ուսուցիչը երեխաների հետ խաղալիս

Օրինակ ուսուցման համար

Այս ուսուցողական նյութի մեջ դուք կգտնեք հետևյալ երեք քայլանի կրկնվող օրինակը յուրաքանչյուր համառոտ շարադրանքում. հրավիրեք կիսվել, ուսուցանեք վարդապետությունը և խրախուսեք սովորել տանը: Շատ դեպքերում, երբ ուսուցանեք, այս օրինակի տարրերը կարող են համընկնել կամ հանդիպել տարբեր կարգով: Օրինակ, մտածեք որ կիսվելը վարդապետություն ուսուցանելու հնարավորություն է և վարդապետություն ուսուցանելը պետք է ներառի կիսվելու հրավերներ: Նմանապես, դասարանային քննարկման ժամանակ պետք է խրախուսել տնային ուսուցումը: Թույլ տվեք, որ այս օրինակի փոփոխություններն ինքնաբերաբար տեղի ունենան, հետևելով Հոգու հուշումներին, որ բավարարեք այն մարդկանց կարիքները, ում ուսուցանում եք:

կիսվելու պատկերակ

Հրավիրեք կիսվել

Որպես ամեն դասի բաղկացուցիչ մաս, հրավիրեք երեխաներին կիսվել իրենց զգացումներով, կարծիքներով և ձեր ուսուցանած սկզբունքների հետ առնչվող իրենց փորձառություններով: Նրանց մեկնաբանությունները կարող են ներառել փորձառություններ, որոնք ունեցել են տանը սովորելիս: Նաև կարող եք վերհիշել նախորդ շաբաթվա ընթացքում իրենց սովորածը և հարցնել, թե ինչպես է այն ներգործել իրենց կյանքի վրա:

ուսուցման պատկերակ

Ուսուցանեք վարդապետությունը

Եկ, հետևիր ինձ. Անհատների և ընտանիքների համար բաժինը կարող է օգնել ձեզ ավելի լավ հասկանալ վարդապետությունը, որն ուսուցանելու եք երեխաներին: Խորհեք, թե սուրբ գրության ինչ հատվածներով, մեջբերումներով, փորձառություններով, հարցերով և այլ ուսուցողական նյութերով կարող եք կիսվել, որպեսզի օգնեք երեխաներին սովորել և գործել համաձայն ավետարանի սկզբունքների: Փնտրեք ստեղծագործական ուղիներ, որպեսզի օգնեք երեխաներին ոգևորվել իրենց սովորածով:

սովորելու պատկերակ

Խրախուսեք տնային ուսումնասիրությունը

Քանի որ տունը ավետարանի ուսումնասիրության կենտրոնն է, որպես Երեխաների Միության ուսուցիչ, ձեր նպատակներից մեկն է խրախուսել տնային ուսումնասիրությունը: Ինչպե՞ս կարող եք օգնել երեխաներին իրենց ընտանիքի անդամների հետ կիսվել դասարանում սովորածով: Ինչպե՞ս կարող եք խրախուսել երեխաներին և իրենց ծնողներին տանը շարունակել սովորել Մորմոնի Գրքից: