o le fafine o loo faasoa atu le talalelei i se nofoaga o nofoaafi

Ianuari 21–27.

Ioane 1

Ua Ma Maua le Mesia

A o e faitauina le Ioane 1, tusifaamaumau ou lagona uunai e te maua. O le Otootoga o lenei vaiaso o i le Sau, Mulimuli Mai ia te Au—Mo Tagata Taitoatasi ma Aiga e mafai ona fesoasoani e te malamalama ai i lenei mataupu. O gaoioiga fautuaina nei e mafai ona e maua ai ni manatu pe faapefea ona fesoasoani i tamaiti e aoao ia mataupu faavae o i le Ioane 1. O gaoioiga mo tamati ua matutua atu e mafai ona fetuunai, pe a manaomia, mo tamaiti laiti ifo.

Tusifaamaumau Ou Lagona Uunai

aikona fefaasoaai

Valaaulia le Fefaasoaai

Ina ia fesoasoani i tamaiti e faasoa mai mea ua latou iloa e uiga ia Iesu, e mafai ona e faaali atu ata o Ia o loo faataunuuina nisi o Ana matafaioi o loo faamatala mai i le Ioane 1. Ona fai lea i ai e faamatala mai le mea na tupu (e pei o le foafoaina o le lalolagi po o le aoao atu o le talalelei).

aikona aoao atu

Aoao atu Aoaoga Faavae

Tamaiti Laiti Ifo

Ioane 1:1–2

Sa nofo Iesu faatasi ma le Tama Faalelagi a o lei fanau mai o Ia.

Na aoao mai Ioane sa nofo Iesu Keriso faatasi ma le Atua a o lei oo i Ona aafiaga faaleolaga nei. O i tatou foi sa nonofo faatasi ma le Atua a e tatou te lei fananau mai (tagai “O Le Aiga: O Se Folafolaga i le Lalolagi,” Ensign po o le Liahona, Nov. 2010, 129). O le a faapefea ona e aoao atu i tamaiti lenei upumoni?

Gaoioiga e Mafai ona Fai

• Faamalamalama atu e faapea “o le Lokou” i le Ioane 1:1 e faasino ia Iesu. Faitau leotele le fuaiupu, ma fai i tamaiti e ta’u “Iesu” i taimi taitasi e te faitauina ai “le Lokou.” Faaali le ata tosi o le Premortal Life (LDS.org). Faamalamalama o Iesu Keriso sa nofo faatasi ma le Tama Faalelagi a o lei sau o Ia i le lalolagi.

• Aoao atu tamaiti e faapea sa tatou nonofo foi ma le Atua ae tatou te lei o mai i le lalolagi. Atonu e te manao e faaaoga le “Folasaga i le Fuafuaga a le Tama Faalelagi,” Tala le Feagaiga Fou, 1–5; o le vitio e faatasi ai (LDS.org); po o le taiala i Tusitusiga Paia, “Premortal Life,” scriptures.lds.org.

• Valaaulia se matua e aumai se pepe i le vasega, ma faaaoga e fai ma avanoa e aoao atu ai sa tatou nonofo i le lagi ma le Tama Faalelagi o ni fanau agaga a e tatou te lei fananau mai.

Ioane 1:3

Na foafoaina e Iesu mea uma.

E toatele tamaiti e fiafia lava latou i le i ai faatasi ma foafoaga a le Alii. O le iloaina o le matafaioi a Keriso o se Foafoa e mafai ona fesoasoani e faateleina lo latou migao mo Ia.

Gaoioiga e Mafai ona Fai

• Faitau faatasi ma tamaiti le Ioane 1:3 ma faaali iai le ata mai le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga. Fesoasoani i tamaiti e tauloto le fasifuaitau “na faia mea uma e [Iesu Keriso].”

• Ave tamaiti e faasavalivali i fafo. Tuu tamaiti e feauaua’i e faamatala mai se foafoaga ua latou vaai i ai, ma fai i le vasega e mate mai mea o latou faamatala maia.

• Fai i tamaiti e mafaufau i ni auala e mafai ona latou tausia lelei ai foafoaga o loo i o latou siosiomaga (mo se faataitaiga, o le agalelei i meaola).

la oso i se vaomatua

“O Iesu Keriso na foafoaina le lalolagi ma mea uma o i ai.

Ioane 1:35–51

E mafai ona ou valaaulia isi e o mai ia Iesu Keriso ma aoao e uiga ia te Ia.

O leIoane 1 o loo i ai tala i soo o e na valaaulia tagata e “o mai ma vaai” o Iesu o le Alo o le Atua. E oo lava i tamaiti laiti e mafai ona mulimuli i lenei faataitaiga.

Gaoioiga e Mafai ona Fai

• Faamatala le ala na aoao ai e Ioane ia Aneterea e uiga ia Iesu, ma pe na faapefea ona liliu atu Aneterea ma aoao Peteru (tagai Ioane 1:35–42). Faasoa pe na faapefea na e aoao e uiga i le Ekalesia, pe valaaulia foi se tagata fou o le au paia e faasoa mai pe na faapefea ona ia aoao e uiga i le Ekalesia.

• Faasoa atu le tala ia Filipo o valaauina Natanielu e “sau ia, ina matamata” (Ioane 1:43–51). Nana se ata o Iesu i se atigipusa, ma valaaulia se tamaitiiti e “sau e vaai” i ai ma ta’u atu i isi tamaiti e uiga i le mea sa ia vaai i ai.

• Tuu atu i tamaiti e valivali le itulau o gaoioiga o lenei vaiaso, ma fautuaina i latou e faaaoga e valaaulia ai se tasi e aoao e uiga ia Iesu.

• Fai i se tamaitiiti e faamatala atu se taimi na ia faasoa atu ai se mea e pei o se meataalo po o se meaalofa i se tasi. E mafai faapefea ona tatou faasoa atu le talalelei? Faamatala se tala i se tamaitiiti sa faasoa atu le talalelei i se uo, e pei o le tala a Elder M. Russell Ballard e uiga ia Iosua(“Toe Tulitatao,” Ensign po o le Liahona, Me 2014, 78–81).

aikona aoao atu

Aoao atu Aoaoga Faavae

Tamaiti Matutua Atu

Ioane 1: 1–5

Sa nofo faatasi Iesu Keriso ma le Tama Faalelagi a o lei fanau mai o Ia

E oo lava a o lei fanau mai o Ia, sa faatino e Iesu Keriso ni matafaioi taua i le fuafuaga a le Tama Faalelagi. A o e faitauina le Ioane 1:1–5, o le a se mea ua faagaeetia ai oe i le galuega a Keriso i le muai olaga?

Gaoioiga e Mafai ona Fai

• Fesili i tamaiti pe latou te iloaina se mea e uiga i mea na faia e Iesu a o lei fanau mai o Ia. Valaaulia i latou e vaavaai mo tali i le Ioane 1:1–5. E ono fesoasoani le vaavaai i le Faaliliuga a Iosefa Samita, Ioane 1:1–5 (i le faaopoopoga i le Tusi Paia).

• Faasoa atu i tamaiti le “Folasaga i le Fuafuaga a lo Tatou Tama Faalelagi,” Tala o le Feagaiga Fou, 1–5, pe faaali foi le vitio e o faatasi ai (LDS.org). Fesili i tamaiti pe o a mea ua latou aoao e uiga ia Iesu Keriso.

• Valaaulia ni nai tamaiti e o mai sauniuni i le vasega e faaali pe faamatala se mea na latou foafoaina. Faaali ata o nisi o foafoaga a le Alii, ma faaaoga le Ioane 1:3 e faamalamalama ai o Iesu na foafoaina mea uma.

1 Ioane :4–9

O Iesu Keriso o lo’u malamalama.

O le faatusa o le malamalama e mafai ona fesoasoani e malamalama ai tamaiti i le Faaola ma Lana talalelei. E mafai faapefea ona e musuia tamaiti e saili i le malamalama o le Faaola i le taimi e foliga pogisa ai le lalolagi?

Gaoioiga e Mafai ona Fai

• Valaaulia tamaiti e faitau le Salamo 27:1; Ioane 1:4–9; Mosaea 16:9; ma le Mataupu Faavae ma Feagaiga 39:1–2, ma vaavaai mo fasifuaitau e tutusa ai nei mau. E faapefea ona faapei Iesu Keriso o se malamalama?

• Faaali se ata o le Faaola ma ni nai meafaitino e aumaia se malamalama, e pei o se moliuila. E faapefea ona faapei Iesu Keriso o nei meafaitino? E mafai faapefea ona tatou faasoa atu Lona malamalama i isi? Usu faatasi le “O Iesu Lou Sulu,” Viiga, no. 49, po o se isi pese e uiga i le malamalama o le talalelei.

• Fesili i tamaiti po o le a se mea latou te faia pe a latou i ai i le pogisa ma ua lagona le fefefe. Molimau atu latou te mafai lava ona liliu atu i le Faaola pe a latou fefefe.

Ioane 1:35–51

I le avea ai ma se e mulimuli ia Iesu Keriso, ou te valaaulia isi e mulimuli atu ia te Ia.

Mafaufau pe mafai faapefea ona e faaaogaina faataitaiga o i le Ioane 1:35–51 e faamalosiauina ai tamaiti e valaaulia isi e aoao e uiga i le Faaola.

Gaoioiga e Mafai ona Fai

• Fesoasoani i tamaiti e sailiili le Ioane 1:35–51 e sue ai mea na fai atu ai tagata e valaaulia ai isi e aoao e uiga i le Faaola. Tuu atu ia i latou e faata’ita’i a latou tala e fai e valaaulia ai se uo e aoao e uiga ia te Ia.

• Fai i tamaiti e faaaoga le itulau o gaoioiga o le vaiaso lenei e fai ai se valaaulia e mafai ona latou faaaoga e valaaulia ai se uo po o se tagata o le aiga e aoao atili e uiga ia Iesu Keriso.

• Tuu atu i tamaiti se avanoa e faamatala ai i le vasega se mea latou te fiafia i ai. Fesoasoani i tamaiti ia vaai pe mafai faapefea ona pei le faasoa atu o le talalelei o le faasoaina atu o isi mea tatou te fiafia i ai. Atonu e te manao e faaali le vitio “Good Things to Share” (LDS.org).

aikona aoaoina

Fautuaina le Aoaoina i le Aiga

Fautuaina tamaiti e valaaulia se tasi latou te alolofa i ai e aoao atili e uiga ia Iesu Keriso.

Faaleleia o Lo Tatou Aoao Atu

Fesoasoani i tamaiti e vaai faalemafaufau i le tala. Sue ni auala e foafoa ai se ata o le tala, e aofia ai ata o le talalelei, atatusi, vitio, papeti, po o faatinoga pupuu o tala.

itulau o gaoioiga: aoao e uiga ia Iesu Keriso