“Iloiloga 21 o le Atamai i Aoaoga Faavae: Malamalama ma Faamatala,” Tusi Lesona a le Faiaoga o le Tusi a Mamona (2024)
“Iloiloga 21 o le Atamai i Aoaoga Faavae,” Tusi Lesona a le Faiaoga o le Tusi a Mamona
Iloiloga 21 o le Atamai i Aoaoga Faavae
Malamalama ma Faamatala
O se tasi o faamoemoega o le atamai i aoaoga faavae o le fesoasoani lea ia te oe ia malamalama i upumoni o le talalelei a le Faaola ma mafai ai ona faamatala i au lava upu. O lenei lesona o le a tuuina atu ai ia te oe se avanoa e faalautele ai lou malamalama ma faamatala atu upumoni e uiga i se tasi pe sili atu o fuaitau o le atamai i aoaoga faavae mai le Tusi a Mamona.
Sauniuniga a le tagata aoga: Valaaulia tagata aoga e o mai saunia e faasoa mai se lisi o mea latou te faia ia malamalama atili ai i tusitusiga paia i a latou suesuega.
Gaoioiga e Mafai Ona Aoao Ai
Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu po o le taitai faamaopoopo o le eria po o le risone ina ia mautinoa o lesona o fuaitau o le atamai i aoaoga faavae taitasi o le a aoaoina a o faagasolo ia vasega seminare.
Malamalama i tusitusiga paia
E fai ma sui o le gaoioiga o loo i lalo, mafaufau e faailoa vaega o le malamalama tele po o taleni o loo i ai i au tagata aoga. Fai atu ia i latou e faamatala mai mea na latou faia e faaleleia ai na tomai. Fesili e uiga i mea e mafai ona latou faia e faaauau ai ona alualu i luma i na vaega.
Vaavaai i ata nei:
-
O le a se mea e manaomia mo se tagata taalo soka talavou e atiae ai i se tulaga faapolofesa?
-
E mafai faapefea ona fesootai lenei faagasologa i lo tatou tomai e malamalama ai i tusitusiga paia?
Na aoao mai Elder D. Todd Christoffferson o le Korama a Aposetolo e Toasefululua:
Ina ia tusia le talalelei i lou loto, e tatau ona e iloa po o le a le talalelei ma ia e malamalama atoatoa i ai. O lona uiga, o le a e suesue i ai. O lo’u fai atu e “suesue,” o lona uiga, e sili atu nai lo le na ona faitau. (D. Todd Christofferson, “Pe a Liua Mai Oe,” Ensign po o le Liahona, Me 2004, 11)
-
O faapefea le tuputupu ae o lou malamalama o le talalelei i le aluga o lou olaga? Na faapefea ona fesoasoani le suesueina o tusitusiga paia i lena mea?
Fesoasoani i tagata aoga ia iloa o se mea masani le le malamalama i mea uma o loo i tusitusiga paia i le amataga. E mafai ona e faasino atu i latou i le fuaitau o le atamai i aoaoga faavae 2 Nifae 28:30 o se vaega o lenei talanoaga. E mafai ona avea lenei mea o se nofoaga lelei e tulitatao ai le gaoioiga sauniuni.
-
O a nisi o metotia mo suesuega ua e faaaogaina e faalolotoina ai lou malamalama i se fuaitau o se mau po o se autu o le talalelei?
Ina ia vaai i faataitaiga o metotia mo suesuega, mafaufau e matamata i le “Fautuaga mo le Suesueina o Tusitusiga Paia” (2:06) mai ia Elder David A. Bednar o le Korama Aposetolo e Toasefululua.
E ui atonu e te masani i nisi o fuaitau o le atamai i aoaoga faavae ma le aoaoga faavae latou te aoao atu, ae e finagalo le Faaola ia faaauau pea ona tuputupu ae lou malamalama. E manaomia ai e lenei mea le taumafaiga e faatino lau vaega. I lenei lesona, o le a e maua ai le avanoa e faataitai ai tomai mo le suesueina o mau lea e mafai ona fesoasoani e faateleina ai lou malamalama i fuaitau eseese o le atamai i aoaoga faavae.
Tomai o le suesuega o tusitusiga paia
Toe faamanatu vave fuaitau taitasi o le atamai i aoaoga faavae ma fasifuaitau autu o mau nei.
Mafaufau e faaitiitia le siata lenei i ni nai fuaitau e te lagona e sili ona manaomia ona suesue e tagata aoga. E mafai e tagata aoga ona toefaamanatu taitoatasi nei fuaitau, pe i ni paga, pe faatasi ai ma le vasega atoa.
Atamai i Aoaoga Faavae o le Tusi a Mamona: Alema–Moronae
Tusi Lesona a le Faiaoga o le Tusi a Mamona (2024)
|
Mau Faasino |
Fasifuaitau Autu o le Mau |
|---|---|
Mau Faasino | Fasifuaitau Autu o le Mau “Ma o le a afio atu o ia, ma mafatia i tigā ma puapuaga ma faaosoosoga o ituaiga eseese uma.” |
Mau Faasino | Fasifuaitau Autu o le Mau “E tatau ona i ai o se togiola, … o se taulaga e ao ina leai sona gataaga ma e faavavau.” |
Mau Faasino | Fasifuaitau Autu o le Mau “Aua e te toe saili atu i tuinanau o ou mata.” |
Mau Faasino | Fasifuaitau Autu o le Mau “E le’i avea lava le amioleaga ma fiafia.” |
Mau Faasino | Fasifuaitau Autu o le Mau “O luga lava o le papa o lo tatou Togiola … e ao ina oulua atinaa’e ai lo oulua faavae.” |
Mau Faasino | Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.” |
Mau Faasino | Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.” |
Mau Faasino | Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.” |
Mau Faasino | Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.” |
Mau Faasino | Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.” |
Mau Faasino | Fasifuaitau Autu o le Mau “O le alofa mama o le alofa le pona lea o Keriso.” |
Mau Faasino | Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.” |
© 2023 by Intellectual Reserve, Inc. Ua taofia aia tatau uma.
Mafaufau e vaevae le vasega i ni vaega laiti e faatino ai le gaoioiga lenei. Afai o le a manuia tagata aoga mai se faataitaiga, mafaufau e faataitai se tasi pe sili atu o tomai suesue nei i se fuaitau o le atamai i aoaoga faavae. E mafai foi ona e suia se tasi o tomai o loo lisi atu i lalo i se isi au filifiliga.
Filifili se tasi o fuaitau o le atamai i aoaoga faavae i le siata lenei e te manao e te malamalama atili i ai. Ona faaaoga lea o se tasi pe sili atu o tomai nei mo le suesueina o tusitusiga paia e fesoasoani ia faateleina ai lou malamalama i lena fuaitau. Saunia e faamalamalama atu lau mau na filifili i isi.
Gaoioiga A: Mau Fefaasinoai
Faaaoga vaefaamatalaga o mau, le Taiala i Tusitusiga Paia, le Topical Guide, po o isi punaoa e sue ai ni mau faaopoopo e mafai ona faateleina ai lou malamalama i se fuaitau. Mafaufau e tusi le mau faasino i au tusitusiga paia i talaane o le fuaitau o le atamai i aoaoga faavae po o le faafesootai i lau polokalama o le Gospel Library. Tusi i lau api faamaumau mo suesuega po o le polokalama o le Gospel Library ia mau faasino na e filifilia ma se malamalamaaga na e maua e uiga i le fuaitau o le atamai i aoaoga faavae mai le suesue i lenei auala.
Gaoioiga E: Faamatala upu ma fasifuaitau
Saili upu i le fuaitau o le atamai i aoaoga faavae e te manao ia malamalama atili i ai. Saili mo faauigaga o na upu po o fasifuaitau i punaoa o loo maua, e pei o le Taiala i Tusitusiga Paia, le Bible Dictionary, po o se lomifefiloi lautele. Tusi i lau api talaaga mo suesuega, se pito o se itulau o tusitusiga paia, pe i le polokalama o le Potutusi o le Talalelei ia faauigaga ua e mauaina, faatasi ai ma soo se malamalamaga fou e uiga i le fuaitau o aoaoga faavae.
Gaoioiga I: O le malamalama i talaaga ma anotusi
Ina ia malamalama i le talaaga ma le anotusi o se fuaitau, e mafai ona e faitauina le ulutala o le mataupu ma fuaiupu lagolago o le fuaitau o loo e suesueina. Saili ia malamalama po o ai o loo tautala ma pe aisea. Vaavaai mo ni faaataataga ia malamalama ai i le tulaga po o le talaaga i fuaiupu ma le savali autu o loo taumafai le tusitala e faailoa mai. Tusifaamaumau mea ua e malamalama atili i ai e uiga i le fuaitau ona o mea sa e mafaufau loloto i ai.
Afai e lava le taimi, taumafai e faaaoga se isi tomai i se tasi o isi fuaitau.
A uma se taimi, valaaulia tagata aoga e faamatala i tagata aoga o se isi vaega la latou tomai i le suesueina o tusitusiga paia ma mea ua latou malamalama nei i ai e uiga i a latou fuaitau o le atamai i aoaoga faavae ona o lena mea. Mafaufau e valaaulia ni nai tagata aoga e faamatala mai a latou fuaitau i le vasega.
Faamanatu i tagata aoga o le a fesoasoani le Alii ia i latou ia malamalama i tusitusiga paia e ala i le Agaga Paia. Mafaufau e tuuina atu le molimau i le taua o le sailia o le fesoasoani a le Alii a o latou suesue.