Zotërimi Doktrinor: Vlerësimi 1

1 Nefi 3:7 deri te Mosia 18:8–10

Gjatë gjysmës së parë të këtij kursi, nxënësit studiuan 12 fragmentet e zotërimit doktrinor për Librin e Mormonit nga 1 Nefi deri te Mosia. Ky vlerësim është hartuar për ta vlerësuar aftësinë e nxënësve për t’i mbajtur mend referencat dhe frazat kyç të shkrimit të shenjtë për këto fragmente, si edhe aftësinë e tyre për t’i përdorur ato në situata nga jeta reale. Ai do të vlerësojë gjithashtu kuptueshmërinë e nxënësve për parimet e marrjes së njohurisë shpirtërore.

Ky vlerësim duhet të kryhet para fundit të gjysmës së parë të kursit. Për t’i ndihmuar nxënësit të përgatiten, jepni mësimin “Zotërimi Doktrinor: Përsëritje e Vlerësimit 1” ose jepuni nxënësve udhëzuesin studimor që gjendet në fund të atij mësimi. Gjithashtu, jepini mësim të gjitha fragmentet e zotërimit doktrinor nga 1 Nefi deri te Mosia para kryerjes së këtij vlerësimi. Mund të jetë e nevojshme ta rregulloni programin mësimor në mënyrë që ta realizoni këtë.

Nëse është e mundur, kryejeni këtë vlerësim me prani fizike dhe korrigjojeni atë në klasë sapo nxënësit ta përfundojnë atë ose në orën e ardhshme mësimore.

Krahas vlerësimit të njohurive të tanishme të nxënësve, përvoja e kryerjes dhe e korrigjimit të vlerësimit ka për qëllim të jetë një përvojë kuptimplotë e që krijon dëshmi për nxënësit. Ndërkohë që i korrigjoni pyetjet 7–12, ftojini nxënësit të tregojnë se përse i zgjodhën ato përgjigje dhe të shpjegojnë mënyrën se si fragmentet që zgjodhën mund t’i ndihmojnë ata në situatat e përshkruara. Ndihmojini nxënësit ta kuptojnë çdo pyetje së cilës mund t’i jenë përgjigjur në mënyrë të gabuar. Gjeni kohë për t’u përgjigjur për çdo pyetje tjetër që mund të kenë nxënësit.

Zotërimi Doktrinor për Librin e Mormonit: Vlerësimi 1

Referencat e zotërimit doktrinor

Për pyetjet 1–3, shkruaj shkronjën e referencës përkatëse në vendin bosh pranë çdo fraze. Të lutem, mos i përdor shkrimet e tua të shenjta për këtë pjesë të vlerësimit.

Frazat Kyç	Referencat nga Shkrimet e Shenjta
Frazat Kyç “At[a] që zbatojnë urdhërimet e Perëndisë … janë të bekuar në të gjitha gjërat.”	Referencat nga Shkrimet e Shenjta 1 Nefi 3:7
Frazat Kyç “Unë do të shkoj dhe do të bëj gjërat që Zoti ka urdhëruar.”	Referencat nga Shkrimet e Shenjta 2 Nefi 2:25
Frazat Kyç “Adami ra që njerëzit të mund të jenë; dhe njerëzit janë, që ata të mund të kenë gëzim.”	Referencat nga Shkrimet e Shenjta 2 Nefi 2:27
	Referencat nga Shkrimet e Shenjta Mosia 2:41
	Referencat nga Shkrimet e Shenjta Mosia 3:19

Frazat kyç të shkrimit të shenjtë

Për pyetjet 4–6, plotëso fjalët që mungojnë në frazat kyç të shkrimit të shenjtë për zotërimin doktrinor. Të lutem, mos i përdor shkrimet e tua të shenjta për këtë pjesë të vlerësimit.

4. “Kur jeni në e bashkë tuaja, ju jeni vetëm në shërbimin e tuaj” (Mosia 2:17).

5. “Zhv[ishe] njeriun dhe … bëh[u] një nëpërmjet së Krishtit Zot” (Mosia 3:19).

6. “ në emrin e Zotit, si një … që ju keni hyrë në një me të” (Mosia 18:8–10).

Zbatimi në situatat nga jeta reale

Mund t’i përdorësh shkrimet e tua të shenjta për pjesën e mbetur të vlerësimit.

Për pyetjet 7–8, përcakto një ose më shumë fragmente të zotërimit doktrinor që mund ta ndihmojnë dikë në situatat vijuese, dhe shpjego se si e vërteta ose të vërtetat në fragment/e mund të ndihmojnë. Më pas ndiqi udhëzimet për pyetjen 9.

7. Një i ri duhet të marrë një vendim të rëndësishëm që mund të ndikojë shumë në të ardhmen e tij. Ai është në ankth dhe i pasigurt se çfarë zgjedhje të bëjë.

8. Një e re jeton në një situatë që ajo e ndien se ia bën shumë të vështirë që t’i zbatojë urdhërimet e Perëndisë. Ajo dëshiron të jetë e bindur, por kjo duket shumë e vështirë në rrethanat e saj.

9. Zgjidhe cilindo prej 12 fragmenteve të zotërimit doktrinor nga 1 Nefi deri te Mosia, si dhe trego një situatë ku të vërtetat që jepen mësim në atë fragment, mund ta ndihmojnë një adoleshent në jetën e tij ose të saj.

Parimet e marrjes së njohurisë shpirtërore

Për pyetjet 10–11, demonstro njohurinë dhe aftësinë tënde për t’i përdorur parimet e marrjes së njohurisë shpirtërore.

10. Shpjegoji shkurtimisht tre parimet vijuese të marrjes së njohurisë shpirtërore me fjalët e tua.

    1. Vepro me besim.

    2. Shqyrtoji konceptet dhe pyetjet me një këndvështrim të përjetshëm.

    3. Kërko kuptueshmëri të mëtejshme nëpërmjet burimeve të caktuara në mënyrë hyjnore.

11. Një mike po bën pyetjen se përse disa gjëra që i janë mësuar në kohët e fundit në shkollë, duket se e kundërshtojnë atë që Perëndia ka dhënë mësim nëpërmjet shkrimeve të shenjta dhe profetëve bashkëkohorë. Përgjigju për pyetjet vijuese:

    1. Çfarë gjërash të veçanta mund të bëjë ajo për të vepruar me besim?

    2. Si mund ta ndihmojë atë të parit e kësaj situate me një këndvështrim të përjetshëm?

    3. Fragmentet e zotërimit doktrinor janë shembuj të burimeve të caktuara në mënyrë hyjnore. Cili/ët fragment/e i/të zotërimit doktrinor nga 1 Nefi deri te Mosia mund ta ndihmojë/në miken tënde? Në ç’mënyrë?

Ndikimi në jetën tënde

12. Cili është një fragment i zotërimit doktrinor që e studiove këtë semestër, i cili ka ndikuar te ti? Si ka ndikuar te ti? Çfarë të mëson ky fragment rreth Atit Qiellor dhe Jezu Krishtit?

Jepuni nxënësve kohë të mjaftueshme për ta përfunduar vlerësimin. Pasi nxënësit ta kenë përfunduar, rishikojeni atë si klasë. Përcaktoni nëse do të ishte më mirë për nxënësit që ta korrigjojnë vetë punën e tyre apo t’ia kalojnë atë një shoku të klasës për ta korrigjuar.

Përgjigjet e duhura

1. d. Mosia 2:41

2. a. 1 Nefi 3:7

3. b. 2 Nefi 2:25

4. shërbimin; qenieve; Perëndisë

5. e natyrshëm; shenjtor; shlyerjes

6. pagëzohuni; dëshmi; besëlidhje

7. Përgjigjet e mundshme përfshijnë vargjet te 2 Nefi 32:3 dhe 2 Nefi 32:8–9, por nxënësit mund të marrin merita për përdorimin e çdo fragmenti të zotërimit doktrinor nëse mund ta shpjegojnë se si zbatohet e vërteta në fragment.

8. Përgjigjet e mundshme përfshijnë vargjet te 1 Nefi 3:7 dhe Mosia 2:41, por nxënësit mund të marrin merita për përdorimin e çdo fragmenti të zotërimit doktrinor nëse mund ta shpjegojnë se si zbatohet e vërteta në fragment.

9. Për sa kohë që nxënësit i përgjigjen kësaj pyetjeje të hapur me sinqeritet dhe plotësisht, atyre duhet t’u njihet merita.

10. Nxënësit duhet të jenë në gjendje t’i shpjegojnë shkurtimisht parimet e marrjes së njohurisë shpirtërore. Merreni parasysh t’i ftoni ata t’i krahasojnë përgjigjet e tyre me paragrafët 5–12 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor (2023).

11. Nxënësit duhet të jenë në gjendje t’i shpjegojnë veprimet që lidhen me të vepruarit me besim dhe bekimet e shqyrtimit të koncepteve dhe pyetjeve me një këndvështrim të përjetshëm. Ata duhet të përcaktojnë gjithashtu një fragment të zotërimit doktrinor që mund ta ndihmojë dikë që mund të pyesë përse disa mësime në botë duket se bien ndesh me atë që ka dhënë mësim Zoti. Disa nga fragmentet që nxënësit mund t’i përdorin, përfshijnë Mosia 4:9 dhe 2 Nefi 28:30.

12. Për sa kohë që nxënësit i përgjigjen kësaj pyetjeje të hapur me sinqeritet dhe plotësisht, atyre duhet t’u njihet merita. Ftojini ata ta diskutojnë fragmentin e zotërimit doktrinor që zgjodhën, dhe përse e zgjodhën atë. Merreni parasysh të lejoni sa më shumë nxënës të jetë e mundur që të flasin në kohën që është në dispozicion. Ftojini ata të tregojnë atë që fragmenti që zgjodhën, u mëson atyre rreth Atit Qiellor dhe Jezu Krishtit.

Përfundojeni vlerësimin duke dhënë dëshminë tuaj për fuqinë e kuptueshmërisë së doktrinës së Jezu Krishtit siç gjendet në shkrimet e Tij të shenjta dhe dijeninë se si t’i zbatoni mësimet e Tij në situata nga jeta reale.

fletushka1

fletushka2

fletushka3