Seminare
Mamona 7–9: Vaaiga Aoao

“Helamana 7–9: Vaaiga Aoao,” Tusi Lesona a le Faiaoga o le Tusi a Mamona (2024)

“Mamona 7–9,” Tusi Lesona a le Faiaoga o le Tusi a Mamona

Mamona 7–9

Vaaiga Aoao

Na faaiuina e Mamona ana tusitusiga e ala i le aoao atu o Iesu Keriso ma le fiafia e faavavau o loo faatalitali mai mo i latou o e mulimuli ia te Ia. Ina ua mavae lona maliu, sa maua e lona atalii o Moronae papatusi ma faia mea uma na te mafaia e puipuia ai i latou. Na iu lava ina ia tanumiaina i latou i le eleele, ma le faatuatua sa “natia i le Alii” (itulau autu o le Tusi a Mamona), ina ia aumaia i se aso “e ala i le aao o le Alii” (Mamona 8:26). Na faaali e le Alii ia Moronae o tatou aso, ma sa faamatalaina e Moronae ia agasala ma uiga o le a taatele i aso e gata ai. Sa Ia valaaulia i tatou ia “liliu … i le Alii” (Mamona 9:6) ma tuuina mai isi fautuaga e fesoasoani ia i tatou e mulimuli ia Iesu Keriso.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Mamona 7

Faamoemoega o le lesona: O lenei lesona e mafai ona fesoasoani i tagata aoga e mulimuli ia Iesu Keriso ma saunia ai e mau faatasi ma le Atua i le fiafia e faavavau.

  • Sauniuniga a le tagata aoga: E mafai ona e valaaulia tagata aoga e o mai saunia i le vasega e faasoa mai mea e maua ai e i latou le fiafia. E mafai foi e tagata aoga ona talanoa i se tagata o le aiga e uiga i le mea e maua ai e lena tagata le fiafia.

  • Anotusi e faaali atu: O le suega puupuu e uiga ia Mamona; o le iloiloga a le tagata lava ia i le faaiuga o le lesona

  • Fautuaga faafaiaoga faavitio: Mafaufau e faaali atu le faamatalaga le uma “E mafai ona ou mau faatasi ma le Atua i le fiafia e faavavau a o ou …” ma valaaulia tagata aoga e faauma le faamatalaga i le vaega o talanoaga e faaaoga ai mea latou te maua i le Mamona 7:8–10.

Mamona 8:1–26

Faamoemoega o le lesona: O lenei lesona e mafai ona fesoasoani i tagata aoga ia lagonaina le taua o le Tusi a Mamona i o latou olaga.

  • Sauniuniga a le tagata aoga: Valaaulia tagata aoga e mafaufau loloto pe faapefea e a latou taumafaiga talu ai nei e suesue le Tusi a Mamona ona tau mai ai le ala latou te faatauaina ai le Tusi a Mamona.

  • Anomea: O se faafanua o oloa; faatonuga mo nofoaga e fesoasoani ai i tagata aoga ia malamalama i le taua o le Tusi a Mamona

  • Fautuaga faafaiaoga faavitio: A suesue tagata aoga ia iloa le taua o le Tusi a Mamona, valaaulia i latou e faasoa mai mea ua latou aoaoina. Mafaufau e faaaoga le vaega o talanoaga e mafai ai e i latou ona lisi a latou mau e fiafia i ai po o fuaiupu, aoaoga, po o tala e taua tele ia i latou. Ona fai atu lea i ni nai tagata aoga e faamatala mai a latou filifiliga.

Mamona 8:27–41; 9:1–6, 27–37

Faamoemoega o le lesona: O lenei lesona e mafai ona fesoasoani i tagata aoga ia malamalama o le Tusi a Mamona na tusia e fesoasoani ia i tatou, i aso e gata ai, ia liliu atu i le Alii.

  • Sauniuniga a le tagata aoga: Mafaufau e valaaulia tagata aoga e o mai saunia i le vasega e faasoa mai se mau mai le Tusi a Mamona e mafai ona fesoasoani ia i tatou e liliu atu ai ia Iesu Keriso.

  • Anomea: O se pusa po o se isi mea faitino e fai ma sui o se pusa faailo taimi

  • Fautuaga faafaiaoga faavitio: Mafaufau e vaevae tagata aoga i ni potu vaevae e faasoa mai ai fuaitau mai le Tusi a Mamona o loo aoao mai ai i tatou e uiga ia Iesu Keriso ma fesoasoani tatou te talitonu ai ia te Ia.

Mamona 9:7–27

Faamoemoega o le lesona: O lenei lesona e mafai ona fesoasoani i tagata aoga ia malamalama i le ala e mafai ai e le faatuatua i le Atua ona faatagaina o Ia e faia vavega i o latou olaga.

  • Sauniuniga a le tagata aoga: Valaaulia tagata aoga e faitau pe faalogologo i le saunoaga a Elder Ronald A. Rasband “Faauta! O Au o se Atua o Vavega” ma mafaufau e uiga i mea latou te aoaoina po o a ni a latou fesili e uiga i vavega. O loo maua lenei saunoaga i le ChurchofJesusChrist.org.

  • Anomea mo tagata aoga: Pepa, peni tusitusi, ata, kelu, ma seleulu mo tagata aoga e fatu ai ni tamaitusi

  • Vitio: “Faapaia outou lava” (4:37); “E Ala i le Mamanu Faalelagi” (14:51; matamata mai le faailo taimi 7:16 i le 8:19)

  • Fautuaga faafaiaoga faavitio: Pe a talanoaina vavega o le taimi ua tuanai, mafaufau e faaali atu se vitio e uiga ia Iesu Keriso o loo faatinoina vavega. Pe a talanoaina vavega e tutupu i le asō, e mafai ona e faaali atu se tasi o vitio o loo fautuaina atu i le lesona.

Iloiloga 23 o le Atamai i Aoaoga Faavae

Faamoemoega o le lesona: O lenei lesona e faamoemoe e fesoasoani i tagata aoga e tauloto ni nai mau faasino ma fasifuaitau autu o mau mai fuaitau o le atamai i aoaoga faavae i le afa lona lua o le Tusi a Mamona.

  • Sauniuniga a le tagata aoga: Valaaulia tagata aoga e filifili se fuaitau autu o le mau o le atamai i aoaoga faavae ma le mau e tauloto ma o mai saunia i le vasega e faasoa mai.

  • Ata: Se ata o le asiasiga a Moronae ia Iosefa Samita

  • Fautuaga faafaiaoga faavitio: Faailoa atu i tagata aoga o le a fesiligia i latou e faasoa mai ni mau latou te mananao e tauloto. E mafai ona e tuu atu ia i latou se taimi e fefaasoaai ai le tasi ma le isi i mea o loo latou faia e tauloto ai, pe e mafai foi ona e filifilia se auala se tasi o le taulotoina mo tagata aoga uma e faaaoga.