Fjölskylda les ritningar við borð

Hugmyndir til að hvetja til sjálfsnáms og fjölskyldunáms

Hér eru nokkrar hugmyndir til að hvetja meðlimi bekkjarins til að læra orð Guðs heima, bæði á eigin spýtur og með fjölskyldu sinni. Gætið að því að ekki er víst að allir meðlimir bekkjarins geti lært ritningarnar með fjölskyldu sinni (sumir meðlimir búa t.d. einir eða eru í hlutaaðildar-fjölskyldum).

• Biðjið meðlimi bekkjarins að segja frá upplifunum sem þeir hlutu við að læra ritningarnar heima. Þið gætuð t.d. beðið þá að miðla versi sem vakti áhuga þeirra.

• Biðjið meðlimi bekkjarins að greina frá einhverju sem þeir gera til að auðga sjálfsnám eða fjölskyldunám í ritningunum. (Sumar hugmyndir má finna í „Hugmyndir til að bæta eigið ritningarnám“ og „Hugmyndir til að bæta ritningarnám fjölskyldunnar“ í Kom, fylg mér – Fyrir einstaklinga og fjölskyldur.)

• Biðjið meðlimi bekkjarins að segja frá því hvernig þeir brugðust við hughrifum sem þeim bárust við eigið ritningarnám eða fjölskyldunnar.

• Notið nokkrar mínútur til að sýna meðlimum bekkjarins sumar heimildirnar sem kirkjan veitir meðlimum til að hjálpa þeim við námið. Meðal þessara heimilda eru hjálpargögn fyrir ritningarnám sem má finna á scriptures.ChurchofJesusChrist.org; „Sögur úr ritningunum“ á children.ChurchofJesusChrist.org; kennsluáætlanir og önnur gögn á Come, Follow Me—For Primary [Kom, fylg mér – Fyrir Barnafélagið]; efni fyrir ungdóminn á youth.ChurchofJesusChrist.org; kennslubækur trúarskóla yngri og eldri deilda; og myndbönd, hljóðupptökur og myndir sem má finna á MediaLibrary.ChurchofJesusChrist.org. Margt af þessu er einnig í smáforritinu Gospel Library.

• Gefið ykkur nokkrar mínútur til að útskýra hvernig nota á smáforritið Gospel Library til að læra ritningarnar, einnig hvernig merkja á vers og skrá hughrif.

• Biðjið einn meðlim bekkjarins eða fleiri að segja frá því hvernig þeir kenndu fjölskyldu sinni ákveðna reglu fagnaðarerindisins.