Ngenyi bua Kulengeja Dilonga mu Dîku ne mu Ekelezia

Pawudi ulonga lumu luimpa lua Mupandishi mu Dîku ne mu Ekelezia, ela meji pa nkonku idi ilonda eyi:

• Mushindu kayi uwudi mua kubikila Nyuma mu dilonga dieba?

• Mushindu kayi uwudi mua kushindamena pa Mupandishi mu dilonga dieba?

• Mushindu kayi uwudi mua kupeta bulenga bua dilonga dia matuku onsu?

• Mushindu kayi uwudi mua kukolesha dîku dieba ne bidimba bia kalasa bua kulonga mifundu bobu nkayabu ne kuabanyangana bidibu balonga?

Eyi idi mishindu mikuabu mipepela bua kulongolola dilonga dieba dia dîyi dia Nzambi.

Sambila bua kupeta meji a nyuma

Mifundu idi dîyi dia Nzambi, nanku umulomba diambuluisha bua kuyumvua.

Keba malelela pa Yezu Kilisto

Malu onsu adi ajadika bua Yezu Kilisto (tangila 2 Nefi 11:4; Mose 6:63), nanku ela meji bua kufunda ne kufita dikala pa tunungu tudi tujadika bua Mupandishi, lepesha dinanga dia dilonga buenda, ne bua kulonga mushindu wa kumulonda. Misangu mikuabu malelela pa Mupandishi ne lumu luimpa malejibua buludi, ne imua misangu mabuejibua mu tshilejilu anyi mu muyuki. Udikonka, “Malelela kayi a tshiendelela adi malongesha mu tunungu etu? Malelela â adi andongesha tshinyi pa Mupandishi?”

Teleja Nyuma

Teya ntema ku ngenyi ne ngumvuilu bieba, nansha yoyi kayiyi ne dipetangana ne biwudi ubala. Muenenu eyi idi mua kuikala tshidi Tatu wa mu Diûlu musua bua ulonga.

Funda muenenu yeba

Kudi mishindu ya bungi ya kufunda muenenu idi ikuluila pawudi ulonga. Tshilejilu, udi mua kupeta ne miaku anyi biambilu kampanda mu mifundu bikala bikukemesha, udi mua kubienza tshimanyinu ne kufunda ngenyi yeba bienza bu kafundu mu mifundu yeba. Udi mua kuikala ne kakanda keba ka ngenyi, ngumvuilu ne muenenu biwudi upeta.

Abanyangana biwudi ulonga kudi bakuabu

Diyukilangana pa ngenyi ya ku dilonga dieba dia nkaya didi mushindu muimpa bua kulongesha bakuabu, ne didi kabidi diambuluisha bua kukankamika lumvu lua binuvua babala. Abanyangana tshiwudi mulonga ne bidimba bia dîku ne balunda (kubuntu anyi mu butatanda), ne babikila bua benza bia momumua.

Tuangaja mifundu ku nsombelu weba.

Ela meji pa mushindu udi miyuki ne malongesha awudi ubala bienzeka mu moyo weba. Tshilejilu, udi mua kudikonka ne, “Malu kayi adi mangenzekela adi mafuanangana ne andi mbala?”

Ela nkonku pawudi ulonga

Pawudi ulonga mifundu, nkonku idi mua kukuluila mu meji. Nkonku eyi idi mua kupetangana ne biwudi ubala anyi nsombelu weba mu kabujima. Nana meji pa nkonku eyi ne keba mandamuna pawudi utungunuka ne kulonga mifundu.

Dienzela dilonga dia mifundu didi diambuluisha

Bua kupeta ngenyi ya nsakidilu ku tunungu tuwudi ubala, enzela tufundu tudi kuinshi kua dibeji, the Topical Guide, the Bible Dictionary, the Guide to the Scriptures, ne mambuluishi makuabu.

Ela meji mu mushindu wa mifundu

Udi mua kupeta ngenyi mimpa pa tunungu tua mifundu pawudi wela meji pa mushindu wayi, biangata bikondu ne miaba idiyi ifumina. Tshilejilu, dimanya dia malu a kala ne mitabuija a bantu bavua Nzambi muakula nabu bidi mua kukuambuluisha bua kumvua bimpa ngumvuilu wa mêyi Enda.

Longa mêyi a baprofete ne bapostolo ba matuku a ndekelu

Bala tshidi baprofete ne bapostolo ba matuku a ndekelu balongesha pa nshindamenu iwudi upeta mu mifundu.

Somba bilondeshela biwudi ulonga

Dilonga dia mifundu kadiena amu ditupesha meji a nyuma kadi didi kabidi ditulombola bua kushintulula nsombelu wetu. Teleja tshidi Nyuma ukusaka bua kuenza pawudi ubala, ne pashisha teka mu tshienzedi biwudi mumvua.

Enzela misambu

Misambu mifila ne misambu ya bana idi isanganyibua munda mua Luaku, Undonde. Enzela misambu ya tshijila bua kubikila Nyuma ne kulepesha ditabuja ne bujadiki bieba bia malelela a lumu luimpa.

Kuata mifundu ku moyo

Sungula katupa ka mufundu kadi ne mushinga kuwudi, kudi dîku dieba, anyi kudi kalasa keba ne wukuata ku moyo ku diwambulula dituku dionsu ne ku dinaya dia dikuata ku moyo.

Abanyangana bintu bia malongesha

Peta bintu bidi bikumbanangana ku shapita ne tunungu biwudi ubala. Ela meji pa mushindu udi tshintu tshionsu tshipetangana ku dilongesha mu mifundu.

Zola, peta, anyi angata tshimfuanyi

Bala tunungu tukesa, ne pashisha zola tshintu kampanda tshidi tshipetangana ne tshiwudi ubala. Anyi udi mua kukeba bimfuanyi mu Gospel Art Book anyi muaba mukuabu mu Tshisangi tshia Mikanda ya Lumu Luimpa. Udi kabidi mua kuangata tshimfuanyi tshidi tshileja tshiwuvua mulonga.

Enza dinaya pa muyuki

Panyima pa dibala muyuki, bikila dîku dieba anyi bidimba bia kalasa bua benza malu a momu mu dinaya. Pashisha, akula pa mushindu udi muyuki ewu upetangana ne bintu bitudi bamanya.

Ikala mudilekelela mu dîku

Pawudi ne bidimba bia dîku bidi kabiyi bitaba bua kubuela mu dilonga dia mifundu mu dîku, keba mushindu wa kudituangaja nabu. Tshilejilu, udi mua kuabanyangana nabu malelela a tshiendelela mu buimpa mu miyuki yeba anyi kuabanyangana mufundu udi ne mushinga mu mushindu wa ne kabiyi bimueneka ne udi uyisha anyi wenzeja? Dilonga dia mifundu kadiena mua kuikala mushindu wa momumua mu dîku dionsu nansha. Bana bakuabu badi mua kulonga bimpa mifundu umua ne umua nkayabu. Ikala musambidi ne londa minunganyi ya Nyuma.

Bisangilu bia tshipangu tshia balongeshi bua baledi. Pawudi ukeba diambuluisha dia nsakidilu mu didienzeja dieba bua kulongesha bana beba, konkesha pikala tshikongu tshienu ne tshidi ne bisangilu bia tshipangu tshia balongeshi bua baledi (tangila Mukanda Munena wa Maludiki, 17.5). Bisangilu ebi bidi mushindu bua baledi kubelangana ne kulonga pamua mushindu wa kulengeja ndongeshilu wabu. Badi mua kuyukilangana pa nshindamenu idi mu Teaching in the Savior’s Way, ngenyi idi pa mabeji â bua dilengeja dilonga dia mifundu mu dîku, ne ndengelu ya dilonga ne dilongesha idi mu Luaku, Undonde.