Atamai i Aoaoga Faavae: 2 Nifae 28: 30

“O Lea Fuaitau i Luga o Lea Fuaitau, ma Lea Mataupu i Luga o Lea Mataupu”

talavou o loo suesue i tusitusiga paia

I se lesona talu ai o le “2 Nifae 28:27–32,” sa e suesueina ai le 2 Nifae 28:30 ma aoaoina ai e faaali mai e le Atua upumoni i lea fuaitau i luga o lea fuaitau ia i latou o e naunau e mauaina. O lenei lesona e mafai ona fesoasoani ia te oe e tauloto mau faasino ma le fasifuaitau autu o le mau mo le 2 Nifae 28:30, faamatala le aoaoga faavae o loo aoao mai i lenei fuaitau, ma faaaoga mataupu faavae o le mauaina o le malamalama faaleagaga i tulaga moni o le soifuaga.

Tauloto ma faamatala

Ina ia fesoasoani ia te oe e tauloto le fasifuaitau autu o le mau mo le 2 Nifae 28:30, tusi ni laina faalalava se fa i lau api talaaga mo suesuega e foliga o ni faasitepu.

laina fatufatua’i

Ia tusi nei le fasifuaitau autu o le mau ma le mau faasino i na laina i le auala lenei:

laina fatufatua’i ma faamatalaga

Mafaufau pe mafai faapefea e faasitepu ona faamanatu atu ia te oe le auala e aoao ai i tatou e le Atua i “lea fuaitau i luga o lea fuaitau.”

Toe fai le mau faasino lenei ma le fasifuaitau autu o le mau seia oo ina mafai ona e taulotoina mai i le mafaufau.

I se lesona talu ai, “2 Nifae 28:27–32,” na e aoaoina ai e faaali mai e le Atua le upumoni i lea fuaitau i luga o lea fuaitau ia i latou o e o le a mauaina. Ina ia fesoasoani ia te oe e saunia e faamalamalama lenei upumoni, mafaufau loloto i fesili nei ona faamaea lea o le gaoioiga tusitusi lenei:

• O le a sou manatu i le uiga o le “fuaitau i luga o lea fuaitau”?

• O le a sou manatu e faapefea e le mauaina o le upumoni ua uma ona tuuina mai e le Atua ia i tatou ona saunia ai i tatou ia maua atili?

aikona, faamaumau

1. Faamaea le gaoioiga lenei:

   Filifili se tasi o nei tulaga lea e ono manaomia ai e se tasi le fesoasoani mai le Atua:

   1. Manaomia o se fautuaga e uiga i se luitau o loo latou feagai.

   2. O le manao e atiina ae se sootaga malosi atu ma le Faaola.

   3. O le manao ia malamalama i lo latou faamanuiaga faapeteriaka.

   Tusi se faamalamalamaga puupuu e uiga i mea ua e aoaoina mai i le 2 Nifae 28:30 lea e mafai ona fesoasoani i le tulaga na e filifilia.

Faataitai le faaaogaina

Mafaufau i ni upu po o ni fasifuaitau se lua i le tolu e te lagona e sili ona faamatalaina ai mea ua tatou aoaoina mai mataupu faavae taitasi o le mauaina o le malamalama faaleagaga. Aisea na e filifilia ai na upu?

Toe faamanatu parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022) pe a manaomia.

Faitau tulaga faataitai nei e lua e uiga i le autalavou mai le uarota lava e tasi o loo auai i se sauniga anapogi ma molimau. E tofu le tagata ma ni manatu eseese i le taimi o le sauniga.

1. Ua amata ona mafaufau Tomasi po o le a le mea o loo faaletonu ia te ia. E talitonu o ia i le Atua ma o Le Ekalesia a Iesu Keriso o le Au Paia o Aso e Gata Ai e moni. Ae na te lagonaina e pei o lana molimau e vaivai pe a faatusatusa atu i isi tagata o le uarota. Ua ia taumanatunatu pe mata e mafai ona ia iloaina mo ia lava mea uma o loo molimau mai ai isi.

2. I se vaega o le sauniga, ua le toe gauai atu Liz i molimau. Ua ia mafaufau ia te ia lava, “Ua uma ona ou faalogo i mea uma o loo latou fai mai ai, ma ua uma ona ou iloa e moni uma lava.” Sa ia lagonaina foi le faaitiitia o le manao e faitau tusitusiga paia ma auai i le seminare ona ua ia lagonaina ua lava le malosi o lana molimau.

aikona, faamaumau

2. Faamae’a le gaoioiga lenei, i le filifili o se tasi o tulaga faataitai na muamua atu e taulai atu i ai:

   Faamatala pe faapefea ona e faaaogaina mataupu faavae taitasi o le mauaina o le malamalama faaleagaga e fesoasoani ai ia Tomasi po o Liz i o la’ua tulaga. Afai e manaomia, e mafai ona fesoasoani fesili nei ia te oe.

Faatino i le faatuatua

• O le a se mea e mafai ona e faasoa atu mai lenei parakalafa e fesoasoani ai ia Tomasi po o Liz e faatino i le faatuatua?

• E mafai faapefea e upumoni mai le 2 Nifae 28:30 ona fesoasoani ia Tomasi po o Liz e faatino ai i le faatuatua?

Iloilo manatu faavae ma fesili ma se vaaiga e faavavau.

• I le faaaogaina o mea ua e aoaoina mai le 2 Nifae 28:30, o le a se mea e mafai ona e faasoa atu e fesoasoani ai ia Tomasi po o Liz ia iloa atili o la’ua tulaga e pei ona silafia e le Alii?

• O a isi upumoni e mafai ona e faasoa atu e fesoasoani ai ia i laua e vaai atu i o laua atugaluga ma se vaaiga e faavavau?

• O le a se mea ua e iloa e uiga i le Atua e mafai ona fesoasoani ia i laua e vaai ai ia i laua lava e pei ona Ia faia?

Saili le malamalama atili e ala i punaoa mamana ua filifilia

• Aisea e mafai ai ona fesoasoani i a Tomasi po o Liz le talanoa ma o laua matua po o taitai o le ekalesia e uiga i o la manatu?

• O a mau po o tala o tusitusiga paia e mafai ona e mafaufau i ai e mafai ona fesoasoani ia i laua?