Ļāibrāre
Nobōm̧ba 22–28. Katak im Bujen Ko 135–136: “E ‘Eaar Sili Mijen im Jerbal ko An kōn Bōtōktōkin Make’”


“Nobōm̧ba 22–28. Katak im Bujen Ko 135–136: ‘E “Eaar Sili Mijen im Jerbal ko An kōn Bōtōktōkin Make,”’” Itok, Ļoor Eō—N̄an Jabōt Jikuuļ 2021 (2020)

“Nobōm̧ba 22–28. Katak im Bujen Ko 135–136,” Itok, Ļōōr Eō—N̄an Jabōt Jikuuļ: 2021

itulikin Jikin Kalbuuj Carthage

Jikin Kalbuuj Carthage

Nobōm̧ba 22–28

Katak im Bujen Ko 135–136

E “Eaar Sili Mijen im Jerbal ko An kōn Bōtōktōkin Make”

Ilo am̧ riiti jekjōn 135–36, Jetōb Kwojarjar eo emaron̄ lewaj n̄an eok meļeļe ko me remaron̄ in jipan̄ ro uwaan kūlaaj eo am̧. Ļōmņak ko ilo kōllaajrak in remaron̄ barāinwōt letok itia ko kwomaron̄ kōjerbali ilo am̧ katakin.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

En̄in ej juon wāween n̄an kajjitōk ippān ro uwaan kūlaaj eo n̄an kwaļo̧k ļōmņak ko aer kōn jekjōn 135–36. Kajjitōk ippāer n̄an antooneļo̧k aer maron̄ kōnono n̄an juon uwaan Kabun̄ in jān 1844 eo, juon eo me ej būrom̧ōj kōn mej eo an Josep Smith im kar inepata kōn ta meļeļe in n̄an kar Kabun̄ in. Ta eo jemaron̄ in kar kwaļo̧ke jān jekjōn kein me emaron̄ in jipan̄ armej in?

pija eo ej bōk jikin katakin

Katakin Katak eo

Katak im Bujen Ko 135; 136:37–39

Josep im Hyrum Smith raar sili naan in kam̧ool ko aer kōn bōtōktōkier.

  • Ekōjkan an en̄taan ko an Josep im Hyrum Smith kar “sili” naan in kam̧ool ko aer? Bōlen ro uwaan kūlaaj eo remaron̄ in kejekļo̧kjeņ kōn kajjitōk in ilo aer etale Katak im Bujen Ko 135; 136:37–39. Innām remaron̄ kwaļo̧k jabdewōt meļeļe rej bōke. Remaron̄ barāinwōt kwaļo̧k en̄jake ko aer kōn kōņaan eo an Josep im Hyrum n̄an ajeļo̧k mour ko aer kōn m̧ool eo. Ilo aer jab maron̄ kajjitōk ippād n̄an mej kōn m̧ool eo, ekōjkan an mour ko ad maron̄ in āinwōt juon “sili” n̄an naan in kam̧o̧ol ko ad?

Katak im Bujen Ko 135:3

Josep Smith ekar kōm̧m̧an eļap n̄an lo̧mo̧o̧r eo ad jān jabdewōt ijello̧kin Jisōs Kraist.

  • Ekōjkan am̧ maron̄ jipan̄ ro uwaan kūlaaj eo meļeļe ta eo Josep Smith ekar kōm̧m̧ane n̄an lo̧mo̧o̧r eo aer? Kwomaron̄ je ioon boot eo Kōnke ta eo Irooj ekar kwaļo̧k kōn Josep Smith, N̄a … innām kajjitōk ippān ro uwaan kūlaaj eo n̄an ļōmņak kōn wāween ko n̄an kadedeikļo̧k jentōj in. Remaron̄ ijjino kōn kappukot ilo Katak im Bujen Ko 135:3 men ko me Josep Smith ekar kōm̧m̧ani n̄an jipan̄ kōj bōk lo̧mo̧o̧r. Ļōmņak in kajjitōk ippān ro uwaan kūlaaj eo n̄an kwaļo̧k en̄jake ko aer kōn Josep Smith im ta eo Irooj ekar kwaļo̧ke kōn e.

  • Bar juon wāween n̄an jipan̄ ro uwaan kūlaaj eo ļōmņak kōn mijen eo an Josep Smith ej n̄an kajjitōk ippāer n̄an je juon kōjeļļā in mej ak naan in tubļotake ekadu n̄an e. Kwomaron̄ kōņaan ekōnono kōn iien ko raorōk ak tōprak ko jān mour eo an me remaron̄ kobaiki. Ta eo rej loe ilo Katak im Bujen Ko 135 me remaron̄ in kōnono kake? Ta eo remaron̄ in ba ilo naan in tubļotak eo aer n̄an jipan̄ kōkajoorļo̧k tōmak eo aer ilo mijen ekwojarjar eo an Josep Smith?

  • Elōn̄ m̧ool ko kōn Jisōs Kraist im Pinmuur eo An raar waļo̧k kōn Josep Smith—m̧ool ko me raar jipan̄ letok n̄an lo̧mo̧o̧r eo an aolep em̧m̧aan im kōrā ro. N̄an jipan̄ ro uwaan kūlaaj eo kile jipan̄ kein litok, kwomaron̄ kwaļo̧k juon pija in Jisōs Kraist im kajjitōk ippān jejjo ro uwaan kūlaaj eo n̄an kwaļo̧k juon eoon em̧m̧an tata ippāer kōn Jisōs Kraist jān jeje ko rekwojarjar kar kwaļo̧ki kōn Josep Smith: Bok in Mormon, Katak im Bujen Ko, im Bōōr Eo Eļap Wōņāān. Ekōjkan an eoon kein jipan̄ kōj meļeļe im epaakeļo̧k Rilo̧mo̧o̧r? Ekōjkan an m̧ool ko ilo eoon kein jipan̄ letok n̄an lo̧mo̧o̧r eo ad?

Katak im Bujen Ko 136

Jemaron̄ kōtōprak ankilaan Irooj ilo ad ļoor kapilōk eo An.

  • Laajrak in katak eo an wiik in ilo Itok, Ļoor Eō—N̄an Kajjojo Armej im Baam̧le ko ej kwaļo̧k bwe ro uwaan kūlaaj ro ren kappukot kapilōk eo ilo Katak im Bujen Ko 136 me emaron̄ jipan̄ er ukot juon mālijjon̄ n̄an juon en̄jake ilo jetōb. Kwomaron̄ kajjitōk ippān ro uwaan kūlaaj eo n̄an kwaļo̧k jabdewōt kapilōk raar loe. Kwomaron̄ barāinwōt kajjitōk ippāer n̄an etale jekjōn in im kappukot kappilōk eo me emaron̄ jipan̄ kōj kōtōprak ankilaan Irooj ilo raan kein ad, ejja āinwōt an kar jipan̄ Armej ro Rekwojarjar ilo “itok-itak ko aer n̄an Turōk” (eoon 1).

    Winter Quarters

    Winter Quarters, jān Greg Olsen

  • Emaron̄ in kaitoktok limo n̄an kūlaaj eo am̧ n̄an kōm̧m̧ane juon poster āinwōt ko loi ilo māākjin ko an Kabun̄ in kōn juon iaan eoon ko ilo jekjōn 136. Jerbal ilo pea ko ak makeļo̧k, ro uwaan kūlaaj eo remaron̄ jino kōn etale eoon ko kōn juon m̧ool me eaorōk n̄an er. Innām remaron̄ ejaake juon poster eļam waan me ej kwaļo̧k m̧ool in, kar katakin ilo 1847 eo, emaron̄ in wōt jipan̄ kōj rainin.

pija eo ej bōk jikin kein jipan̄ ko jet

Kein Jipan̄ ko Jet

Al ko Reiookļo̧k

Al al in jar kein ak alooje pija in alooj ko emaron̄ karuwaineneiktok Jetōb Kwojarjar eo ak im̧we juon iien ekōnono kōn jerbal eo an Rikanaan Josep Smith im en̄taan ko an Armej ro Rekwojarjar ro raar wōnm̧aanļo̧k wōt ālkin.

A Poor Wayfaring Man of Grief” (Hymns, nō. 29). Ke ekar pād ilo Jikin Kalbuuj Carthage, Josep Smith ekar kajjitōk ippān John Taylor n̄an al al in jar in.

Jenaj Kautej Nōn Eman Eo” (Al ko Al In Ajri, nō. 32; video, www.thetabernaclechoir.org/videos/praise-to-the-man-mormon-tabernacle-choir). Naan ko an al in jar in kar jeje āinwōt juon naan in nōbar n̄an Josep Smith

Itok, Itok Ro Rekwojarjar” (Al ko Al In Ajri, nō. 4; video, www.thetabernaclechoir.org/videos/come-come-ye-saints-mormon-tabernacle-choir).

Faith in Every Footstep” (video, www.thetabernaclechoir.org/videos/faith-in-every-footstep).

Kōkōm̧anm̧anļo̧k Ad Katakin

Kam̧ool kōn katak ko rem̧ool. Kwomaron̄ kwaļo̧k naan in kam̧ool eo am̧ kōn m̧ool ko an katak ko ilo aolepān katak eo, ejjab wōt ilo jem̧lo̧k in. Ilo am̧ kōm̧m̧ane, Jetōb Kwojarjar enaaj kapen m̧ool eo an katak ko ilo buruōn ro kwōj katakin er. (Lale Teaching in the Savior’s Way, 21.)