Itok, Ļoor Eō
Ļōmņak ko n̄an Rōjan̄ Katak an Kajjojo Armej im Baam̧le

“Ļōmņak ko n̄an Rōjan̄ Katak an Kajjojo Armej im Baam̧le,” Itok, Loor Eō—Jabōt Jikuuļ: Bok in Mormon 2020 (2020)

“Ļōmņak ko n̄an Rōjan̄ katak an Kajjojo Armej im Baam̧le,” Itok, Loor Eō—Jabōt Jikuuļ: 2020

Pija
baam̧le eo ej ikkure juon ikkure

Ļōmņak ko n̄an Rōjan̄ Katak an Kajjojo Armej im Baam̧le

Erkein rej jet ļōmņak ko n̄an jipan̄ eok rōjan̄ ro uwaan baam̧le eo n̄an katak naan eo an Anij ilo m̧weo, jim̧or kajjojo armej im āinwōt baam̧le ko. Kom̧win tiljek kōn m̧ool eo bwe ejjab aolep ro uwaan kūlaaj eo remaron̄ ekkatak jeje ko rekwojarjar ippān baam̧le ko aer (n̄an waanjon̄ak, jet membōr rej mour make iaer ak ilo baam̧le ko jet iaer rej membōr in Kabun̄ in).

  • Karuwaineneik ro uwaan kūlaaj eo n̄an kwaļo̧k en̄jake ko aer ilo aer ekkatak jeje ko rekwojarjar ilo m̧weo. N̄an waanjon̄ak, komaron̄ kajjitōk ippāer bwe ren kwaļo̧k juon eoon eo me ekar im̧we er im bwe ren kōmeļeļeiki etke rekar loe bwe eļap tokjān.

  • Kajjitōk ippān ro uwaan kūlaaj eo bwe ren letok waanjon̄ak kōn ta eo rej kōm̧m̧ane n̄an kōm̧m̧an bwe ekkatak an kajjojo armej im baam̧le en ļap tokjān. (Jet iaan ļōmņak kein maron̄ loi ium̧win “Ļōmņak ko n̄an Kōkōm̧anm̧anļo̧k Am̧ Make Ekkatak Jeje ko Rekwojarjar” im “Ļōmņak ko n̄an Kōkōm̧anm̧anļo̧k an Baam̧le eo Ekkatak Jeje ko Rekwojarjar” ilo Itok, Ļoor Eō—N̄an Kajjojo Armej im Baam̧le ko.)

  • Kajjitōk ippān ro uwaan kūlaaj eo n̄an kwaļo̧k ewi wāween aer m̧akūtkūt ekkar n̄an im̧we ko rej būki ilo ekkatak jeje ko rekwojarjar aer ak an baam̧le.

  • Joļo̧k jejjo minit ko im kwaļo̧k n̄an ro uwaan kūlaaj eo jet iaan kein jipan̄ ko litok jān Kabun̄ in n̄an jipan̄ ro uwaan Kabun̄ in ekkatak gospel eo, āinwōt ekkatak jeje ko rekwojarjar loe ilo scriptures.ChurchofJesusChrist.org; “Bwebwenato ko ilo Jeje ko Rekwojarjar” loe ilo children.ChurchofJesusChrist.org; pedped wōt ilo jodikdik ro ilo youth.ChurchofJesusChrist.org; bok in katakin an Jemenere im Institute; im pija in alooj ko, ainikien ko kar kanni, im pija ko loi ilo medialibrary.ChurchofJesusChrist.org. Elōn̄ iaan men kein rej barāinwōt pād ilo Gospel Library app eo.

  • Joļo̧k jejjo minit ko im kōmeļeļeiki ewi wāween kōjerbale Gospel Library app eo n̄an ekkatak jeje ko rekwojarjar, ekoba ewi waween kōkkaļļeiki eoon ko im je en̄jake ko rej im̧we eok.

  • Kajjitōk ippān juon ak elōn̄ļo̧k ro uwaan kūlaaj eo bwe ren kwaļo̧k ewi wāween aer katakin kajjojo pedped in katak eo ilo baam̧le ko aer.