Janueri 27–Februeri 2: “Wok bilong Mi Bai Go Het”

Doktrin na ol Kavanen 3–5

Long ol namba wan yias olsem profet bilong Bikpela , Joseph Smith i no bin save yet long olgeta “gutpela wok tru” em i bai wokim. Tasol wanpela samting em i lainim long ol dispela taim em long mekim wok bilong God, ai bilong em i mas “stap stret long glori bilong God” (Doktrin na ol Kavanen 4:1, 5). Eksampel, sapos Bikpela i bin kaunselim em long mekim samting em i no bin klia tumas long en, em i bin nid long bihainim kaunsel bilong Bikpela. Na maski em i gat “planti revelesen, na … pawa long mekim ol bikpela wok,” sapos em i pilim olsem wanem em i laikim i moa impoten long laik bilong God, em “i mas pundaun” (Doktrin na ol Kavanen 3:4). Tasol Joseph i lainim samting moa i impoten long mekim wok bilong God: “God i pulap long marimari,” na sapos Joseph i tanim bel tru tru, em bai “stil susim em” (ves 10). Wok bilong God em i, bihain long olgeta samting, wanpela wok bilong ridemsen. Na dispela wok “i no inap gat bel hevi” (ves 1).

Ol Aidia bilong Lainim long Haus na long Sios

Doktrin na ol Kavanen 3:1–16

Mi ken trastim God.

Long stat bilong ministri bilong Joseph Smith, i bin hat tru long painim ol gutpela prens—olsem Martin Harris, wanpela ol man i rispektim, na bisnis man husat i mekim ol sakripais long sapotim wok bilong Joseph. So taim Martin askim long tok orait long soim ol namba wan 116 manuskrip peij long meri bilong em, Joseph i wanbel long dispela, maski Bikpela i givim woning agensim. Bikpela hevi i kamap, dispela ol peij i lus long han bilong Martin, na Joseph na Martin i kisim strongpela toktok long Bikpela (lukim Saints, 1:51–53).

Taim yu ridim Doktrin na ol Kavanen 3:1–15, tingting long wanem Bikpela i laikim yu long lainim long ekspiriens bilong ol. Eksampel: Wanem samting yu lainim long:

• Wok bilong God? (lukim veses 1–3, 16).

• Ol samting nogut bai kamap sapos yu pret moa long man na i no trastim God? (lukim veses 4–8).

• Ol blesing i save kam long stap feitful? (lukim ves 8).

• Wei Bikpela i stretim na enkarisim Joseph? (lukim veses 9–16).

Long toktok bilong em “Which Way Do You Face?,” Elda Lynn G. Robbins givim planti eksampel long skripsa long ol pipol i pret long God na ol pipol husat i pret long ol narapela.(Liahona, Nov. 2014, 9–11). Tingting long ridim ol dispela eksampel long ol skripsa em i toktok long ol. Wanem yu lainim long ol dispela stori? Wanem ol ekspiriens yu gat long trastim Bikpela taim i gat hevi long mekim narapela samting? Wanem ol samting i kamap long ol dispela eksen bilong yu?

Lukim tu Dale G. Renlund, “A Framework for Personal Revelation,” Liahona, Nov. 2022, 16–19; “The Contributions of Martin Harris,” long Revelations in Context (2016), 1–9; Topics and Questions, “Seeking Truth and Avoiding Deception,” Gospel Library; “How Gentle God’s Commands,” Hymns, no. 125.

Doktrin na ol Kavanen 4

Mi ken sevim God wantaim olgeta bel bilong mi, pawa, tingting na strong.

Seksen 4 i save aplai long ol ful-taim misinari. Tasol, em i gutpela long luksave olsem dispela revelesen i givim long Joseph Smith Sr., husat i no go long wanpela misin tasol i gat “laik long sevim God” (ves 3).

Wanpela wei long ridim dispela seksen em long lukim olsem wanpela diskripsen bilong wok we wanpela husat i laikim long helpim wantaim wok bilong Bikpela. Bikpela i painim wanem? Wanem ol gutpela samting Em i givim?

Wanem yu lainim long sevim Bikpela long dispela revelesen?

Presiden Russell M. Nelson i kolim bung bilong Israel “dispela bikpela tru salens, dispela bikpela tru wok, na dispela bikpela tru wok long ples graun” (“Hope of Israel” [worldwide youth devotional, June 3, 2018], Gospel Library). Yu painim wanem long dispela toktok i givim yu gutpela tingting long tek pat long dispela wok?

Doktrin na ol Kavanen 5

Thru long Holi Gos, Mi ken kisim witnes long Buk Momon.

Long Mas 1829, meri bilong Martin Harris, Lucy, i failim wanpela kleim long kot olsem Joseph Smith i giamanim ol pipol na giaman long tanim tok long ol gol plet (lukim Saints, 1:56–58). So Martin i askim Joseph long moa evidens olsem ol gol plet i tru. Doktrin na ol Kavanen 5 em i revelesen long bekim bilong rikwes i kam long Martin Harris. Wanem yu lainim long dispela seksen long ol dispela:

• Wanem Bikpela i tok bai kamap sapos ol gol plet i bin kamap ples klia long wol long lukim (lukim Doktrin na ol Kavanen 5:7). Wai yu ting em i olsem?

• Wok bilong ol witnes long wok bilong Bikpela (lukim veses 11–15; lukim tu 2 Corinthians 13:1).

• Hau long kisim testimoni long Buk Momon bilong yu yet (lukim veses 16, 24; lukim tu Moronai 10:3–5).

Doktrin na ol Kavanen 5:1–10

Jisas Krais i givim yumi tok bilong Em thru long Joseph Smith.

Doktrin na ol Kavanen 5:1–10 i tisim yu wanem long wok bilong Joseph Smith long de bilong yumi—na long laip biong yu? (Lukim tu 2 Nifai 3:6–24.)

Long moa aidia, lukim isu bilong dispela mun Liahona na For the Strength of Youth megesin.

Ol Aidia bilong Tisim ol Pikinini

Doktrin na ol Kavanen 3:5–10; 5:21–22

Mi ken susim rait taim ol narapela i traim long mekim mi mekim rong samting.

• Long statim wanpela diskasen long lainim long trastim Papa long Heven, yu bai laik long lukluk bek long stori bilong ol manuskrip peij i bin lus (lukim Doktrin na ol Kavanen Stori, 18–21). Yu ken mekim wanpela rol-plei wantaim ol pikinini bilong yu ol situesen taim ol i kisim temtesen long mekim samting ol i save i no rait. Wanem ol wod o hap tok long Doktrin na ol Kavanen 3:5–8; 5:21–22 i ken helpim long ol dispela situesen?

  Martin Harris Helps Joseph: Learning to trust the Lord

Doktrin na ol Kavanen 4

Bikpela i invaitim mi long helpim wantaim wok bilong Em.

• Wanwan ves long Doktrin na ol Kavanen 4 i gat ol gutpela toktru i ken helpim ol pikinini bilong yu lainim long sevim God. Hia em ol sampela aidia long helpim ol painim ol dispela toktru:

  • Yu ken ridim wantaim Doktrin na ol Kavanen 4:1 na soim ol piksa i gat “gutpela tru” las-de wok bilong God (olsem ol misinari, ol temple, na Buk Momon).

  • Ol pikinini bilong yu i ken tingting long ol eksen o drowim ol piksa i soim dispela hap tok “sevim em wantaim olgeta bel bilong yu, pawa, tingting, na strong” (Doktrin na ol Kavanen 4:2).

  • Yu ken lukluk wantaim long ol tuls ol i yusim long wok long fil. Hau na ol dispela tuls bai helpim yumi? Bihain ol pikinini bilong yu i ken painim insait long Doktrin na ol Kavanen 4:5–6 ol samting i olsem ol tuls long mekim wok bilong God.

  • Ol bikpela pikinini i ken painim long Doktrin na ol Kavanen 4 ol yet na mekim lis long ol samting ol i ken lainim na wanem em i min long sevim God.

  • Yu ken singim wanpela singsing wantaim long misinari wok, olsem “I Want to Be a Missionary Now” (Children’s Songbook, 168).

Senisim ol ektiviti long kisim ol pipol wantaim ol disabiliti. Ol liklik senis long ol ektiviti i ken mekim sua olgeta i gat sans long lainim. Kain olsem, sapos wanpela ektiviti i tok long soim wanpela piksa, yu ken singim wanpela singsing long inkludim ol pipol i no inap long lukluk gut.

Doktrin na ol Kavanen 5:1–7, 11, 16, 23–24

Mi ken kamap witnes olsem Buk Momon i tru.

• Long tisim ol pikinini long ol witnes, yu ken askim ol long tingim olsem wanpela pren i tokim ol olsem ol i lukim wanpela pusiket wokabaut long tupela fran lek bilong em. Bai ol i bilipim? Na wanem sapos wanpela pren i tok wankain samting? Toktok long wanem em “witnes” na wai ol witnes i impoten. Bihain yu ken helpim ol pikinini bilong yu painim long Doktrin na ol Kavanen 5:1–3, 7, 11 long ol ansa bilong ol askim olsem:

  • Martin Harris i bin laik save long wanem samting?

  • Joseph Smith bai ken soim ol gol plet long husat?

  • Wai bai lukim ol dispela plet i hat long tanim tingting bilong wanpela olsem Buk Momon i tru?

  • Yumi ken mekim wanem long kamap ol witnes bilong Buk Momon? (lukim Doktrin na ol Kavanen 5:16; Moronai 10:3–5).

Long moa aidia, lukim isu bilong dispela mun bilong Friend megesin.

Bikpela hevi bilong 116 Pes,Kwani Povi Winder mekim