Wase 20
Alama kei Neori
Ni bera ni mate na tui o Mosaia, era a digitaka na Nifaiti na turaga ni lewa eso me liutaki ira. Sa yaco o Alama Lailai me imatai ni turaga ni lewa levu. A yaco talega o koya me iliuliu ni Lotu.
O Neori e dua na tamata levu ka kaukauwa, sa tekivu vakavuvuli lasu. A kaya ni na vakabulai kecega na tamata se ra vinaka se ca. Sa vakabauti Neori e vuqa na tamata.
A vunautaka vakatani o Neori na Lotu ni Kalou, ia a taqomaka e dua na turaga yalododonu o Kitioni. A veiba kei Kitioni o Neori, ia sa tukuna o Kitioni na vosa ni Kalou.
Sa cudru sara o Neori ka ucuna na nona iseleiwau ka vakamatei Kitioni.
Sa kau o Neori kivei Alama me laki lewai. A taqomaki koya vakadoudou o Neori.
Ia sa kaya ko Alama ni sa cala o Neori baleta ni sa vakavulici ira na tamata mera cakaca ka sa vakamatei Kitioni.
Sa kaya ko Alama ni sa dodonu me totogitaki o Neori ena nona vakamatei Kitioni. Me vaka na lawa sa virikotori, sa dodonu me mate o Neori.
A kau o Neori ki na dua na delana voleka ka vakamatei kina. Ni bera nona mate e kaya o koya ni cala na ka kecega a vakavuvulitaka. Ia e vuqa na tamata era se vakabauta voli ga na ivakavuvuli ca i Neori.
Era sa domona na iyau na tamata oqo ka sega ni via muria na ivunau ni Kalou. Era a veiwalitaki ira na lewe ni Lotu ka veiba ka vala vata kei ira.
Era tomana voli ga na tamata yalododonu na muri ni ivunau ka sega ni vuturi ena gauna mada ga e vakacacani ira kina na ilawalawa i Neori.
Era wasea na lewe ni Lotu na ka kecega era taukena kivei ira na dravudravua, ka qaravi ira na tauvimate. Era sa muria na ivunau, ka sa vakalougatataki ira na Kalou.