Katakin Ajri ro Reddik

Eļan̄n̄e ewōr nejūm̧ ajri ro reddik ilo baam̧le eo am̧, errein rej jet m̧akūtkūt ko me remaron̄ jipan̄ er ekkatak:

• Al. Al in jar ko im al ko jān Children’s Songbook ej katakin katak eo ekajoor. Kōjerbal topics index eo ilo ituļokan Children’s Songbook n̄an pukōt al ko me reiiokļo̧k pedped in katak ko an gospel eo kwoj katakin. Jipan̄ ajri ro nejūm̧ keidi ennaan ko an al ko n̄an mour ko aer. N̄an waanjon̄ak, komaron̄ kajjitōk kajjitōk ko kōn naan ko ak eoon ko ilo naan ko an al eo. Ilo kakobaba n̄an al, ajri ro nejūm̧ remaron̄ kōm̧m̧ani kōl ko me rej ilo̧k ippān al ko ak ron̄jake al ko ilo an al ko jan̄ im rej kōm̧m̧ani m̧akūtkūt ko jet.

• Ron̄jake ak ikkure kōn bwebwenato eo. Ajri ro reddik rej iakwe bwebwenato ko—jān jeje ko rekwojarjar, jān mour eo am̧, jān bwebwenato an Kabun̄ in, ak jān māākjiin ko an Kabun̄ in. Kappukōt wāween ko n̄an kobaik er ilo ba bwebwenato eo. Remaron̄ jibwe pija ko an men ko, jin̄aik pija ko kōn ta eo rej ron̄jake, ikkure kōn bwebwenato eo, ak em̧ool jipan̄ bwebwenato kōn bwebwenato eo. Jipan̄ ajri ro nejūm̧ kile m̧ool ko an gospel eo ilo bwebwenato ko kwoj kwaļo̧k.

• Riiti juon eoon. Ajri ro reddik remaron̄ jab maron̄ riit eļap, bōtaab kwoj maron̄ in wōt kobaik er ilo ekkatak jān jeje ko rekwojarjar. Komaron̄ aikuj in kalimjōk wōt juon eoon, eoon eo eaorōk, ak naan. Remaron̄ em̧ool maron̄ keememej eoon ko rekkadu jān jeje ko rekwojarjar eļan̄n̄e rej ālij er jet alen. Ilo aer ron̄ naan eo an Anij, renaaj en̄jake Jetōb eo.

• Lale juon pija ak alooje juon pija. N̄e kwoj kwaļo̧k n̄an ajri ro nejūm̧ juon pija ak juon pija in aļooj eiookļo̧k pedped in katak an gospel eo ak bwebwenato an jeje ko rekwojarjar, kajjitōk ippāer kajjitōk ko me ejipan̄ er ekkatak jān ta eo rej loe. N̄an waanjon̄ak, komaron̄ kajjitōk, “Ta eo ej waļo̧k ilo pija in ak pija in alooj in? Ekōjkan an kōm̧m̧an bwe kwon en̄jake?” Gospel Library app eo, medialibrary.ChurchofJesusChrist.org, im children.ChurchofJesusChrist.org rej jikin ko rem̧m̧an n̄an kappukōt pija ko im pija in alooj ko.

• Ejaake. Ajri ro remaron̄ kalōk, jin̄a, ak kōļare jet men ko reiookļo̧k bwebwenato eo ak pedped in katak eo rej ekkatak.

• Bōk Kuņaan ilo mennin katak ko. Juon mennin katak am waan emaron̄ jipan̄ ajri ro nejūm̧ meļeļe juon pedped in katak an gospel eo me epen n̄an meļeļe. N̄e kōjerbal mennin katak ko, pukōt wāween ko n̄an kōm̧m̧an bwe ajri nejūm̧ ren bōk kūņaer. Renaaj ekkatak eļapļo̧k jān juon en̄jake in ikitōltōl jān baj alooj juon kwaļo̧k.

• Kōm̧m̧an-ikkure. N̄e ajri ro rej kōm̧m̧an ikkure kōn juon jekjek renaaj bōlen ioone ilo lukkuun mour, enaaj em̧m̧anļo̧k aer maron̄ meļeļe ekōjkan an pedped in katak an gospel eo jerbal n̄an mour ko aer.

• Āliji m̧akūtkūt ko. Ajri ro reddik remaron̄ aikuj in ron̄ ļōmņak ko elōn̄ alen ko n̄an meļeļe kaki. Jab mijak in kōmakijkij am̧ āliji bwebwenato ko ak m̧akūtkūt ko. N̄an waanjon̄ak, komaron̄ kwaļo̧k juon bwebwenato in jeje ko rekwojarjar jet alen ilo wāween ko rokoktaktak—riit jān jeje ko rekwojarjar, ba ilo tukaduin ilo naan ko am̧ make, kwaļo̧k juon pija in alooj, kōtļo̧k bwe ajri ro nejūm̧ ren jipan̄ eok kwaļo̧k bwebwenato eo, kūr er n̄an ikkure kōn bwebwenato eo, im ko eierļo̧k wōt.

  baam̧le eo ej ekkatak