“Eberi 20–26. Motiaea 4–6: ‘Te Bitaki ae Korakora,’” Nakomai, Iriirai—Ibukiia Aomata n Tatabemaniia ao Utu: Ana Boki Moomon 2020 (2020)
“Eberi 20–26. Motiaea 4–6,” Nakomai, Iriirai—Ibukiia Aomata n Tatabemaniia ao Utu: 2020
Beku ibukin Atuam, iroun Walter Rane
Eberi 20–26
Motiaea 4–6
“Te Bitaki ae Korakora”
Ngkai ko wareka ao n iangoa Motiaea 4–6, kakauongo raoi nakon ana wirikiriki te Tamnei ae Raoiroi. Tera bwaai aika a raraoi aika a kaunga nanom bwa kona karaoi? (taraa Motiaea 5:2).
Korea Am Namakin
Ko a tia n ongo iroun temanna n taekina ao n namakina kaungaakina bwa e na bita maium? Tao ko a tia ni baireia, ibukin te bwai are ko ongo, bwa kona maiuakina te bitaki teutana—ke bon te bitaki ae korakora. Ana kabwarabwara te Uea Beniamina bon aekakin te kabwarabwara anne, ao te koaua are e tataekinna n aekakin te bitaki iaoia aomata ake a ongo. Te Uea Beniamina e tibwaia ma ana aomata te bwai are a tia n reireinna anera—kakabwaia aika rianako akanne a bon kona ni kamaiura rinanon “raraan Kristo ni kabwara bure” (Motiaea 4:2). Ana rongorongo e bita noorakiia n aroia (taraa Motiaea 4:2), bita nanoia (taraa Motiaea 5:2), ao e kaungaia bwa a na berita ma te Atua bwa a na karaoa Nanona n tainako (taraa Motiaea 5:5). Aio aron ana taeka te Uea Beniamina ni bitiia ana aomata. A na kanga ni karekea te bitaki nakoim?
Iango ibukin Kamatebwaian Koroboki aika a Tabu i bon Iroum
Rinanon Iesu Kristo, I kona ni karekea ao ni kateimatoa kabwaraan au bure.
Te tokanikai iaon te aro n aomata e aki beebete. E kainnanoa te mwakuri korakora n riki bwa “ae itiaki rinanon ana mwakuri ni kamaiu Kristo te Uea” (Motiaea 3:19). N tabetai, riki ngkana ko namakinna bwa a tia ni kabwaraaki am bure, ko kona ni kataia ni kawakina te namakiina anne ao n tiku iaon te kawai ae raoiroi. Te Uea Beniamina e reireiniia ana aomata akawai aika uoua ni karekea ao ni kateimatoa kabwaraan te bure ao n reitinako ni maiuakina ae ai aron ae itiaki. Ngkai ko kamatebwai mwakoro 4 n Motiaea, ko kona n titirakiniko titiraki n aron aikai:
-
Kibu 1–12:Tera kakabwaia ake e uotii kabwaraan buure are e uotia te Uea Beniamina nakoia ana aomata? Tera ae reireiniia te Uea Beniamina ae buokiia ni uota kateimatoa kaitiakan aia bure? Tera ana reirei iaon aron karekean te kamaiuaki? Korei bwaai ake e takin te Uea Beniamina ae ti riai n “reitinako ni kakaawakinna n ara uruuring” (kibu 11). Tera ae ko namakinna bwa ko kaungaaki ni karaoi bwa kona ururingii bwaai aikai?
-
Kiibu 12–16:Ni kaineti ma kiibu aikai, tera ae e na riki ni maiura ngkana ti karaoi bwaai ake a kabwarabwaraaki ni kibu 11? Ko a tia n rinanon bitaki aikai inanon maium? A kanga n irekereke nakon bitaki ake a kabwarabwaraaki inanon Motiaea 3:19?
-
Kibu 16–30:E kanga te tibwatibwa ma aika a rarikin ni buokiira ni kateimatoa kabwaraan ara bure? Ko na kanga ni karaoa nanon kibu 27 nakon am n riki n ai aron Kristo?
Tara naba David A. Bednar, “Kateimatoa n Tainako Itiakin Am Bure,” Ensign ke Liahona, Meei 2016, 59–62; Dale G. Renlund, “Preserving the Heart’s Mighty Change,” Ensign ke Riaona, Nob. 2009, 97–99.
Tamnein te Uea e kona ni karika te Bitaki ae Korakora inanou.
E aki rang n tabangaki irouia aomata bwa a na taekina, “I aki kona ni bitaki. Anne ai bon arou.” Ni kaitaraana, te bwai are a rinanona ana aomata te Uea Beniamina e kaotia nakoira aron Tamnein te Uea ni kona ni bitii nanora ni koaua. Beretitenti Russell M. Nelson e reirei: “Ti kona ni bitii anuara. Nanora ake ti tatangirii a kona ni bitaki. … Bitaki ni koaua—teimaan ni bitaki—e kona n roko ti rinanon te kamarurung, kaitiakaki, ao mwaakan ana Mwakuri ni Kamaiu Iesu Kristo. … Ana euangkerio Iesu Kristo bon te euangkerio ni karekea te bitaki!” (“Decisions for Eternity,” Ensign ke Riaona, Nob. 2013, 108).
Ngkai ko wareka taekan te bitaki are a rinanona ana aomata te Uea Beniamina, iangoia bwa e kanga te “bitaki ae korakora” ni kairi nakon te bitaki ni koaua are e a tia n riki—ke are e kona n riki—inanon maium. Karekei tabeua taai aika “korakora” ni kaira te bitaki nakon te nano, ke e a tia n riki nakoim te bitaki ae rikirake?
Taraa naba Etekia 36:26–27; Aramwa 5:14; David A. Bednar, “Converted unto the Lord,” Ensign ke Riaona, Nob. 2012, 106–9.
Te Tia Kamaiu e kona ni bitii nanora ao maiura. Baai ni Kamarurung, iroun Adam Abram
I katoka iaou aran Kristo ngkai I karaoa au berita ae tabu.
Teuana bukina ngkai te Uea Beniamina e tangiria n taetae nakoia ana aomata bwa e na “anganiia aomata aikai araia.” Tabeman bon Nibwaite ao tabeman bon ana kariki Mureki, ma aikai tiaki are a roko n ana iango. E kaoia aomata nako bwa a na katoka iaoia “aran Kristo” bwa mwakoron aia berita ae tabu n ongeaba nakon te Atua (Motiaea 1:11; 5:10). Tera ae ko reiakinna man Motiaea 5:7–9 iaon te bwai are e nanonaki ni katoka iaom aran Kristo?
Unimwaane D. Todd Christofferson e reirei, “Boton [ae eti ao ae kairua ao mwaakan te maiu n tamnei] bon te Atua. Reken te mwaaka anne e rinanona ara berita ma Ngaia” (“The Power of Covenants,” Ensign ke Riaona, Meei 2009, 20). Ngkai ko wareka Motiaea 5:5–15, korei rinanin kakabwaia ake a na roko inanon maium ngkai ko kawakin berita aika a tabu ake koa tia ni karaoi ma te Atua. E kanga kawakinan am berita ni buokiko ni kateimatoa te “bitaki ae korakora” man te uruaki are inanom rinanon Iesu Kristo ao Ana Mwakuri ni Kamaiu?
Iango ibukin Kamatebwaian Korobooki aika tabu n te Utu ao te Kainutu n te tairiki
Ngkai ko wareki koroboki aika a tabu ma am utu, te Tamnei e kona ni buokiko n atai reirei ake kona katuruturui ao ni maroroakin bwa ko aonga ni karekei kainnanoia am utu. Aikai iango tabeua.
Motiaea 4:9–12
A kanga am utu ni kona ni kabwaninna riki ni “kakoauaa te Atua” (Motiaea 4:9) ao n “teimatoa n uringnga n tainako, mwaakan te Atua”? (Motiaea 4:11). Tao a kona ni warekia kain te utu Motiaea 4:9–12 ao ni kinai kiibu ake a kona ni buokiia ni katea aia onimaki iroun te Atua. Ngkanne a kona ni korei taeka aikai ao a katekei n te auti bwa bwaai ni kauring. E kanga uringakin bwaai aikai ni buokiira “ni kukurei n tainako” ao “kateimatoa kabwaraan [ara] bure”? (Motiaea 4:12).
Motiaea 4:14–15
Tera ae ti reiakinna ibukin te unra ao te uneaaki man kiibu aikai?
Motiaea 4:16–26
N tera ae ti bane iai n riki bwa taan bubuti? Ni kaineti ma kiibu aikai, tera arora ae ti riai ni karaoia nakoia natin te Atua ni kabane? (Motiaea 4:26). Antai ae e kainnanoa am ibuobuoki?
Motiaea 4:27
Am utu a kabirimwaakaia riki nakon are korakoram i bon iroum? Tao ko kona ni kaoia kain am utu bwa a na bairei aia waaki ni kakoaua bwa a mwakuri korakora ma a iango mwaaka naba.
Motiaea 5:5–15
Tera ae e nanonaki ni katokaan aran Kristo iaora ibukin ara reitaki ma Ngaia? E kona n ibuobuoki ni maroroakinan aroia aomata n tabetai ni korean araia iaon aia bwai. Tina kanga ni kaotia bwa ngaira “ana bwai” te Tia Kamaiu?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Kanakoraoan Ara Anga reirei
Kateimatoa te otabwanin n tatangira. N aroia kain te utu imarenaia a kona ni karekea namakinan te tamnei ae korakora ni mweengami. Buokiia kain te utu ni kabane ni karaoi tibwangaia ni katea te mweenga n tangira, karinerine bwa aonga ni kabane ni kona n namakina te kamanoaki ni tibwatibwaan aia taneiai, titiraki ao koaua. (Taraa Reirei n Ana Kawai te Tia Kamaiu, 15.)
N Ana Tararua ae Teimatoa, iroun Greg K. Olsen