Մոսիա 1

«Եթե չլինեին այս թիթեղները»

պատանին կարդում է սուրբ գրություններ

Ի՞նչ ազդեցություն կարող են ունենալ սուրբ գրությունները Հիսուս Քրիստոսի հանդեպ հավատքը կյանքի ընթացքում պահպանելու հարցում: Բենիամին թագավորն իր որդիներին ուսուցանում էր սուրբ գրությունների կարևոր դերն իրենց հավատքում: Այս դասը կօգնի ձեզ մեծացնել սուրբ գրություններն ուսումնասիրելու ձեր ցանկությունը:

Ի՞նչն է կարևոր Հիսուս Քրիստոսի հանդեպ մեր հավատքի համար

• Ինչպիսի՞ն կլիներ մեր կյանքն առանց Մորմոնի Գրքի և մյուս սուրբ գրությունների:

Այս հարցի մասին մտածելիս կօգնի «Սուրբ գրությունների ժառանգությունը» տեսանյութի 0:00-5:36 հատվածը, որը հասանելի է այստեղ՝ ChurchofJesusChrist.org:

Խորհեք հետևյալ հարցերի շուրջ կամ պատասխանեք դրանց ձեր օրագրում.

• Ի՞նչ եք կարծում սուրբ գրությունների մասին: Ինչո՞ւ:

• Եթե հաջորդ մի քանի տարիների ընթացքում շարունակեք սուրբ գրությունների ուսումնասիրության ձեր ներկայիս սովորությունները, ինչ եք կարծում, դա ի՞նչ ազդեցություն կթողնի ձեր վրա:

• Եթե ներկայումս սուրբ գրությունների ուսումնասիրության սովորություն չունեք, դուք ի՞նչ պետք է հասկանաք կամ զգաք, որպեսզի սկսեք ուսումնասիրել սուրբ գրությունները:

Այս դասի ընթացքում շարունակեք մտածել այդ հարցերի մասին: Դուք կկարդաք սուրբ գրությունների մասին Բենիամին թագավորի՝ իր որդիներին ուղղված խորհուրդը: Փորձեք Սուրբ Հոգու միջոցով սովորել, թե սուրբ գրություններն ինչպես կարող են օրհնել ձեր կյանքը:

Բենիամին թագավորի խորհուրդը

Բենիամին թագավորի հայրը՝ Մոսիան, Տիրոջից նախազգուշացում էր ստացել, որ իր ժողովուրդը պետք է հեռանա հայրենիքից: Երբ նրանք հնազանդվեցին, հայտնաբերեցին Զարահեմլայի ժողովրդին (տես Օմնի 1.12–19): Մարդկանց այս երկու խմբին միավորեց Մոսիան, որը թագավոր կարգվեց, իսկ Բենիամինը թագավոր դարձավ հորից հետո: Նախքան ուսումնասիրելը, թե ինչ էր ուսուցանել Բենիամին թագավորն իր որդիներին, օգտակար կլինի խորությամբ իմանալ նրա մասին:

Կարդացեք Մորմոնի խոսքերը 1.12–18 և Մոսիա 1.1 հատվածները և գտեք, թե ինչ դժվարությունների էր հանդիպել Բենիամին թագավորը և ինչով է տպավորում ձեզ:

• Ի՞նչ գտաք:

• Ինչո՞ւ կցանկանայիք հետևել Բենիամին թագավորի խորհրդին:

Կարդացեք Մոսիա 1.2–7 հատվածը և գտեք, թե Բենիամին թագավորն իր որդիներին ինչ էր ուսուցանել սուրբ գրությունների մասին: Օգտակար կլինի իմանալ, որ «Աստծո խորհուրդները հոգևոր ճշմարտություններ են, որոնք տրվում են միայն հայտնությամբ» (Սուրբ գրքերի ուղեցույց, «Աստծո խորհուրդները», scriptures.ChurchofJesusChrist.org): Եթե կցանկանաք տեսնել Բենիամին թագավորի խոսքերը ներկայացնող տեսանյութ, դիտեք «Սուրբ գրությունների ժառանգությունը» տեսանյութի 5:40-6:20 հատվածը, որը հասանելի է այստեղ՝ ChurchofJesusChrist.org):

պատկերակ, գրառում

պատկերակ, գրառում

1. Պատասխանեք հետևյալ հարցին.

   • Ի՞նչ սովորեցիք Բենիամին թագավորից սուրբ գրությունների մասին:

Ահա մի քանի սկզբունք, որ կարող ենք սովորել Բենիամին թագավորից.

• Եթե մենք հետևողականորեն և ջանասիրաբար չուսումնասիրենք սուրբ գրությունները, կարող ենք աստիճանաբար կորցնել մեր հավատքը:

• Մենք կշահենք սուրբ գրությունները ջանասիրաբար ուսումնասիրելով:

• Ըստ ձեզ՝ ինչո՞ւ կարող ենք աստիճանաբար կորցնել մեր հավատքը, եթե չուսումնասիրենք սուրբ գրությունները:

Տերը խոստացել է օրհնել մեզ տարբեր ձևերով, երբ կարդանք սուրբ գրությունները: Ուսումնասիրեք ստորև ներկայացվող հատվածներից մի քանիսը և գտեք այդ օրհնություններից մի քանիսը.

• Հեսու 1.8

• Սաղմոս 119.105

• Ղուկաս 24.27–32

• 1 Նեփի 1.12

• 1 Նեփի 15.24

• 2 Նեփի 32.3

• Հակոբ 2.8

• Ալմա 17.2

• Հելաման 15.7–8

• Վարդապետություն և Ուխտեր 11.21–22

պատկերակ, գրառում

2. Պատասխանեք հետևյալ հարցերին.

   • Այս օրհնություններից որո՞նք եք ամենաշատը ցանկանում ձեր կյանքում:

   • Այս օրհնություններն ինչպե՞ս կմեծացնեն մեր հավատքը Տիրոջ և Նրա ավետարանի հանդեպ:

Սուրբ գրությունները և մեր հավատքը

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

Երեց Դ. Թոդ Քրիստոֆերսոն

Բոլոր սուրբ գրությունների կենտրոնական նպատակը մեր հոգիները Հայր Աստծո և Նրա Որդի Հիսուս Քրիստոսի հանդեպ հավատքով լցնելն է. հավատք առ այն, որ Նրանք գոյություն ունեն, հավատք մեր անմահության և հավերժական կյանքի Հոր ծրագրի նկատմամբ, հավատք Հիսուս Քրիստոսի Քավության և Հարության նկատմամբ, որը կենդանացնում է երջանկության այս ծրագիրը, հավատք՝ դարձնելու Հիսուս Քրիստոսի ավետարանը մեր կյանքի ուղին, և հավատք՝ ճանաչելու «միայն ճշմարիտ Աստված. և նորան, որ [Նա] ուղարկեց՝ Հիսուսին Քրիստոսին» (Հովհաննես 17.3) (Դ. Թոդ Քրիստոֆերսոն, «Սուրբ գրությունների օրհնությունը», Ensign կամ Լիահոնա, մայիս 2010թ., 34):

3. Կատարեք առնվազն հետևյալ երկու քայլերը, որոնք կօգնեն ձեզ մտածել, թե ինչպես են սուրբ գրությունները մեծացրել կամ կարող են մեծացնել ձեր հավատքը Երկնային Հոր և Հիսուս Քրիստոսի հանդեպ.

   1. Գրեք սուրբ գրությունների այն երկու կամ երեք հատվածների հղումները, որոնք մեծ ազդեցություն են գործել ձեր և ձեր վկայության վրա, հատկապես՝ Հիսուս Քրիստոսի կամ Երկնային Հոր մասին: Այս սուրբ գրություններն ինչպե՞ս օգնեցին ձեզ: Ինչպիսի՞ն կլիներ ձեր կյանքը, եթե երբեք կարդացած չլինեիք այդ հատվածները:

   2. Հինգ րոպե ուսումնասիրեք ձեր սուրբ գրությունները: Փնտրեք բոլոր այն ճշմարտությունները, որոնք կարող են օգնել ձեզ պահպանել հավատքը Տիրոջ և Նրա ավետարանի հանդեպ: Ուշադրություն դարձրեք բոլոր այն զգացողություններին, որոնք նույնպես կարող են օգնել: Գրեք ձեր փորձառության մասին:

   3. Գրեք կամ խոսեք մեկի հետ, ով ձեր կարծիքով, չափազանց հավատարիմ է Տեր Հիսուս Քրիստոսին: Այդ մարդուն հարցրեք, թե սուրբ գրություններն ինչ դեր ունեն նրա հավատքը պահպանելու հարցում:

   4. Դիտեք հետևյալ տեսանյութերից մեկը և փնտրեք օրինակներ, թե սուրբ գրությունների ուսումնասիրությունն ինչպես կարող է օրհնել մեր կյանքը և մեծացնել Երկնային Հոր ու Հիսուս Քրիստոսի հանդեպ մեր հավատքը: Բոլոր տեսանյութերը հասանելի են այստեղ՝ ChurchofJesusChrist.org:

      • «Սուրբ գրությունների օրհնությունները» (3:03)

      • «Մորմոնի Գիրքն ուսումնասիրելու հրավեր», 6:17-ից մինչև 9:00-ը

      • «Սուրբ գրություններն ինչ նշանակություն ունեն ինձ համար» (5:03)

Սուրբ գրությունների ձեր անձնական ուսումնասիրությունը

Մտածեք սուրբ գրությունների ձեր ուսումնասիրության շուրջ: Երկնային Հոր և Հիսուս Քրիստոսի հանդեպ ձեր հավատքն ինչպե՞ս է աճում, երբ դուք ջանասիրաբար ուսումնասիրում եք Աստծո խոսքը: Կա՞ որևէ բան, որն ըստ ձեզ, Տերը կցանակար, որ անեիք ձեր ուսումնասիրությունն ավելի արդյունավետ դարձնելու համար: Ձեր օրագրում կարող եք գրել ձեր ունեցած ցանկացած նպատակ:

Ընտրովի. Ցանկանո՞ւմ եք ավելին իմանալ

Սուրբ գրություններն ինչպե՞ս կարող են ամրապնդել և հաստատուն պահել իմ հավատքը:

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

Երեց Դ. Թոդ Քրիստոֆերսոն

Հավատքը գալիս է Սուրբ Հոգու վկայությունից մեր հոգիներին, Հոգին հոգուն, երբ մենք լսում կամ կարդում ենք Աստծո խոսքը: Եվ հավատքը հասունանում է, երբ մենք շարունակում ենք սնուցվել խոսքով:

Ուրիշների հավատքի մասին սուրբ գրություններում ներկայացված պատմությունները ծառայում են մեր սեփական հավատքի ուժեղացմանը: …

Քանի որ դրանք մեկնաբանում են Քրիստոսի վարդապետությունը, սուրբ գրություններն ուղեկցվում են Սուրբ Հոգու կողմից, որի դերն է վկայություն բերել Հոր և Որդու մասին (տես 3 Նեփի 11.32): Հետևաբար, սուրբ գրությունների մեջ լինելը Սուրբ Հոգին ստանալու ուղիներից մեկն է: Իհարկե, առաջին հերթին սուրբ գրությունը տրվում է Սուրբ Հոգու միջոցով (տես Բ Պետրոս 1.21, Վարդապետություն&Ուխտեր 20.26–27, 68.4), և այդ նույն Հոգին կարող է հաստատել իր ճշմարտությունը քեզ և ինձ: Ուշադիր, զգուշորեն ուսումնասիրեք սուրբ գրությունները: Խորհեք և աղոթեք դրանց մասին: Սուրբ գրությունները հայտնություն են, և դրանք լրացուցիչ հայտնություն կբերեն (Դ. Թոդ Քրիստոֆերսոն, «Սուրբ գրությունների օրհնությունը», Ensign կամ Լիահոնա, մայիս 2010թ., 35):

Իսկ եթե ես դժվարանո՞ւմ եմ ուսումնասիրել սուրբ գրությունները:

Եկեղեցու ամսագրում մի երիտասարդ գրել էր. «Ես դժվարանում եմ ուսումնասիրել սուրբ գրությունները: Ինչո՞ւ է կարևոր ուսումնասիրել դրանք»: Մարգարեական մեջբերումները և այլ երիտասարդների պատասխանները տեսնելու համար, որոնք կարող են օգնել, կարդացեք «Հարցեր և պատասխաններ» բաժինը New Era-ում, դեկտեմբեր 2016թ., էջեր 42–43: