mga karnero nagsunod kang Jesus

Pagpauli, ni Yongsung Kim

Hulyo 12–18

Doktrina ug mga Pakigsaad 77–80

“Ako Mogiya Kaninyo”

Samtang ikaw magtuon sa Doktrina ug mga Pakigsaad 77–80, pangita og mga pulong o mga bersikulo nga makatabang sa mga bata nga mas makasabut sa mga baruganan sa ebanghelyo. Batia nga gawasnon ka nga mopakigbahin og mga bersikulo nga imong nakit-an, bisan kon kini wala maapil sa mga kalihokan sa ubos.

Irekord ang Imong mga Impresyon

pagpaambit nga icon

Dapita ang Pagpaambit

Dapita ang mga bata sa pagpakigbahin sa mga butang nga sila mapasalamaton. Unsay gibuhat nila ug sa ilang mga pamilya nga nagpakita sa Langitnong Amahan nga sila mapasalamaton sa Iyang mga panalangin?

pagtudlo nga icon

Itudlo ang Doktrina: Mas Gagmay nga mga Bata

Doktrina ug mga Pakigsaad 77:2

Ang Dios milalang sa matag nilalang sa yuta.

Ang pagkat-on sa mga butang nga gilalang sa Dios makatabang sa mga bata nga mobati sa Iyang gugma alang kanila.

Posible nga mga Kalihokan

• Ipakita sa mga bata ang mga litrato sa mga hayop, lakip sa mga insekto ug mga langgam. Samtang magbasa ka sa mga pulong “mga mananap,” “mga butang nga nagkamang,” ug “sa mga mananap sa kahanginan” gikan sa Doktrina ug mga Pakigsaad 77:2, dapita ang mga bata nga itudllo ang may kalabutan nga mga litrato. Ipamatuod nga ang Dios milalang sa tanan niini nga mga butang tungod kay Siya nahigugma kanato ug gusto nga kita magmalipayon (tan-awa usab sa Doktrina ug mga Pakigsaad 59:16–20).

• Kantaha uban sa mga bata ang awit mahitungod sa mga nilalang sa Dios, sama sa “Gihigugma Ako sa Langitnong Amahan” (Songbook sa mga Bata, 16–17). Pangutan-a ang mga bata kon sa unsa nga paagi nga ang mga butang nga ilang gikanta nakatabang nila nga mobati sa gugma sa Dios.

  kaba-kaba diha sa bulak

  Ang Dios milalang sa yuta ug sa tanan niini.

Doktrina ug mga Pakigsaad 78:6

Ipakigbahin nako unsay ania nako ngadto sa uban.

Ang Langitnong Amahan gusto nga kita mopakigbahin sa atong mga panalangin sa usag usa aron nga kita “managsama diha sa yutan-on nga mga butang” ug sa “langitnon nga mga butang” (bersikulo 6).

Posible nga mga Kalihokan

• Sa pagtudlo unsay gipasabut nga “managsama diha sa yutan-on nga mga butang” (bersikulo 6), hatagi ang mga bata og mga litrato sa mga tawo nga nanginahanglan (sama sa mga tawo nga gigutom, nasakitan, o gitugnaw). Dayon hatagi ang ubang mga bata og mga butang nga makatabang (sama sa pagkaon, usa ka bendahi, o usa ka habol). Dapita kini nga mga bata sa pagpakigbahin unsay anaa nila aron matabangan ang mga tawo nga anaa sa litrato. Tuguti ang ubang mga bata nga mopakigbahin usab. Tabangi ang mga bata nga makasabut nga ang Langitnong Amahan gusto nga ang Iyang tanang mga anak makabaton unsay ilang gikinahanglan, ug sa pagbuhat niini Siya mosugo nato kanunay sa pagpakigbahin unsay anaa nato ngadto sa uban.

• Basaha ngadto sa mga bata ang mga kapahayag ubos sa unang duha ka litrato sa “Kapitulo 28: Ang Propeta Joseph Miadto sa Missouri Pag-usab” (Mga Istorya sa Doktrina ug mga Pakigsaad, 108). Hangyoa ang mga bata nga magpakaaron-ingnon nga sila nagtabang og usa ka tawo nga motukod og balay, mopakigbahin og pagkaon, o moserbisyo sa laing paagi. Unsay atong bation kon kita nagtabang ug nagpakigbahin? Tabangi ang mga bata nga maghunahuna sa mga butang nga gipakigbahin ni Jesukristo kanato.

Doktrina ug mga Pakigsaad 78:18

Si Jesukristo mogiya kanako.

Kon kita andam nga motugot sa Ginoo nga “mogiya [kanato],” kita “maglipay,” bisan adunay mga butang nga “dili maantus … karon” (bersikulo 18).

Posible nga mga Kalihokan

• Dapita ang mga bata sa pagpakigbahin og mga panahon sa dihang sila nahimong usa ka lider, ingon nga nag-una o naggiya sa musika. Unsay buhaton sa usa ka lider? Ipakita ang usa ka litrato sa Manluluwas samtang magbasa ka sa mosunod nga mga pulong gikan sa Doktrina ug mga Pakigsaad 78:18: “Paglipay, kay Ako mogiya kaninyo.” Gamita ang pahina sa kalihokan niining semanaha aron matabangan ang mga bata sa paghunahuna og mga paagi nga kita makasunod sa Manluluwas.

• Dapita ang mga bata sa pagsunod ni Jesus, ug mogiya kanila libut sa kwarto samtang ikaw maggunit og litrato Kaniya. Samtang imo kining buhaton, pagdungan og kanta sa awit mahitungod sa pagsunod ni Jesukristo, sama sa “Maninguha Kong Mahimong Mahisama Kang Jesus” o “Pilia ang Matarung nga Paagi” (Songbook sa mga Bata, 40–41, 82). Papuli-puliha ang mga bata sa paggunit sa litrato ug paggiya sa ubang mga bata.

pagtudlo nga icon

Itudlo ang Doktrina: Mas Dagko nga mga Bata

Doktrina ug mga Pakigsaad 77

Ako makadawat og mga tubag sa akong mga pangutana mahitungod sa mga kasulatan.

Ang pagtudlo sa mga bata kon giunsa ni Joseph Smith pagpangita sa mga tubag sa iyang mga pangutana makatabang kanila nga masayud nga ang Langitnong Amahan motubag kanila kon sila magtinguha sa Iyang giya. Ikonsiderar ang pagpaambit sa mga kasinatian sa dihang ikaw nakadawat og mga tubag gikan Kaniya.

Posible nga mga Kalihokan

• Basaha ngadto sa mga bata ang mga pulong ubos sa unang tulo ka litrato sa “Kapitulo 27: Ang Trabaho sa Propeta Nagpadayon Bisan pa sa Pagpanggukod” (Mga Istorya sa Doktrina ug mga Pakigsaad, 104). Pangutan-a ang mga bata kon sila, sama ni Joseph, mibati ba nga sila walay nasabtan sa mga kasulatan. Tuguti nga sila mopakigbahin sa ilang mga kasinatian. Unsay gibuhat ni Joseph sa pagpangita og mga tubag? Sultihi ang mga bata mahitungod sa usa ka panahon sa dihang ang Langitnong Amahan mitabang kanimo nga makasabut og butang diha sa mga kasulatan.

• Ang mga bata nga imong gitudloan tingali malingaw nga magbasa sa pipila ka bersikulo diha sa basahon sa Pagpadayag nga si Joseph Smith adunay mga pangutana. Dayon ilang matan-aw diha sa Doktrina ug mga Pakigsaad 77 kon unsay gusto sa Ginoo nga iyang masabtan. Pagpili og pipila ka bersikulo nga imong gibati nga makahuluganon.

Doktrina ug mga Pakigsaad 78:3–7

Ako makatabang sa “pagpadayon sa kahimoan” ni Jesukristo.

Sa seksyon 78, ang Ginoo mihatag og piho nga mga instruksyon sa daghang mga lider sa Simbahan nga makatabang kanila “pagpadayon sa kahimoan” sa Ginoo (bersikulo 4). Tabangi ang mga bata nga mokonsiderar unsa ang ilang mga tahas sa pagpadayon sa kahimoan sa Ginoo.

Posible nga mga Kalihokan

• Hangyoa ang mga bata nga mobasa sa Doktrina ug mga Pakigsaad 78:4. Unsa ang “kahimoan” nga atong “gisagop” (gidawat o gipili nga suportahan) sa dihang kita gibunyagan? Awhaga sila sa pagpangita diha sa mga tudling sa kasulatan sama niini alang sa posible nga mga tubag: Mosiah 18:8–10; Doktrina ug mga Pakigsaad 20:37; Moises 1:39.

• Ipasabut sa mga bata nga si Newel K. Whitney nanag-iya og tindahan ug nga ang Ginoo misugo kaniya ug sa ubang mga lalaki sa paggamit sa ilang kwarta sa pagtabang sa pagbayad alang sa buhat sa Ginoo (tan-awa sa Doktrina ug mga Pakigsaad 63:42–43). Dapita sila sa pagbasa sa Doktrina ug mga Pakigsaad 78:3–7 ug mangita sa mga rason nga kini nga mga lalaki gisugo sa pagbuhat sa ingon. Unsa kaha ang atong bation kon kita gisugo sa pagpakigbahin sama ni Newel? Tabangi sila sa paghunahuna og mga paagi nga ang mga tawo makatampo sa buhat sa Ginoo sa atong panahon, sama sa pagbayad sa ikapulo ug mga halad sa puasa, pagserbisyo sa mga calling, ug uban pa.

Doktrina ug mga Pakigsaad 78:19

Ako kinahanglang makadawat sa “tanan nga mga butang uban sa pagpasalamat.”

Ang Ginoo sa kasagaran mopanalangin kanato og dugang kon kita mapasalamaton sa unsay Iyang gihatag na kanato. Unsaon nimo sa pagtabang ang mga bata nga imong gitudloan nga magmapasalamaton sa ilang mga panalangin?

Posible nga mga Kalihokan

• Hangyoa ang mga bata sa pagbasa sa Doktrina ug mga Pakigsaad 78:19 ug pangitaa unsa ang gisaad sa Ginoo niadtong kinsa mapasalamaton. Tabangi ang mga bata nga makasabut unsa ang gipasabut sa “gatusan ka pilo-pilo,” tingali pinaagi sa pagpakita og gamay nga butang ug dayon 100 nianang sama nga butang.

• Kanta og awit mahitungod sa pagpasalamat . Hatagi ang mga bata og panahon sa paghimo og mga lista sa mga butang nga sila mapasalamaton. Awhaga sila sa paglista og daghang mga butang kutob sa mahimo sa panahon nga imong gihatag kanila.

pagkat-on nga icon

Awhaga ang Pagkat-on diha sa Panimalay

Ikonsiderar ang pagkontak sa mga ginikanan sa mga bata nga imong gitudloan ug magsugyot og pangutana nga ilang mapangutana sa ilang mga anak mahitungod sa butang nga ilang nakat-unan sa klase.

Pagpalambo sa Atong Pagtudlo

Pagpamatuod sa gisaad nga mga panalangin. Kon dapiton nimo ang mga bata sa Primary sa pagsunod og piho nga baruganan, pagpaambit og mga saad nga gihimo sa Dios niadtong nagsunod niana nga baruganan. Usa sa ehemplo sa usa ka saad nga mahimo nimong ipakigbahin makita diha sa Doktrina ug mga Pakigsaad 78:19. (Tan-awa usab sa Pagtudlo sumala sa Pamaagi sa Manluluwas, 35.)

pahina sa kalihokan: si Jesukristo mogiya kanako