Seminary
Mosiah 21–24, Bahin 2: Pagdangop sa Ginoo alang sa Kaluwasan gikan sa mga Pagsulay

“Mosiah 21–24, Bahin 2: Pagdangop sa Ginoo alang sa Kaluwasan gikan sa mga Pagsulay,” Manwal sa Magtutudlo sa Basahon ni Mormon (2024)

“Mosiah 21–24, Part 2,” Manwal sa Magtutudlo sa Basahon ni Mormon

Mosiah 21–24, Bahin 2

Pagdangop sa Ginoo alang sa Kaluwasan gikan sa mga Pagsulay

Imahe
batan-on nga midangop sa mga kasulatan

Unsaon nimo pagsanong kon makasinati ka og mga pagsulay ug mga kalisdanan? Ngano kaha sa imong hunahuna nga ang ubang mga tawo mas napaduol ngadto sa Ginoo samtang ang uban miatras gikan Kaniya? Sa Mosiah 21–24, atong nahibaloan nga ang mga katawhan ni Limhi ug ang mga katawhan ni Alma midangop sa Ginoo alang sa kalig-on ug kaluwasan gikan sa pagkabihag. Kini nga leksiyon gituyo sa pagtabang kanimo nga mosalig sa Langitnong Amahan ug ni Jesukristo aron matabangan ka sa paglatas sa imong mga pagsulay.

Pagsanong sa mga pagsulay

Sa miaging leksiyon, gidapit ka sa paghunahuna mahitungod sa pagsulay nga imong kasamtangang gisinati o nasinati na. Tingali nakakat-on ka og pipila ka mga kamatuoran sa imong pagtuon sa Mosiah 21–24 nga nakatabang nimo nga masabtan kon nganong gitugotan ka sa Ginoo nga makasinati og mga pagsulay. Karon, hunahunaa pag-usab ang imong mga pagsulay, apan niining higayona hunahunaa kon giunsa nimo kini pagsanong. Mahimo nimong irekord ang mga babag o mga kalamposan nga imong nasinati ug ang mga paagi nga imong gibati ang impluwensiya o mga panalangin sa Ginoo.

Ang gahom sa Ginoo sa pagluwas

Mahimo nimong hinumduman ang pagtuon sa mga katawhan ni Limhi (sa yuta sa Nephi) ug sa mga katawhan ni Alma (sa yuta sa Helam). Silang duha nakasinati og lisod nga mga pagsulay samtang nabihag sa mga Lamanite. Kini nga hulagway nagpakita sa ilang mga panaw sa Mosiah 21–24.

Imahe
paghulagway sa mga dapit sa Mosiah 21–24

Karong adlawa imong makat-onan kon sa unsang paagi giluwas sa Ginoo ang duha ka grupo sa mga tawo gikan sa pagkaulipon ug paingon ngadto sa yuta sa Zarahemla. Samtang magtuon ka, hinumdomi ang imong mga pagsulay ug pangitaa ang mga kamatuoran nga makatabang nimo sa pag-ila sa mga paagi nga gigamit sa Ginoo ang Iyang gahom sa pagluwas diha sa imong kinabuhi.

Himoa ang mosunod nga tsart diha sa imong journal sa pagtuon. Seguroha nga magbilin og dakong luna aron marekord ang daghang mga tubag sa matag kahon.

Basaha ang mga kasulatan alang sa labing menos usa sa mga grupo sa mga tawo, paghimo og mga mubo nga sulat diha sa tsart kon sa unsang paagi sila naluwas gikan sa ilang mga pagsulay. Mahimo nimong markahan sa imong mga kasulatan ang bisan unsang mga pulong o mga hugpong sa mga pulong nga mipatigbabaw diha kanimo.

Mosiah 21–24: Kalig-on ug Kaluwasan

Manwal sa Magtutudlo sa Basahon ni Mormon (2024)—”Mosiah 21–24, Bahin 2: Modangop ngadto sa Ginoo alang sa Kaluwasan gikan sa mga Pagsulay”

Mga katawhan ni Limhi
Mosiah 21:13–16, 36; 22:1–13; 29:18–20

Mga katawhan ni Alma
Mosiah 23:25–29; 24:8–25

Unsay gibuhat sa mga tawo aron makadawat sa tabang sa Ginoo?

Sa unsang paagi nalambigit ang Ginoo sa ilang kaluwasan?

Unsa ang pipila ka paborito nga mga hugpong sa mga pulong nga angay hinumdoman gikan niini nga mga bersikulo?

© 2023 by Intellectual Reserve, Inc. All rights reserved.

Imahe
icon, rekord

  1. Tubaga ang mosunod nga mga pangutana:

    • Unsa ang pipila sa mga gibuhat sa mga tawo aron makadawat sa tabang sa Ginoo?

    • Unsa ang imong nakat-onan mahitungod sa Ginoo ug sa Iyang gahom samtang ikaw nagtuon niini nga mga asoy?

    • Unsa ang paborito nga hugpong sa mga pulong nga imong naila gikan sa usa sa mga bersikulo nga imong gitun-an?

Pag-ila ug pagmaya sa gahom sa Ginoo

Sa mga daghang mga kamatuoran nga atong makat-onan gikan niini nga mga bersikulo, tingali namatikdan nimo gikan sa imong mga pagtuon nga samtang kita modangop ngadto Kaniya, ang Langitnong Amahan mopaluyo kanato atol sa atong mga pagsulay ug moluwas kanato sa Iyang panahon (tan-awa sa Mosiah 21:14–16). Nakat-onan usab nato nga kon atong lahutayon ang atong mga pagsulay nga malipayon ug mapailubon, ang Ginoo makapalig-on kanato sa pagpas-an sa atong mga palas-anon nga may kasayon (tan-awa sa Mosiah 24:15).

  • Sa unsang paagi nga ang pagkahibalo niini nga mga butang mahitungod sa Ginoo makaimpluwensiya kon unsaon nimo pagsanong ang imong mga pagsulay?

  • Sa unsang paagi ang Ginoo misuporta ug milig-on kanimo o sa usa ka tawo nga imong nailhan sa paglahutay sa pagsulay o pagpas-an sa palas-anon? Sa unsang paagi kini nga kasinatian nakaapekto sa imong mga pagbati alang Kaniya?

ChurchofJesusChrist.org

Imong sunod nga mga lakang

Pamalandongi ang imong nakat-onan karon nga makatabang nimo sa mga pagsulay nga imong giatubang.

  1. Kompletoha ang mosunod nga mga instruksiyon:

    Pagdugang og bag-ong kolum sa tsart nga imong gihimo sa sayo pa sa leksiyon ug butangi og label ang ibabaw nga laray niini nga kolum og “Ako.” Dayon kompletoha ang imong bag-ong kolum pinaagi sa pagtubag sa mosunod nga mga pangutana. (Kon wala kay luna sa paghimo og bag-ong kolum, tubaga ang mga pangutana sa lain nga luna sa imong journal sa pagtuon.)

    • Unsay buhaton nimo aron makadawat og dugang nga tabang sa Ginoo sa imong mga pagsulay?

    • Unsa ang imong nakat-onan mahitungod sa Ginoo karon nga makatabang kanimo nga makasabot sa matang sa tabang o kalig-on nga Iyang mahatag kanimo?

    • Unsa nga mga pulong o mga hugpong sa mga pulong gikan sa mga bersikulo nga imong gitun-an ang imong gihunahuna nga may kalabotan sa imong mga kahimtang? Ngano man?