Sacred Grove [Tshipuka tshia Tshijila], kudi Greg Olsen

Ngondu wa Kumpala 13–19: Ngakamona Dikunji dia Bukanka

Joseph Smith—Mulubu 1:1–26

Udi mua kuamba ne Dilongesha ne Bipungidi tshidi mukanda wa mandamuna ku masambila: mabuluila a tshijila a bungi adi mu mukanda ewu malua mu diandamuna ku nkonku. Lukonku ludi lutuadija yonsu—elu lumua luakapatula mabuluila a matuku a ndekelu—luvua lukonkibua kudi nsongaluma wa bidimu 14. Mvita ya miaku ne diyoyi dia muenenu (Joseph Smith—Mulubu 1:10) kushiyabi Joseph Smith mu tshimvundu pa ntendelelu ne malanda enda ne Nzambi. Pamuapa udi mua kumvuila ku tshiotshi. Tudi tusangana mu tshikondu tshietu, ngenyi ya bungi idi ibengangana ne mêyi adi asuisha. Patudi basua kusobola mikenji eyi ne kupeta bulelela, tudi mua kuenza tshivua Joseph muenza. Tudi mua kuela nkonku, kulonga mifundu, kunana meji, ne ndekelu kukonka Nzambi. Mu diandamuna ku disambila dia Joseph, dikunji dia bukenka dia kapueka difuma mu diûlu. Nzambi Tatu ne Yezu Kilisto bakamueneka ne bakandamuna ku nkonku yenda. Bujadiki bua Joseph bua dimanya adi dia tshishima budi bumanyisha ne dikima ne: ewu yonsu udi [mupanga] meji alomba kudi Nzambi, ne neapeta (Joseph Smith—Mulubu 1:26). Tudi mua kupeta bonsu, paditshi katshiyi tshimônyi tshia ku diûlu, nansha tshimônyi tshitoka, tshikenkesha kudi bukenka bua ku diûlu.

Ngenyi bua Dilonga ku Nzubu ne ku Ekelezia

Joseph Smith—Mulubu 1:5–26

Joseph Smith udi Muambi wa Dipinguluja.

Kipatshila ka muyuki wa Joseph Smith kavua kakututeka mu bumpianyi bua malu, bualu bulelela pa Joseph butu misangu mivula bubipisha (Joseph Smith—Mulubu 1:1). Pawudi ubala Joseph Smith—Mulubu 1:1–26, tshinyi tshidi tshikankamika bujadiki bueba bua dibikila dia bunzambi dienda?

Tangila kabidi Bansantu, 1:3–19.

Joseph Smith—Mulubu 1:5–25

Mushindu kayi undi mua kupeta mandamuna ku masambila anyi?

Ukatu mupanga meji anyi mupona mu tshimvundu pa dipangadika diuvua musua bua kuenza anyi? (Joseph Smith—Muyuki 1:13). Dimanya divua Joseph Smith mupeta mu 1820 didi mua kuambuluisha bu ngikadilu muimpa bua dibuluila dia muntu nkaya. Tshilejilu, pawudi ukebulula Joseph Smith—Mulubu 1:5–25, keba mamanya awudi mua kutuangaja kuwowu. Tshinyi tshiuwudi ulongapu?

• Mushindu kayi udi Joseph mudilongolola bua dimanya dia tshijila mu disambila? (tangila tunungu 8, 11, 14–15).

• Mudimu wa dilonga dia mifundu mu dikeba dia dibuluila? (tangila tunungu 11–12).

• Tshinyi tshia kuenza patudi kumpala kua ditontolola? (tangila tunungu 15–16, 21–26).

• Ditaba ne dienza ku mandamuna audi upeta? (tangila tunungu 18–25).

Bikila bua ditangalaja. Dikebulula dia mifundu didi dibikila lumvu lua Nyuma wa Tshijila. Ditangalaja ngumvuilu eyi kudi mua kubikila Nyuma wa Tshijila bua kufila bujadiki kudi bakuabu, ne kudi muntu udi utangalaja.

Ngenyi kayi ya nsakidilu iudi mua kupeta ifuma ku kanungu ka Mulombodi Mukulu Henry B. EyringTshimonyi tshia Kumpala: Ngikadilu wa Dibuluila dia Muntu Nkaya? (Liahona, Ngondu Muibidi 2020, 12–17).

Udi mua kukebulula kabidi bilejilu bikuabu mu mifundu bia bantu bavua bayukilangana ne Nzambi. Bimfuanyi bia mu Gospel Art Book anyi bia mu mukanda mukuabu Luaku, Udonde bidi mua kukupesha ngenyi. Teta bua kuandamuna ku mulongu wa nkonku ivua miedibua ku mpala bua tshilejilu tshionsu tshiudi upeta. Dimanya kayi diudi nadi mudipeta diandamuna ku disambila? Tshinyi tshiudi mua kuenza bua kuambuluisha bakuabu bapeta mamanya malenga?

Tangila kabidi Russell M. Nelson, “Hear Him,” Liahona, Ngondu Muitanu 2020, 88–92; Biena Bualu ne Nkonku, “Personal Revelation,” Tshisangi tshia Lumu Luimpa.

Joseph Smith—Mulubu 1:15–20

Joseph Smith wakamona Nzambi Tatu ne Muanenda, Yezu Kilisto.

Joseph Smith uvua mueyemena Nzambi ne udi wandamuna ku disambila dienda, kadi kavua mumanya mushindu kayi uvua diandamuna edi mua kushintulula moyo wenda—ne wa ba pa buloba to. Pawudi ubala pa dimanya dia Joseph, nana meji pa mushindu udi bipeta bia Tshimônyi tshia Kumpala bishintulula moyo weba.

Tshilejilu, Tshimônyi tshia Kumpala tshiakabuluila malelela a bungi pa Nzambi Tatu ne Muanenda, Yezu Kilisto, avua mashilangana ne avua bantu bitaba mu tshikondu tshia Joseph. Pawudi ubala Joseph Smith—Mulubu 1:15–20, ela meji bua kufunda mishindu mishilanga bua kuwuja ngenzelu bu eu: “Bualu Tshimônyi tshia Kumpala tshiakenzeka, ndi mumanya ne …”

Ngumvuilu kayi iwudi umvua pawudi unana meji pa dimanya dia Joseph ne bionsu bidi bifumina kudidi.

Tangila kabidi “Ask of God: Joseph Smith’s First Vision” (video), Gospel Library; “Joseph Smith’s First Prayer,” Hymns, no. 26.

Ask of God: Joseph Smith's First Vision

Diumvuija ku Bikala umua wa Kunudi Mupanga Meji, kudi Walter Rane

Joseph Smith—Mulubu 1:15–20

Buatshinyi kudi milubu mishilangana ya Tshimônyi tshia Kumpala?

Mu moyo wenda, Joseph Smith wakandika dimanya dienda mu Tshipuka tshia Tshijila misangu yoyi mikesa inayi, ne mufundi wenda misangu yonsu. Mu dikumbaja, milubu ya bungi ivua mifundibua kudi bantu bavua bumvua Joseph wakula bua Tshimônyi tshienda. Nansha mudi milubu eyi ishilangana mu diumvuija, bilonda ku mufundi, bateleji, ne miaba, bidi bia momumua. Ne mulubu onsu udi ukumbaja diumvuija didi dituambuluisha bilenga bua kumvua dimanya dia Joseph Smith, bu mudi banayi bena lumu luimpa lua Dipungila Dipia-dipia batuambuluisha bilenga bua kumvua mudimu wa Mupandishi.

Tangila kabidi Biena Bualu ne Nkonku, “First Vision Accounts [Milubu ya Tshimônyi tshia Kumpala],” Tshisangi tshia Lumu Luimpa.

Joseph Smith—Mulubu 1:21–26

Ndi mua kashala ne lulamatu ku tshindi mumanya, nansha bakuabu bampidia.

Panyima pa tshimônyi tshienda tshia dikema, Joseph Smith wakajinga kutangalaja dimanya dienda ne bakuabu. Ditontolola divuaye umona diakamukemesha. Pawudi ubala mulubu ewu, tshinyi tshidi tshikusaka bua kulamata ku bulelela bua bujadiki bueba? Bilejilu kayi bikuabu—bia ku mifundu, nkambua, anyi bantu baudi mumanya—bidi bikupesha dikima bua kushala ne bulelela ku dimanya dia nyuma diuvua mupeta?

Tangila kabid Gary E. Stevenson, “Nourishing and Bearing Your Testimony,” Liahona, Ngondu wa Dikumi ne Umua 2022, 111–14.

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Joseph Smith—Mulubu 1:3–14

Joseph Smith uvua mulongolodibua bua kuikala muambi wa Nzambi.

• Dilonga pa bunsonga bua Joseph Smith didi mua kuambuluisha bana beba bua kufuanangana nenda padibu balonga bia ku dimanya dienda. Pamuapa badi mua kuangata tshimfuanyi tshia Joseph Smith ne kuabanyangana bidibu bamanya pa yeya. Padibi bijingibua, udi mua kukumbaja amua malu pa yeya afuma ku Joseph Smith—Mulubu 1:3–14 tangila kabidi “Shapita 1: Joseph Smith ne dîku Dienda,” mu Miyuki ya Dilongesha ne Bipungidi, 6–8, anyi video udi upetangana mu Tshisangi tshia Lumu Luimpa. Dimanya kayi didi Joseph muenza didi dimuambuluisha bua kudilongolola bua kulua muambi? Tshinyi tshidi Nzambi mua kutulongolola bua tuenza?

  Joseph Smith's Family: A family of faith

Diumvuija ku Tshimônyi tshia Kumpala tshia Joseph Smith, kudi Greg Olsen

Joseph Smith—Mulubu 1:10–13

Nzambi udi mua kuandamuna ku nkonku yanyi kupitshila ku mifundu.

• Ela meji bua kuleja bana beba mikanda mishilangana, biangata ne mifundu. Bambuluisha bua bela meji bua nkonku idi mikanda eyi mua kuandamuna. Pashisha nudi mua kubala pamua Joseph Smith—Mulubu 1:10–11 bua kujandula nkonku ivua Joseph Smith nayi ne mandamuna avuaye mupeta mu mifundu.

• Bana beba pamuapa badi mua kupeta miaku mu kanungu 12 idi yumvuija mushindu kayi udi dibala dia Yakobo 1:5 dilenga Joseph. Pashisha nudi mua kuabanyangana dimanya umua ne mukuabu dia tshitupa tshia mufundu tshidi ne buenzeji bukola kunudi. Nudi mua kuimba musambu pamua, bu mudi “Search, Ponder, and Pray” (Mukanda wa Misambu ya Bana, 109). Tshinyi tshidi musambu ulongesha pa tubingila tutudi tubadila mifundu?

Joseph Smith—Mulubu 1:10–17

Tatu wa mu Diûlu udi uteleja ne wandamuna masambila anyi.

• Bua kubanga diyukilangana pa mushidu utudi tuyukila ne Tatu wa mu Diûlu, pamuapa wewa ne bana beba nudi mua kuelangana nkonku mu kuangata mishindu mishilangana ya kuyukila, bumudi kufunda miaku, kubikila ku kamua, anyi kufunda mukanda ku bianza. Mushindu kayi utudi tuela nkonku kudi Tatu wa mu Diûlu? Mushindu kayi utudi mua kumuleja ne tudi bamunanga ne tumunemeka mu masambila etu? Balayi pamua Joseph Smith—Mulubu 1:16–19 ne yukilanganayi mushindu kayi uvua Tatu wa mu Diûlu muandamuna ku disambila dia Joseph Smith. Wewa ne bana beba nudi mua kuabanyangana mamanya panuvua balomba diambuluisha kudi Nzambi ne bapeta diandamuna.

Joseph Smith—Mulubu 1:17–19

Joseph Smith wakamona Tatu wa mu Diûlu ne Muanenda, Yezu Kilisto.

• Bana bateketa badi mua kusanka bua kuimana kûlu ne maboku molola bua kuikala bu mitshi mu Tshipuka tshia Tshijila pawudi ubambila pa Tshimônyi tshia Kumpala. Lomba bana bua badikupa bu badi basaka kudi lupepela pawudi wakula pa disambila dia Joseph. Balomba kabidi bua kabanyungi ne bapuwa pawudi ubambila ne Tatu wa mu Diûlu ne Yezu bakamuenekela Joseph Smith.

• Bana ba bakola badi mua kusanka bua kuenzela tshimfuanyi tshimua anyi biabunyi mu bulongolodi ebu bua kuamba bidibu bamanya pa Tshimônyi tshia Kumpala. Bakolakaja bua badituma ku Joseph Smith—Mulubu 1:14–17 ne babanyangana meji abu ne ngumvuilu yabu pa dimanya dia Joseph (tangila kabidi “Shapita 2: Tshimonyi tshia Kumpala tshia Joseph Smith,” Miyuki ya Dilongesha ne Bipungidi, 9–12, anyi bindidimbi bidi bikumbanangana mu Tshisangi tshia Lumu Luimpa.

  Joseph Smith's First Vision: An answer to a humble prayer

Bua ngenyi ya bungi, tangila bualu bua ngondu ewu bua makazina a Mulunda.

Bulelela Bupingajilula, kudi Leon Parson