Februeri 3–9: “Dispela Em I Spirit bilong Revelesen”

Doktrin na ol Kavanen 6–9

Long fol bilong 1828, wanpela yangpela skul tisa Oliver Cowdery kisim wok olsem tisa long Manchester, New York, na bin stap wantaim famili bilong Lucy na Joseph Smith Sr. Oliver harim long pikinini man bilong ol Joseph na narapela kain ekspiriens bilong em, na Oliver, husat i lukim em yet olsem wanpela i painim toktru, i laik save moa. Dispela Smiths famili i toktok long ol visit bilong ol ensel, wanpela rekot bilong bipo taim, na presen bilong tanim tok wantaim pawa bilong God. Oliver i bin amamas tru. Dispela i ken tru? Lucy na Joseph Sr. givim em advais long wanpela i painim toktru: beten na askim Bikpela.

Oliver i bin mekim olsem, na Bikpela bekim em, i tok “bel isi long tingting bilong [em]” (Doktrin na ol Kavanen 6:23). Revelesen, Oliver i painim, i no bilong ol profet tasol olsem Joseph Smith. Em i bilong olgeta man husat i wok hat na mekim gut tru. Oliver i gat planti moa long lainim, tasol em i save long inap long kisim narapela step. Em i save Bikpela i wok long mekim samting i impoten thru long Joseph Smith, na Oliver i laik stap insait long dispela.

Lukim tu Saints, 1:58–64; “Days of Harmony” (video), Gospel Library.

Days of Harmony

Ol Aidia bilong Lainim long Haus na long Sios

Doktrin na ol Kavanen 6; 8–9

Papa long Heven i toktok long yumi thru long Holi Gos.

Long spring bilong 1829, Oliver Cowdery voluntia long kamap man bilong rait bilong Joseph Smith taim em i go het long tanim tok bilong Buk Momon. Dispela ekspiriens i mekim em i amamas tru,na em i tingting sapos em i ken kisim revelesen na presen bilong tanim tok. Namba wan traim, i no bin go gut.

Sapos yu bin painim hat long kisim o klia gut long revelesen, ating yu ken luksave long ekspiriens bilong Oliver—na lainim long en. Taim yu ridim Doktrin na ol Kavanen 6, 8, na 9, luksave long wanem Bikpela i tisim Oliver long revelesen bilong em yet. Eksampel:

• Doktrin na ol Kavanen 6:5–7; 8:1; 9:7–8 i tok wanem long wanem Bikpela i laikim yu long save pastaim long Em i autim laik bilong Em long yu?

• Wanem yu lainim long Doktrin na ol Kavanen 6:14–17, 22–24; 8:2–3; 9:7–9 long ol narapela wei revelesen i save kam? Hau bai yu luksave long en?

• Wanem ol samting yu lainim long revelesen long ol dispela seksen?

Ol ekspiriens bilong Oliver bai mekim yu “tromoi tingting bilong yu ” long ol taim yu pilim olsem Bikpela i toktok long yu (Doktrin na ol Kavanen 6:22). Yu bin rekotim ol tingitng o piling bilong yu long ol dispela ekspiriens? Sapos olsem, tingting long ridim wanem yu raitim. Sapos nogat, kisim sampela taim long raitim daun wanem yu ken tingim. Tingting long hau yu ken kisim strong long ol dispela ekspiriens. Long sampela moa aidia, lukim toktok bilong Elda Neil L. Andersen “Spiritually Defining Memories” (Liahona, Mei 2020, 18–22).

Sampela Sios lida i serim ekspiriens bilong ol long revelesen insait long “Hear Him” vidio koleksen. Bihain long lukim wanpela o moa long ol dispela vidio, yu bai pilim gutpela tingting long rekotim ol ekpiriens bilong yu, serim hau Bikpela i toktok long yu.

Lukim tu ol Topiks na ol Kwesten, “Personal Revelation,” Gospel Library; “Oliver Cowdery’s Gift,” long Revelations in Context, 15–19

Doktrin na ol Kavanen 6:18–21, 29–37

Lukluk long Krais long olgeta tingting.

Bikpela i save Joseph Smith bai ekspiriensim ol “hatpela sindaun” long ol yia i kam (Doktrin na ol Kavanen 6:18). Em i save wanem ol traim bai stap long bihain taim bilong yu tu. Wanem yu painim long kaunsel bilong Em long Joseph na Oliver long Doktrin na ol Kavanen 6:18–21, 29–37 we i helpim yu long trastim Em?

Wanem yu pilim em i min long “lukluk long [Krais] long olgeta tingting”? (ves 36). Hau yu ken mekim dispela olgeta taim—long gutpela taim na “hatpela taim”? Tingting long dispela kaunsel i kam long President Russell M. Nelson: “Em i hat wok long tingting long traim long lukluk long Em long olgeta tingting. Tasol taim yumi mekim, ol tubel tingting na pret bilong yumi bai ranawe” (“Drawing the Power of Jesus Christ into Our Lives,” Liahona, 41).

Lukim tu Neil L. Andersen, “My Mind Caught Hold upon This Thought of Jesus Christ,” Liahona, Mei 2023, 91–94.

Doktrin na ol Kavanen 6:29–37

“Noken pret long wokim gutpela pasin.”

Wai yumi sampela taim “i pret … long mekim gutpela wok”? (ves 33). Wanem yu painim long Doktrin na ol Kavanen 6:29–37 i givim yu strong long mekim gutpela wok? Tingting long singim o harim wanpela singsing i save givim yu gutpela tingting long gat strong long Krais, olsem “Let Us All Press On” (Hymns, no. 243).

Doktrin na ol Kavaven 6–7; 9:3, 7–14

“Olsem taim yu laikim mi em bai olsem.”

Lukim hamas taim ol wod olsem “laik” o “ol laik” i kamap long seksen 6 na 7. Wanem yu lainim long ol dispela seksen long hau impoten God i lukim ol laik bilong yu? Askim yu yet long dispela kwesten bilong Bikpela long Doktrin na ol Kavanen 7:1: “Wanem yu laikim?”

Wanpela ol stretpela laik bilong Oliver Cowdery—long tanim tok olsem Joseph Smith i mekim—i no bin inapim. Taim yu ridim Doktrin na ol Kavanen 9:3, 7–14, wanem ol tingting yu kisim we bai helpim yu taim ol stretpela pasin bilong yu i no inap nau?

Lukim tu Doktrin na ol Kavanen 11:8; Dallin H. Oaks, “Desire,” Liahona, Mei 2011, 42–45.

Long moa aidia, lukim isu bilong dispela mun Liahona na For the Strength of Youth megesin.

Ol Aidia bilong Tisim ol Pikinini

Doktrin na ol Kavanen 6:5, 15–16, 22–23; 8:2; 9:7–9

Papa long Heven i save toktok long mi thru long Holi Gos.

• Ol toktru Oliver Cowdery lainim long ol revelesen bilong em yet i ken helpim ol pikinini bilong yu taim ol i divelopim save bilong ol long luksave long Holi Gos. Yu ken yusim “Sapta 5: Joseph Smith na Oliver Cowdery” (long Doktrin na ol Kavanen Stori, 22–25, o vidio long Gospel Library) long tisim ol long Oliver na wanem em i lainim. Serim wantaim wanpela narapela ol feveret hap bilong stori. Taim yu mekim olsem, tok strong long ol samting Bikpela i tisim Oliver long hau long harim nek bilong God, na ridim ol veses i klostu, olsem Doktrin na ol Kavanen 6:23 o 9:7–9.

  The Lord Sends Oliver Cowdery: Learning about how God speaks to us

• Yu ken tu invaitim ol pikinini bilong yu long tatsim ol het na bros bilong ol taim yu ridim ol wods long “tingting” na “bel” long Doktrin na ol Kavanen 8:2. Tokim ol pikinini bilong yu, long ekspiriens bilong yu, em i olsem wanem taim Holi Gos i toktok long tingting na bel bilong yu. Helpim ol painim ol ansa long dispela askim “Hau na Holi Gos i save toktok long yumi?” long ol dispela veses: Doktrin na ol Kavanen 6:15–16, 22–23; 8:2; 9:7–9.

Yusim ol stori. Ol stori save helpim ol pikinini klia gut long ol gospel prinsipel bikos ol i soim hau ol narapela pipol i stap bihainim ol dispela prinsipel. Taim yu tis, [painim ol wei long yusim ol stori, i kam long ol skripsa, i kam long Sios histori, o i kam long laip bilong yu yet—i soim dispela ol prinsipel long skripsa.

Doktrin na ol Kavanen 6:34

Bikos long Jisas Krais, mi “no inap pret.”

• Bikpela i tokim Joseph and Oliver, “Noken pret, liklik sipsip” (Doktrin na ol Kavanen 6:34). Yu bai ken invaitim ol pikinini long ripitim dispela hap tok sampela taim. Ol tu bai ken priten olsem ol i wanpela grup sipsip i pret. Ol sipsip bai pret long wanem? Bihain yu na ol pikinini bilong yu i ken lukluk long wanpela piksa bilong Seivia olsem wanpela wasman bilong sipsip (i gat wanpela long pinis bilong dispela autlain) na toktok long hau Em i save lukautim yumi olsem wasman i lukautim ol sipsip bilong Em.

• Tingting long pleim o singim wanpela singsing i toktok long painim strong long Krais, olsem “Dare to Do Right” (Children’s Songbook, 158) o “Let Us All Press On” (Hymns, no. 243). Dispela singsing i tisim wanem long hau Seivia i helpim yumi bai noken pret?

Doktrin na ol Kavanen 6:36

Mi ken lukluk long Jisas Krais long olgeta tingting.

• Bihain long rit wantaim Doktrin na ol Kavanen 6:36, yu na ol pikinini i ken mekim ol drowing long helpim yupela tingim long “lukluk long [Jisas Krais] long olgeta tingting.” Serim wantaim wanpela narapela ol drowing bilong yu, na helpim ol pikinini bilong yu tingting long ol ples ol i ken putim ol bai ol i lukim olgeta taim.

Long moa aidia, lukim isu bilong dispela mun bilong Friend megesin.

Bikpela Em i Wasman bilong Sipsip bilong Mi, Yongsung Kim i mekim