tamaitai o loo aoaoina tamaiti laiti i totonu o le potuaoga o le lotu

Punaoa Faaopoopo mo le Aoaoina o Tamaiti

O nei punaoa e mafai ona maua i le polokalama o le Gospel Library ma i luga o le ChurchofJesusChrist.org.

Sau, Mulimuli Mai ia te A’u—Mo Tagata Taitoatasi ma Aiga

E mafai ona e fetuunaia ni gaoioiga mai le Sau, Mulimuli Mai ia te A’u—Mo Tagata Taitoatasi ma Aiga mo le faaaogaina i lau vasega Peraimeri. Aua e te popole pe afai ua uma ona faia e tamaiti nei gaoioiga ma o latou aiga i le fale; o le fai soo e fesoasoani ai i tamaiti e aoao. E ono mananao tamaiti e faamatala pe na faapefea ona latou faia gaoioiga ma o latou aiga ma mea sa latou aoaoina.

Viiga ma le Tusipese a Tamaiti

O musika paia e valaaulia ai le Agaga, e fesoasoani tatou te lagona ai le alofa o le Atua, ma aoao atu ai aoaoga faavae i se auala e le mafaagaloina. E faaopoopo i tusi lolomi o Viiga ma le Tusipese a Tamaiti, e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i polokalama feaveai o le Sacred Music ma le Gospel Media.

Mo manatu, tagai i le “Faaaogaina o Musika e Aoao Atu ai Aoaoga Faavae” ma le “Fesoasoani i Tamaiti e Aoao ma Manatua Pese Peraimeri ma Viiga” i le faaopoopoga o lenei tusi lesona.

Vaai Ia I O Outou Tamaiti

E tele autu o loo aoao i le Vaai Ia I O Outou Tamaiti: Tusi Lesona Vasega Pepe e pei foi o lesona o loo e aoao atu i le Peraimeri. Ae maise pe a o e faiaoga i tamaiti laiti, mafaufau e vaavaai i le tusi lesona a le vasega pepe mo ni pese faaopoopo, tala, gaoioiga, ma ata.

Uo

O le mekasini o le Uo e maua ai tala ma gaoioiga e mafai ona faaopoopo i mataupu faavae o loo e aoao atu mai le Sau, Mulimuli Mai ia te A’u—Mo le Peraimeri.

O Tala o le Feagaiga Fou

OTala o le Feagaiga Fou e mafai ona fesoasoani i tamaiti e aoao ai le aoaoga faavae ma tala o loo maua i le Feagaiga Fou. E mafai foi ona e mauaina vitio o nei tala i le polokalama o le Gospel Library ma le GospelMedia.ChurchofJesusChrist.org.

Scripture Stories Coloring Book—New Testament

O lenei punaoa ua i ai itulau malie e valivali o gaoioiga ua mamanuina e faaleleia ai le aoao a tamaiti mai le Feagaiga Fou.

Vitio ma Ata

O faatufugaga, vitio, ma isi faasalalauga e mafai ona fesoasoani i tamaiti o loo e aoaoina e vaai faalemafaufau i aoaoga faavae ma tala e fesootai i mau. Asiasi i le Gospel Media i luga o le GospelMedia.ChurchofJesusChrist.org e matamata ai i punaoa o faasalalauga ua faaputu e le Ekalesia. Ua maua foi le Ala o Faasalalauga o le Talalelei o se polokalama i telefoni feaveai. E tele ata e mafai ona e faaaogaina i le vasega o loo maua i le Tusi Ata o le Talalelei.

Aoao Atu i le Ala a le Faaola

O leAoao Atu i le Ala a le Faaola e mafai ona fesoasoani ia te oe e aoao ai ma faaaoga mataupu faavae o le aoao atu faapei o Keriso. O nei mataupu faavae o loo talanoaina ma faataitai i fonotaga faaaufono a faiaoga.