Ekar Kūr E kōn Eta, jān Micheal Malm

Jānwōde 11–17

Katak im Bujen ko 2; Josep Smith—Bwebwenato 1:27–65

“Bōro ko Buruō ro Nejier Renaaj Oktakļo̧k n̄an ro Jemāer”

M̦okta jen am̧ riiti meļeļe ko ilo kōllaajrak in, katak Katak im Bujen Ko 2 im Josep Smith—Bwebwenato 1:27–65, im jeiki en̄jake eo am̧ kōn im̧we ko an jetōb.

Je En̄jake ko Rej Im̧we Eok

Kajjitōk n̄an Kwaļo̧k

N̄an rojan̄ ro uwaan kūlaaj eo n̄an kwaļo̧k meļeļe ko im waanjon̄ak ko raar bōk ilo aer kar ekkatak jān jeje kein rekwojarjar, kwomaron̄ kajjitōk ippāer n̄an kwaļo̧k juon eoon me ekar kōm̧m̧an mennin aer m̧wilaļak ilo aer kōļmenļo̧kijeņ jān kar m̧okta. Ta eo ekar kabwilōn̄ er kōn eoon eo?

Katakin Katak ko

Josep Smith—Bwebwenato 1:27–65

Josep Smith kar kūr jān Anij n̄an kōm̧m̧ane jerbal eo An.

• Kūlaaj eo am̧ enaaj ke bōk jeraam̧m̧an jān aer etale bwebwenato in Josep Smith—Bwebwenato 1:27–65? Kwomaron̄ kajjitōk ippān juon uwaan kūlaaj eo n̄an kōmeļeļeiki ilo tukadu in, ak ro uwaan kūlaaj eo remaron̄ kōnono kōn bwebwenato in n̄an doon ilo pea ak doulul ko reddik. Rojan̄ er n̄an kakobaik jon̄an lōn̄ in wōt meļeļe ko ilo aer maron̄ keememej. Ewi wāween an bwebwenato in kōkajoorļo̧k naan in kam̧ool ko ad kōn jerbal eo ekwojarjar an Josep Smith? Ta katak ko jaar katak kaki jān bwebwenato in kōn wāween an Anij kōm̧m̧ane jerbal in An?

• Ļōmņak in kwaļo̧k kein waanjon̄ak ko ak pija ko me rekkar n̄an jerbal eo kar kūr Josep Smith n̄an kōm̧m̧ane, āinwot juon Bok in Mormon ak juon pija in juon tampōļ. Ro uwaan kūlaaj eo remaron̄ lo eoon ko ilo Josep Smith—Bwebwenato 1:33–42 me ej katakin kōn wāween ko an jerbal eo an Rikanaan eo. Ewi wāween an jerbal eo an Anij n̄an Josep Smith ejjeļo̧k oktak n̄an jerbal eo Anij eaar kepooje n̄an kōj? Ta eo rikanaan ro ad rej mour rej katakin kōj kōn jerbal in?

Katak im Bujen ko 2

Ilaijah ekar itok n̄an ukōt būruwōd n̄an ro jibūd im jim̧aad.

• Kūlaaj eo am̧ enaaj ke jeram̧m̧an jān juon kōmeļeļe kōn wōn eo kar Ilaijah im kōn kajoor in liāpe eo ekar kōjepļaaktok? Ro uwaan kūlaaj eo remaron̄ riit kōn Ilaijah ilo Baibōļ Tikjinede eo ak Unin Tōl eo n̄an Jeje ko Rekwōjarjar ak etale juon bwebwenato jān mour eo an (lale 1 Kiin̄ 17–18). Ta eo meļeļe in ej kobaiktok n̄an meļeļe in ad an ilo Katak im Bujen ko 2? Kwomaron̄ barāinwōt kōnono kōn ta meļeļein n̄an liāp juon men. Bōlen jet kein waanjon̄ak remaron̄ jipan̄, āinwōt juon kuwat in m̧ōn̄ā, juon pwiļaajtiik in nien kakkoņ ippān juon zipper lock, ak juon kōkaļļe n̄an kallikar juon peba in jerbal. Ewi wāween an kein kōmeļeļe kein jipan̄ kōj meļeļe ta aurōk in n̄an liāpe baam̧le ko ippān doon? Ewi wāween an kajoor in jipan̄ kakūrm̧ool kōttōpar eo an kōm̧anm̧an eo an laļ? (lale Katak im Bujen ko 138:47–48 im enaan eo jān Būreejtōn Russell M. Nelson ilo “Kein Jipan̄ Ko”). N̄an jipan̄ ro uwaan kūlaaj eo lo wāween kanaan eo ilo Katak im Bujen ko 2 kar kūrm̧ool, kwomaron̄ kōmeļeļeik Katak im Bujen Ko 110:13–16.

• Bōlen ekkatak kōn “kallim̧ūr ko kar kōm̧m̧an n̄an ro jim̧aad” (Katak im Bujen ko 2:2) maron̄ jipan̄ ro kwōj katakin kōkm̧anm̧anļo̧k aer meļeļe kōn kajoor in priesthood eo me Ilaijah ekar itok n̄an kōjepļaaktok. Wōn ro “ro jim̧aad”? (lale Katak im Bujen Ko 27:9–10). Ta kallim̧ūr ko Irooj ekar kōm̧m̧ani ippān Ebream, Isaac, im Jekab? (lale Jenesis 17:1–8; 22:16–18; 26:1–5, 24; 28:11–15; Ebream 2:8–11). Ta meļeļein n̄an “katok” kallim̧ūr kein ilo būruwōd? Ewi wāween an menin maron̄ jipan̄ kōj ukōt būruwōd n̄an ro jūbwid im jim̧aad?

Palmyra New York Tampeļ

• N̄an kōketak ro uwaan kūlaaj eo n̄an ukōt būruwōd n̄an ro jūbwid im jim̧aad, kwomaron̄ kūr jet ro uwaan kūlaaj eo n̄an tōl juon kōmeļeļe kōn unin kōnono eo. Ļōmņak in kōkobaiki waj eo ej lale kūlaaj in ward tampōeļ im menmenbwij an baam̧le. Kwomaron̄ ijjino ilo am̧ riiti Katak im Bujen ko 2:2–3 im karuwaineneik ro rej tōl kōmeļeļe eo n̄an kwaļo̧k kōn iien ko ilo an kar būruwāer kar oktakļo̧k n̄an ro jūbwier im jim̧m̧aer. Ta eo ekar waļo̧k ilo mour ko aer me ekar jipan̄ er kōņaan jeļā kōn menmenbwij eo an baam̧le eo aer? Ta naan in rojan̄ ko remaron̄ leļo̧k n̄an jipan̄ ro jet uwaan kūlaaj bōk koņaer ilo kōm̧m̧ane menmenbwij ko an baam̧le im jerbal ko an tampeļ? Enaan eo jān Būreejtōn Dallin H. Oaks ilo “Kein Jipan̄” im pijaan alooj kein “The Promised Blessings of Family History” im “If We Put God First” (ChurchofJesusChrist.org) emaron̄ jipan̄ rojan̄ ro uwaan kūlaaj eo. Komaron̄ barāinwōt kwaļo̧k n̄an membōr ro FamilySearch.org n̄an ļōmņak ko.

Kein Jipan̄ ko jet

Kōttōpar eo an Kōm̧anm̧an eo.

Būreejtōn Russell M. Nelson eaar katakin:

“Mour indeeo, maron̄ kōm̧m̧an jān Pinmuur eo an Jisōs Kraist, ej kōttōpar eo eļaptata an Kōm̧anm̧an eo. N̄an kōmeļeļeik enaan in ilo jōkjōk eo an enana, n̄e baam̧le ko rejjab liāp ilo tampōļ ko rekwojarjar, aolepān laļ in enaaj kar jej tokjān.

“Kōttōpar ko an Kōm̧anm̧an eo, Wōtļo̧k eo, im Pinmuur eo rej aolep m̧ōttan jerbal in ekwojarjar im ej kōm̧m̧an ilo tampōļ ko an Kabun̄ eo an Jisōs Kraist im Armej ro Rekwojarjar ilo Raan Ko Āliktata” (“Pinmuur Eo,” Ensign, Nob. 1996, 35). Lale barāinwōt Moses 1:39.

Jabdewōt Emaron̄ Kōm̧m̧an Juon men.

Būreejtōn Dallin H. Oaks eaar katakin: “Ilo jerbal in lo̧mo̧o̧ren ro remej elōn jerbal ko rellōņ n̄an kōm̧m̧ani . … Jerbal eo ad ejjab n̄an kipel aolep armej n̄an kōm̧m̧ane aolep men, ak ej n̄an rojan̄ aolep armej n̄an kōm̧m̧ane juon men” (“Family History: ‘In Wisdom and in Order,’” Ensign, Jun 1989, 6).

Kōkōm̧anm̧anļo̧k Ad Katakin

Kakobaik rikkatak ro im raar jab katak jeje ko rekwojarjar ilo m̧oko m̧ōer. Kōm̧m̧an bwe aolep ro uwaan kūlaaj eo ren en̄jake bwe rej juon m̧ōttan eo eaorōk ilo kūlaaj eo, barāinwōt ro raar jab maron̄ riit ilo m̧oko m̧ōer.