսանկյունից քննելու համար մենք խորհում ենք դրանց մասին փրկության ծրագրի և Փրկիչի ուսմունքների համատեքստում։ …

… Դա կարող է օգնել նաև քննել պատմական հարցերը պատմական համապատասխան համատեքստում, խորհելով տվյալ ժամանակաշրջանի մշակույթի և վարքագծի կանոնների համաձայն, ոչ թե պարտադրելով ներկայիս տեսակետներն ու դիրքորոշումները։ …

… Օգնեք նրանց, ում հետ խոսում եք, քննել կամ վերաձևակերպել իրենց հարցերը համաձայն ավետարանի համատեքստի և փրկության ծրագրի։ (Վարդապետության սերտման հիմնարար փաստաթուղթ [2023 թ․], «Ձեռք բերել հոգևոր գիտելիքներ», պարբերություններ 8–15)

Օժանդակ ուսումնական վարժություններ

Լրացուցիչ աղբյուրների օգտագործումը համատեքստի համար

Որպեսզի օգնեք ուսանողներին տեսնել, թե ինչպես կարող են լրացուցիչ աղբյուրներն օգնել մեզ հասկանալ և խորացնել սուրբ գրությունների մասին մեր գիտելիքները, կարող եք անել հետևյալը. առաջարկեք ուսանողներին Վարդապետություն և Ուխտեր գրքում որոշ բաժինների վերնագրեր փնտրել՝ գտնելու իրենց կարծիքով բաժնի ամենակարճ վերնագիրը: Ստորև բերված են մի քանի օրինակներ, որոնք կարող են առանձնացնել ուսանողները. Վարդապետություն և Ուխտեր 4, 5, 26, 38, 65, 79, 80, 93, 114, 130, 131 հատվածները։ Ուսանողները կարող են ընտրել մի հատված և կարդալ մի քանի մաս այդ հատվածից:

Որպեսզի ուսանողներին ավելին իմանան իրենց ընտրած հատվածի համատեքստի մասին, նրանք կարող են օգտագործել լրացուցիչ աղբյուրներ, օրինակ՝ Հայտնություններ համատեքստում նյութը Gospel Library հավելվածում։ Խնդրեք ուսանողներին որոնել այս բաժիններից մեկը բովանդակության ցանկում, այնուհետև անցնել տվյալ էջ կամ էջեր՝ համատեքստի մասին ավելին իմանալու համար: Առաջարկեք ուսանողներին կիսվել տվյալ բաժնի մասին իրենց ուսումնասիրությամբ, և թե ինչպես է համատեքստն օգնել նրանց իմանալ ավելին իրենց կարդացած հատվածից կամ հատվածներից:

Համատեքստից դուրս

Երեց Նիլ Լ. Անդերսենը կիսվել է Նախագահ Ռասել Մ. Նելսոնի մասին մի պատմությամբ, որպեսզի ցույց տա, թե ինչպես են մարդիկ վերցնում Ջոզեֆ Սմիթի մասին տեղեկությունները և ներկայացնում այն համատեքստից դուրս: Կարող եք ցուցադրել հետևյալ տեսահոլովակը: Մինչ ուսանողները դիտում են տեսահոլովակը, առաջարկեք նրանց հետևել, թե կոնտեքստից դուրս տեղեկությունն ինչպես կարող է կեղծ տպավորություն առաջացնել: Ապա հնարավորություն տվեք նրանց կիսվել նրանով, թե ինչ նկատեցին։ Կիրառեք նրանց կողմից կիսված գաղափարներն այն մասին, թե որքան կարևոր է սուրբգրային հատվածները կարդալ իրենց համապատասխան համատեքստում։

Համատեքստը կարևոր է

Կարող եք ուսանողներին տալ հետևյալ սցենարներից մի քանիսը: Յուրաքանչյուր սցենարի համար առնձին-առանձին ցույց տվեք երկու նախադասություն: Ցուցադրելիս կարող եք նաև ներառել երկրորդ նախադասության պատկերը: Նախադասությունները կարող եք ցույց տալ դասարանին՝ որպես ամբողջական պատկեր կամ դրանք բաժանել ուսանողների խմբերին: Քննարկեք, թե երկրորդ նախադասության մեջ տրված մանրամասներն ինչպես են օգնում խորացնել իրավիճակի ձեր ընկալումը:

Պատկերացրեք, որ մի երիտասարդ աղոթում է: Հիմա պատկերացրեք, որ այդ երիտասարդի անունը Դանիել է, և նա առյուծների որջում է։

Պատկերացրեք, որ մի մարդ ծովում է. Հիմա պատկերացրեք, որ այդ մարդու անունը Մովսես է, և նա տանում է իր ժողովրդին այդ ծովով։

Պատկերացրեք, որ մի մարդ աղոթում է պարտեզում: Հիմա պատկերացրեք, որ այգին կոչվում է Գեթսեմանի այգի:

Պատկերացրեք, որ մի կին կանգնած է իր ամուսնու դիմաց: Հիմա պատկերացրեք, որ նրա անունը Եսթեր է, նրա ամուսինը թագավոր է, և նա չի կարող կանգնել թագավորի առջև առանց նրա թույլտվության:

Պատկերացրեք մի երիտասարդի, ում ձեռքին պարսատիկ կա: Հիմա պատկերացրեք, որ նրա անունը Դավիթ է, և նա կանգնած է Գողիաթի դիմաց։

Պատկերացրեք մի երիտասարդի, ով աղոթում է ծառերի պուրակում: Հիմա պատկերացրեք, որ նրա անունը Ջոզեֆ Սմիթ է, և որ Հայր Աստվածը և Փրկիչը հայտնվում են նրան։