“O̧kwōj 24–30. Hilamōn 7–12: ‘Keememej Irooj,’” Itok, Ļoor Eō—N̄an Kajjojoj Armej im Baam̧le ko: Bok in Momron 2020 (2020)
“O̧kwōj 24–30. Hilamōn 7–12,” Itok, Ļoor Eō—N̄an Kajjojo Armej im Baam̧le ko: 2020
Pija in Nipai ilo juon tawōr ilo juon jikin kallib jān Jerry Thompson
O̧kwōj 24–30
Hilamōn 7–12
“Keememej Irooj”
Nipai, Liai, im ro jet raar “ bōk elōn̄ revelesōn ko raan otemjej” (Hilamōn 11:23). Emakijkij in revelesōn ejjab wōt n̄an rikanaan ro—ej pād n̄an kwe barāinwōt. Je en̄jake ko re im̧we eok emaron̄ jipan̄ eok emakijkijļo̧k am̧ bōk revelesōn.
Je En̄jake ko Rej Im̧we Eok
Jemen Nipai, Hilamōn, eaar kapilōk ļōm̧aro nejin n̄an “keememej, keememej”: eaar kōņaan bwe ren keememej rūtto ro aer, keememej naan ko an rikanaan ro, im eļap tata iaer keememej “ad Ripinmuur, eo ej Kraist,” (lale Hilamōn 5:5–14). Ealikkar bwe Nipai eaar keememej, kōnke menin ejja ennaan eo wōt eaar kean̄ kake iiō ko tok ālik “kōn ejjeļo̧k ebbeer” (Hilamōn 10:4) n̄an armej ro. “Ekōjkan am̧ maron̄ in kar meļo̧kļo̧k am̧ Anij?” (Hilamōn 7:20), eaar kajjitōk. Aolep kijejeto ko an Nipai—kwaļo̧k, jar, kōm̧m̧ani kabwilōn̄lōn̄ ko, im kajjitōk ippān Anij kōn n̄ūta—kar kajjion̄ n̄an jipan̄ armej ro oktak n̄an Anij im keememej E. Ilo elōn̄ wāween ko, meļo̧kļo̧k Anij ej juon jorrāān ekilep jekdo̧o̧n tōre eo jeļā E, im epidodo n̄an meļo̧kļo̧k E ke ļōmņak ko ad rej m̧ad jān “men ko rewaan an laļ in” im kar tinaad kōn jerawiwi (Hilamōn 7:21; lale barāinwōt Hilamōn 12:2). Bōtaab, āinwōt an jerbal in karejar eo an Nipai kwaļo̧k, ejjab rum̧wij n̄an keememej im “oktak … n̄an Irooj ami Anij” (Helaman 7:17).
Ļōmņak ko n̄an Ekkatak Jeje ko Rekwojarjar Ippam̧ Make
Rikanaan ro rej kwaļo̧k ankilan Anij.
Ekanooj lōn̄ rikanaan ro kar kōmeļeļeik ilo aolepān Bok in Mormon, bōtaab Hilamōn 7–11 ej juon jikin em̧m̧an eļap tata n̄an katak ta in rikanaan, ta eo ej kōm̧m̧ane, im ekōjkan ad aikuj bōk naan ko an. Ilo am̧ riiti jepta kein, kanooj lale jerbal ko, ļōmņak ko, im ikitōltōl ko an Nipai ippān Irooj. Ekōjkan an jerbal in karejar eo an Nipai jipan̄ eok em̧m̧anļo̧k am̧ meļeļe kōn jerbal eo an rikanaan eo ilo tōre in ad? Erkein rej jet waanjon̄ak ko. Bar ta eo kwoj loe?
-
Hilamōn 7:17–22:Rikanaan ro rej kwaļo̧k kōn ukweļo̧k im kakkōl kōn kaje ko an jerawiwi.
-
Hilamōn 7:29; 9:21–36:Rikanaan ro rejeļā kōn revelesōn jān Anij ta eo armej ro raikuj ron̄jake.
-
Hilamōn 10:7:Rikanaan ro kar leļo̧k kajoor eo n̄an liāp men ko ilo laļ im ilo lan̄ (lale barāinwōt Matu 16:19; KB 132:46).
Ekōjkan an eoon kein jelet ekōjkan am̧ en̄jake kōn rikanaan eo ad emour? Ta eo eaar katakin āliktata? Ta eo kwoj kōm̧m̧ane n̄an ron̄jake im ļoor tōl eo an?
Kakōļle ko im kabwilōn̄lōn̄ ko rej jipan̄ bōtaab ejjab bwe n̄an kalōk tōmak eo aitok kitien.
Eļan̄n̄e kakōļļe ak kabwilōn̄lōn̄ ko raar bwe n̄an ukōt būruwōn juon armej, innām aolepān RiNipai ro renaaj kar oktak kōn kakōļļe ko ejej uwaer Nipai eaar litok ilo Hilamōn 9. Ijello̧kin, “ juon ajej ilubwiljin armej ro” (Hilamōn 10:1) eaar waļo̧k kōnke elōn̄ iaer “raar kapene wōt burueer” (Hilamōn 10:15). Ekōjkan an ro renanan emakijkij aer uwaake kakōļļe ko im kabwilōn̄ļōn̄ ko? (lale Hilamōn 10:12–15; lale barāinwōt 3 Nipai 2:1–2). Ta kauwōtata eo kōm̧m̧ani kakōļle ko pedped eo an juon naan in kam̧ool? (lale “Signs,” Gospel Topics, topics.ChurchofJesusChrist.org).
Kejekļo̧kjeņ ej bōktok revelesōn.
Elan̄n̄e em̧ōj am̧ kar en̄jake kalijōkļo̧k, inepata, ak pok, komaron̄ katak juon katak eo eaorōk jān waanjon̄ak eo an Nipai ilo Hilamōn10:2–4. Ta eo eaar kōm̧m̧ane ke eaar en̄jake “ebbeer”? (eoon 3).
Būreejtōn Henry B. Eyring eaar katakin, “N̄e jej kejekļo̧kjeņ, kej kūrtok revelesōn jān Jetōb eo. Kejekļo̧kjeņ, n̄an n̄a, ej ļōmņak eo im jar eo iaar kōm̧m̧ane ālkin aō riit im ekkatak ilo jeje ko rekwojarjar ilo jojo kōjparoke” (“Serve with the Spirit,” Ensign ak Liahona, Nov. 2010, 60). Ekōjkan am̧ maron̄ ejake juon iminene in kejekļo̧kjeņ? N̄ān riit kōn juon wāween n̄an kejekļo̧kjeņ iien otemjej naan ko an Anij, lale ennaan eo an Brother Devin G. Durrant “Būruō Ejjab Jem̧ļo̧k An Lin̄ōri” (Ensign ak Liahona, Nob. 2015, 112–15).
Lale barāinwōt Jabōn Kōnnaan ko 4:26; Luk 2:19; 1 Nipai 11:1; 2 Nipai 4:15–16; 3 Nipai 17:3; Moronai 10:3; KB 88:62.
Irooj ekōņaan bwe in keememej E.
Ilo Hilamōn 12, Mormon, eo eaar kōkaduduik ļo̧o̧k eo, ej ba ilo tukadu in jet iaan katak ko jemaron̄ katak jān bwebwenato eo an Nipai ilo jeptak ko ļo̧k im̧aan. Ļōmņak in kōjerbal kōkadudu eo an āinwōt juon iien em̧m̧an n̄an etale būruwōm̧ make. Em̧ool komaron̄ kōm̧m̧ane juon laajrak kōn men ko Mormon ej ba ekōm̧m̧an an armej ro meļo̧kļo̧k Irooj. Ta eo ejipan̄ eok keememej E? Ta oktak ko kwar im̧we n̄an kōm̧m̧ani pedped ioon ta eo kwar katak?
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota eo an Baam̧le
Ilo am̧ riiti jeje ko rekwojarjar ippān baam̧le eo am̧, Jetōb emaron̄ jipan̄ eok jeļā ta pedped in katak ko n̄an kwaļo̧ki im kōnono kaki n̄an tōpar aikuj ko an baam̧le eo am̧. Erkein rej jet iaan ļōmņak ko.
Hilamōn 7–9
Ta men ko reinļo̧k wōt jej loi ikōtaan men ko me Nipai eaar kōm̧m̧ani im ta eo rikanaan ro rainin rej kōm̧m̧ani? Ta eo rikanaan eo ad rainin ej katakin? Bōlen komaron̄ kāālet jet iaan kapilōk ko rekāāl rikanaan eo eaar litok im ekōnono kaki āinwōt juon baam̧le wāween ko emaron̄ em̧m̧anļo̧k ami ļoori.
Hilamōn 10:4–5, 11–12
Ekōjkan an Nipai kar kwaļo̧k bwe eaar kappukōt ankilan Irooj ijello̧kin eo an make? Ekōjkan ad maron̄ ļoor waanjon̄ak eo an? Ta jet iaan wāween ko baam̧le eo am̧ emaron̄ em̧m̧anļo̧k an kappukōt ankilan Irooj?
Hilamōn 11:1–16
Ta eo Nipai eaar kōņaan im ta eo eaar kōm̧m̧ane kōn menin? Ta eo jaar ekkatak kōn jar jān waanjon̄ak eo an Nipai?
Hilamōn 11:17–23
Ta eo jej ekkatak kōn Liai, būratōr eo an Nipai, ilo Hilamōn 11:17–23? Wōn eo jejeļā me ej mour juon mour eweppān ilo an jab bōk eļap nōbar ko?
Hilamōn 12:1–6
Komaron̄ ke ļōmņak kōn juon menin katak komaron̄ kōjerbale n̄an jipan̄ baam̧le eo am̧ meļeļe ta meļeļein “ne teļeļ” N̄an waanjon̄ak, komaron̄ kūr juon uwaan baam̧le eo n̄an kajjion̄ peļane juon men ioon bōran. Innām komaron̄ kūr ro uwaan baam̧le eo n̄an pukōte ilo Hilamōn 12:1–6 kōn un ko armej ro remaron̄ in ne teļeļ ilo ļoor Irooj. Ekōjkan ad maron̄ pād wōt ilo kijin̄en̄e ilo jetōb?
Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.
Kōkōm̧anm̧anļo̧k Ad Katakin
Etale. En̄in ej juon ļōmņak n̄an jipan̄ ro uwaan baam̧le eo keememej jeje ko rekwojarjar rej ekkatak: Kāālet juon eoon kwoj lo eļap meļeļe, im likūti ilo m̧weo imōm̧ ijo ro uwaan baam̧le eo enaaj emakijkij aer loe. Kūr ro jet uwaan baam̧le eo n̄an bōk iien kāālet juon eoon n̄an kwaļo̧k, im ekōnono kake n̄e baam̧le eo ej ippān doon, āinwōt ilo iien m̧ōn̄ā ko ak jar an baam̧le.
© The Book of Mormon for Young Readers, Seantum—Ruuror Eo Kar Loe, jān Briana Shawcroft; may not be copied