Alema 13–16

Vaaiga Aoao

Sa faamalamalama mai e Alema e faapea na faauuina e le Alii ia faitaulaga sili e aoao atu poloaiga ma faia sauniga ina ia mafai ai e tagata ona ulu atu i le malologa o le Alii. A o la aoao atu ma Amoleka le talalelei a Iesu Keriso i le aai o Amonaea, sa faatigaina e tagata amioleaga e na talitonu ma fasiotia i latou i le afi. Ona faafalepuipuiina ai lea o Alema ma Amoleka ma matuai sauaina lava. Ina ua uma ona laveaiina faavavega mai le falepuipui, sa la o atu i Saitoma, lea na laua maua ai Seseroma ua ma’i i se fiva vevelatu ona e afua i lona tausalaina. Sa faamalolo ma papatisoina e Alema ia Seseroma.

Saunia e Aoao Atu

O nei faamatalaga e tuuina atu ai i faiaoga ni manatu o mea atonu e manaomia ona muai saunia mo lesona taitasi.

Alema 13

Faamoemoega o le lesona: O lenei lesona e mafai ona fesoasoani i tagata aoga ia malamalama i le uiga o le ulu atu i le malologa o le Alii ma le ala e mafai ona latou faia ai.

Sauniuniga a le tagata aoga: Mafaufau e valaaulia tagata aoga e mafaufau pe na faapefea ona faamanuiaina i latou e ala i se taitai o le Ekalesia po o le auai ai i se sauniga o le talalelei.
Fautuaga faafaiaoga faavitio: Mafaufau e vaevae tagata aoga i ni vaega e suesue ai se tasi o fuaitau e lua o le aoaoga faavae ma le mataupu faavae i le lesona ma saunia e faasoa mai i le vasega mea latou te mauaina. E mafai ona tuu tagata aoga i ni potu vaevae e suesue faatasi ai, pe mafai foi ona latou suesue taitoatasi.

Alema 14

Faamoemoega o le lesona: O le faamoemoega o lenei lesona o le fesoasoani lea i tagata aoga ia faalagolago i le Alii pe a feagai ma faigata, mafatiaga, ma le faaituau.

Sauniuniga a le tagata aoga: Valaaulia tagata aoga e manatunatu i soo se tofotofoga na latou onosaia. Uunaia i latou e mafaufau pe na faapefea e lo latou faatuatuaina o le Faaola ona fesoasoani ia i latou pe e mafai foi ona fesoasoani ia i latou e onosaia o latou tofotofoga.
Vitio: “Ua Talitonu Seseroma, ma ua Sauaina e Amiotonu” (3:51); “Ua Laveaiina Faavavega Alema ma Amoleka mai le Falepuipui” (2:45)

Alema 15

Faamoemoega o le lesona: O lenei lesona e mafai ona fesoasoani i tagata aoga ia maua le mana faamalolo o loo avanoa e ala mai ia Iesu Keriso.

Sauniuniga a le tagata aoga: Valaaulia tagata aoga e faitau le manatu mo le suesuega i lalo o le Alema 15:1–12 i le otootoga o suesuega “24–30 Iuni. Alema 13–16: ‘Ulu atu i le Malologa o le Alii’” i le Sau, Mulimuli Mai ia te Au—Mo Tagata Taitoatasi ma Aiga: Tusi a Mamona 2024.
Vitio: “Ua Faamaloloina ma Papatisoina Seseroma” (2:42)
Pepa e tufa atu: “Ma’i Faaleagaga”
Fautuaga faafaiaoga faavitio: Mafaufau e faaaoga le pepa e tufa atu o le “Ma’i Faaleagaga” ina ia mafai ai e tagata aoga ona tusi mea na latou maua ma tali i ai.

Iloilo Lou Aoaoina 5

Faamoemoega o le lesona: O lenei lesona ua faamoemoe e fesoasoani ia te oe e iloilo ai sini ua e faatuina, ma le tuputupu ae patino na e oo i ai i le taimi o au suesuega o le Tusi a Mamona.

Sauniuniga a le tagata aoga: E mafai ona valaaulia tagata aoga e sue se mau i le Mosaea 18–Alema 16 e uiga i le Togiola a Iesu Keriso lea e taua ia i latou.
Anotusi e faaali atu: O se ata o se mauga po o se tasi o loo savali sopo i se mauga; o se ata o se tagata i le ogatotonu o se ala, na tusia i luga o le laupapa a o lei amataina le vasega
Fautuaga faafaiaoga faavitio: Mafaufau e faaaoga le vaega o le laupapa paepae ina ia mafai ai e tagata aoga ona faasoa mai mea na latou aoaoina pe lagonaina i le taimi o a latou suesuega o le afa muamua o le Tusi a Mamona. Afai e te filifili e faaaoga le gaoioiga lea e fesoasoani ai i tagata aoga e faamalamalama ai le Togiola a Iesu Keriso, mafaufau e tuu tagata aoga i ni potu vaevae laiti.

Atamai i Aoaoga Faavae Iloiloga 12

Faamoemoega o le lesona: O lenei lesona o le a fesoasoani i tagata aoga e toeiloilo ma faataitai le malamalama ai ma le faaaogaina o fuaitau o le atamai i aoaoga faavae sa latou suesueina.

Sauniuniga a le tagata aoga: Mafaufau e valaaulia tagata aoga e filifili ni fuaitau se lua o le atamai i aoaoga faavae i le va o le 1 Nifae ma le Mosaea ma mafaufau loloto i mea e mafai ona latou faia e malamalama ai ma faaaoga.
Pepa e tufatufa atu: “Fuaitau ma Fasifuaitau Autu Muamua e 12 o le Atamai i Aoaoga Faavae”
Fautuaga faafaiaoga faavitio: I le amataga o le lesona, a o faasoa mai e tagata aoga a latou fautuaga e uiga i le auala e malamalama ai i tusitusiga paia, ia tuufaatasi se lisi o lenei fautuaga i se mea e mafai ona vaai i ai tagata aoga. E mafai ona faia lenei mea e faaaoga ai le laupapa paepae po o le vaega o talanoaga. Ia faaaofia ai so o se manatu e te lagona e aoga. Atonu e manuia tagata aoga mai le vaai atu i nei manatu a o latou taumafai e malamalama i fuaitau o le atamai i aoaoga faavae na latou filifilia.