“Beberuare 24–Maati 1. 2 Nibwai 26–30: ‘Te Mwakuri ae Kamiimi ma ni Kakuba,’” Nakomai, Iriirai–Ibukiia Aomata n Tatabemaniia ao Utu: Ana Boki Moomon 2020 (2020)
“Beberuare 24–Maati 1. 2 Nibwaai 26–-30” Nakomai, Iriirai—Ibukiia Aomata n Tatabemaniia ao Utu: 2020
E na Kairiko ni Baina, iroun Sandra Rast
Beberuare 24–March 1
2 Nibwaai 26–30
“Te Mwakuri ae Kamiimi ma ni Kakuba”
E taku te Uea, “I a tia n tuatua nakoia aomata ni kabane … bwa a na koroi taeka ake I taekin nakoia” (2 Nibwaai 29 11). Rinanon te Tamnei, e na taetae te Uea nakoim ngkana ko kamatebwaia ana taeka. Koroi mwin baike ko karekei.
Korea Am Namakin
“I taetae ni burabeti nakoimi ni kaineti ma boong aika kaitira,” e koroboki Nibwaai (2 Nibwaai 26 14). N taekana riki teuana, e bon koroboki ibukin ara bong. Ao bon iai bukin ae ti na raraoma ibukin bwaai ake e noori: aomata a kakewea te mwaaka ao ana kakai te Atua, akea tokin te bakantang ao te kauntaeka, e a kabaeia aomata te riaboro ni kabaebae aika a matoatoa. Ma ni kotaki ma boong aika kaitira “mwakurin te roo”ni boong aika kaitira (2 Nibwaai 26 10 22) ,are e kairaki iroun teuare e buakaka, Nibwaai e taekina naba aron te “mwakuri ae e kamiimi ma n kakuba” are e kairaki i bon iroun te Atua (2 Nibwaai 27 26). Oin raoi te mwakuri aei bon te boki—te boki ae e taetae mai inanon bubun te tano, are e kaota kairuan Tatan, ao ni ikotiia ake a Itiaki n ai aron te kainibaire. Te boki anne bon Ana Boki Moomon, te mwakuri ae e kamiimi bon ana mwakuri ana Ekaretia te Atua ni bong aika kaitira, ao te kakuba bwa E bon kaoira ni kabane, n aki tabe ma mamaarara, bwa ti na reitaki n te mwakuri.
Iango ibukin Oin Am Kamatebwai ni Koroboki Aika Tabu
E kaoiia ni kabane aomata Iesu Kristo bwa a na Nakoina.
Te Burabeti Iotebwa Timiti e reirei bwa Tamara are i karawa bon “akea tokin ana nanoanga ao ana kakabwaia, nakon ae ti tauraoi ni kakoaua ke ni karekei” (Ana Beebwa iotebwa Timiti, “Rongorongo, 1838–1856, waorium D-1, ”p 4 [addenda], osephsmithpapers.org). Warekia bwa tera are e a kaman nooria Nibwaai 2 Nibwaai 26 20-22 ao tera ana reirei ibukin te Tia Kamaiu ni kiibu 23-33, ao kabotaua ma ana rongorongo Iotebwa Timiti. Tera ae ko reiakinna n aron ana tangira te Uea ae akea tokina? Tera ae ko kona ni karaoia ngkai kain ana Ekaretia Iesu Kristo n riki n ai aron Kristo n arom n tabeakiniia natin te Atua?
Taara naba 3 Nibwaai 18:30–32.
Teraa te boki ae e taekinaki ni mwakoro aikai?
Ana taetae ni burabeti Nibwaai n 2 Nibwaai 26-27, are e taekinna ni katurua te taetae ni burabeti rimoa iroun Itaia (taraa Itaia 29), are e a kaman taekina rokon Ana Boki Moomon. Te taetae ni burabeti aei e kabwarabwaraa ni kangai:
-
Aia taeka kanoan Riaai (ana bakatibu) ae taetae “inano i buakon te bubu” ma te “tamnei ae a taneiai ma ngaia” ao e a manga “kawakinaki i nanon te boki” (2 Nibwaai 26:14-17; taara naba Itaia 29 4).
-
Mwakoron te boki e anganaki temanna ae e rabakau ao e kangai, “I aki kona ni warekia” (2 Nibwaai 27 15-20; Iotebwa Timiti—Rongorongo 1:64–65; taara naba Itaia 29 11).
Irarikin are e koreia Itaia, tabeman burabeti ake man te baibwara a taetae naba ni kaineti nakon Ana Boki Moomon, e ngae ngke aki taekina raoi arana. Te katooto, Etekiera 37: 15-20 te kai are Iotebwa,” are e kona n nooraki bwa aia rekooti Nibwaite, are ana bakatibu Iotebwa. Te rekooti aei e na riki n ti teuana ma “ aia kai Iutaia,” e nanonaki ikai te Baibwara.
Tabeua katooto a kona ni kuneaki ni Bwaai ni Kairi nakon Koroboki aika Tabu, “Ana Booki Mommon” (scriptures.ChurchofJesusChrist.org).
E ukora te anga ni kamwamwane Tatan.
Angiin ana kawai ni kamwamwane Tatan a bon kateretereaki n ana kabwarabwara Nibwaai inanon boong aika kaitira 2 Nibwaai 28. Nooria ngkana ko kona ni kunei (katooto, tarai kiibu 6 8 21-23 29). E aera bwa ko na riai n atai aron ana kewe ni kamwamwane Tatan? Tera ae ko na karaoia ngkana teuare e buakaka e na kataia ni kamwaneko?
E reitinako n anga te kaotioti te Atua ni kairiia Natina.
Ngkai ngaira kain Ana Ekaretia Iesu Ibukia Aika Itiaki ni Boong aika Kaitira ti kakabwaiaaki ni mwaitin ana taeka te Atua, ngaia are ana taeka ni kauring Nibwaai e bon kaineti nakoira: ti na aki taku bwa “e tau are ti a tia ni karekea!” Ngkana ko wareka te taeka ni kauring n 2 Nibwaai 28 ao 29, iangoi titiraki n aron aikai:
-
Tera ae e tangiria te Uea bwa N na namakinina ao tera au kaeka nakon Ana taeka?
-
Ibukin tera n tabetai aomata a “un” ibukin karekean riki te koaua mai iroun te Atua? (2 Nibwaai 28:28). E a tia n reke te namakin ae aekakina aei irou? Ngkana e a tia, e na kanga arou ni tauraoi ni butimwaea te koaua?
-
Tera ae e nanonaki ni karekean ana taeka te Atua? N na kanga ni kaotia Nakoina bwa I tangiria riki ni karekea Ana taeka?
Taara naba Aramwa 12:10–11; 3 Nibwaai 26:6–10.
E katauraoa Ana Boki Moomon te Atua ibukin ara boong.
E ataia Nibwaai man te kaotioti, imwain are e a bobonga koreakin Ana Boki Moomon, bwa n te bong teuana e na “rangi ni kakawaki ibukiia natia aomata” (2 Nibwaai 28 2). E aera bwa Ana Boki Moomon e rangi ni kakawaki iroum? Iangoa te titiraki aei ngkana ko wareka 2 Nibwaai 29-30. Baikara bwaai aika a “kamiimi” n ana mwakuri te Atua ae e a tia ni kakoroi bukiia n te aonaaba aei ao inanon maium rinanon Ana Boki Moomon?
Iango ibukin Kamatebwai ni Koroboki aika Tabu n te Utu ao Bootakin te Utu n te Tairiki
Inanon warekan koroboki aika tabu ma am utu, e kona ni buokiko te Tamnei n ataia bwa tera taian reirei ae a riai ni kamatataaki ao ni maroroakinaki bwa e aonga ni buoka kainnanoia am utu. Aikai tabeua iango.
2 Nibwaai 26:12–13
E reirei Nibwaai bwa Iesu Kristo e kaotia nakoia aika a kakoaua rinanon te Tamnei ae Raoiroi. Teraa aia tataneiai ae a konaa kain te utu n tibwauaia imarenaia n te tai are ngkana aia koaua iroun te Tia Kamaiu e kakorakoraki iroun te Tamnei ae Raoiroi?
2 Nibwaai 26:22; 28:19–22
Tao am utu a na kukurei n aron nooran te reirei ae karaoaki ma bwaai ni kabotau bwa tera are e reiakinaki n 2 Nibwaai 26 22 ibukin te riaboro. Ngkai ko wareka aron ana anga ni kamwamwane Tatan n 2 Nibwaai 28 19-22ko kona n niroaa te kora ni bain temanna n onea mwin “te roobu ae beebete.” E kanga te roobu ae beebete n titebo ma ana kariiri Tatan? E na kangaa n riki bwa te roobu ae e matoatoa? Ti na kanga n atai bwaai aika a kewe mai iroun Tatan?
E kabotaua ana kariiri te riaboro Nibwaai ma “te roobu ae beebete.”
2 Nibwaai 27:20–21
Tera ae e nanonna te Uea ngke E kangai, “I kona ni karaoa oin au mwakuri”? E kanga te koaua aei n roota aron ara beku n Ana Ekaretia?
2 Nibwaai 28:30–31
E kona am utu ni iangoi bwaai tabeua ae, n ai aron te kaotioti mai iroun te Atua, e rangi n tamaroa aron karekeana teutana imwin teutana? E aera te Atua e kaoti koaua nakoira “teutana i mwin teutana, te reirei teuana i mwin teuana, ikai teutana ao ikekei teutana” ao tiaki ni kabane n teuana te tai?
2 Nibwaai 29:7–9
Tera ae e tangiria te Uea bwa ti na kakoaua ke ni kaotia n Ana Boki Moomon?
Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Kanakoraoan Am Kamatebwai
Tibwaua te atatai ae e nano. Te marooro ma tabeman bon te bwai are ko reiakinna are e kona ni kakorakora oin am atatai. Imwin warekan 2 Nibwaai 20 6-14, tao ko na namakina anaakin nanom bwa ko na kabwarabwaraa nakon raoraom bwa bukin tera ti kainnanoa Ana Boki Moomon.
Ana koroboki Nibwaai e a kaman taekina “te mwakuri ae kamiimi ma ni kakuba” are e na riki ni boong aika kaitira (2 Nibwaai 27 26).