Seminelí
Fakataukei Fakatokāteliné: Sivi 2: ʻAlamā – Molonai

“Fakataukei Fakatokāteliné: Sivi 2: ʻAlamā – Molonai,” Tohi ʻa Molomoná – Tohi Lēsoni ʻa e Faiakó (2024)

“Fakataukei Fakatokāteliné: Sivi 2,” Tohi ʻa Molomoná – Tohi Lēsoni ʻa e Faiakó

Fakataukei Fakatokāteliné: Sivi 2

ʻAlamā –Molonai

Naʻe ako ʻe he kau akó ʻi he konga hono ua ʻo e kalasi ko ʻení ha ngaahi potufolofola fakataukei fakatokāteline ʻe 12 meia ʻAlamā kia Molonai. ʻOku fakataumuʻa ʻa e sivi ko ʻení ke vakaiʻi ʻa e tuʻunga malava ʻa e kau akó ke manatuʻi ʻa e ngaahi fakamoʻoni fakafolofola mo e ngaahi kupuʻi lea folofola mahuʻinga ki he ngaahi potufolofola ko ʻení, kae pehē ki heʻenau malava ke fakaʻaongaʻi kinautolu ʻi ha ngaahi tūkunga moʻoni ʻo e moʻuí. Te ne toe siviʻi foki ʻa e mahino ʻa e kau akó ki he ngaahi tefitoʻi moʻoni ki hono maʻu ʻo e ʻilo fakalaumālié.

Fakahoko ʻa e sivi fakataukei fakatokāteline ko ʻení ʻi ha faʻahinga taimi pē hili hoʻo akoʻi ʻa e ngaahi potufolofola fakataukei fakatokāteline kotoa pē mei he ʻAlamā 7:11–13 ʻo aʻu ki he Molonai 10:4–5. Ke tokoni ki hono teuteuʻi ʻo e kau akó, akoʻi ʻa e “Fakataukei Fakatokāteliné: Toe Vakaiʻi ʻo e Sivi 2” pe ʻoange ki he kau akó ʻa e tohi fakahinohino ako ʻoku maʻu ʻi he fakaʻosinga ʻo e lēsoni ko iá. Mahalo naʻa fiemaʻu ke akoʻi ha niʻihi ʻo e ngaahi lēsoni fakataukei fakatokāteliné kimuʻa honau hokohoko ʻi he fakahokohoko fakalēsoní kae lava ke fakahoko ʻa e siví kimuʻa ʻi he fakaʻosinga ʻo e taʻú.

Kapau ʻe lava, fakahoko ʻa e siví ni pea fakamaaka ia ʻi he hili pē hono fakakakato ia ʻe he kau akó. Te ke lava ʻo fakamaaka fakataautaha ʻa e sivi takitaha pea aleaʻi mo e kalasí ʻa e ngaahi tali totonú, pe te ke fakaafeʻi ʻa e tokotaha ako takitaha ke fakamaaka ʻene sivi pē ʻaʻana. Koeʻuhí ʻe lava ke vahevahe ʻe he kau akó ha fakamatala fakataautaha ʻi ha niʻihi ʻo ʻenau ngaahi talí, ʻoua naʻa kole ki he kau ako kehé ke nau fakamaaka ʻa e sivi ʻa e kau ako kehé.

Makehe mei hono siviʻi ʻa e ʻilo lolotonga ʻa e kau akó, ʻoku fakataumuʻa ʻa e aʻusia ʻo hono fai mo fakatonutonu ʻo e siví ke hoko ko ha taimi fakakaukau fakataautaha mahuʻinga maʻá e kau akó. Lolotonga hono aleaʻi ʻo e fehuʻi 7–12, fakaafeʻi ʻa e kau akó ke fakahaaʻi ʻa e ʻuhinga ne nau fili ai ʻa e ngaahi tali ne nau filí pea ke fakamatalaʻi ʻa e founga ʻe lava ke tokoni ai ʻa e potufolofola ne nau filí ʻi he ngaahi tūkunga naʻe fakamatalaʻí. Tokoni ke mahino ki he kau akó ha faʻahinga fehuʻi pē naʻe hala ʻenau talí. Tuku ha taimi ke tali ai ha toe ngaahi fehuʻi ʻe ala maʻu ʻe he kau akó.

Ngaahi ʻEkitivitī Ako ʻOku Ala Fakahokó

Fakataukei Fakatokāteline ki he Tohi ʻa Molomoná: Sivi 2

Ngaahi fakamoʻoni fakafolofola ki he fakataukei fakatokāteliné

Ki he ngaahi fehuʻi 1–3, hiki ʻa e mataʻitohi ʻo e fakamoʻoni fakafolofola fekauʻakí ʻi he tafaʻaki ʻo e kupuʻi lea takitaha. Kātaki ʻoua naʻa fakaʻaongaʻi hoʻo folofolá ʻi he konga ko ʻeni ʻo e siví.

Ngaahi Kupuʻi Lea Mahuʻingá

Ngaahi Fakamoʻoni Fakafolofolá

  1. “Ko e manavaʻofá ʻa e ʻofa haohaoa ʻa Kalaisí.”

  1. ʻAlamā 39:9

  1. “Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.”

  1. ʻAlamā 41:10

  1. “ʻIkai toe muimui ʻi he ngaahi holi ʻa ho matá.”

  1. Molonai 7:45–48

  1. Hilamani 5:12

  1. ʻAlamā 7:11–13

Ngaahi kupuʻi lea folofola mahuʻingá

Ki he fehuʻi 4–6, fakafonu ʻa e ngaahi foʻi lea ʻoku pulia ʻi he ngaahi kupuʻi lea folofola mahuʻinga ‘i he fakataukei fakatokāteliné. Kātaki ʻoua naʻa fakaʻaongaʻi hoʻo folofolá ʻi he konga ko ʻeni ʻo e siví.

  1. “Kole ʻi he loto , mo e moʻoni, ʻo maʻu ʻa e tui kia Kalaisi. … Pea ʻi he mālohi ʻo e Laumālie Māʻoniʻoní te mou lava ai ke hono moʻoni ʻo e ngaahi meʻa kotoa pē.” (Molonai 10:4–5)

  2. “ʻOku makatuʻunga ʻi he ʻo hotau … kuo pau ke mo langa ai homo .” (Hilamani 5:12)

  3. “ʻOku ʻikai te mou maʻu ha kae ʻoua kuo hili hono ʻo hoʻomou .” (ʻEta 12:6)

Fakaʻaongaʻi ki ha ngaahi tūkunga moʻoni ʻo e moʻuí

Te ke lava ʻo fakaʻaongaʻi hoʻo folofolá ʻi he toenga ʻo e siví.

Ki he fehuʻi 7–9, kumi ha potufolofola fakataukei fakatokāteline ʻe taha pe lahi ange meia ʻAlamā kia Molonai ʻe lava ʻo tokoni ki ha tokotaha ʻi he ngaahi tūkunga ko ʻení. Fakamatalaʻi ʻa e ʻuhinga naʻá ke fili ai ʻa e (ngaahi) potufolofola naʻá ke filí.

  1. ʻOku fie ʻilo ha finemui ʻoku ako fekauʻaki mo e Siasí ki he meʻa ʻoku totonu ke ne fai ke muimui ai kia Sīsū Kalaisí.

  2. ʻOku ʻikai mahino ki ho kaungāmeʻá ʻa e mahuʻinga ʻo Sīsū Kalaisí pea ʻokú ne fehuʻi atu ʻa e meʻa kuó Ne fai maʻatautolú.

  3. ʻOku fie ʻilo ʻe ha talavou ʻa e founga te ne lava ai ʻo maʻu ʻa e tokoni mo e mālohi ʻo e ʻOtuá ke maluʻi ia mei he ngaahi ʻahiʻahi ʻa Sētané.

Ngaahi tefitoʻi moʻoni ki hono maʻu ʻo e ʻilo fakalaumālié

Ki he fehuʻi 10–11, fakahaaʻi hoʻo ʻilo mo e tuʻunga malava ke fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié.

  1. Te ke fakamatalaʻi fēfē ʻa e ngaahi tefitoʻi moʻoni ko ʻeni ki hono maʻu ʻo e ʻilo fakalaumālié ki ha taha?

    1. Ngāue ʻi he tuí.

    2. Vakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá.

    3. Fekumi ki ha mahino lahi ange ʻo fakafou ʻi he ngaahi maʻuʻanga tokoni kuo fokotuʻu fakalangí.

  2. ʻOku faʻa ongoʻi ʻe ha finemui ʻi he taimi ʻe niʻihi ʻoku fuʻu fakangatangata ʻa e ngaahi fekau ʻa e ʻOtuá. ʻOkú ne fifili pe te ne fiefia ange kapau te ne lava ʻo moʻui ʻi ha faʻahinga founga pē ʻokú ne ongoʻi ʻoku lelei tahá.

    Tali ʻa e ngaahi fehuʻi ko ‘ení:

    1. Ko e hā ha ngaahi meʻa pau ʻe lava ke fakahoko ʻe he tokotaha ko ʻení ke ngāue ai ʻi he tuí?

    2. ʻE tokoniʻi fēfē ia ʻe heʻene vakai ki he tūkunga ko ʻení ʻaki ha fakakaukau ʻoku taʻengatá?

    3. Ko e ngaahi potufolofola fakataukei fakatokāteliné ko ha ngaahi sīpinga ia ʻo e ngaahi maʻuʻanga tokoni kuo fokotuʻu fakalangí. Ko e hā ha (ngaahi) potufolofola fakataukei fakatokāteline ʻe ala tokoni ʻi he tūkunga ko ʻení? ʻO fēfē?

  3. ʻI he ngaahi potufolofola fakataukei fakatokāteline ʻe 12 naʻá ke ako ʻi he konga hono ua ʻo e Tohi ʻa Molomoná, ko e hā ha potufolofola fakataukei fakatokāteline kuo ʻaonga pe ʻuhingamālie kiate koe? Ko e hā hono ʻuhingá?

Tuku ha taimi feʻunga maʻá e kau akó ke fakakakato ai ʻa e siví. ʻO ka ʻosi ʻa e sivi ʻa e kau akó, mou vakaiʻi fakakalasi ia. Te ke lava ʻo fakamaaka ʻa e ngaahi siví pe ʻai ke fakatonutonu ʻe he kau akó ʻenau ngāue pē ʻanautolú.

Ngaahi Talí:

  1. f. Molonai 7:45–48

  2. i. ʻAlamā 7:11–13

  3. a. ʻAlamā 39:9

  4. fakamātoato; loto; ʻiloʻi

  5. maka; Huhuʻi; makatuʻunga

  6. fakamoʻoni; ʻahiʻahiʻi; tuí

  7. ʻE lava ke kau ʻi he ngaahi talí ʻa e 3 Nīfai 27:20 pe Molonai 7:45–48, ka ʻe lava ke maʻu ʻe he kau akó ha maaka ʻi hono fakaʻaongaʻi ha faʻahinga potufolofola fakataukei fakatokāteline pē kapau te nau lava ʻo fakamatalaʻi ʻa e founga ʻoku ʻaonga ai ʻa e moʻoni ʻi he potufolofolá.

  8. ʻE lava ke kau ʻi he ngaahi talí ʻa e ʻAlamā 7:11–13 pe ʻAlamā 34:9–10, ka ʻe lava ke maʻu ʻe he kau akó ha maaka ʻi hono fakaʻaongaʻi ha faʻahinga potufolofola fakataukei fakatokāteline pē kapau te nau lava ʻo fakamatalaʻi ʻa e founga ʻoku ʻaonga ai ʻa e moʻoni ʻi he potufolofolá.

  9. ʻE lava ke kau ʻi he ngaahi talí ʻa e Hilamani 5:12 pe ʻEta 12:27, ka ʻe lava ke maʻu ʻe he kau akó ha maaka ki hono fakaʻaongaʻi ha faʻahinga potufolofola fakataukei fakatokāteline pē kapau te nau lava ʻo fakamatalaʻi ʻa e founga ʻoku ʻaonga ai ʻa e moʻoni ʻi he potufolofolá.

  10. ʻOku totonu ke lava ʻe he kau akó ʻo fakamatalaʻi nounou ʻa e ngaahi tefitoʻi moʻoni ki hono maʻu ʻo e ʻilo fakalaumālié. Fakakaukau ke fakaafeʻi kinautolu ke fakafehoanaki ʻenau ngaahi talí mo e palakalafi 5–12 ʻo e konga “Ko Hono Maʻu ʻo e ʻIlo Fakalaumālié” ʻi he Fakamatala ki he ʻElito ʻo e Fakataukei Fakatokāteliné (2023).

  11. ʻOku totonu ke lava ʻe he kau akó ʻo fakamatalaʻi ʻa e founga ʻe lava ke ngāue ai ʻa e finemui ko ʻení ʻi he tui pea vakavakaiʻi ʻa e ngaahi fakakaukaú mo e ngaahi fehuʻí ʻaki ha fakakaukau ʻoku taʻengatá. ʻOku totonu foki ke nau ʻiloʻi ha potufolofola fakataukei fakatokāteline ʻe lava ʻo tokoniʻi ia ʻi heʻene ngaahi hohaʻá. ʻE lava ke kau ʻi he ngaahi talí ʻa e ʻAlamā 41:10, ʻEta 12:6, mo e Molonai 10:4–5.

  12. Ko e taimi pē ʻoku tali fakamātoato mo kakato ai ʻe he kau akó ʻa e fehuʻi ko ʻení, ʻoku totonu ke ʻoange hanau maaka. Fakaafeʻi ʻa e kau akó ke aleaʻi ʻa e potufolofola fakataukei fakatokāteline ne nau fili ki he fehuʻi 12 mo e ʻuhinga ne nau fili ai iá. Mahalo ʻe ʻaonga ke tuku ke vahevahe ʻa e tokolahi taha ʻo e kau ako ʻe lavá ʻi he toenga ʻo e taimí. Fakaafeʻi kinautolu ke vahevahe ʻa e meʻa ʻoku akoʻi ange ʻe he potufolofola ne nau filí fekauʻaki mo e Tamai Hēvaní mo Sīsū Kalaisi.

Fakaʻosi ʻa e siví ʻaki ha fakamoʻoni ki he mālohi ʻo hono ʻiloʻi ʻo e tokāteline ʻo Sīsū Kalaisí ʻo hangē ko ia ʻoku hā ʻi Heʻene folofolá mo mateuteu ke fakaʻaongaʻi ʻEne ngaahi akonakí ʻi ha ngaahi tūkunga moʻoni ʻo e moʻuí.

ʻĪmisi
laʻipepa tufa1
ʻĪmisi
laʻipepa tufa2
ʻĪmisi
laʻipepa tufa3