O le Au Makoi o loo malaga i kamela

Ia Tatou Viia o Ia, saunia e Dana Mario Wood

9–15 Ianuari

Mataio 2; Luka 2

Ua Matou O Mai e Ifo Atu ia te Ia

O tamaiti o loo e aoaoina o ni atalii ma ni afafine faapelepele a le Tama Faalelagi. Ole atu ia te Ia e fesoasoani ia te oe ao e saili e aoao i latou mai tusitusiga paia. E mafai ona Ia taitaiina oe i mataupu faavae e tatau ona e faamamafaina ma mafai ai ona musuia oe i manatu o gaoioiga o le a oo atu i Ana fanau.

aikona o le fefaasoaai

Valaaulia le Fefaasoaai

Fai i tamaiti e faamatala atu ia te oe mea latou te iloa e uiga i le fanau mai o Keriso. O a a latou vaega e fiafia i ai o le tala?

aikona o le aoao atu

Aoao atu le Aoaoga Faavae: Tamaiti Laiti

Luka 2:1–14

Ua fanau mai Iesu.

Na tuua e Iesu Lona aiga ma le Tama Faalelagi ina ia fanau mai i le lalolagi ia mafai ai e Ia ona avea ma o tatou Faaola. E mafai faapefea ona e fesoasoani i tamaiti ia manatua le tala o le fanau mai o Keriso?

O Gaoioiga e Mafai ona Fai

• A o e faitauina le tala o le fanau mai o Keriso, valaaulia tamaiti e faatino e i latou lava le tala pe faaaoga le itulau o gaoioiga o le vaiaso lenei e toefaamanatu ai le tala. (Tagai foi “Mataupu 5: Ua Fanau Mai Iesu Keriso,” i le Tala o le Feagaiga Fou,13–15, po o le vitio e o faatasi ai i le ChurchofJesusChrist.org.)

• Afai o i ai, aumai se seti o le Fanau Mai o Iesu ma valaaulia tamaiti e faatutu fasi mea o le seti i o latou tulaga talafeagai a o e faamatalaina le tala i le fanau mai o Iesu Keriso. E mafai foi ona e faaali atu se ata o le Fanau Mai o Iesu (tagai, mo se faataitaiga, otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga). Faasino i tagata eseese i le seti o le Fanau Mai o Iesu ma valaaulia tamaiti e faasoa mai mea ua latou iloa e uiga i tagata taitasi.

• Usu faatasi pese e fiafia i ai tamaiti e uiga i le fanau mai o Iesu. A o outou faia, vaavaai mo avanoa e faasoa atu ai lau molimau o le Faaola. Valaaulia tamaiti e faasoa mai pe aisea latou te alolofa ai ia Iesu.

Mataio 2:1–12

E mafai ona ou avatu meaalofa lelei ia Iesu.

Na avatu e le Au Makoi meaalofa o le auro, pulumuro, ma le pulu lipano ia Iesu. E mafai faapefea ona e faaaogaina lenei tala e aoao ai tamaiti e mafai foi ona latou avatu ni meaalofa ia Iesu—meaalofa e pei o le alofa, auaunaga, ma le usiusitai?

O Gaoioiga e Mafai ona Fai

• Faaali atu se ata o le Au Makoi a o e toefaamanatuina ma tamaiti la latou tala, o loo maua i le Mataio 2:1–12. E mafai ona e faaali atu le ata o le Wise Men Present Gifts (ChurchofJesusChrist.org).

• Afifi faameaalofa ia ata po o meafaitino e faatusa i meaalofa e mafai ona tatou avatu ia Iesu. Valaaulia tamaiti e fesoasoani atu ia te oe e tatala ia meaalofa ma talanoaina pe faapefea ona tatou avatu nei meaalofa i le Faaola.

• Fesoasoani i tamaiti taitasi e tusi se ata pe tusi se lisi o meaalofa e mafai ona latou avatu ia Iesu, e pei o le “avea ma uo lelei” po o le “tatalo.” Valaaulia tamaiti e faasoa mai a latou lisi i le vasega ma fiifili se “meaalofa” e tasi o le a latou tuuina atu ia Iesu i le aso lenei.

Luka 2:40–52

Sa tamaitiiti Iesu faapei o au nei.

O le aoao e uiga i le olaga faatamaitiiti o le Faaola e ono fesoasoani i tamaiti o loo e faiaoga ai e fesootai atu ia te Ia. Fesili i tamaiti po o a mea e mafai ona latou aoao mai nei fuaiupu e uiga i le auala e mafai ai ona latou faapei o Iesu i le taimi nei.

O Gaoioiga e Mafai ona Fai

• Valaaulia se tasi o le autalavou i le uarota e asiasi ane i le vasega ma faasoa mai le tala ia Iesu o loo aoao atu i totonu o le malumalu a o talavou o Ia.

• Vave fai i ni tamaiti e aumai ni o latou lava ata a o pepe e faasoa mai. Fesili atu i ai pe na faapefea ona latou tuputupu ae. Faasoa mai nisi o auala na tuputupu ae ai Iesu (tagai Luka 2:40,52). Usu ma tamaiti le “Sa Tamaitiiti o Iesu” (Tusipese a Tamaiti, 34) po o se isi pese e uiga i le Faaola.

• Faitau le Luka 2:52, ma faamalamalama le uiga o le “poto” ma le “tino”. E mafai ona e fai i tamaiti e faatino mai i taga le uiga o le tupu le poto ma ua alofagia e le Atua atoa ma tagata. Mo se faataitaiga, e mafai ona latou faatinoina le faitau o se tusi po o le fesoasoani i se tagata o manaomia se fesoasoani.

aikona o le aoao atu

Aoao atu le Aoaoga Faavae: Tamaiti Matutua

Luka 2:1–21; Mataio 2:1–12

Na muai ta’u mai e perofeta anamua le fanau mai o le Faaola.

Sa tulimatai atu perofeta ma tagata talitonu i le fanau mai o le Faaola mo seneturi. O le malamalama i lenei upumoni e mafai ona fesoasoani i tamaiti e maua ai se agaga faafetai loloto mo le soifua ma le misiona a le Faaola.

O Gaoioiga e Mafai ona Fai

• Fai i tamaiti e talanoa e uiga i mea o latou tulimatai atu i ai, e pei o se aso fanau po o se aso malolo. Ia faitau e tamaiti le Helamana 14:2–5 e sue ai se mea sa sagisagi atu i ai perofeta.

• Faitau faatasi ni valoaga o le fanau mai o le Faaola (tagai Isaia 7:14; 9:6; 1 Nifae 11:18; Helamana 14:5). Fesoasoani i tamaiti e lisi mai faamatalaga o nei valoaga ma sue lo latou faataunuuga i le Luka 2:1–21 ma le Mataio 2:1–12.

• Valaaulia tamaiti e tusi se ata o se mea mai le Mataio 2:1–12 po o le Luka 2:1–21 ma faasoa mai pe aisea latou te lotofaafetai ai ona ua fanau mai Iesu.

O Maria, Iosefa, ma Simeona faatasi ai ma le tamameamea o Iesu

Ua Faamamaluina e Simona le Pepe o Keriso, saunia e Greg K. Olsen

Luka 2:40,52

Na tuputupu ae Iesu “i le poto ma le tino, ma ua alofagia e le Atua atoa ma tagata.”

E faapei o Iesu, o tamaiti o loo e faiaoga ai e i ai se misiona taua e tapenapena i ai. O le a se mea e mafai ona latou aoao mai i le faataitaiga a Iesu?

O Gaoioiga e Mafai ona Fai

• A o e faitauina le Luka 2:40, 52, fai i tamaiti e faalogologo mo mea na faia e Iesu. Valaaulia tamaiti e faasoa mai ni auala ua latou tuputupu ae ai talu mai lo latou laiti. Faasoa atu sou lava aafiaga i le aoaoina o le talalelei o sia mea itiiti i i ma sia mea itiiti i o. Faasoa atu lau molimau e uiga i le Faaola.

• Faamaea gaoioiga e faapupula mai ai fasifuaitau o i le Luka 2:40, 52. Mo se faataitaiga e mafai ona e fuaina le maualuga o tamaiti taitasi (“Ua tupu … le tino o Iesu”) pe fai foi i ai e faasoa mai a latou mau e fiafia i ai (“ua malosi lona loto”). Fesoasoani i tamaiti e maitau auala ua latou tuputupu a’e ai ma faasoa atu i o latou aiga.

• A uma ona toe faamanatu le Luka 2:40, 52, valaaulia tamaiti e faasoa mai pe o le a so latou manatu mata na faapeī ia Iesu ao pei o Ia o lo latou matutua. Na ono faapefea ona ia taulimaina Lona tina? Ona uso ma tuafafine?

Luka 2:41–52

E mafai ona ou mulimuli i le faataitaiga a Iesu Keriso.

Tusa lava foi i lona talavou, sa aoao atu e Iesu le talalelei i le malumalu. E faapena foi, e tele naua mea e aoao atu e tamaiti i lau vasega ia i latou o siomia i latou.

O Gaoioiga e Mafai ona Fai

• Valaaulia se tamaitiiti e sau saunia e aotele le tala o i le Luka 2:41–52. Ina ia fesoasoani i tamaiti ia malamalama i le tala, aoao atu le uiga o le “tatau ona ou i le fale o lo’u Tama” (fuaiupu 49) . Mo se faataitaiga, e mafai ona e ta’u atu i tamaiti au mea e fai pe fai e ou matua i mea e faigaluega ai. O le a le galuega po o le “pisinisi” a Iosefa, le tama faalelalolagi o Iesu? (tagai Mataio 13:55). O le a le pisinisi a Lona Tama Faalelagi? (tagai i le Luka 2:46–49; tagai foi i le Mose 1:39).

• Faitau faatasi ma tamaiti le Luka 2:46–49, ma fesili, “Na faapefea ona fai e Iesu le ‘pisinisi a Lona Tama’?” Fesoasoani i tamaiti e lisi pe tusi i le laupapa auala e mafai ai ona latou fesoasoani foi e fai le pisinisi a le Tama Faalelagi.

• Ina ia fesoasoani i tamaiti e fausia lo latou talitonuga mautinoa e faapea, o i latou, faapei o le tamaitiiti o Iesu, e mafai ona aoao atu le talalelei, fesoasoani ia i latou e faataitai ona aoao atu e le tasi le isi i se mataupu faavae mai le Mo Le Malosi o le Autalavou.

aikona o le aoaoina

Uunaia le Aoaoina i le Aiga

Valaaulia tamaiti e aoao o latou aiga i se mea sa latou aoaoina e uiga i le fanau mai o Iesu Keriso.

Faaleleia o Lo Tatou Aoao Atu

E fia iloa lava tamaiti ma e tele auala latou te aoao ai. E fiafia lava tamaiti e aoao e ala i aafiaga fou eseese. Faaaoga gaoioiga e fesoasoani latou te feoai ai, faaaoga uma o latou sane, vailiili, ma faataitai ni mea fou. (Tagai Aoao Atu i le Ala o le Faaola, 25–26.)

itulau o gaoioiga: Iesu i le faatanoa vaovao