« ចំណេះចំណានខាងគោលលទ្ធិ ៖ នីហ្វៃទី២ ៣២:៣—‹ ទទួលទាននូវព្រះបន្ទូលទាំងឡាយនៃព្រះគ្រីស្ទ ត្បិតមើលចុះ ព្រះបន្ទូលទាំងឡាយនៃព្រះគ្រីស្ទ នឹងប្រាប់ដល់អ្នកនូវគ្រប់អ្វីទាំងអស់ដែលអ្នកត្រូវធ្វើ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ នីហ្វៃទី២ ៣២:៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ នីហ្វៃទី២ ៣២:៣
« ទទួលទាននូវព្រះបន្ទូលទាំងឡាយនៃព្រះគ្រីស្ទ ដ្បិតមើលចុះ ព្រះបន្ទូលទាំងឡាយនៃព្រះគ្រីស្ទ នឹងប្រាប់ដល់អ្នកនូវគ្រប់អ្វីទាំងអស់ដែលអ្នកត្រូវធ្វើ »
នៅក្នុងមេរៀនមុន « នីហ្វៃទី២ ៣២:១–៧ » អ្នកបានរៀនពីសារៈសំខាន់នៃទទួលទាននូវព្រះបន្ទូលទាំងឡាយនៃព្រះគ្រីស្ទ ។ មេរៀននេះអាចជួយអ្នកឲ្យទន្ទេញសេចក្តីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ នីហ្វៃទី២ ៣២:៣ ពន្យល់ពីគោលលទ្ធិ និងអនុវត្តតាមគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
ពន្យល់ និងទន្ទេញ
សូមស្រមៃថា អ្នកត្រូវបានសុំឲ្យថ្លែងនៅការប្រជុំធម្មនិដ្ឋានខ្លីមួយក្នុងថ្នាក់សិក្ខាសាលាអំពីសារៈសំខាន់នៃការសិក្សាព្រះគម្ពីរ ។ សូមអាន នីហ្វៃទី២ ៣២:៣ ហើយរំឭកពីគោលការណ៍នេះ នៅពេលយើងទទួលទាននូវព្រះបន្ទូលទាំងឡាយនៃព្រះគ្រីស្ទ នោះព្រះបន្ទូលនឹងប្រាប់យើងរាល់កិច្ចការដែលយើងគួរធ្វើ ។
-
តើអ្នកអាចប្រើអ្វីដែលអ្នកបានរៀននៅក្នុងមេរៀនមុន និងបទពិសោធន៍ផ្ទាល់ខ្លួនរបស់អ្នក ដើម្បីពន្យល់ពីអត្ថន័យនៃ « ការទទួលទាននូវព្រះបន្ទូលទាំងឡាយនៃព្រះគ្រីស្ទ » យ៉ាងដូចម្ដេច ? ( នីហ្វៃទី២ ៣២:៣ ) ។
-
តើការទទួលទាននូវព្រះបន្ទូលទាំងឡាយនៃព្រះគ្រីស្ទអាចធ្វើឲ្យមានភាពខុសគ្នាអ្វីខ្លះក្នុងជីវិតយុវវ័យ ?
ដើម្បីជួយអ្នកទន្ទេញ និងអនុវត្តតាមវគ្គបទគម្ពីរនេះ សូមគូរតារាងនៅលើក្រដាសមួយសន្លឹក ។ វាអាចស្រដៀងនឹងរូបភាពខាងក្រោមនេះ ។ អ្នកក៏អាចគូររូបភាពអាហារ ឬគម្ពីរនៅលើចានផងដែរ ។ សូមសរសេរឃ្លាថា « នីហ្វៃទី២ ៣២:៣—ទទួលទាននូវព្រះបន្ទូលទាំងឡាយនៃព្រះគ្រីស្ទ ដ្បិតមើលចុះ ព្រះបន្ទូលទាំងឡាយនៃព្រះគ្រីស្ទ នឹងប្រាប់ដល់អ្នកនូវគ្រប់អ្វីទាំងអស់ដែលអ្នកត្រូវធ្វើ » នៅកន្លែងណាមួយនៅលើទំព័ររបស់អ្នក ។ សូមអានឃ្លានេះឲ្យច្រើនដង រហូតដល់អ្នកចាំវាបាន ។ សូមពិចារណាបិទរូបគំនូររបស់អ្នកនៅកន្លែងណាមួយនៅក្នុងផ្ទះរបស់អ្នក ឬនៅលើទូរទឹកកកដែលអ្នកអាចរំឭកវារាល់ពេលដែលអ្នកទទួលទានអាហារ ។
រៀនអនុវត្ត
ការយល់ដឹងអំពីគោលការណ៍នៃការទទួលបានចំណេះដឹងខាងវិញ្ញាណនឹងជួយអ្នកជាមួយនឹងសកម្មភាពដូចខាងក្រោម ។ សូមចំណាយពេលពីរបីនាទីដើម្បីពិនិត្យមើលគោលការណ៍នៅក្នុង កថាខណ្ឌទី ៥–១២ នៅផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលចំណេះចំណានខាងគោលលទ្ធិ ( ឆ្នាំ ២០២២ ) ។ សូមជ្រើសរើសគោលការណ៍មួយក្នុងចំណោមគោលការណ៍ទាំងអស់ដើម្បីសិក្សាបន្ថែមឲ្យបានកាន់តែច្បាស់ ។
សូមស្រមៃថា បន្ទាប់ពីមេរៀនថ្នាក់សិក្ខាសាលាអំពីសារៈសំខាន់នៃការសិក្សាព្រះគម្ពីរប្រចាំថ្ងៃ មិត្តរបស់អ្នកនិយាយទៅកាន់អ្នកថា « ខ្ញុំដឹងថា ការសិក្សាព្រះគម្ពីរគឺជារឿងល្អដែលត្រូវធ្វើ ប៉ុន្តែជាមួយនឹងអ្វីៗទាំងអស់ដែលកំពុងកើតឡើងនៅក្នុងជីវិតរបស់ខ្ញុំនៅពេលនេះ គឺខ្ញុំគ្មានពេលទេ ជាពិសេសមិនបានសិក្សារាល់ថ្ងៃទេ » ។
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ
-
សូមឆ្លើយសំណួរខាងក្រោមនេះ ៖
-
តើអ្នកចង់ឲ្យមិត្តរបស់អ្នកដឹងអ្វីខ្លះអំពីព្រះយេស៊ូវគ្រីស្ទ ឬផែនការនៃសេចក្តីសង្គ្រោះដែលអាចជួយពួកគេឲ្យព្យាយាមទទួលទាននូវព្រះបន្ទូលទាំងឡាយរបស់ទ្រង់ជារៀងរាល់ថ្ងៃ ?
-
តើការទទួលទាននូវព្រះបន្ទូលទាំងឡាយនៃព្រះគ្រីស្ទ អាចជះឥទ្ធិពលដល់យើងបន្តិចម្តងៗ រហូតដល់អស់កល្បជានិច្ចដោយរបៀបណា ?
-
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
សូមស្រមៃគិតថា បន្ទាប់ពីពិភាក្សាអំពីទស្សនវិស័យដ៏នៅអស់កល្បជានិច្ច មិត្តរបស់អ្នកនិយាយថា « អរគុណ ។ វាជួយបានបន្តិចបន្តួចប៉ុណ្ណោះ ។ ប៉ុន្តែខ្ញុំនៅតែគិតថា ខ្ញុំនឹងលំបាករកពេលរាល់ថ្ងៃដើម្បីសិក្សាព្រះគម្ពីររបស់ខ្ញុំណាស់ » ។
-
សូមឆ្លើយសំណួរខាងក្រោមនេះ ៖
-
តើអ្នកគិតថា នីហ្វៃទី២ ៣២:៣ អាចជួយមិត្តរបស់អ្នកដោយរបៀបណា ?
-
តើខគម្ពីរ ឬសេចក្ដីថ្លែងការណ៍អ្វីពីព្យាការីអាចជួយមិត្តរបស់អ្នកបាន ?
-
ឧទាហរណ៍ខ្លះអាចរួមមាន គោលលទ្ធិ និងសេចក្តីសញ្ញា ២៦:១ ក៏ដូចជាសេចក្ដីថ្លែងការណ៍ខាងក្រោមពីអែលឌើរ រីឆាដ ជី ស្កត ( ឆ្នាំ ១៩២៨–២០១៥ ) ក្នុងកូរ៉ុមនៃពួកសាវកដប់ពីរនាក់ ៖
សូមកុំជឿពាក្យកុហករបស់សាតាំងថា អ្នកគ្មានពេលសិក្សាព្រះគម្ពីរឲ្យសោះឡើយ ។ សូមជ្រើសរើសយកពេលសិក្សាព្រះគម្ពីរទាំងនោះ ។ ការទទួលទានព្រះបន្ទូលព្រះរៀងរាល់ថ្ងៃគឺសំខាន់ជាងការដេក ការទៅសាលារៀន ការទៅធ្វើការការមើលកម្មវិធីទូរទស្សន៍ ការលេងវីដេអូហ្គេម ឬបណ្ដាញសង្គមទៅទៀត ។ អ្នកត្រូវ reorganize ស្គាល់ពីអាទិភាពខ្លួនឯង ដើម្បីមានពេលសិក្សាព្រះបន្ទូលរបស់ព្រះ ។ ប្រសិនបើដូច្នេះមែន សូមធ្វើបែបនោះចុះ ! ( រីឆាដ ជី ស្កត « Make the Exercise of Faith Your First Priority » Ensign ឬ Liahona ខែ វិច្ឆិកា ឆ្នាំ ២០១៤ ទំព័រ ៩៣ )
-
តើការបង្រៀនទាំងនេះអាចជួយដោយរបៀបណា ?
ធ្វើសកម្មភាពដោយសេចក្តីជំនឿ
សូមស្រមៃថា មិត្តរបស់អ្នកមានប្រតិកម្មល្អចំពោះអ្វីដែលអ្នកបានចែកចាយ ប៉ុន្តែអ្នកដឹងថា ពួកគេនឹងមិនយកឈ្នះលើការព្រួយបារម្ភរបស់ពួកគេឡើយ រហូតទាល់តែពួកគេធ្វើសកម្មភាពដោយសេចក្តីជំនឿ ដោយទុកចិត្តលើព្រះអម្ចាស់សិន ។
សូមចំណាយពេលពិចារណាបទពិសោធន៍ផ្ទាល់ខ្លួនដែលអ្នកធ្លាប់មានពីព្រះបន្ទូលរបស់ព្រះគ្រីស្ទ និងអ្វីដែលអ្នកដឹងអំពីព្រះអង្គសង្គ្រោះដែលអាចជំរុញចិត្តមិត្តរបស់អ្នកឲ្យទទួលទានព្រះបន្ទូលរបស់ទ្រង់ជារៀងរាល់ថ្ងៃ ។
-
សូមឆ្លើយសំណួរខាងក្រោមនេះ ៖
-
តើបទពិសោធន៍ ឬទីបន្ទាល់អ្វីខ្លះដែលអ្នកអាចចែកចាយដែលអាចជួយមិត្តរបស់អ្នកធ្វើសកម្មភាពដោយសេចក្ដីជំនឿ ?
-
តើអ្នកបានរៀនអ្វីខ្លះដែលអ្នកទទួលអារម្មណ៍ថា អាចជួយអ្នកកែលម្អការសិក្សាព្រះគម្ពីរផ្ទាល់ខ្លួនរបស់អ្នក ?
-