Երեխաների միության դասարանը խաղ խաղալիս

Ինչպես օգտագործել Եկ, հետևիր ինձ․ Երեխաների Միության համար ծրագիրը

Նախապատրաստվել ուսուցանել Երեխաների Միությունում

Անձնական և ընտանեկան ուսումնասիրությունը պետք է լինի ավետարանի ուսումնասիրման կենտրոնը: Սա ճշմարիտ է ձեր և ձեր ուսուցանած երեխաների համար: Երբ պատրաստվում եք ուսուցանել, սկսեք սուրբ գրություններում ձեր անձնական փորձառություններից: Ձեր ամենակարևոր նախապատրաստությունը տեղի կունենա, երբ փնտրեք սուրբ գրություններում և փնտրեք Սուրբ Հոգու ոգեշնչումը:

Եկ, հետևիր ինձ․Անհատների և ընտանիքների համար ձեռնարկը նույնպես ձեր անձնական ուսումնասիրության և ուսուցանելու նախապատրաստության կարևոր մաս է: Այն կօգնի ձեզ ավելի խորն ըմբռնել սուրբ գրություններում գտնվող վարդապետական սկզբունքները:

Նախապատրաստվելու ընթացքում դուք մտքեր ու տպավորություններ կստանաք ձեր ուսուցանած երեխաների մասին: Դուք կհասկանաք, թե ինչպես սուրբ գրությունների սկզբունքները կօրհնեն նրանց կյանքը: Դուք առաջնորդություն կստանաք, որպեսզի ոգեշնչեք նրանց բացահայտել այդ սկզբունքները` մինչ նրանք ինքնուրույն կամ իրենց ընտանիքի անդամների հետ կուսումնասիրեն սուրբ գրությունները: Հիշեք, որ զգայուն լինեք այն երեխաների հետ, ում ընտանեկան հանգամանքները թույլ չեն տալիս պարբերաբար ուսումնասիրել սուրբ գրությունները և ունենալ ընտանեկան երեկոներ։

Ուսուցման գաղափարներ

Երբ պատրաստվում եք ուսուցանել, կարող եք ձեռք բերել լրացուցիչ ոգեշնչում՝ հետազոտելով այս աղբյուրի ուսուցման համառոտ շարադրանքները: Մի մտածեք այս գաղափարների մասին որպես քայլ առ քայլ հրահանգների, այլ որպես առաջարկների, որոնք սկիզբ կդնեն ձեր անձնական ոգեշնչմանը: Դուք ճանաչում եք այդ երեխաներին և ավելին կճանաչեք նրանց, երբ դասարանում շփվեք նրանց հետ։ Տերը նույնպես ճանաչում է նրանց և նա կոգեշնչի ձեզ, որպեսզի դուք լավագույն եղանակներով ուսուցանեք և օրհնեք նրանց։

Ուսուցանելու համար նախապատրաստվելիս այլ բազմաթիվ նյութեր են հասանելի ձեզ, այդ թվում՝ Եկ, հետևիր ինձ․ Անհատների և ընտանիքների համար ձեռնարկը և Եկեղեցու ամսագրերը: Այս և այլ աղբյուրների մասին ավելին իմանալու համար տես այս նյութում ընդգրկված Երեխաներին ուսուցանելու հավելյալ աղբյուրներ բաժինը։

Որոշ գաղափարներ, որոնք պետք է հիշեք

• Ծնողներն են կրում հիմնական պատասխանատվությունն իրենց երեխաներին ուսուցանելու համար: Որպես ուսուցիչ, դուք կարևոր պարտականություն ունեք աջակցել, քաջալերել և կառուցել ավետարանի ուսումնասիրությունը տանը: Եղեք զգայուն այն երեխաների հետ, ում ծնողները տանը չեն ուսումնասիրում ավետարանը: Բոլոր երեխաներին ներառեք ավետարանի ուսումնասիրության մեջ` անկախ նրանց ընտանեկան հանգամանքներից:

• Կրկնությունը լավ է։ Երեխաներն ավելի արդյունավետ են սովորում ավետարանի ճշմարտությունները, երբ այս ճշմարտություններն ուսուցանվում են հաճախակի, զանազան վարժությունների միջոցով: Եթե զգում եք, որ սովորելու եղանակներից մեկն արդյունավետ է երեխաների համար, կարող եք կրկնել այն, հատկապես, եթե ուսուցանում եք փոքր երեխաներին: Նաև կարող եք վերանայել նախորդ դասի վարժությունը:

• Երկնային Հայրը կամենում է, որ դուք հաջողության հասնեք՝ որպես ուսուցիչ: Ձեզ օգնելու համար Նա ապահովել է շատ աղբյուրներ, ներառյալ ուսուցիչների խորհրդի ժողովները: Այս ժողովներում դուք կարող եք խորհուրդ տալ միմյանց այն մարտահրավերի դեպքում, որոնց բախվում եք։ Դուք կարող եք նաև քննարկել և կիրառել քրիստոսանման ուսուցման սկզբունքներ:

• Եթե ուսուցանում եք փոքր երեխաներին և ունեք հավելյալ աջակցության կարիք, տեսեք «Հոգալ փոքր երեխաների կարիքները» բաժինը այս ձեռնարկի մեջ:

• Այս աղբյուրը ներառում է համառոտ շարադրանքներ տարվա ամեն շաբաթվա համար բացի երկու կիրակիներից, երբ գերագույն համաժողով է տեղի ունենում: Այն կիրակիները, երբ Երեխաների Միության դաս չի անցկացվում ցցի համաժողովի պատճառով կամ որևէ այլ պատճառներով, ընտանիքները կարող են տանը շարունակել ուսումնասիրել Մորմոնի Գիրքը համաձայն ծրագրված ժամանակացույցի: Որպեսզի պահեք Երեխաների Միության դասը ըստ ժամանակացույցի, կարող եք ընտրությամբ բաց թողնել մեկ դասը կամ միացնել երկու դասը: Շփոթմունքից խուսափելու համար Երեխաների Միության նախագահները կարող են նախապես խորհուրդ տալ ուսուցիչներին այդ փոփոխության մասին:

ընտանիքն ուսումնասիրում է համակարգչի միջոցով