Tijem̧ba 28–Jānwōde 3

Katak im Bujen ko 1

“Eo̧ron̄, O Kom Armej”

Ilo am̧ riiti Katak im Bujen ko 1, ļōmņak kōn eoon ko ta eo komaron̄ pedped ioon ilo kūlaaj im ewi wāween am̧ maron̄ jipan̄ ro uwaan kūlaaj ekkatak jān eoon kein.

Je En̄jake ko Rej Im̧we Eok

Kajjitōk n̄an Kwaļo̧k

Komaron̄ jinoe kūlaaj in ekkatak eo am̧ kōn Katak im Bujen ko ilo am̧ kajjitok ippān ro uwaan kūlaaj eo ewi wāween aer en̄jake kōn aer ekkatak kōn bok in jeje ko rekwojarjar ilo iiō in. Eoon ta ko jān Jekjōn 1 e jipan̄ er m̧ōņōņō n̄an riiti Katak im Bujen Ko? Bōlen komaron̄ kajjitōk ippāer n̄an kappukot Jekjōn 1 juon eoon renaaj kwaļo̧k eļan̄n̄e rej kajjeon̄ n̄an kipel juon armej n̄an riiti bok in ekwojarjar.

Katakin Katak ko

Katak im Bujen ko 1

Irooj ej kūr kōj n̄an “lin̄ōri kien kein.”

• Ilo am̧ kōmeļeļeik “ijjino” eo an Irooj n̄an Katak im Bujen ko (eoon 6) emaron̄ ļap an jipan̄ n̄an juon eo ilo kūlaaj eo n̄an kōmeļeļeik ta juon ijjinoe ej im ta un jerbal eo an ilo juon bok. Innām kūlaaj eo emaron̄ kōmeļeļe kōn ewi wāween Jekjōn 1 jerbale un eo n̄an Katak im Bujen ko. N̄an waanjon̄ak, ta unin tōl ko bok in ej kwaļo̧k kadkadin Jekjōn 1 ? Ta un ko ewōr ilo bok in? Ta eo jemaron̄ lo ilo jekjōn in me emaron̄ im̧weik jōkjōk eo jej riiti Katak im Bujen Ko ilo iiō in?

• Unin tōl eo an wiik in ilo Itok, Ļoor Eō—N̄an kajjojo armej im Baam̧le ko ej kūr kōj n̄an lōmņak kōn ewi wāween ad naaj jerbale kakien eo an Irooj n̄an “lin̄ōri kien kein” (eoon 37). Bōlen ro uwaan kūlaaj eo remaron̄ in kwaļo̧k ta eo rej kōttōpar n̄an kōm̧m̧ane ilo iiō in n̄an kōm̧m̧an bwe en aurōk iien katak eo aer jān Katak im Bujen Ko. Ta eo renaaj kappukōte? Ewi wāween an kappukot oktak jān baj riit? Ta kilen katak ko em̧ōj aer lo im eļap aer jipan̄?

Katak im Bujen ko 1:1–6, 23–24, 37–39

Anij ej kōnono kōn rijilōk ro an, im naan ko An renaaj kūrm̧ool.

• Elōn̄ iaad elōn̄ uwaan baam̧le eo ad, ro m̧ōttad, im ro jejeļā kajjāer im rejjab kwaļo̧k tōmak ko ad kōn rikanaan ro remour. Bōlen ro uwaan kūlaaj remaron̄ kwaļo̧k m̧ool ko rej lo ilo jekjōn 1 me remaron̄ kōjerbal n̄an uwaak n̄an juon armej eo ej kajitōkin tōmak ko aer kōn rikanaan. Komaron̄ ba bwe ren kappok ilo eoon ko 1–6 im 37–39. Ta eo eoon kein rej katakin kōn Anij im rikanaan ro An?

• Ro uwaan kūlaaj eo remaron̄ itok limoier ilo aer katak ke Josep Smith ekar kūr n̄an juon kweiļo̧k kar kōmeleļe kōn kadiwōjļo̧k Revelesōn ko an Rikanaan eo, jejjo uwaan kweiļo̧k eo rekar jum̧ae ļōmņak eo. Rekar jook kōn m̧ōjņo̧ eo an Josep ilo jeje, im rekar inepata ke diwōjļo̧k eo an revelesōn ko remaron̄ kōļapļo̧k joreen ko n̄an membōr ro (lale Rekwojarjar, 1:140–43). Ewi wāween an jekjōn 1 kwaļo̧k inepata kein? (lale, n̄an waanjon̄ak, eoon 6, 24, 38).

• Naan ko an al in “Come, Listen to a Prophet’s Voice” (Al ko, numba. 21) katakin jet iaan ejja katak kein kar katakin ilo Jekjōn 1. Bōlen komaron̄ al ak riiti al eo ippān doon im karuwaineneik ro uwaan kūlaaj eo n̄an kappukot ļain ko ilo al eo im eoon ko ie Jekjōn 1 ke ej katakin ejja katak kein wōt.

  

  Anij ej kōnono n̄an kōj kōn Rikanaan ro An.

Katak im Bujen ko 1:12–30, 35–36

Irooj ekar kōjepļaaktok gospel eo An n̄an jipan̄ kōj jelm̧aik melejo̧n̄ ko an raan ko āliktata.

• Ta ļōmņak ko ro uwaan kūlaaj eo rekar bōk ilo aer riiti kōmeļeļe eo kōn raan ko āliktata ilo eoon 13–16? Ta eo ej waļo̧k ilo laļin rainin me ej kakūrm̧ool kōmeļeļein kanaan kein? Rojan̄ ro uwaan kūilaaj eo n̄an kwaļo̧k jabdewōt men raar loe ilo jekjōn 1 me ekar jipan̄ er en̄jake aenom̧m̧an im peran mekarta melejo̧n̄ ko ilo raan kein ad.

• N̄an jipan̄ ro uwaan kūlaaj eo kōļmenļo̧kijen kōn kōjeram̧m̧an ko jej bōki kōnke gospel eo em̧ōj an jepļaaktok, komaron̄ jeje ilo board eo Ta eo eoon 17–23 ej katakin etke Irooj ekar kōjepļaaktok ko̧speļ eo An? Ro uwaan kūlaaj eo remaron̄ kappukot eoon ko im kwaļo̧k ta ļōmņak ko aer ippān doon. N̄an waanjo̧n̄o̧k, ewi wāween an m̧ool ko kar kōjepļaaktok kōn Josep Smith jipan̄ kōj kōļapļo̧k tōmak eo ad? (lale eoon 21).

Katak im Bujen ko 1:19–28

Irooj ej kōjerpal “eo em̧ōjņo̧ im eo eļam waan” n̄an kadedeļo̧k jerbal eo An.

• Juon unin tōl aurōk an Katak im Bujen ko 1 ej jerbal eo an “eo em̧ōjņo̧ im eo eļam waan” ilo jerbal eo an Irooj eļap ilo raan eo āliktata (eoon 23). Karuweineneik ro uwaan kūlaaj eo n̄an kappukot eoon 19–28 n̄an katak ewi wāween an naan ko “em̧ōjņo̧” im “eļam waan” jerbal n̄an kōj āinwōt rijerbal ro an Anij. Ilo aer kwaļo̧k ta eo raar loe, komaron̄ kōmeļeļe kōn kajjitōk āinwōt kein: Ta m̧wil ko Irooj ekōņaan bwe en wōr ippān ro Karejaran? Ta eo Irooj enaaj kōtōprak kōn rikanaan ro an ilo raan ko āliktata? Ewi wāween an kanaan ko ilo eoon kein kūrm̧ool ilo aolepān laļin im ilo mour ko ad make?

Kōkōm̧anm̧anļo̧k Ad Katakin

Jipan̄ rikkatak keidi jeje ko rekwojarjar n̄an er make. Ejja m̧ool kein wōt me rekar im̧weik membōr ro m̧okta emaron̄ jipan̄ kōj jelm̧aik melejo̧n̄ ko rainin. Ilo am̧ katakin Katak im Bujen Ko, jipan̄ ro uwaan kūlaaj eo kōm̧m̧an ekkeijel ko ikōtaan Irooj im enaan ko n̄an Josep Smith im ta eo Irooj emaron̄ ba n̄an er make. (Lale Teaching in the Savior’s Way, 21.)