Wase 37
O Nifai kei Liai ena Valeniveivesu
Erau luvei Ilamani o Nifai kei Liai. Sa vinakata o Ilamani me rau bula dodonu vakataki Liai kei Nifai ka biubiu mai Jerusalemi.
A vakavulici rau na luvena o Ilamani me rau vakabauti Jisu Karisito. Rau vulica tu ni sa yaco na veivosoti ena vakabauta kei na veivutuni.
Sa lako o Nifai kei Liai me laki vakatavulica na vosa ni Kalou kivei ira na Nifaiti kei na Leimanaiti. A papitaiso kina e udolu vakacaca na tamata.
Ni rau sa gole ki na vanua ko Nifai o Liai kei Nifai, sa biuti rau ki na valeniveivesu na mataivalu ni Leimanaiti ka sega ni vakani rau me vuqa na siga.
Era sa gole ki na vale ni veivesu na Leimanaiti me vakamatei Nifai kei Liai ia a sega ni rawa baleta ni rau sa taqomaki tu ena bukawaqa cowiri ka na rawa ni vakama e dua ga e saga me tarai rau.
Erau a sega ni kama ena bukawaqa o Nifai kei Liai. Rau tukuna vei ira na Leimanaiti ni sa taqomaki rau voli na kaukauwa ni Kalou.
Sa tekivu sakure na qele kei na lalaga ni valeniveivesu. Sa wavoliti ira na tamata ena vale ni veivesu e dua na o loaloa, ka ra sa rere.
Sa vosa e dua na domo mai na dela ni butobuto. E malumu me vaka na vakasorokakana, ia e rawa ni rogoca na tamata kecega.
Sa tukuna na domo vei ira na tamata me ra veivutuni ka tarova na kena sagai me vakamatei o Nifai kei Liai.
A vosa vakatolu na domo, ka sakure tikoga na qele kei na lalaga ni valeniveivesu. Era a sega ni dro rawa na Leimanaiti baleta ni sa rui butobuto ka ra sa rere vakalevu.
E dua na Nifaiti ka a lewe ni Lotu tu a raica ni ramase voli na matai Nifai kei Liai ena butobuto.
Erau veivosaki tiko o Nifai kei Liai ni rau rai tu vaka ki lomalagi. A tukuna na turaga vei ira na Leimanaiti me ra raica. Era a lomatarotarotaka se rau vosa tiko vei cei o Nifai kei Liai.
Na tamata, ka yacana o Aminatapi, sa tukuna vei ira na Leimanaiti ni rau veivosaki tiko kei ira na agilosi o Nifai kei Liai.
Era sa tarogi Aminatapi na Leimanaiti ena sala me kautani kina na o loaloa. Sa tukuna vei ira o koya me ra veivutuni ka masu me yacova ni ra sa vakabauti Jisu Karisito.
Era a masu tu na Leimanaiti me yacova ni sa takali na o loaloa.
Ni sa yali na butobuto, era raica na tamata ni wavoliti ira taucoko tu e dua na duru bukawaqa. E sega ni vakamai ira na bukawaqa se na lalaga ni valeniveivesu.
Era a vakila na reki levu na Leimanaiti, ka sa vakatawana na lomadra na Yalo ni Kalou.
A vakasolokakana e dua na domo, ka kaya ni ra na vakacegui ena vuku ni nodra vakabauti Jisu Karisito.
Era sa rai cake na Leimanaiti me vaqaqa na vanua e a lako mai kina na domo. Era sa raici ira na agilosi ni ra lako sobu tiko mai lomalagi.
Rauta ni 300 na tamata era raica ka rogoca na ka a yaco ena valeniveivesu. Era sa lako ka tukuna vei ira na tani.
Era sa vakabauti ira e levu na Leimanaiti ka biuta tani na nodra iyaragi.
Era sa muduka na Leimanaiti na nodra veisei kei na Nifaiti ka solia lesu tale na vanua era a taura. Sa yaco mera caka dodonu vakalevu cake na Leimanaiti mai vei ira na Nifaiti.
A lako vata kei Nifai kei Liai e vuqa na Leimanaiti ka vakatavulici ira na Nifaiti kei na Leimanaiti.