1 Nephi 13–14: “Gisangkapan sa Katarong ug sa Gahom sa Dios” Manwal sa Magtutudlo sa Basahon ni Mormon (2024)
“1 Nephi 13–14: ‘Gisangkapan sa Katarong ug sa Gahom sa Dios” Manwal sa Magtutudlo sa Basahon ni Mormon
1 Nephi 13–14
“Gisangkapan sa Katarong ug sa Gahom sa Dios”
Human gipakita sa usa ka panan-awon sa mosangpot nga apostasiya ug pagkalaglag sa iyang katawhan, nakita ni Nephi nga ang bantogan ug salawayon nga simbahan modaot sa mga pagtulun-an sa Biblia ug makig-away batok sa mga Santos sa Dios. Hunahunaa ang kalipay ni Nephi nga makita usab nga ang ebanghelyo ipahiuli, mopanalangin sa tanan nga modawat sa mga pagtulun-an ug mga pakigsaad sa Manluluwas. Ang katuyoan niini nga leksiyon mao ang pagtabang kanimo nga makasabot sa kamahinungdanon sa mga pakigsaad ug pagpalambo sa imong tinguha sa paghimo ug pagtuman niini.
Timan-i: Ang 1 Nephi 13:20–42 itudlo nga mas detalyado sa sunod nga leksiyon.
Ang kamot sa Dios sa kasaysayan
Hunahunaa nga gipakita kanimo ang usa ka panan-awon sa labing mahinungdanon nga mga panghitabo sa miaging 500 ka mga tuig, lakip ang atong panahon.
-
Unsa nga mga panghitabo sa imong hunahuna ang mahimo nimong makita niini nga panan-awon? Ngano man?
Si propeta Nephi gipakita og usa ka panan-awon nga naglakip sa mahinungdanong mga panghitabo gikan niini nga yugto sa panahon. Pamatikdi unsa ang gideklarar ni Presidente Russell M. Nelson mahitungod sa panan-awon ni Nephi:
Kita nakasaksi gayod unsay nakita ni propeta Nephi sa panan-awon lamang. …
Kamo, akong kaigsoonan, apil niadtong mga lalaki, mga babaye, ug mga bata nga nakita ni Nephi. Hunahunaa kana! (Russell M. Nelson, “Paminaw Kaniya,” Liahona, Mayo 2020, 88)
Samtang nagtuon ka sa 1 Nephi 13–14, pangitaa ang ebidensiya sa gahom sa Dios sa mga panghitabo padulong sa atong panahon ingon man usab sa mahinungdanong mga saad nga tumanon sa Ginoo sa imong kinabuhi.
-
Kompletoha ang mosunod nga kalihokan:
Basaha ang mga tudling sa kasulatan ug ipares ang gihulagway sa mga bersikulo ngadto sa mga panghitabo nga nalista sa ubos. Timan-i: Ang Mga Hentil nga gigamit niini nga mga bersikulo nagpasabot sa mga tawo nga dili gikan o wala nagpuyo sa yuta sa Judah.
| |
| |
| |
|
-
Unsa sa imong hunahuna ang mahinungdanon mahitungod niini nga mga panagna?
Sumala sa panan-awon ni Nephi, “[ang] Espiritu sa Dios … migiya” niadtong kinsa mibiyahe ngadto sa gisaad nga yuta (1 Nephi 13:12–13). Nakita usab ni Nephi nga “ang gahom sa Dios” nag-uban kanila (tan-awa sa 1 Nephi 13:16, 18–19).
-
Unsa ang imong nakat-onan mahitungod sa Dios gikan niini nga mga bersikulo?
-
Sa unsang paagi nga kini nga panabot mahitungod Kaniya makapanalangin sa imong kinabuhi karon?
Paggamit sa gahom sa Dios sa atong kinabuhi
Si Nephi gipakita sa ulahing mga adlaw ug nakakita sa Pagpahiuli sa Simbahan ni Jesukristo ug sa oposisyon nga atubangon niini. Nakita usab niya ang mga panalangin nga gisaad sa mga sumusunod ni Jesukristo nga nagtuman sa pakigsaad.
Basaha ang 1 Nephi 14:12–14, nga mangita sa unsay nahibaloan ni Nephi mahitungod sa ulahing mga adlaw nga mga miyembro sa Simbahan ni Jesukristo.
-
Unsa ang mahinungdanon kanimo gikan sa paghulagway ni Nephi sa Simbahan ni Jesukristo ug sa mga miyembro niini sa atong panahon? Ngano man?
-
Unsa nga mga baroganan ang imong nailhan sa bersikulo 14?
Usa ka baroganan nga atong makat-onan gikan niini nga mga bersikulo mao ang kon kita motuman sa atong mga pakigsaad, kita masangkapan sa katarong ug sa gahom sa Dios.
-
Unsa nga mga pakigsaad ang imong nahimo o imong himoon uban sa Dios?
-
Unsa ang pipila ka mga pamaagi nga nagtabang kanimo nga magpabiling nakatutok sa pagtuman sa mga pakigsaad nga imong gihimo?
Si Elder David A. Bednar sa Korum sa Napulog Duha ka Apostoles mitudlo mahitungod sa unsay kahulogan sa gisangkapan sa katarong ug sa gahom sa Dios sa dakong himaya:
Ang mga pulong nga “gisangkapan sa katarong ug uban sa gahom sa Dios sa dako nga himaya” [1 Nephi 14:14] dili lamang nindot nga ideya o usa ka ehemplo sa nindot nga mga pulong sa kasulatan. Hinuon, kini nga mga panalangin tataw nga anaa kanunay sa mga kinabuhi sa dili maihap nga mga disipulo sa Ginoo sa ulahing mga adlaw. …
… Ako mopamatuod nga ang mga katawhan sa pakigsaad sa Ginoo karon sa pagkatinuod gisangkapan sa katarong ug sa gahom sa Dios sa dakong himaya. Ako nakasaksi sa hugot nga pagtuo, kaisog, panglantaw, kamakanunayon, ug hingpit nga kalipay nga molabaw pa kaayo sa mortal nga kapasidad––ug nga ang Dios lamang ang makahatag. (David A. Bednar, “Uban sa Gahom sa Dios sa Dako nga Himaya,” Liahona, Nob. 2021, 29–30)
-
Unsa ang pipila ka posibleng mga ehemplo sa mga tawo sa imong kaedad nga “gisangkapan sa katarong”?
-
Kanus-a nimo nasinati ang pipila niini nga mga panalangin “nga ang Dios lamang ang makahatag”?
-
Pamalandongi ug tubaga ang labing menos duha sa mosunod nga mga pangutana:
-
Unsa ang gisulti sa imong inadlaw-adlaw nga mga lihok mahitungod sa unsa ka importante ang mga pakigsaad nga imong gihimo?
-
Ngano nga kinahanglan nimo ang gahom nga nagagikan sa mga pakigsaad uban sa Langitnong Amahan?
-
Sa unsang paagi nimo mas hingpit nga madapit sa imong kinabuhi ang mga panalangin sa paghimo ug pagtahod sa mga pakigsaad uban sa Langitnong Amahan?
Mga tubag sa pasulit: 1-b, 2-c, 3-a, 4-d