Faatomuaga o Anomea

Mauaina o le Malamalama Faaleagaga, Vaega 1

Faatino i le Faatuatua

O tamaitai talavou o loo faitau ma suesue

O se tasi o faamoemoega o le atamai i aoaoga faavae o le aoao lea e faaaoga mataupu faavae o le mauaina o le malamalama faaleagaga e fesoasoani e atiae ai lou faavae ia Iesu Keriso. O lenei lesona e mafai ona fesoasoani ia te oe e faatino ai le faatuatua ia Iesu Keriso a o e sailia tali i fesili ma atugaluga i lou olaga.

O le aoaoina o tamaiti aoga i mataupu faavae o le mauaina o le malamalama faaleagaga. A iloa ma faaaoga e tamaiti aoga ia mataupu faavae o le mauaina o le malamalama faaleagaga, e mafai ona sili atu lo latou ausia o faamoemoega o le atamai i aoaoga faavae. Ia mautinoa e toe faamanatu e le aunoa nei mataupu faavae i le vasega ma fesoasoani i tamaiti aoga ia malamalama i ai. O le a maua e tamaiti aoga ni avanoa e faaaoga ai nei mataupu faavae i lesona o le atamai i aoaoga faavae.

aikona, faatonuga o le aoaoina

Sauniuniga a le tamaitiiti aoga: Valaaulia tamaiti aoga e fai atu i se tagata o le aiga po o se taitai o le Ekalesia o lē faaalia le faatuatua tele ia Iesu Keriso po o le a se mea latou te faia e tumau malosi ai pe a feagai ma fesili po o atugaluga e uiga i le talalelei.

Gaoioiga e Ono Mafai Ona Aoao Ai

aikona, faatonuga o le aoaoina

Manatua: Atonu e sili atu ona lelei le aoao atu o lenei lesona i le amataga o le tausaga aoga po o soo se taimi lava e muai faailoa atu ai i tamaiti aoga mataupu faavae o le mauaina o le malamalama faaleagaga.

O lelei pe leaga ia fesili?

Mafaufau po o fea o tali nei e faatatau i le fesili lenei:

• O le fea o nei mafuaaga e ono i ai ni fesili a se tasi e uiga i le talalelei po o le Ekalesia a Iesu Keriso?

  aikona, faatonuga o le aoaoina

  Mafaufau e faitau atu filifiliga nei i tamaiti aoga. Taofi pe a uma filifiliga taitasi ina ia fesili atu i nisi o tamaiti aoga pe aisea latou te talitonu ai atonu e sao pe le sao foi. Fesoasoani i tamaiti aoga ia malamalama o soo se tasi o nei filifiliga e mafai ona sao pe le sao e faalagolago i manaoga ma filifiliga a le tagata.

  1. E lei i ai lava sa latou molimau o le talalelei.

  2. E lava lo latou popole e uiga i le talalelei e mafua ai ona mananao ia malamalama atili.

  3. Latou te masalosalo i le faatuatua sa ia i latou muamua.

  4. Atonu e musuia i latou e le Atua e mafaufau e uiga i se mea e finagalo o Ia e aoao atu ia i latou.

     O le tali e faalagolago i uiga ma mafuaaga a tagata taitoatasi mo le faia o fesili. Faitau le palakalafa 3 o le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022), ma vaavaai pe mafai faapefea e lo tatou taulimaina o fesili o le talalelei ona faamalosia pe faavaivaia lo tatou faatuatua ia Iesu Keriso.

• O le a se mea o tulaga ese ia te oe i lenei parakalafa? Aisea?

aikona, faatonuga o le aoaoina

Mafaufau e valaaulia tamaiti aoga e manatunatu pe na faapefea e fesili po o atugaluga ona aafia ai lo latou lava alualu i luma faaleagaga. E ono mafai ona fesoasoani i ai le parakalafa lenei.

E tofu tagata uma ma fesili ma atugaluga. E tatau ona tatou faaeteete ia aua nei faamasinoina le faatuatua o isi pe a i ai ni a latou fesili, ma e le tatau ona tatou masalosalo i lo tatou lava faatuatua pe a i ai ni a tatou fesili. O lo tatou faatuatua ia Iesu Keriso ma la tatou molimau i le talalelei toefuataiina e mafai ona faamalosia pe faavaivaia e faalagolago i le auala tatou te taulimaina ai a tatou fesili ma atugaluga. A o e suesue i le asō, mafaufau e uiga i le matafaioi a au fesili i lou alualu i luma faaleagaga. O a ni au fesili o i ai e uiga i le talalelei po o le Ekalesia a Iesu Keriso? O e lagonaina e faapea o au fesili o loo faalatalata atili atu ai oe i le Faaola ma Lana Ekalesia?

Mauaina o le malamalama faaleagaga

I le faagasologa atoa o lou aafiaga atoa i le seminare, o le a e maua ai le avanoa e faataitai ai ona faaaoga mataupu faavae o le mauaina o le malamalama faaleagaga. O mataupu faavae nei e tolu e mafai ona fesoasoani ia te oe e faalatalata atili atu ai ia Iesu Keriso pe a tulai mai ni fesili po o ni atugaluga i lou olaga:

1. Faatino i le faatuatua.

2. Iloilo manatu faavae ma fesili faatasi ai ma se vaaiga e faavavau.

3. Saili le malamalama atili e ala mai punaoa paia ua filifilia.

aikona, faatonuga o le aoaoina

Afai o i ai ni tamaiti aoga i le vasega na aveina le seminare i le taimi ua tuanai, mafaufau e fesili atu ia i latou po o a mea ua uma ona latou iloa e uiga i nei mataupu faavae e tolu. O lenei mea e mafai ona tuu atu ai i le vasega se vaaiga aoao puupuu o mataupu faavae ma e mafai ona iloa ai le maualuga o le malamalama o tamaiti aoga i le taimi nei.

O le vaega o totoe o lenei lesona o le a taulai atu i le mataupu faavae o le faatinoina i le faatuatua ia Iesu Keriso.

Faitau palakalafa 5–7 o le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae, ma vaavaai mo ni nai auala e mafai ona e faaumaina ai le fuaiupu lenei.

aikona, faatonuga o le aoaoina

Mafaufau e tusi le fuaiupu lē uma lenei i luga o le laupapa.

Pe a tulai mai ni fesili po o ni atugaluga, e mafai ona tatou faatino i le faatuatua ia Iesu Keriso e ala i le… .

aikona, faatonuga o le aoaoina

Valaaulia ni nai tamaiti aoga e o mai i luga o le laupapa ma faauma le fuaiupu. Mafaufau e fai fesili tulitatao e fesoasoani ai i tamaiti aoga e faapatino mea na latou maua. Mo se faataitaiga:

Afai e tusia e se tamaitiiti aoga le, “Faaauau pea ona tausi poloaiga” (tagai parakalafa 5), o se fesili tulitatao atonu o le “O le a sou manatu e mafai faapefea e le tausia o poloaiga ona fesoasoani e te latalata ai ia Iesu Keriso a o e feagai ma faafitauli faigata? E i ai se tasi o outou e fia faasoa mai se aafiaga na e maua i lena mea?”

Afai e tusia e se tamaitiiti aoga le, “Pipiimau pea i mea ua uma ona tatou iloa e moni” (tagai parakalafa 6), o se fesili tulitatao atonu o le “Faaalu se minute e mafaufau loloto ai i mea ua e iloa e moni lea e mafai ona e pipiimau i ai pe a tulai mai ni fesili. E faapefea ona e iloa e moni na mea?”

Afai e tusia e se tamaitiiti aoga le, “Faalagolago i le Atua seia oo mai le tali” (tagai parakalafa 7), o se fesili tulitatao atonu o le “O le a se mea ua e iloa e uiga i le Atua e fesoasoani e te faatuatuaina ai o Ia a o e faatalitali mo ni tali? Aisea e ono filifili ai le Atua i nisi taimi e aua nei tuuina mai ia i tatou ni tali atoatoa i le taimi lava lena?”

• O fea o auala na e filifilia e te manatu e sili ona faatatau i le autalavou i aso nei po o lou olaga foi? Aisea?

• E mafai faapefea e le filifili e faatino i le faatuatua i lenei auala ona aafia ai le sootaga a se tasi ma le Faaola?

• O ai e te iloa na faatinoina le faatuatua a o feagai ai ma fesili po o atugaluga? O le a le mea na ia faia?

aikona, faatonuga o le aoaoina

Mafaufau e faaali i tamaiti aoga le vitio “Act in Faith: The Stonemason” (4:57), o loo maua i le ChurchofJesusChrist.org Afai o faaalia le vitio, valaaulia tamaiti aoga e faailoa ma faasoa mai i luga o le laupapa le auala o faaalia ai e le autalavou i le vitio ia upumoni. I le fuafuaina pe faaali le vitio, ia mautinoa e faasao se taimi mo le gaoioiga o le sailiga o mau o loo mulimuli mai.

Afai o faaalia le vitio, mafaufau e valaaulia tamaiti aoga e faailoa ma faasoa mai le auala o faaalia ai e le autalavou i le vitio ia upumoni o loo i luga o le laupapa.

Mafaufau e matamata le vitio “Act in Faith: The Stonemason”“ (4:57), o loo maua i le ChurchofJesusChrist.org. Vaavaai pe na faapefea e le autalavou i le vitio ona faatino i le faatuatua i le Faaola ina ua latou feagai ma fesili ma atugaluga taua.

Faataitaiga mai tusitusiga paia

aikona, faatonuga o le aoaoina

Mafaufau e tuufaatasi le fautuaga o le “Gaoioiga Faaopoopo e Aoao ai” ma le gaoioiga lenei e fesoasoani ai i tamaiti aoga ia iloa pe faapefea e amioga ma filifiliga ona taitai atu ai i le faateleina po o le faaitiitia o le faatuatua ia Iesu Keriso.

O loo i ai i tusitusiga paia le tele o tala o i latou sa feagai ma fesili faigata po o atugaluga i le faatuatua ia Iesu Keriso. O se tasi o i latou nei o le perofeta o Nifae. Faitau faataitaiga nei mai le olaga o Nifae, ma vaavaai pe na faapefea ona ia faatino i le faatuatua ia Iesu Keriso ao feagai ma fesili ma isi faafitauli.

• 1 Nifae 2:16—O nisi o e pele ia te ia sa feitai i le mea na fai atu ai lona tamā, le perofeta o Liae, ia i latou e fai.

• 1 Nifae 3:7—Sa talosagaina o ia e faia se mea faigata.

• 1 Nifae 9:5–6—Na poloaiina o ia e le Alii e fai se mea mo mafuaaga na te lei malamalama i ai.

• 1 Nifae 10:17; 11:1–5—Sa manao o ia i sana lava molimau i mea na aoao mai e lona tamā, le perofeta.

• 1 Nifae 11:17—Na te lei iloaina atoa le tali i se fesili na fesiligia ai o ia e uiga i le talalelei.

• O a elemene o le faatinoina i le faatuatua na sili ona faataitaia e Nifae?

aikona, faatonuga o le aoaoina

Mafaufau e valaaulia tamaiti aoga e faasoa mai mea nei i ni vaega toalaiti ina ia toatele atu tamaiti aoga o le a maua le avanoa e faasoa mai ai.

Faamatala se fesili po o se popolega faaonapo nei e mafai ona aafia ai le faatuatua o se tasi ia Iesu Keriso po o Lana Ekalesia. E faapefea e se tasi ona faatino i le faatuatua pe a feagai ma lena fesili po o le faafitauli?

• E ono mafai faapefea e le filifili e faatino i le faatuatua pe lē faatinoina i le faatuatua ona aafia ai lana sootaga ma le Faaola?

• O le a se mea e sili ona e manao e faaaoga i lou olaga mai mea sa e suesueina i le asō? E faapefea ona fesoasoani lenei mea ia te oe i lou olaga?

Manatu ma Talaaga o Faamatalaga

E afaina le i ai o ni fesili e uiga i le talalelei?

Sa aoao mai Peresitene Dieter F. Uchtdorf, o le sa avea ma uso o le Au Peresitene Sili:

Peresitene Dieter F. Uchtdorf

O se mea masani le i ai o fesili—o sina fatu itiiti o le fesili faamaoni ua tele lava ina tupu ae ma ola ma avea ma se laau mafalā o le malamalama. O loo i ai ni nai tagata o le Ekalesia o e, po o le a lava le taimi mai lea taimi, e lei tauivi lava ma ni fesili matuia pe maaleale. O se tasi o faamoemoega o le Ekalesia o le fafaga ma faafailele le fatu o le faatuatua—e oo lava i nisi o taimi i eleele matutu o le masalosalo ma le le mautonu. O le faatuatua o le faamoemoe lea mo mea e le vaaia ae ua moni.

O le mea lea, ou uso e ma tuafafine pele—au uo pele—faamolemole, ia muai ona e masalosalo i ou masalosaloga ae e te lei masalomia lou faatuatua. Ia le tatau lava ona tatou faatagaina le masalosalo e faapagotaina i tatou ma taofia ai i tatou mai le alofa paia, filemu, ma meaalofa ia e oo mai e ala i le faatuatua i le Alii o Iesu Keriso. (Dieter F. Uchtdorf, “Sau, Auai Faatasi ma i Matou,” Ensign po o le Liahona, Nov. 2013, 23)

Na faamatala mai e Peresitene Russell M. Nelson:

Peresitene Russell M. Nelson

Ua na o se mafaufau magafagafa e mafai ona aoao e le Alii. (Russell M. Nelson, i le M. Russell Ballard, “What Came from Kirtland” [Brigham Young University devotional, Nov. 6, 1994], 8, speeches.byu.edu)

O le a se mea e tatau ona ou faia pe afai o o’u tauivi ai ma ni masalosaloga e uiga i le Atua po o le Ekalesia?

Na saunoa mai Peresitene Russell M. Nelson:

Peresitene Russell M. Nelson

Filifili e talitonu ia Iesu Keriso. Afai e i ai ni ou masalosaloga i le Atua le Tama ma Lona Alo Pele, po o le moni o le Toefuata’iga po o le moni o le valaauga paia o Iosefa Samita o se perofeta, filifili e talitonu ma tumau i le faatuatua. Avatu au fesili i le Alii ma isi punaoa faatuatuaina. Su’esu’e faatasi ai ma se manao ia talitonu nai lo le faamoemoe e mafai ona e maua se aleu i le soifuaga o se perofeta po o se mea o faaletonu i tusitusiga paia. Taofi le faateleina o ou masalosaloga e ala i le talanoaina ma isi tagata masalosalo. Faataga le Alii e taitai oe i lau faigamalaga o le sailiiliga faaleagaga. (Russell M. Nelson, “Ua Toetu Keriso; O Le Faatuatua ia te Ia O Le A Aveesea ai Mauga,” Liahona, Me 2021, 103.)

Na saunoa Elder Ronald A. Rasband o le Korama a Aposetolo e Toasefululua:

Elder Ronald A. Rasband

Ou te fautuaina outou i le taimi lenei, ia manatua aemaise lava i taimi o faigata, le taimi na e lagona ai le Agaga ma le malosi o lau molimau; manatua ia faavae faaleagaga na e fausia. Ou te folafola atu a outou faia lenei mea, ma aloese mai mea e le fausia ma faamalosia ai lau molimau po o mea e ulagia ai ou talitonuga, o le a e toe manatua i lou mafaufau na taimi taua na tuputupu ae ai lau molimau e ala i le tatalo lotomaualalo ma le anapogi. Ou te faamautinoa atu ia te oe o le a e toe lagona le saogalemu ma le mafanafana o le talalelei a Iesu Keriso. (Ronald A. Rasband, “Ne’i Galo ia te Oe,” Ensign po o le Liahona, Nov. 2016, 114)

Gaoioiga Faaopoopo e Aoao Ai

Faataitaiga mai tusitusiga paia

O lenei fautuaga e mafai ona faaaoga e sui ai le fautuaga mo le suesueina o tusitusiga paia lea e suesue ai na o le faataitaiga a Nifae.

Mafaufau e faaali atu le ata lenei o le aiga o Liae o loo malaga i le vao. Valaaulia tamaiti aoga e faasoa mai ni fesili ma ni atugaluga e ono i ai ia i latou pe ana faapea o i latou o se tasi o fanau a Liae.

O Liae ma lona aiga o loo faimalaga i le toafa

Ona valaaulia lea o tamaiti aoga e faatusatusa mea na faia e Lamana ma Lemuelu e uiga ia laua fesili ma atugaluga i le 1 Nifae 2:12–13 ma le mea na faia e Nifae i le fuaiupu 16.

E mafai e tamaiti aoga ona faatusatusa foi uiga faaalia o Lamana ma Lemuelu i le sailia o tali i fesili o le talalelei i le 1 Nifae 15:2–3, 8–9 ma uiga o Nifae i le 1 Nifae 10:17; 11:1.

Valaaulia tamaiti aoga e talanoaina pe faapefea ona faatatau faataitaiga a nei uso ia i tatou i aso nei.