Jisōs ej katakin rikaļoor ro An

Kraist ej Katakin Rikaļoor ro An, jān Justin Kunz

M̧aaj 2–8

2 Nipai 31–33

“Iaļ Eo In”

Ilo am̧ ekkatak 2 Nipai 31–33, ļōmņak wōt kōn ro uwaan kūlaaj eo am̧ ilo kōļmeņļo̧kjeņ im ļōmņak kōn ta en̄jake ko emaron̄ pād ippāer kōn m̧ool ko Nipai ekar katakin. Ewi wāween am̧ maron̄ kajjitōk ippāer n̄an katak doon ta ko rekar ekkatak im kar en̄jake kōn katak kein?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Elōn̄ ke ilo kūlaaj eo am̧ ekar wōr juon an en̄jake em̧m̧an wiik in kōn juon iaan katak ko elmakoti n̄an katak ilo Itok, Ļoor Eō—N̄an Kajjojo armej im baam̧le ko? Leļo̧k n̄an ro uwaan kūlaaj eo iien em̧m̧an n̄an kwaļo̧k en̄jake ko aer.

pija ej bōk jikin katakin

Katakin Katak ko

2 Nipai 31–32

Jisōs Kraist im katak ko An rej iaļ eo wōt n̄an mour indeeo.

• Bōlen enaaj juon kōjeraam̧m̧an n̄an kūlaaj eo am̧ n̄an lale ewi wāween an tōmak, ukweļo̧k, peptaij, menin letok eo an Jetōb Kwojarjar, im niknik n̄an Jem̧ļo̧kin jelet kajjojo im Pinmuur eo an Jisōs Kraist. N̄an kōm̧m̧ane menin, komaron̄ jin̄aiki juon iaļ ioon boot eo im kajjitōk ippān ro uwaan kūlaaj eo n̄an je iturin iaļ eo jet iaan pedped in katak ko loe ilo 2 Nipai 31. Kajjojo uwaan kūlaaj eo emaron̄ kālet juon iaan pedped in katak ko im etale 2 Nipai 31–32 n̄an pukot juon men Nipai ekar katakin kake. Innām remaron̄ kwaļo̧k ippān doon ta eo rekar loe im kōnono kōn wāween an jipan̄ er ļapļo̧k aer meļeļe pedped ko. Mour kōn pedped in katak kein, ewi wāween aer bōk kōjeraam̧m̧an ko an Pinmuur eo an Jisōs Kraist ilo mour ko ad?

• Ewi wāween am̧ maron̄ jino juon ekōnono kōn meļeļe ko ralikkar im ļamwaan an Nipan̄ kōn “iaļ eo” n̄an lo̧mo̧o̧r? (2 Nipai 31:21). Bōlen komaron̄ kajjitōk ippān ro uwaan kūlaaj eo ta eo renaaj ba eļan̄n̄e en kar wōr wōt 60 jekōn n̄an kōmeļeļeiki ta eo juon armej ej aikuj in kōm̧m̧ane n̄an bōk lo̧mo̧o̧r. Innām ro uwaan kūlaaj eo remaron̄ lale 2 Nipai 31–32, pukot naan ko me remaron̄ jipan̄. Ta eo jej ekkatak jān jebta kein kōn eddo eo an Rilo̧mo̧or eo ilo lo̧mo̧o̧r eo ad? Ennaan ko ilo “Bar jet Kein Jipan̄ ko” remaron̄ jipan̄ n̄an ekōnono in.

• Jet iien je lo pedped ko an gospel eo āinwōt reāinjuon im jenolo̧k, ak ilo mour rej ekkejel ippān doon. N̄an jipan̄ ro uwaan kūlaaj eo kōn wāween an pedped in katak ko ilo 2 Nipai 31 rej ekkejel, kajjitōk ippān ro uwaan kūlaaj eo, kajjojo armej ak ilo kūrub ko reddik, n̄an riiti eoon 4–21 im kōm̧m̧ane juon pija eo me ej kwaļo̧k tōmak ilo Kraist, ukweļo̧k, peptaij, menin letok eo an Jetōb Kwojarjar, im niknik n̄an jem̧ļo̧kin kalōk ro jet, ekkejelļo̧k ippān ro jet, im ko eierļo̧k wōt. Rōjan̄ er bwe ren jet ro remejādik. Ilo aer kwaļo̧k pija ko aer ippān kūlaaj eo, kajjitōk ippāer n̄an aer kwaļo̧k ta eo rekar ekkatak kōn pedped in katak kein. Ewi wāween ad maron̄ kōm̧m̧an bwe ren m̧ōttan wōt mour ko ad?

2 Nipai 31:15–20

“E eo ej niknik n̄an jem̧ļo̧kin, ejja in wōt naaj lo̧mo̧o̧ren.”

• Ro uwaan kūlaaj eo rej ke meļeļe ta meļeļein niknik n̄an jem̧ļo̧kin? En̄in ej juon ikkure me emaron̄ jipan̄. Jeki ioon boot eo Ewi wāween aō jeļā eļan̄n̄e ij niknik n̄an jem̧ļo̧kin? Innām kajjitōk ippān ro uwaan kūlaaj eo n̄an lale 2 Nipai 31:15–20 n̄an pukot uwaak ko rem̧m̧an n̄an kajjitōk in. Kajjitōk ippān ro uwaan kūlaaj eo n̄an jeiki ioon boot eo jabdewōt naan ko rejipan̄ ak meļeļe ko rej loi. Etke jej niknik n̄an jem̧ļo̧kin āinwōt m̧ōttan wōt katak ko an Kraist? Komaron̄ barāinwōt kwaļo̧k enaan eo an Elder Dieter F. Uchtdorf ilo “Kein Jipan̄ ko Jet” ak ennaan eo kōn niknik n̄an jem̧ļo̧kin ilo peij 6 in Preach My Gospel.

• Ro uwaan kūlaaj eo rejeļā juon armej eo ej juon waanjon̄ak in niknik n̄an jem̧ļo̧kin? Ta eo ekar jipan̄ armej in “bun̄ m̧aanļo̧k kōn dim ilo Kraist”? (eoon 20). Lōmņak in kwaļo̧k bwebwenato an armej ro jet im kwaļo̧k kake er ilo jeje ko rekwojarjar ro rekar niknik n̄an jem̧ļo̧kin.

2 Nipai 32:1–6

Jetōb Kwojarjar eo enaaj kwaļo̧k n̄an kōj ta eo jej aikuj kōm̧m̧ane.

• Ilo 2 Nipai 32, Nipai ekar kwaļo̧k juon n̄ūrbōktak ekar kile ippān armej ro an kōn kōjerbal katak ko an Kraist. Komaron̄ kajjitōk ippān ro uwaan kūlaaj eo bwe ren pukot n̄ūrbōktak in 2 Nipai 32:1 innām riiti uwaan eo an Nipai ilo 2 Nipai 32:2–6. Ewi wāween an naaj ro uwaan kūlaaj eo bar kwaļo̧k ilo naan ko aer make ta eo Nipai ekar katakin? Ta en̄jake ko ippān ro uwaan kūlaaj eo ke Jetōb Kwojarjar ak naan ko an Kraist kar kwaļo̧k n̄an er ta eo rej aikuj in kōm̧m̧ane?

2 Nipai 33

Bok in Mormon ej kareel kōj n̄an tōmak ilo Kraist.

• Kōjatdikdik eo an Nipai bwe naan ko an renaaj kareel kōj “n̄an kōm̧m̧an em̧m̧an [im] n̄an tōmak ilo [Kraist]” (2 Nipai 33:4). Ta eo eoon ko ak bwebwenato ko jān 1 im 2 Nipai rekar kareel kōj n̄an kōm̧m̧an em̧m̧an im tōmak ilo Kraist? Ļōmņak im pukot jet al ko ro uwaan kūlaaj eo am̧ remaron̄ al ak ron̄jake n̄an kapenļo̧k ennaan kein, āinwōt “I Believe in Christ” ak “Have I Done Any Good?” (Hymns, nos. 134, 223).

pija ej bōk jikin ekkatak

Kōketak Ekkatak ilo M̧weo

Juon wāween n̄an im̧we ro uwaan kūlaaj eo n̄an katak Jekab 1–4 wiik in tok ej kōmeļeleiki bwe ilo jebta kein renaaj lo kakkōļ ko an Jekab kōn ruo jerawiwi ko me rej lukkuun waļo̧k ilo raan kein ad.

pija ej bōk jikin kein jipan̄ ko

Kein Jipan̄ ko jet

Katak ko an Kraist.

Elder Jeffrey R. Holland ekar katakin: “‘Katak ko an Kraist’ āinwōt kar katakin jān Nipai ilo wāween eo an eļap, kobaiktok kōnono im pedped wōt ilo tōmak ilo Irooj Jisōs Kraist, ukweļo̧k, peptaij kōn tulo̧k ilo dān, bōk menin letok eo an Jetōb Kwojarjar, im niknik n̄an jem̧ļo̧kin. Ejjab, ilo naan in kōmlet in, kajjieon̄ kōnono kake aolepān karōk in lo̧mo̧o̧r eo, aolep wānōk ko an juon mour an Rikūrijin, ak nōbar ko me rej kōttar wōt kōj ilo jekjek ko rem̧wilaļļo̧k an aiboojoj an lan̄. Ejjab, ilo naan in kōmlet in, jerbal ippān opiij ko an priesthood eo, kain̄i ko an tampeļ eo, ak elōn̄ katak ko jet rem̧ool. Aolepān men kein rej aorōk, ak āinwōt kōjerbale ilo Bok in Mormon eo, ‘katak ko an Kraist’ ej ļamwaan im kajju. Ej pedped wōt ioon pedped in katak eo kein kajuon an gospel eo, ekoba juon naan in rōjan̄ n̄an niknik, n̄an kijejeto, n̄an wōnm̧aanļo̧k wōt. Ilo m̧ool, ej lukkuun alikkar im pidodo ‘katak ko an Kraist’ eo me an jelet ej pād” (Christ and the New Covenant: The Messianic Message of the Book of Mormon [1997], 49–50).

Elder D. Todd Christofferson ekar ba: “Ij kareel aolep … n̄an pukote kōn jar im kōn ekkatak jeje ko rekwojarjar [juon] juon kam̧ool an m̧wil eo ekwojarjar, Pinmuur eo, im Jerkakpeje eo an Jisōs Kraist. Bōk katak ko An kōn ukweļo̧k, peptaij, bōk menin letok eo an Jetōb Kwojarjar, im ilo aolepān mour eo am̧ ļoor kakien ko im bujen ko an gospel eo an Jisōs Kraist” (“The Doctrine of Christ,” Ensign ak Liahona, May 2012, 89).

Niknik n̄an Jem̧ļo̧kin.

Elder Dieter F. Uchtdorf ekar kōmeļeļeiki:

“Ke ikar juon ļaddik em̧m̧an dettan, ‘niknik n̄an jem̧ļo̧kin’ meļeļein n̄an kar n̄a ekar kajjieon̄ ilo kate n̄an erre wōt m̧ae iien kweilo̧k ko ad an Kabun̄ in rededeļo̧k. Tokālik āinwōt juon likao … ikar ekkejelļo̧k ilo juon itok limo an jodikdik ro n̄an jerbal in kijetoto ko n̄an membōr ro rerūtto bwe ren dāpdep wōt m̧ae jem̧ļo̧kin mour ko aer. …

“… Niknik n̄an jem̧ļo̧kin ejjab baj wōt maron̄ mour jekjek ko an mour reppen ak ‘dāpdep wōt ijeņe.’ Kōj jej juon kabun̄ emourur, jipan̄ ajri ro nejin Anij ilo iaļ in erarin̄ im eaidik n̄an ejaake likio in kōjeraam̧m̧an eo aer ilo mour in im ro̧o̧lļo̧k n̄an E juon raan. Kalimjeke jān errem̧aanļo̧k in, niknik n̄an jem̧ļo̧kin ej wanlōn̄ļo̧k im aiboojoj, jab būrom̧ōj im ajļo̧k. En̄in ej juon kabun̄ elan̄lōn̄, juon kōjatdikdik, kajoor, im jo̧o̧r. …

“Niknik n̄an jem̧ļo̧kin ej ļōmaketok ‘kijenmej ilo kōm̧m̧an em̧m̧an’’ (Rom 2:7), kajjieon̄ kōjparok kien ko (lale 2 Nipai 31:10), im kōm̧m̧ani jerbal ko rewāppen (lale K&C 59:23)” (“Have We Not Reason to Rejoice?” Ensign ak Liahona, Nov. 2007, 20).

Kōkōm̧anm̧anļo̧k Ad Katakin

Jej ekkatak ippān doon. Āinwōt juon rūkaki, kwoj kōm̧m̧ane eļapļo̧k jān baj leļo̧k wōt meļeļe ko—kwoj ekkatak ippān ro jet ilo kūlaaj eo am̧ Kwaļo̧k ippāer ta eo kwoj kōm̧m̧ane n̄an ekkatak jān jeje ko rekwojarjar.